Juxta Suorum cineres Repulverescit, Inclytus Ille Ch
[...]a
Coll. HENRICUS NORWOOD de Lackhampton-Glocestrensi,
Ubi Progenitores, Annos ter centum Floruerant:
Sed Majores Ejus in Insula Scapiensi Cantii, dudum Dominantes,
Inde de Minster, praegrandem DYNASTARUM Titulum reportarunt:
A Quibus, an Hic, plus Splendoris retulerit, Illisve Reliquerit, dubitabunt Posteri.
Impuberes aetatis annos, Legum Municipalium Scientiae designavit;
Et apud Jurisprudentes Int. Temp. cum laude, Tyrocinii Terminos explevit.
Verum Bellona per Angliam debacchante, inter primipilares Aulae volones Exivit;
Et in Agro VIGORNIENSI Militum Serviens-Major, ac urbis Propraefectus evasit.
Exulante Carolo Martyre (cui constans adhaeserat)
Et Amicis Regis quaquaversum dispersis,
Se Palabundum Virginiensi-Coloniae commisit,
Ejus
(que) denuo perquam dignus Thesaurarius audivit.
E longo postlimineo, Reduce Carolo Secundo, Redux in Angliam remigravit,
Et in Arenam Martis, Maritimam
(que) Cantii descendens,
Non Improprie Castro-Dealensi Praefuit:
Nec tardior apud Quatuor Illos Armigeros Aulae, Corpori Regis assignatos,
Armiger Interfuit tertius, nemini Secundus.
Dein. Urbi Tangiranae, finitimis
(que) Mauritaniae Partibus
Per Nonennium Praesentissimus Imperavit:
Quarum Ruinas refecit; Portas, ac Portus munivit;
Aggeres Complanavit; Limites aequilateres distendit; Commercia promovit:
Oculati Gubernatoris Encomio; Militum sub Eo merentium Securitati;
Civium
(que) mercantium quotquot Emolumento.
Sub vesperascentis vitae Crepusculum, militaribus emancipatus muniis,
Alter in Anglia Provinciae suae Pro-Praefectus; alter
(que) Pacis Minister Eminuit.
Et mox optimatibus, ac optimis Invitantibus,
Administrationem supremam Glocestrensis Urbis admisit:
Necnon ad nuperum Parliamentum pro Patria Delegatus,
Inter Primores Regni Patres-Conscriptos, consedit:
Senator Fidus; miles Fortis; Aulicus sine fastu, Christianus sine fuco;
Us
(que) DEO, Regi, Publico
(que) studiose devotus.
Summatim.
Postquam pugnando sustinuerat mutilationem manus Unius
Ad geminam tam Musicae, quam Martis Injuriam:
Sub Turre Lond. diutiorem Corporis Ipsius Incarcerationem;
Foris Bonorum Jacturam; domi, Totam Lackhamptoniae Rem sequestrali Decreto damnatam:
Post
(que) tot Tempestates, & Turbines per Europam sibi visas, ac Animadversas;
Tot
(que) Regiones, & Regias oculis, Animo
(que) perlustratas:
En! in Urbibus
Oxonii, Bathonii, Londini
(que) diu valetudinarius,
Et Lucis Ulterioris tantum non pertaesus;
Caelebs, Anno aetatis LXXV, Christogonias aerâ miles. Sexcentes. octoges. nona,
Aerumnosae Mortalitati, non VITAE valedixit.
Caducas hasce Reliquias heic
Serens easdem
Messurus Immortales.
Obiit in aedibus
Ed. Wroughton Generosi, & alterius ex Ipsius Excequtoribus. Unde corpus deportatum est Et in aede
Lackhamptoniensi inter Suos Sepultum.
Ad cujus Memoriam maerebundus hoc efflevit Elogium semi-frater Ejus Major
P. F. ex equest. stirpe generos. & antiquitatum cultor perquam Cordatus.
Lond. è confiniis Carceris
Fletensis sub civili, generosa
(que) Jurisdictione
Richardi Manlove Armigeri, dictae
(que)
Fletae diu Gardiani perquam Prudentis.