THE Kirk of Laureto vvas a caumber of the house of the blest Virgin neir Ierusalē in the toune of Nazaret, in vvhilk she vvas borne and teende vp, and greeted by the Angel, and thairin also conceaued and nourisht har sonne IESVS vvhill he vvas tvvalle ȝear avvd. This caumber, efter the Ascensione of our B. Seuiour, vvas by the Apostles hallovved and made a Kirk in honor of our B. Ledy, and S. Lvke framed a pictur to har vary lyknes thair ȝit to be seine. It vvas haunted vvith muccle deuotione by the folk of the land vvhar it stud, als lang as they vver Catholiks; Bot vvhan they forseckte the Christen feth, and vvent efter the errour of Mahomet, the Angels tooket, and set it in Sclauonia by a toune nemmed Flumen; VVhar net being honored as it sould, they transported it ouer sea to a vvood in the bounds of Recanati, belanginge to a neble dame called Laureta, frae vvhem it tuke it nem of our B. Ledy of Laureto; And thence agen, for cause of many theifries, to a hill of tvva brothers, in the same bounds; And lastly, for there striuing for the gifts and oblations, to the high-roade neir-by, vvhar it ȝit stands meruellous for mirakels, and aboue ground vvithout foundatione; VVharat the indvvellers of the toune of Recanati, vvha cam aft to sie it, meikle vvondring; bigged a great vvall about it; Ȝit caude ne man tel vvherefrae it cam first vvhill in the ȝeir M.CC.XC.VI. the B. V. in sleipe reuelled it to a helly deuote man, and he telled it to diuers of athority in this place, vvhe presently resoluing to try the treuth of the vizione, decried to find out saxteine parsons of credit, vvhem they sent altogather, to that end, to the toune of Nazaret, garring them to beare vvith them the mesur of this Kirk, and to met it thair vvith the foundatione vvhilk vvas ȝet to the fore; They fand them baith alike, and in a vvall thairby ingraune, that it hed stud thair, and hed forgaune the place, and than, cuming back agen, declared the forseide vizi­one to be trevv, and frae that tim fourth, it hes beine surly kend that this Kirk vvas the caumber of the B. V. vvharto Christens begun than, and hes euer efter hed muccle deuotione, for that in it daily she hes dun, and dus, many and many mirakel. Anefrier Paul de Silua an Eremit of muccle godlines, vvha vvoned in a cell neir-by this Kirk vvhare daily he vvent to mattins, seyd, that for ten ȝeirs, one the eight of September, tvveye hours before day, he savve a light descend frem heauen vpon it, vvhlik he seyd vvas the B. V. vvha thair shavved har selfe one the feest of har birth. In proofe of all vvhilk, tvva verteous men of the seyd toune of Recanati, many times auovved to me, Ruler of Terreman, and Gouernor of the forseyd Kirk, as follovveth: Ane of them, nemmed Paule Renalduci, affermed that his grandsyres grandsyre savve vvhan the Angels broght it ouer sea, setting it in the forseyd vvood, and hed aft frequented it thair; The other, nemmed Francis Prior, sicklik seyd that his grandsyre, being a hunder and tvvantie ȝeirs avvd, hed also meikle haunted it in the same place; and for a mere sur testimony that it hed beine thair, he reported, that his grandsyres grandsyre hed a house beside it vvharin he dvvelled, and that in his deyes it vvas beared by the Angels frae thence to the hill of the tvveye brothers, vvhar they set it, as seyd is.

To the glorie of the mest pure Virgin.