QUAE DE CUPIDINE SIVE AMORE AB ANTIQUIS MEMORATA SUNT, IN EANDEM PERSONAM CONVENIRE NON POSSUNT; QUINETIAM AB IPSIS PONUNTUR CUPIDINES DUO, ET LONGO SANE INTERVALLO DISCREPANTES; CUM UNUS EX IIS DEORUM ANTIQUISSIMUS, ALTER NATU MINIMUS FUISSE DICERETUR. ATQUE DE ANTIQUO ILLO NOBIS IN PRAESENTIA SERMO EST. NARRANT ITAQUE AMOREM ILLUM OMNIUM DEORUM FUISSE ANTIQUISSIMUM, ATQUE ADEO OMNIUM RERUM, EXCEPTO CHAO, QUOD EI COAEVUM PERHIBETUR. ATQUE AMOR ISTE PRORSUS SINE PARANTE INTRODUCITUR. IPSE AUTEM CUM CHAO MISTUS, ET DEOS ET RES UNIVERSAS PROGENUIT. A NONNULLIS TAMEN OVO PROGNATUS INCUBANTE NOCTE TRADITUS EST. EJUS VERO ATTRIBUTA PONUNTUR DIVERSA, UT SIT INFANS PERPETUUS, CAECUS, NUDUS, ALATUS, SAGITTARIUS. VIS AUTEM EJUS PRAECIPUA ET PROPRIA AD CERPORA UNIENDA VALET: ETIAM CLAVES AETHERIS, MARIS, ET TERRAE EI DEFEREBANTUR. FINGITUR QUOQUE ET CELEBRATUR ALTER CUPIDO MINOR, VENERIS FILIUS, IN QUEM ATTRIBUTA ANTIQUIORIS TRANSFERUNTUR, ET PROPRIA MULTA ADJICIUNTUR.
FABULA ISTA, CUM SEQUENTI DE COELO, BREVI PARABOLAE COMPLEXU PROPONERE VIDETUR DOCTRINAM DE PRINCIPIIS RERUM ET MUNDI ORIGINIBUS, NON MULTUM DISSIDENTEM AB EA PHILOSOPHIA QUAM DEMOCRITUS EXHIBUIT; NISI QUOD VIDEATUR ALIQUANTO MAGIS SEVERA, ET SOBRIA ET PERPURGATA. EJUS ENIM VIRI, LICET ACUTISSIMI ET DILIGENTISSIMI, CONTEMPLATIONES GLISCEBANT TAMEN, ET MODUM TENERE NESCIAE ERANT, NEC SE SATIS STRINGEBANT AUT SUSTINEBANT. ATQUE ETIAM HAEC IPSA PLACITA QUAE IN PARABOLA DELITESCUNT, QUAMVIS PAULO EMENDATIORA, TALIA SUNT QUALIA ESSE POSSUNT ILLA QUAE AB INTELLECTU SIBI PERMISSO, NEC AB EXPERIENTIA CONTINENTER ET GRADATIM SUBLEVATO, PROFECTA VIDENTUR; NAM ILLUD VITIUM EXISTIMAMUS ETIAM PRISCA SECULA OCCUPASSE. IN PRIMIS AUTEM INTELLIGENDUM EST, QUAE HIC AFFERUNTUR CONCLUSA ET PROLATA ESSE EX AUTHORIATE RATIONIS HUMANAE SOLUMMODO, ET SENSUS FIDEM SECUTA: CUJUS JAMPRIDEM CESSANTIA ET DEFICIENTIA ORACULA MERITO REJICIUNTUR, POSTQUAM MELIORA ET CERITORA MORTALIBUS EX PARTE VERBI DIVINI AFFULSERINT. ITAQUE CHAOS ILLUD, QUOD CUPIDINI COAEVUM ERAT, MASSAM SIVE CONGREGATIONEM MATERIAE INCONDITAM SIGNIFICABAT. MATERIA AUTEM IPSA, ATQUE VIS ET NATURA EJUS, DENIQUE PRINCIPIA RERUM, IN CUPIDINE IPSO ADUMBRATA ERANT. ILLE INTRODUCITUR SINE PARENTE, ID EST SINE CAUSA: CAUSA ENIM EFFECTUS VELUTI PARENS EST; IDQUE IN TROPIS FAMILIARE ET FERE PERPETUUM EST, US PARENS ET PROLES CAUSAM ET EFFECTUM DENOTENT. MATERIAE AUTEM PRIMAE, ET VIRTUTIS ATQUE ACTIONIS PROPRIAE EJUS, CAUSA NULLA ESSE POTEST IN NATURA (DENUM ENIM SEMPER EXCIPIMUS); NIHIL ENIM HAC IPSA PRIUS. ITAGUE EFFICIENS NULLA, NEC ALIQUID NATURAE NOTIUS; ERGO NEC GENUS, NEC FORMA. QUAMOBREM QUAECUNQUE TANDEM SIT ILLA MATERIA ATQUE EJUS VIS ET OPERATIO, RES POSITIVA EST ET SURDA, ATQUE PRORSUS UT INVENITUR ACCIPIENDA, NEC EX PRAENOTIONE ALIQUA JUDICANDA. ETENIM MODUS SI SCIRI DETUR, TAMEN PER CAUSAM SCIRI NON POTEST, CUM SIT POST DEUM CAUSA CAUSARUM, IPSA INCAUSABILIS. EST ENIM TERMINUS QUIDAM VERUS ET CERTUS CAUSARUM IN NATURA: ATQUE AEQUE IMPERITI EST ET LEVITER PHILOSOPHANTIS, CUM AD ULTIMAM NATURAE VIM ET LEGEM POSITIVAM VENTUM SIT CAUSAM EJUS REQUIRERE AUT FINGERE, AC IN IIS QUAE SUBORDINATA SUNT CAUSAM NON DESIDERARE. QUARE