DVLCE PRO PATRIA MORI
AETERNITATI SACRUM.
TERRENUM quod habuit, sub hoc
Pulvere deposuit
HENRICUS IRETONUS
Idem saeculorū Praesentium
Livor, futurus
(que) Posterorum
Luctus.
Nobilem
Natalium memoriam NOTINGAMIENSIS ager;
Gestorum vero ne tota quidem BRITANNIA complectitur.
Divinam sensit Indolem CROMVVELLUS cum sibi
Generum adscivit;
Dubium
(que) an tali
Genero Pater, an tali
Patre Gener, faelicior extiterit.
Academiae primos, & Impuberes consecravit Annos;
Ad
Legum deinde
Curias, & à Curiis ad
Castra militaris progressa Virtus,
Eóque
Proventu,
Ut eruditis
Apollineam, & à Militibus
Martiam Palmam praeripuerit.
Sic ad
Fasces viam,
Ferro patefecit,
Majorumque Stemmata gestis
Majoribus Illustravit
Magnus Ille Famae suae
Faenerator, & Familiae.
In Pace semper pius, & aeque providus; Bello fortis, & aeque foelix;
Raro victus, nisi
Proditione; nunquam Victor, nisi
Virtute.
Inter optimates omnino Bonus; inter Bonos optimus eluxit.
Magnanimus sine superbia;
Justus sine saevitia; singulis
(que) sic Animo suo Temperans,
Ut nusquam severiores
aliis, quam
sibi, Leges indixerit.
Consultissimꝰ apud
Anglos Senator; Vigilantissimꝰ apud
Hybernos Praefectus
Quibus conterendis tam sedulam navavit operam,
Ut Imperando totus
Servierit, serviendo totus
Imperaverit.
Eo, denique Victoriarum Bellicosa manus pervenerat,
Quae Perduellium
Millia paucis
Manipulis edomuit,
Et tot stupenda Virtutis edidit specimina;
Ut
dixisses,
DEUM pro Iretono militasse, IRETONVM pro Deo;
Sed proh Tristem triumphorum
Catastrophen!
Arcibus enim Munitissimis debellatis, debellatisque rursus munitis,
Hostibus poene profligatis;
Castris deletis,
Vrbibus deditis,
Et tota HIBERNIA in ditionem tantùm non redactâ;
Eheu ingemiscentibus passim
Piis: Invitantibus
Superis: & famulantibus
Angelis,
A terrestri, in Coeleste fastigium sublatus est.
Obiit Limrick Hibern. Novem. 26. Aetatis suae 42. Sepultus Westmonaster. 6. Febr. An. Dom. 1651.