QUA PANDITUR ORBIS
VIS UNITA FORTIOR
INSIGNIA
PRAELUSTRIS Societatis Scoticanae, AD AFRICAM & INDIAS
Mercaturam Facientis, Explicata.
JAm via tuta patet vastus
qua panditur Orbis,
Scotia, navigiis littus in omne tuis.
Sol Oriens supra
Galeam faelicia signat
Tempora qui Mundum circuit Axe suo.
Utque suis radiis Sol totum illuminat Orbem,
Sic
Scotis Jus est Solis ad omne latus.
Divisum &
Scutum partes in quatuor aequas
Tot Mundi expressas exhibet arte plagas.
Coeruleóque solo Crux candida more
Decussis
Denotat innocuam perpetuamque fidem.
Europam referens Clypei stat parte supremâ
Navis onusta, ferens Carbasa tensa Notis.
Quaeque
Caledonias naves distinguat,
aplustre
Caeruleum in malo
Crux secat
alba volans.
Exprimit hinc
Asiam dextro quadrante
Camelus,
Jumentum patiens pulveris atque sitis.
AFRICAM ab adverso monstrat quadrante
Elephantus,
Bellua quâ nulla est Marte vel arte prior.
Peruviana & ovis subtùs spectabilis auro,
Americae ingentes optimè adumbrat opes.
Sustentantque
Viri duo nudi Insignia, quorum
Hic niger est
Afer; fuscus is
Americus.
Inque humeris dextris stat
Cornucopia plena,
Omne genus fructûs deliciasque ferens.
Fortior unita est
vis imâ pingitur orâ:
Sic quae non prosunt singula, juncta juvant.
Quisnam igitur posthac ausit contendere
Scotis,
Egregiis pariter Marte animisque viris?
Mos quibus est saevis caput objectare periclis,
Et per mille neces quaerere laudis iter.
Carduus est vobis
[...] tacesset,
Unguibus horrendis terribilisque
Leo:
Sunt quoque spectati Juvenes florentibus annis
Bellica quos virtus, celsus & ornat honos.
Auspiciis quorum vestri ductuque Senatûs,
Quis sapiens dubitet grandia posse geri?
Inclyta
Scotorum fama est diffusa per Orbem
Hactenùs, at nuper claruit illa magis.
Postquàm parva manus nostrorum fortibus ausis
[...]stitit
Hispanis depulit atque loco;
Et turpi dareterga fugâ densata coegit
Agmina, non aliter quàm fugit agna lupum.
Quando igitur valeant tam pauco milite
Scoti
Confertos hostes fundere, & obterere;
Viribus unitis quid non praestare valebunt
Quorum sors una est, mens, manus, atque fides?
Floreat ô seros nova nostra
Colonia in annos,
Et duraturum nomen ad astra ferat.
Magna
Caledoniae sic gloria surget utrique
Rumpatur vestris hostis ut ipse bonis.
FINIS.