CUPIDO AB ANTIQUIS SAPIENTIBUS PONITUR IN PARABOLA SINE PARENTE, ID EST, SINE CAUSA. NEQUE NIHIL IN HOC EST; IMO HAUD SCIMUS AN NON RES OMNUIM MAXIMA. NIL ENIM PHILOSOPHIAM PERAEQUE CORRUPIT AC ILLA INQUISITIO PARENTUM CUPIDINIS; HOC EST, QUOD PHILOSOPHI PRINCIPIA RERUM QUEMADMODUM IN NATURA INVENIUNTUR NON RECEPERUNT ET AMPLEXI SUNT, UT DOCTRINAM QUANDAM POSITIVAM, ET TANQUAM FIDE EXPERIMENTALI; SED POTIUS EX LEGIBUS SERMONUM ET EX DIALECTICIS ET MATHEMATICIS CONCLUSIUNCULIS ATQUE EX COMMUNIBUS NOTIONIBUS ET HUJUSMODI MENTIS EXTRA NATURAM EXSPATIATIONIBUS EA DEDUXERUNT ITAQUE PHILOSOPHANTI QUASI PERPETUO HOC ANIMO AGITANDUM EST, NON ESSE PARENTES CUPIDINI, NE FORTE INTELLECTUS AD INANIA DEFLECTAT; QUIA IN HUJUSMODI PERCEPTIONIBUS UNIVERSALIBUS GLISCIT ANIMUS HUMANUS, ET REBUS ET SE IPSO ABUTITUR, ET DUM AD ULTERIORA TENDIT AD PROXIMORA RECIDIT. CUM ENIM, PROPTER ANGUSTIAS SUAS, IIS QUAE FAMILIARITER OCCURRUNT ET QUAE UNA ET SUBITO MENTEM SUBIRE ET FERIRE POSSUNT MAXIME MOVERI CONSUERIT; FIT UT CUM AD EA QUAE SECUNDUM EXPERIENTIAM MAXIME UNIVERSALIA SUNT SE EXTENDERIT, ET NIHILOMINUS ACQUIESCERE NOLIT, TUM DEMUM, TANQUAM ADHUC NOTIORA APPETENS, AD EA QUAE IPSUM PLURIMUM AFFECERINT AUT ILLAQUEAVERINT SE VERTIT, ET EA UT MAGIS CAUSATIVA ET DEMONSTRATIVA QUAM IPSA ILLA UNIVERSALIA SIBI FINGIT.
ITAQUE QUOD PRIMA RERUM ESSENTIA, VIS, ET CUPIDO, SINE CAUSA SIT, JAM DICTUM EST. DE MODO VERO EJUS REI (QUAE CAUSAM NON RECIPIT) VIDENDUM. MODUS AUTEM ET IPSE QUOQUE PEROBSCURUS EST: IDQUE A PARABOLA IPSA MONEMUR, UBI ELEGANTER FINGITUR CUPIDO, OVUM NOETE INCUBANTE EXCLUSUM. CERTE SANCTUS PHILOSOPHUS ITA PRONUNTIAT: CUNCTA FECIT DEUS PULCHRA TEMPESTATIBUS SUIS, ET MUNDUM TRADIDIT DISPUTATIONIBUS CORUM;ITA TAMEN UT NON INVENIAT HOMO OPUS QUOD OPERATUS EST DEUS A PRINCIPIO USQUE AD FINEM. LEX ENIM SUMMA ESSENTIAE ATQUE NATURAE, QUAE VICISSITUDINES RERUM SECAT ET PERCURRIT (ID QUOD EX VERBORUM COMPLEXU DESCRIBI VIDETUR, OPUS QUOD OPERATUS EST DEUS A PRINCIPIO USQUE AD FINEM), VIS SCILICET PRIMIS PARTICULIS A DEO INDITA, EX CUJUS MULTIPLICATIONE OMNIS RERUM VARIETAS EMERGAT ET CONFLETUR, COGITATIONEM MORTALIUM PERSTRINGERE POTEST, SUBIRE VIX POTEST. APTISSIME AUTEM REFERTUR ILLUD DE OVO. NOCTIS AD DEMONSTRATIONES PER QUAS CUPIDO ISTE IN LUCEM EDITUR. QUAE ENIM PER AFFIRMATIVAS CONCLUDUNTUR, VIDENTUR PARTUS LUCIS; QUAE VERO PER NEGATIVAS ET EXCLUSIONES, EA TANQUAM A TENEBRIS ET NOCTE EXPRIMUNTUR ET EDUCUNTUR. EST AUTEM ISTE CUPIDO VERE OVUM EXCLUSUM A NOCTE; NOTITIA ENIM EJUS (QUAE OMNINO HABERI POTEST) PROCEDIT PER EXCLUSIONES ET NEGATIVAS. PROBATIO AUTEM PER EXCLUSIONEM FACTA, QUAEDAM IGNORATIO EST, ET TANQUAM NOX, QUOAD ID QUOD INCLUDITUR; QUARE PRAECLARE DEMOCRITUS ATOMOS SIVE SEMINA, ATQUE EORUM VIRTUTEM, NULLIUS REI SIMILIA QUAE SUB SENSUM CADERE POSSET ASSERUIT; SED EA PRORSUS CAECA ET CLANDESTINA NATURA INSIGNIT. ITAQUE DE IPSIS PRONUNTIAVIT: NEQUE SUNT IGNI SIMULATA, NEQUE ULLI PRAETEREA REI QUAE CORPORA MITTERE POSSIT SENSIBUS, ET NOSTROS ADJECTU TANGERE TACTUS: ET RURSUS DE VIRTUTE EORUM: AT PRIMORDIA GIGNUNDIS IN REBUS OPORTET NATURAM CLANDESTINAM CAECAMQUE ADHIBERE, EMINEAT NE QUID, QUOD CONTRA PUGNET ET OBSTET. ITAQUE ATOMI