MENSA LUBRICA MONTGOM: ILLVSTRISSIMO DOMINO DN̄O EDWARDO Baroni de Cherbury.
ROboreus longo se porrigit aequore
Campus,
Adsimilis
Mensae Crebro
Tibicine fultus,
Deviet à justae nè quà
Libramine normae:
Hunc (ubi sepositis placuerunt otia curis,
Et coïêre, suae quibus est fiducia dextrae)
Pervolitant specie mummorum,
argentea Turba
Orbiculi, & vario celebrant certamina cursu.
Romani credas spatium te cernere
Circi;
Aut stadium
Elei, lustro redeunte,
Tonantis.
Vt
(que)
Coloratas mirata est
Roma Quadrigas,
Et
Prasino, Venetó
(que) suo sua factio plausit:
Sic & nos pictae studia in contraria scindunt
Laminulae, & teretis facies non una
Metalli.
Hinc favor, &
Partes, strepitu cava personat
Aula.
Ira procul male suada, & Ravo gutture Rixa.
At
Tu, qui primo ordiris certamine
Mison,
Compressum extremis digitis, & pollice summo,
Deinde ita libratum tantundem ut distet ubi
(que)
A facie
Tabulae, vi prorsum impellito
Discum,
Vi modicâ. nam
(que) hîc non bruto robore, quantùm
Consilijs opus est.
Leges ante omnia disce,
Et servare
Modum. Nam si violentior ibit,
Emenso
stadio praeceps ruet,
Alveus illum
Excipit extremae commissus margine
Mensae,
Sandapilae similis, duro
(que) immitior
Orco.
Vnde datur reditus nulli, sors omnibus una;
Seu plumbi ignavi Massa est, seu divitis
Auri.
Sed ne
(que) si poenam meruit temeraria
Virtus,
Segnities placeat, dextram comitatur inertem
Et pudor, & risus, cassi
(que) infamia jactûs.
Est quae transuersam distinguit
Linea mensam,
Hanc superare tibi sit cura. nec ardua res est.
Nam
(que) avido distat de quo modò diximus alveo,
Quantùm bis
Cubitus, pes ter repetitus, adaequat.
Nec septum hoc superasse sat est. contemnitur ho
[...]
Qui timet, & tutâ pavidus subsistit
arenâ.
Pergendum porrò; ille meis fervente
Duello
Militet auspicijs, verè ille
Argenteus orbis,
Et dignus splendore suo, qui
Carcere pernix
Evoiat, & (cursum accendens tenui stridore)
Lineolam post se linquit, ne
(que) limine
Campi
Contentus, summâ gaudet consistere
Metâ.
Illum hostes oculo obliquo videre, gradu
(que)
Deijcere, & merito certant spoliare
Triumpho:
Sed socij fido circumstant agmine,
Terga
Claudentes, & utrum
(que) latus, vitam
(que) sodali
Morte suâ redimunt. Toto cum tinnula
Campo
Bella sonant;
Virtus, Dolus, Ars, Sors, omnia misc
[...]
Praecipuè quando emissus Moderamine certo
Orbiculus, spatio summo sese insinuavit,
Distat ab extremâ bino quod
Pollice, Mensâ;
Huic geminum decus, hic
Miles duplicarius esto.
At si quis multùm
Virtuti fisus, & arti,
Fatalem
Alveolum haud metuit,
Tabulae
(que) supre
[...]
Haesit, &
eminulus subjectum despicit
Orcum,
Intrepido vultu vestigia pendula librans;
Huic summum est pretium, Triplici hic praefulget h
[...]
Qui si oppugnatus, nusquam statione recessit,
Servavit
(que) locum, ne
(que) deflevêre cadentem
Maerentes socij, plausu super
aethera tollunt.
Stat juxta, &
niveis Victoria concrepat
alis.
Hos ego nec
Manibus doctus, ne
(que) ludere
Musâ
Docte
Baro expressi te fretus
Apolline Versus.
D. T. C: T.
[...]
⟨T. M⟩
OXONIAE Excudebat LEON. LICHFIELD Academiae Typographus. A. [...]