Cort verhael van den aenslach gheschiedt in Irlandt / door sommighe wederspannighe reghen Enghel landt / de welcke verslagen zijn ghe [...]eest int jaer M.D.LXXIX. in de maendt van Iulius.
EEuen yeghelijchen is kennelijck ghenoech / hoc dat nae de aflyuicheyt van Coninghinne Marie / zijn op [...]estaen boose gheestē / die niet anders en hebben ghesoecht dan die Coninghinne Elizabeth / nu teghenwoordichlijch in Enghel-landt regnerende / te sluyten wt de wettelicke erffenisse des Coninck rijcks / dick ende menich mael onder malckanderen practiserende loose listen / laghen ende vonden / om de goede ondersaeten in roere te stellen / ende de wapen te doen aen nemē teghen de voorseyde Coninghinne: ende dit al door het ingheuen ende toestoken van vecl gheestelijcke persoonen ende vluchtighe edel lieden / verwillicht tor alsulche daedt door het hof van Roome / welck niet op en houdt alle Coninck rijcken ende landen / die van de Roomsche heerschappije zijn afgheweken / tot oproer ende werringhe te brenghen: de selue door g [...]ewoonlijcke Pausche gheweldicheyt ouergeuende den ghenē die noch recht noch verster [...]enisse daer aen en hebben / fae verleenende volle af-laeten allen den ghenen die met alsulcken volck aenspannen tot haeren vercrijghe / teghen alle gheestelijcke ende weerel [...]lijcke rechtē: Alsoo my lichtelick connen [Page]bemercken een tghene dat onlan [...]s is gheschiedt in Irlandt: Waer af ick hier een cort verhael sal maecken: den o [...] pronck verclarende vanden aenslach die te Roome is beworpen gheweest door eenē Enghels-man ghenaemt Capiteyn Stuckley int iaer M.D.Lxxvij. in December.
Te weien: Ter schier tnt als don Ian loosselijck in ghenomen hadde het casteel van Name / soo hebben de ballinghen wt Enghel landt die als doen te Roome ende in Spanien waerē / bene ersticht te verwecken sommighe schalcke en̄ behendighe Capiteynen / om de wapen aen te nemen / ende alsulcke macht te vergaederen als hen moghelijck waere / om te ouervallen ende in te nemen de Eyl landen daer Escouedo vermaen af maect / ghelijck als hy onderwesen ende onderricht was door het hooch hof vā alle verraders / hopende met alsulcken middel ghemackelicker de Neder-landen in bedwanck te brenghen / de welcke af-vallich waeren gheworden teghen don Ian van Oostenrijck / ter saecken van de opghenomene brieuen / waer door alle zijn venijn ende alle de aenslaeghen der ghener die hy te wercke hadde ghestelt / openbaer ende blijckelijck zijn geworden. Tot desen bedrijue heeft hem de voorseyde Capiteyn Stuckley veerdich ghemaect met sommighe soldatē die hy daer aen nam / om Irlandt te ouervallen / terwijle dat don Ian met het crijchs volck welck van daghe te daghe wt I taken quam tot sijuer hulpen / soude orloghen teghen de Staten van Nederlandt: hoe-wel dat sommighe gheens-sins en dachten dat het op Irlandt ghedijdē soude. De voorseyde Capiteyn is t'schepe gheg [...]en in de stadt ghenaēt Ciuita Vecchia ghelegen op de zee / ontrent twaelf oft derthien mijlen van Roome: ende den roep giuck doen ter tijdt / dat hy soude aen comen te Genua / Calis / Lisbone ende in Vranckrijck / ende daer ouer alhem sterck maken ende versien van crijchs-volck / munitien ende victalien: [Page]welck oock warachtich scheen te wefen: Want als hy aenghecomen was in Portegael te Lisbone / ende des Conincs armeye al gereedt was om t'seyl te gaen nae Barbarien / [...]oo voeghde hy hem daer by / en̄verstercte den hoop met [...]ijnen volcke / hem gantschelijck stellende tot des Conincks dienst / hopende door dit middel ghemackelijcker te comen tot zijn vermeten / achter dat hy hem beter versien hadde [...]an ghelde / ende van volcke welck hy noch met der tijdt tzijner begheerten soude betrecken: daer en houen oock hopende dat zijn volck / welck hy aenghenomē hadde / dies te geschicter ende vromer soude wesen / naedemaei dat het met alsulcke armeye aenghespannen was. Maer midts dat de fortune haer ter contrarien heeft ghekeert / ende dat de voorghenoemde. Stuckley verslaghen is gheweest in den slach teghen de Mooren: soo heeft zijn Lieu-tenāt / ghenaemt Mac Moris / met de reste van wolck dat hy tsamen mocht vergaederen / ende met de ghene die in Spanien veerdich waren om in zijn gheselschap te comen / den ierstē aenslach wederom versoecht / ende is in demaēdt van Iulius lestleden int faer M.D.LXXIX. onerghecomen met ontrent dusent mannen tot in Irlandt / int groot rimer gheleghen op de zyde van Spanien.
Een Bisschop die met hem was ghecomen / nam de voor-togt op d'landt: daer nae volgden de cruycen / vanen ende monicken: Doorts hebben zy volck tot haeren dienst ghe [...]onden / de welcke des nachts vier maecten / om den wech tot henwaerts te wijsen / op dat sy souden moghen aen-comen: want by daghe werden sy van d'Engheliche belet. Maer ten laughen lesten / doen sy haerlieder opset niet en cousten volvrenghen / soo zijn sy al verstroyt ghemorden / ende de voorseyde Mac Moris is verslaeghen gheweest van tvolck vanden seluen lande diet met de Coninghinne hielden: welck gheschiedde err dat de thien dusent [Page]marmen aenghecomen waeren / die de Coninghin [...] daerwaerts ghesonden hadde / om den hoop te verniele
Hier aen sien my merckelijck / hoe de vyanden van Enghel-landt alle middel soecken om de Coninginne end de goede, ondersaeten te ouervallen ende te verdrucken om dat sy door alsulcke aenslaghen souden moghen den crijchs-handel voorderen die van de Capiteynen der Inquisitien gheu [...]ert wordt in de Neder-landen teghen de goede Landis-saeten: Weiende voor seker / dat alle de ve [...] gaederinghe die-men in Spanien maect onder t'vedeckse [...] van t'Coninck-rijck van Poortegael te benechten / nerghens elders toe en streckt / dan tot dusdanighen eynde. Godt door syne gratie verleene der Coninghinnen een lanck leuen / ende bescherme haer van alle sulcken bedriechelijcken voortstel / op dat Godts ende haere vyandengheen oorsaecke en crijghen om haerlieder bloetghierighe heerschappie te verbreyden.
Amen.