NEQUE IGNIS SCINTILLIS, NEQUE AQUAE GUTTIS, NEQUE AURAE BULLIS, NEQUE PULVERIS GRANIS, NEQUE SPIRITUS AUT AETHERIS MINUTIIS, SIMILES SUNT. NEQUE VIS ET FORMA EORUM AUT GRAVE QUIDDAM EST AUT LEVE, AUT CALIDUM AUT FRIGIDUM, AUT DENSUM AUT RARUM, AUT DURUM AUT MOLLE, QUALIA IN CORPORIBUS GRANDIORIBUS INVENIUNTUR; CUM ISTAE VIRTUTES, ET RELIQUAE ID GENUS, COMPOSITAE SINT ET CONFLATAE. NEQUE SIMILITER MOTUS NATURALIS ATOMI AUT MOTUS ILLE EST DESCENSUS, QUI APPELLATUR NATURALIS AUT MOTUS ILLI OPPOSITUS (PLAGAE), AUT MOTUS EXPANSIONIS ET CONTRACTIONIS, AUT MOTUS IMPULSIONIS ET NEXUS, AUT MOTUS ROTATIONIS COELESTIUM, AUT QUISPIAM EX ALLIIS MOTIBUS GRANDIORUM, SIMPLICITER. ATQUE NIHILOMINUS ET IN CORPORE ATOMI ELEMENTA OMNIUM CORPORUM, ET IN MOTU ET VIRTUTE ATOMI INITIA OMNIUM MOTUUM ET VIRTUTUM INSUNT. VERUNTAMEN IN HOC IPSO, NIMIRUM DE MOTU ATOMI, COLLATO AD MOTUM GRANDIORUM, PHILOSOPHIA PARABOLAE A PHILOSOPHIA DEMOCRITI DISSENTIRE VIDETUR. DEMOCRITUS ENIM NON OMNIO PARABOLAE TANTUM, SED ET SIBI QUOQUE IMPAR ET FERE CONTRARIUS REPERITUR, IN IIS QUAE AMPLIUS AB EO CIRCA HOC DICTA SUNT. DEBUIT ENIM MOTUM HETEROGENEUM ATOMO TRIBUERE, NON MINUS QUAM CORPUS HETEROGENEUM ET VIRTUTEM HETEROGENEAM. VERUM ILLE MOTUS DUOS, DESCENSUS GRAVIUM ET ADSCENSUS LEVIUM (QUEM PER PLAGAM SIVE PERCUSSIONEM MAGIS GRAVIUM PELLENDO MINUS GRAVIA IN SUPERIUS EXPEDIEBAT), DELEGIT EX MOTIBUS GRANDIORUM, QUOS ATOMO UT PRIMITIVOS COMMUNICARET. PARABOLA AUTEM HETEROGENEAM ET EXCLUSIONEM UBIQUE TUETUR, TAM SUBSTANTIA QUAM MOTU. AT PARABOLA ULTERIUS INNUIT, HARUM DE QUIBUS DIXIMUS EXCLUSIONUM FINEM ALIQUEM ET MODUM ESSE; NEQUE ENIM PERPETUO NOX INCUBAT. ATQUE DEI CERTE PROPRIUM EST, CUM DE EJUS NATURA INQUIRITUR PER SENSUM, UT EXCLUSIONES IN AFFIRMATIVIS NON TERMINENTUR. ALIA VERO EST HUJUS REI RATIO; EA SCILICET, UT POST DEBITAS EXCLUSIONES ET NEGATIONES ALIQUID AFFIRMETUR ET CONSTITUATUR, ET UT OVUM QUASI A TEMPESTIVA ET MATURA INCUBATIONE EXCLUDATUR; NEQUE TANTUM OVUM EXCLUDATUR NOCTE, SED ETIAM EX OVO EXCLUDATUR PERSONA CUPIDINIS; HOC EST, UT NON TANTUM EDUCATUR ET EXTRAHATUR HUJUSCE REI NOTIO QUAEDAM EX IGNORATIONE, VERUM ETIAM NOTIO DISTINCTA ET CONFUSA. ATQUE DE DEMONSTRATIONIBUS, QUALES EAE CIRCA MATERIAM PRIMAM ESSE POSSINT, HAEC HABUIMUS QUAE CUM SENSU PARABOLAE MAXIME CONVENIRE ARBITRAMUR. VENIENDUM IGITUR AD CUPIDINEM IPSUM, MATERIAM SCILICET PRIMAM, ET DOTES EJUS, QUAS TANTA CIRCUMSTAT NOX; ET VIDENDUM QUID PARABOLA AD ILLAM LUCIS AFFERAT. NEQUE NOS FUGIT, OPINIONES HUJUSMODI DURAS ET FERE INCREDIBILES AD HOMINUM SENSUS ET COGITATIONES ACCEDERE. ATQUE EJUS CERTE REI PERICULUM JAM FACTUM ESSE PLANE CERNIMUS IN HAC IPSA DEMOCRITI PHILOSOPHIA DE ATOMIS, QUAE QUIA PAULO ACUTIUS ET ALTIUS IN NATURAM PENETRABAT ET A COMMUNIBUS NOTIONIBUS ERAT REMOTIOR, A VULGO PUERILITER ACCIPIEBATUR; SED ET PHILOSOPHIARUM ALIARUM QUAE AD VULGI CAPTUM MAGIS ACCEDEBANT DISPUTATIONIBUS, TANQUAM VENTIS, AGITATA ET FERE EXSTINCTA EST. ET TAMEN ETIAM ILLE VIR SUIS TEMPORIBUS SUMMA ADMIRATIONE FLORUIT, ET PENTATHLUS DICTUS EST OB MULTIPLICEM SCIENTIAM, ET INTER OMNES PHILOSOPHOS OMNIUM CONSENSU MAXIME PHYSICUS EST HABITUS, UT MAGI QUOQUE NOMEN OBTINERET. NEQUE ARISTOTELIS