EPICEDIVM Nobilissimi et inchti Herois, D m ROBERTI DEVEREVX, Comitis Essexiae et Ewe, Vice-comitis Herefordiae, Baronis Ferrers de Chartley, Bourchier et Lovaine, Copiarum Comitialium pro Religione & Libertate patriae desundantium summi ducis; qui terris relictis in coelum rediit; Anno redempti generis humani 1646 Septembris die 14. AEtatis suae 57.
ATtonitas vario strepitu quid distrahit aures?
Eheu terra canit, cantat olympus Iö.
O Miserum! emergit laurus contecta cupresso,
Et Paeana inter, Naenia moesta sonat.
Victrices nostras subiit mors saeua quadrigas:
Obsequium et tristes mutat in exequias.
Namque tuum spectas Infoelix Anglia funus,
Occubuit fortis qui tibi vixit Atlas.
Marte tuus DEVREUX Victor, sed morte subactus,
Extremum hoc dicit: Patria chara vale.
Patria Chara vale; supreme vale
(que) Senatus;
Et Praetor, Cives, Urbs adamata, Vale:
SCOTIA fida Vale, socio quae foedere Bellum
Prosequeris: Patrios ut tueare Lares.
Foederis este Sacri memores: Jam marte peracto,
Quodque tegat Vestrûm mitis oliva caput.
Nam jurata fides Regi est; Iurataque Coelo.
Lectio sacra Iubet soluere utrique suum.
Math. 22. 21.
Sed Video umbrarum multas glomerare Phalanges,
Nostra inter cunctas obvia signa micant.
Adsunt PYM prudens, promptus BROOK'S, strenuus HAMPDEN;
Ac alii clari marte togaque duces.
Miles adest fortis, cecidit qui KEYNTONIS aruo:
NEWBURGI et cujus sanguine partus honos.
Adventumque mihi multo gratantur amore:
Me salvere simul, Vosque valere jubent.
Ergo fugis DEVREUX lachrymarum currite rivi,
Ut magni caleat fletibus urna ducis.
Et foris atque intus nigro velemur amictu:
Conveniens niger est sole latente color.
Epitaphium.
HIC DUPLEX HOSPES MONUMENTUM EST; MARMOR, ET ESSEX: HIC MONUMENTUM ILLI CONSTAT; ET ILLUD HUIC. TEMPUS EDAX POTERIT NIL IN TE MARMOR; ERIT NAM FAMA TIBI AETERNUS NON PERITURA LAPIS.
Inter suspiria et Lachrymas
scribebat, JOH: NISBET
Scoto-Britannus.