❧ IN ILLVSTRISSIMI COMITIS LEICESTRENSIS, OXONIENSIS ACADEMIAE CANCELLArij, reliquorum (que) Nobilium exoptatissimum aduentum, Carmen Gratulatorium.
ACADE. MIA. OXONI. ENSIS.
SAPIEN TIAE: ET. FELICITATIS.
QƲis stupor hic oculos, quaeue admiratio mentes
Detinet attonitas? mediarum in strata viarum
Cur pueri, matres, ac tota effusa scholarum
Agmina? cur vacuas conferti liquimus aedes?
Agnosco: pater, ecce pater, nostrae
(que) salutis
Auctor adest, patriae
(que) vnà,
Leicestrius heros:
Necnon & clari comites, at
(que) inclyta virtus
Nobilium, socij
(que) simul iunguntur honores.
Qualis, vbi
Delon quantus
(que) inuisit
Apollo
Aureus, ipse iugo graditur, campos
(que) patentes
Arduus aspectat, sonitum dant omnia latè,
Arua fremunt cantu procul, & clamore sequentum.
Aut qualis pater ipse alto de vertice
Nisae
Liber, agens tigres, rapidas molitur habenas:
Tale tuum tantum
(que) caput, comitum
(que) tuorum.
O clari comites, sed tu clarissimus ipse,
Quantum alios ignes astrorum, candida
Phoebe
Quantum
(que) exuperat
Phoebes, sol aureus, ignes.
O celsiproceres, ac tu celsissime; quantis
Quantis ipsa intus perfusa est pectore toto
Laetitijs, nunc alma parens
Academia, tanto
Aduentu decorata tuo? conuulsa resurgit
Sedibus ipsa suis, & cursu concita, vestros
Tendit in occursus. Sua sensa excudere formis
Ausa nouis, tacitae fugitura silentia linguae,
Vos cupidè affatur, vobis exorsa loquelae
Prima suae dicat, ac vestra his vtcun
(que) salutat
Numina. Sic lactens redeuntis ad vbera matris
Aduolat, & charis pendens ceruicibus, infans
Haeret in amplexus dulces, & nescia fari
Lingua, sonos tremulos titubanti concipit ore.
Tupater, aeterno qui firmas omnia nutu,
Haec patrij decora alta soli, doctae
(que) patronos
Palladis, auxilij firmo munimine valla,
Praesidijs
(que) tuis. Ac postquàm vita recedet,
Excipias alta coeliregione locandos.
OXONIAE Ex Aedibus IOSEPHI BARNES quinto Idus Ianuarij, 1585.