PUGNAE ET DIMICATIONES (QUI OTTOMANNORUM MORE DE REGNO SUO PHILOSOPHIAE ANXIUS ERAT, NISI FRATRES TRUCIDASSET; CUI ETIAM CURAE ERAT, UT EX EJUS VERBIS LIQUET, NE QUID POSTERI SCILICET DUBITARENT) TANTUM SUA VIOLENTIA, NEC ETIAM PLATONIS MAJESTAS ET SOLENNIA TANTUM REVERENTIA POTUERUNT, UT PHILOSOPHIAM HANC DEMOCRITI DELERENT. SED DUM ILLA ARISTOTELIS ET PLATONIS STREPITU ET POMPA PROFESSORIA IN SCHOLIS CIRCUMSONARENT ET CELEBRARENTUR, HAEC IPSA DEMOCRITI APUD SAPIENTIORES, ET CONTEMPLATIONUM SILENTIA ET ARDUA ARCTIUS COMPLEXOS, IN MAGNO HONORE ERAT. CERTE IN SECULIS ILLIS ROMANAE DOCTRINAE, ILLA DEMOCRITI ET MANSIT ET PLACUIT; CUM CICERO EJUS VIRI UBIQUE SUMMA CUM LAUDE MENTIONEM FACIAT, ET NON ITA MULTO POST PRAECONIUM ILLUD POETAE, QUI VIDETUR EX TEMPORIS SUI JUDICIO (UT SOLENT ILLI) DE EO LOCUTUS ESSE, CONSCRIPTUM SIT ET EXSTET, CUJUS PRUDENTIA MONSTRAT MAGNOS POSSE VIROS, ET MAGNA EXEMPLA DATUROS, VERVECUM IN PATRIA CRASSOQUE SUB AERE NASCI. ITAQUE NON ARISTOTELES AUT PLATO, SED GENSERICUS ET ATTILA ET BARBARI, HANC PHILOSOPHIAM PESSUNDEDERUNT. TUM ENIM, POSTQUAM DOCTRINA HUMANA NAUFRAGIUM PERPESSA ESSET, TABULAE ISTAE ARISTOTELICAE ET PLATIONICAE PHILOSOPHIAE, TANQUAM MATERIAE CUJUSDAM LEVIORIS ET MAGIS INFLATAE, SERVATAE SUNT, ET AD NOS PERVENERUNT, DUM MAGIS SOLIDA MERGERENTUR ET IN OBLIVIONEM FERE VENIRENT. NOBIS VERO DIGNA VIDETUR DEMOCRITI PHILOSOPHIA QUAE A NEGLECTU VINDICETUR, PRAESERTIM QUANDO CUM AUTHORITATE PRISCI SECULI IN PLURIMIS CONSENTIAT. PRIMO ITAQUE DESCRIBITUR CUPIDO UT PERSONA QUAEDAM; EIQUE ATTRIBUUNTUR INFANTIA, ALAE, SAGITTAE, ALIA, DE QUIBUS SIGILLATIM POSTEA DICEMUS. SED HOC INTERIM SUMIMUS; ANTIQUOS PROPOSUISSE MATERIAM PRIMAM (QUALIS RERUM PRINCIPIUM ESSE POTEST) FORMATAM ET DOTATAM, NON ABSTRACTAM, POTENTIALEM, INFORMEM. ATQUE CERTE MATERIA ILLA SPOLIATA ET PASSIVA PRORSUS HUMANAE MENTIS COMMENTUM QUODDAM VIDETUR, ATQUE INDE ORTUM, QUIA INTELLECTUI HUMANO ILLA MAXIME ESSE VIDENTUR, QUAE IPSE POTISSIMUM HAURIT, ET QUIBUS IPSE PLURIMUM AFFICITUR. ITAQUE FIT UT FORMAE (QUAS VOCANT) MAGIS EXISTERE VIDEANTUR, QUAM AUT MATERIA AUT ACTIO: QUOD ILLA LATET, HAEC FLUIT; ALTERA NON TAM FORTITER IMPINGITUR, ALTERA NON TAM CONSTANTER INHAERET. IMAGINES AUTEM ILLAE, CONTRA, ET MANIFESTAE ET CONSTANTES PUTANTUR; ADEO UT MATERIA ILLA PRIMA ET COMMUNIS TANQUAM ACCESSORIUM QUIDDAM VIDEATUR, ET LOCO SUFFULCIMENTI; ACTIO AUTEM QUAEVIS TANQUAM EMANATIO TANTUM A FORMA; ATQUE PRORSUS PRIMAE PARTES FORMIS DEFERANTUR. ATQUE HINC FLUXISSE VIDETUR FORMARUM ET IDEARUM REGNUM IN ESSENTIIS, MATERIA SCILICET ADDITA QUADAM PHANTASTICA. AUCTA ETIAM SUNT ISTA SUPERSTITIONE NONNULLA (ERROREM, INTEMPERANTIAM, UT FIT, SECUTA), ET IDAE ABSTRACTAE QUOQUE INTRODUCTAE, ET EARUM DIGNITATES; TANTA CONFIDENTIA ET MAJESTATE, UT COHORS SOMNIANTIUM VIGILANTES FERE OPPRESSERIT. VERUM ISTA UT PLURIMUM EVANUERUNT; LICET ALICUI, NOSTRO HOC SECULO, CURAE FUERIT EA SPONTE INCLINANTIA FULCIRE ET EXCITARE, MAJORE AUSU (UT NOBIS VIDETUR) QUAM FRUCTU. VERUM QUAM PRAETER RATIONEM MATERIA ABSTRACTA PRINCIPIUM PONATUR (NISI OBSTENT PRAEJUDICIA) FACILE PERSPICITUR. FORMAS SIQUIDEM SEPARATAS QUIDAM ACTU SUBSISTERE POSURRUNT, MATERIAM SEPARATAM NEMO; NE EX IIS QUI EAM UT PRINCIPIUM ADHIBUERUNT; ATQUE EX REBUS PHANTASTICIS ENTIA CONSTITUERE DURUM VIDETUR AC PERVERSUM NEQUE INQUISITIONI DE PRINCIPIIS CONSONUM. NEQUE ENIM QUAERITUR QUOMODO NATURAM ENTIUM COMMODISSIME COGITATIONE COMPLECTAMUR AUT DISTINGUAMUS, SED QUAE SINT VERE ENTIA PRIMA ET MAXIME SIMPLICIA EX QUIBUS CAETERA DERIVENTUR. PRIMUM AUTEM ENS NON MINUS VERE DEBET EXISTERE, QUAM QUAE EX EO FLUUNT; QUODAMMODO MAGIS. AUTHUPOSTATON ENIM EST, ET PER HOC RELIQUA. AT QUAE DICUNTUR DE MATERIA ILLA ABSTRACTA, NON MULTO MELIORA SUNT, QUAM SI QUIS MUNDUM ET RES EX CATEGORIIS ET HUJUSMODI DIALECTICIS NOTIONIBUS, TANQUAM EX PRINCIPIIS, FIERI ASSERAT. PARUM ENIM INTEREST, UTRUM QUIS MUNDUM FIERI EX MATERIA ET FORMA ET PRIVATIONE DICAT, AN EX SUBSTANTIA ET QUALITATIBUS CONTRARIIS. SED OMNES FERE ANTIQUI, EMPEDEOCLES, ANAXAGORAS, ANAXIMENES, HERACLITUS, DEMOCRITUS, DE MATERIA PRIMA IN CAETERIS DISSIDENTES, IN HOC CONVENERUNT, QUOD MATERIAM ACTIVAM, FORMA NONNULLA, ET FORMAM SUAM DISPENSANTEM, ATQUE INTRA SE PRINCIPIUM MOTUS HABENTEM, POSUERUNT. NEQUE ALITER CUIQUAM OPINARI LICEBIT, QUI NON EXPERIENTIAE PLANE DESERTOR ESSE VELIT. ITAQUE HI OMNES MENTEM REBUS SUBMISERUNT. AT PLATO MUNDUM COGITATIONIBUS, ARISTOTELES VERO ETIAM COGITATIONES VERBIS, ADJUDICARUNT; VERGENTIBUS ETIAM TUM HOMINUM STUDIIS AD DISPUTATIONES ET SERMONES, ET VERITATIS INQUISITIONEM SEVERIOREM MISSAM FACIENTIBUS. QUARE HUJUSMODI PLACITA MAGIS TOTO GENERE REPREHENDENDA QUAM PROPIRE CONFUTANDA VIDENTUR. SUNT ENIM EORUM, QUI MULTUM LOQUI VOLUNT, ET PARUM SCIRE. ATQUE ABSTRACTA ISTA MATERIA EST MATERIA DISPUTATIONUM, NON UNIVERSI. VERUM RITE ET ORDINE PHILOSOPHANTI, NATURAE PLANE FACIENDA EST DISSECTIO NON ABSTRACTIO (QUI AUTEM SECARE EAM NOLUNT, ABSTRAHERE COGUNTUR), ATQUE ONMINO MATERIA PRIMA PONENDA EST CONJUNCTA CUM FORMA PRIMA, AC ETIAM CUM PRINCIPIO MOTUS PRIMO, UT INVENITUR. NAM ET MOTUS QUOQUE ABSTRACTIO INFINITAS PHANTASIAS PEPERIT, DE ANIMIS, VITIS, ET SIMILIBUS, AC SI IIS PER MATERIAM ET FORMAM NON SATISFIERET, SED EX SUIS PROPRIIS PENDERENT ILLA PRINCIPIIS. SED HAEC TRIA NULLO MODO DISCERPENDA, SED TANTUMMODO DISTINGUENDA; ATQUE ASSERENDA MATERIA (QUALISCUNQUE EA SIT) ITA ORNATA ET APPARATA ET FORMATA, UT OMNIS VIRTUS, ESSENTIA, ACTIO, ATQUE MOTUS NATURALIS, EJUS CONSECUTIO ET EMANATIO ESSE POSSIT. NEQUE PROPTEREA METUENDUM, NE RES TORPEANT, AUT VARIETAS ISTA QUAM CERNIMUS EXPLICARI NON POSSIT; UT POSTEA DOCEBIMUS. ATQUE QUOD MATERIA PRIMA FORMA NONNULLA SIT, DEMONSTRATUR A PARABOLA IN HOC, QUOD CUPIDINIS EST PERSONA QUAEDAM. ITA TAMEN UT MATERIA EX TOTO, SIVE MASSA MATERIAE, QUONDAM INFORMIS FUERIT: CHAOS ENIM INFORME; CUPIDO PERSONA QUAEDAM. ATQUE HAEC CUM SACRIS LITERIS OPTIME CONVENIUNT. NEQUE ENIM SCRIPTUM EST QUOD DEUS HYLEN IN PRINCIPIO CREAVIT, SED COELUM ET TERRAM.
SUBJUNGITUR ETIAM DESCRIPTIO NONNULLA STATUS RERUM QUALIS FUERIT ANTE OPERA DIERUM, IN QUA DISTINCTA METNIO FIT TERRAE ET AQUAE, QUAE SUNT NOMINA FORMARUM; SED TAMEN QUOD MASSA SECUNDUM TOTUM ERAT INFORMIS. VERUM INTRODUCITUR IN PARABOLAM CUPIDO ITA PERSONTATUS, UT SIT TAMEN NUDUS. ITAQUE POST ILLOS QUI MATERIAM PONUNT ABSTRACTAM, PROXIME (SED IN CONTRARIUM) PECCANT ILLI QUI EAM PONUNT NON EXUTAM. ATQUE DE HAC RE QUAEDAM ADSPERSIMUS IN IIS QUAE DE DEMONSTRATIONIBUS QUALES IN MATERIAM PRIMAM CONVENIANT, ET DE HETEROGENEA IPSIUS MATERIAE, A NOBIS JAM DICTA SUNT. AT HIC, QUEM NUNC INGREDIEMUR, EST PROPRIUS EJUS REI TRACTANDAE LOCUS. VIDENDUM ERGO EX IIS QUI PRINCIPIA RERUM IN MATERIA FORMATA FUNDAVERUNT, QUINAM SINT ILLI QUI FORMAM MATERIAE TRIBUERINT NATIVAM ET NUDAM, ET QUI RURSUS SUPERFUSAM ET INDUTAM. INVENIUNTUR AUTEM OMNINO QUATUOR OPINANTIUM SECTAE. PRIMA EST EORUM, QUI UNUM QUIPPIAM ASSERUNT RERUM PRINCIPIUM, DIVERSITATEM AUTEM ENTIUM CONSTITUUNT IN NATURA EJUSDEM PRINCIPII FLUXA ET DISPENSABILI. SECUNDA EORUM, QUI PRINCIPIUM RERUM PONUNT SUBSTANTIA UNICUM, IDQUE FIXUM ET INVARIABILE; DIVERSITATEM ENTIUM DEDUCUNT PER HUJUSMODI PRINCIPII DIVERSAS MAGNITUDINES, FIGURAS, ET POSITURAS. TERTIA EORUM, QUI PLURA CONSTITUUNT RERUM PRINCIPIA; ET DIVERSITATEM ENTIUM PONUNT IN EORUM TEMPERAMENTO ET MISTIONE. QUARTA EORUM, QUI INFINITA AUT SALTEM NUMEROSA CONSTITUUNT RERUM PRINCIPIA, SED SPECIFICATA ET EFFIGIATA; QUIBUS NIHIL OPUS UT COMMINISCANTUR ALIQUID QUOD RES DEDUCAT AD MULTIPLEX, CUM NATURAM JAM A PRINCIPIO DISGREGENT. INTER QUOS SECUNDA SECTA NOBIS VIDETUR SOLUMMODO CUPIDINEM EXHIBERE, UT EST, NATIVUM ET EXUTUM. PRIMA VERO INTRODUCIT EUM TANQUAM VELO DISCRETUM. TERTIA TUNICATUM. QUARTA ETIAM CHLAMYDATUM ET FERE SUB LARVA. ATQUE DE SINGULIS PAUCA DICEMUS, AD MELIOREM PARABOLAE EXPLICATIONEM. PRIMO IGITUR, EX IIS QUI UNUM RERUM PRINCIPIUM STATUERUNT, NEMINEM INVENIMUS QUI ILLUD DE TERRA AFFIRMARET. OBSTABAT SCILICET TERRAE NATURA QUIETA ET TORPENS ET MINIME ACTIVA, SED COELI ET IGNIS ET RELIQUORUM PATIENS, NE ID CUIPIAM IN MENTEM VENIRET ASSERERE. ATTAMEN PRISCA SAPIENTIA TERRAM PROXIMAM A CHAO POINT, COELIQUE PRIMO PARENTEM, DEINDE NUPTAM; EX QUO CONJUGIO OMNIA. NEQUE PROPTEREA HOC ACCIPIENDUM, AC SI VETERES UNQUAM STATUISSENT TERRAM PRINCIPIUM ESSENTIAE; SED PRINCIPIUM VEL ORIGINEM POTIUS SCHEMATISIMI SIVE SYSTEMATIS. ITAQUE HANC REM AD PARABOLAM SEQUENTEM DE COELO REJICIMUS, UBI DE ORIGINIBUS INQUIREMUS; QUAE EST INQUISITIO, AD ILLAM DE PRINCIPIIS, POSTERIOR.
AT THALES AQUAM PRINCIPIUM RERUM POSUIT. VIDEBAT ENIM MATERIAM PRAECIPUE DISPENSARI IN HUMIDO, HUMIDUM IN AQUA. CONSENTANEUM AUTEM ESSE ILLUD RERUM PRINCIPIUM PONERE, IN QUO VIRTUTES ENTIUM ET VIGORES, PRAESERTIM ELEMENTA GENERATIONUM ET INSTAURATIONUM, POTISSIMUM INVENIRENTUR. GENITURAM ANIMALIUM HUMIDAM; ETIAM PLANTARUM SEMINA ET NUCLEA, QUAMDIU VEGETARENT NEC EFFOETA ESSENT, TENERA ET MOLLIA. METALLA QUOQUE LIQUESCERE ET FLUERE, ET ESSE TANQUAM TERRAE SUCCOS CONCRETOS, VEL POTIUS AQUAS QUASDAM MINERALES. TERRAM IPSAM IMBRIBUS AUT IRRIGATIONE FLUVIORUM FOECUNDARI ET INSTAURARI, NIHILQUE ALIUD VIDERI TERRAM ET LIMUM, QUAM FAECES ET SEDIMENTA AQUAE. ET AEREM PLANISSIME ESSE AQUAE EXSPIRATIONEM ATQUE EXPANSIONEM. QUIN ET IGNEM IPSUM NON CONCIPI, NEQUE OMNINO DURARE AUT ALI, NISI EX HUMIDO ET PER HUMIDUM. PINGUEDINEM AUTEM ILLAM HUMIDI, IN QUA FLAMMA ET IGNIS SUSTENTANTUR ET VIVUNT, VIDERI QUANDAM AQUAE MATURITATEM ET CONCOCTIONEM. CORPUS RURSUS ET MOLEM AQUAE PER UNIVERSUM, UT FOMITEM COMMUNEM, DISPERTIRI. OCEANUM TERRAE CIRCUMFUNDI. VIM MAXIMAM AQUARUM DULCIUM SUBTERRANEAM; UNDE FONTES ET FLUVII, QUI, VENARUM INSTAR, AQUAS PER TERRAE ET FACIEM ET VISCERA DEPORTENT, AT IMMENSAS VAPORUM ET AQUARUM CONGREGATIONES IN SUPERNIS ESSE, UTQUE ALIAM QUANDAM AQUARUM UNIVERSITATEM, UTPOTE A QUA INFERIORES AQUAE, ATQUE ADEO OCEANUS IPSE, REPARENTUR ET REFICIANTUR. ETIAM IGNES COELESTES EXISTIMABAT AQUAS ILLAS ET VAPORES DEPASCERE; NEQUE ENIM AUT SINE ALIMENTO SUBSISTERE, AUT ALINDE ALI POSSE; FIGURAM AUTEM AQUAE, QUAE IN EJUS PARTICULIS (GUTTIS VIDELICET) CERNITUR, EANDEM CUM FIGURA UNIVERSI ESSE, ROTUNDAM NEMPE ET SPHAERICAM; QUIN ET UNDULATIONEM AQUAE, ETIAM IN AERE ET FLAMMA, NOTARI ET CONSPICI: MOTUM DENIQUE AQUAE HABILEM, NEC TORPESCENTEM, NEC PRAEFESTINUM; NUMEROSISSIMAM AUTEM PISCIUM ET AQUATILIUM GENERATIONEM. SED ANAXIMENES AEREM DELEGIT, QUOD UNUM ESSET RERUM PRINCIPIUM. NAM SI MOLES IN CONSTITUENDIS RERUM PRINCIPIIS SPECTANDA SIT, VIDETUR AER LONGE MAXIMA UNIVERSI SPATIA OCCUPARE. NISI ENIM DETUR VACUUM SEPARATUM, AUT RECIPIATUR SUPERSTITIO ILLA DE HETEROGENEA COELESTIUM ET SUBLUNARIUM; QUICQUID A GLOBO TERRAE AD ULTIMA COELI EXTENDITUR SPATII, ATQUE ASTRUM AUT METEORUM NON EST, AEREA SUBSTANTIA COMPLERI VIDETUR. ATQUE GLOBI TERRESTRIS DOMICILIUM INSTAR PUNETI AD COELI AMBITUM CENSETUR. IN AETHERE VERE IPSO, QUANTULA PORTIO IN STELLIS CONSPERGITUR? CUM IN CITIMIS SPHAERIS SINGULAE CONSPICIANTUR, IN ULTIMA, LICET INGENS EARUM NUMERUS SIT, TAMEN PRAE SPATIIS INTERSTELLARIBUS EXIGUUM QUIDDAM SPATII SIDEREUM APPAREAT; UT OMNIA TANQUAM IN VASTISSIMO AERIS PELAGO NATARE VIDEANTUR. NEQUE PARVA EST EA PORTIO AERIS ET SPIRITUS, QUAE IN AQUIS ET CAVIS TERRAE LOCIS SEDEM ET MORAM HABET; UNDE AQUAE FLUOREM SUUM RECIPIUNT, QUIN ET EXTENDUNTUR QUANDOQUE ET INTUMESCUNT; TERRAE AUTEM NON SOLUM POROSITAS SUA ACCIDIT, SED ETIAM TREMORES ET CONCUSSIONES, EVIDENTIA SIGNA VENTI ET AERIS INCLUSI. QUOD SI MEDIA QUAEDAM NATURA SIT PROPRIA PRINCIPIORUM, UT TANTAE VARIETATIS POSSIT ESSE SUSCEPTIVA; EA PRORSUS IN AERE REPERIRI VIDETUR. EST ENIM AER TANQUAM COMMUNE RERUM VINCULUM, NON TANTUM QUIA UBIQUE PRAESTO EST, ET SUCCEDIT, ET VACUA POSSIDET, SED MULTO MAGIS QUOD VIDETUR ESSE NATURAE CUJUSDAM MEDIAE ET ADIAPHORAE. HOC ENIM CORPUS ILLUD EST, QUOD LUCEM, OPACITATEM, OMNIUMQUE COLORUM TINCTURAS, ET UMBRARUM ECLIPSES EXCIPIT ET VEHIT; QUOD SONORUM ETIAM HARMONICORUM, ET (QUOD MULTO MAJUS EST) ARTICULATORUM, IMPRESSIONES ET SIGNATURAS MOTU ACCURATISSIMO DISCRIMINAT; QUOD ODORUM DIFFERENTIAS, NON TANTUM GENERALES ILLAS SUAVIS ET FOETIDI, GRAVIS, ACUTI, ET SIMILIUM, SED PROPRIAS ET SPECIFICATAS, ROSAE, VIOLAE, SUBIT NEC CONFUNDIT; QUOD AD CELEBRES ET POTENTISSIMAS ILLAS QUALITATES CALIDI, FRIGIDI, ETIAM HUMIDI, SICCI, QUODAMMODO AEQUUM SE PRAEBET; IN QUO VAPORES AQUEI, HALITUS PINGUES, SPIRITUS SALIUM, METALLORUM FUMI, SUSPENSA VOLANT; DENIQUE IN QUO RADII COELESTES, ET ARCTIORES RERUM CONSENSUS ET DISCORDIAE, SECRETO COMMEANT ET OBMURMURANT; UT SIT AER VELUTI CHAOS SECUNDUM, IN QUO TOT RERUM SEMINA AGANT, ERRENT, TENTENT, ATQUE EXPERIANTUR. POSTREMO, SI VIM GENIALEM ET VIVIFICANTEM IN REBUS CONSULAS, QUAE AD RERUM PRINCIPIA MANUDUCAT EAQUE MANIFESTET, ETIAM AERIS POTIORES PARTES ESSE VIDENTUR; ADEO UT AERIS ET SPIRITUS ET ANIMAE VOCABULA USU NONNUNQUAM CONFUNDANTUR. IDQUE MERITO, CUM VITAE PAULO ADULTIORIS (EXCEPTIS SCILICET RUDIMENTIS ILLIS VITAE IN EMBRYNIBUS ET OVIS) RESPIRATIO ALIQUA COMES SIT VELUTI INDIVIDUUS; ADEO UT PISCES CONCRETA ET CONGLACIATA AQUARUM SUPERIFICIE SUFFOCENTUR. ETIAM IGIS IPSE, NISI AB AURA CIRCUMFUSA ANIMETUR, EXSTINGUITUR, NIHILQUE ALIUD VIDETUR QUAM AER ATTRITUS, IRRITATUS, ET INCENSUS; QUEMADMODUM AQUA E CONTRA VIDERI POSSIT AERIS COAGULUM ET RECEPTUS. ETIAM TERRAM PERPETUO AEREM EXHALARE, NEQUE UT PER AQUAM IN FORMAM AERIS TRANSITUM FACIAT OPUS HABERE. HERACLITUS VERO MAGIS ACUTUS, SED MINUS CREDIBILIS, IGNEM RERUM PRINCIPIUM POSUIT. NEQUE ENIM NATURAM MEDIAM, QUAE MAXIME VAGA ET CORRUPTIBILIS ESSE SOLET, SED NATURAM SUMMAM ET PERFECTAM, QUAE CORRUPTIONIS ET ALTERATIONIS TERMINUS QUIDAM SIT, AD RERUM PRINCIPIA CONSTITUENDA QUAESIVIT. VIDEBAT AUTEM MAXIMAM RERUM VARIETATEM ET PERTURBATIONEM IN CORPORIBUS SOLIDIS ET CONSISTENTIBUS INVENIRI. TALIA ENIM CORPORA ORGANICA ESSE POSSUNT, ET VELUTI MACHINAE QUAEDAM, QUAE ETIAM EX FIGURA INNUMERAS VARIATIONES NANCISCUNTUR, QUALIA SUNT CORPORA ANIMALIUM ET PLANTARUM. ETIAM IN HIS IPSIS, EA QUOQUE QUAE ORGANICA NON SUNT, TAMEN SI ACUTIUS INTROSPICIANTUR, VALDE ESSE DISSIMILIA REPERIUNTUR. QUANTA ENIM DISSIMILITUDO INTER PARTES ANIMALIUM ILLAS IPSAS, QUAE VOCANTUR SIMILARES? CEREBRUM, HUMOREM CRYSTALLINUM, ALBUGINEM OCULI, OS, MEMBRANAM, CARTILAGINEM, NERVUM, VENAM, CARNEM, PINGUEDINEM, MEDULLAM, SANGUINEM, SPERMA, SPIRITUM, CHYLUM, RELIQUA? ETIAM INTER PARTES VEGETABILIUM, RADICEM, CORTICEM, CAULEM, FOLIUM, FLOREM, SEMEN, ET SIMILIA? AT FOSSILIA ORGANICA NON SUNT CERTE, SED TAMEN ET IN UNA SPECIE VARIE COMMISTA SUNT, ET AD INVICEM ADMODUM COPIOSAM VARIETATEM OSTENDUNT. QUAMOBREM BASIS ILLA DIVERSITATIS ENTIUM, AMPLA, LATA, ET EXPORRECTA, IN QUA TANTUS RERUM APPARATUS ELUCESCIT ET OBERSATUR, CONSTITUI VIDETUR IN NATURA SOLIDA ET CONSISTENTI. CORPORA VERO LIQUORUM VIS SCHEMATISMI ORGANICI PLANE DESERIT. NEQUE ENIM REPERITUR PER TOTAM ISTAM NATURAM VISIBILEM, AUT ANIMAL AUT PLANTA IN CORPORE MERE FLUIDO. ERGO NUMEROSISSIMA ILLA VARIETAS A NATURA LIQUIDA ABSCINDITUR ET SUBDUCITUR. MANET NIHILOMINUS VARIETAS NON PARVA, UT IN TANTA DIVERSITATE FUSILIUM, SUCCORUM, DESTILLATORUM, ET HUJUSMODI, MANIFESTUM ETS. AT IN AERIIS ET PNEUMATICIS CORPORIBUS ARCTATUR MULTO MAGIS VARIETAS, ET OBDUCITUR PROMISCUA QUAEDAM RERUM SIMILITUDO. CERTE VIS ILLA COLORUM ET SAPORUM, QUIBUS LIQUORES QUANDOQUE DISTINGUUNTUR, OMNINO CESSAT; ODORUM VERO MANET, ATQUE ALIARUM NONNULLARUM, ITA TAMEN UT TRANSEANT, CONFUNDANTUR, ET MINUS HAEREANT; ADEO UT IN UNIVERSUM QUO MAGIS AD IGNIS NATURAM FIAT APPROPINQUATIO TANTUM DE VARIETATE DEPEREAT. AT POSTQUAM AD IGNIS NATURAM VENTUM EST, EJUSQUE RECTIFICATI ET PURIORIS, OMNE ORGANUM, OMNISQUE PROPRIETAS, OMNIS DISSIMILARITAS EXUITUR, ATQUE NATURA TANQUAM IN VERTICE PYRAMIDALI IN UNUM COIRE VIDETUR, ATQUE AD TERMINUM ACTIONIS SUAE PROPRIAE PERVENISSE. ITAQUE INCENSIONEM SIVE IGNESCENTIAM PACEM NOMINAVIT, QUIA NATURAM COMPONERET; GENERATIONEM AUTEM BELLUM, QUIA AD MULTIPLEX DEDUCERET. ATQUE UT ISTA RATIO (QUA RES A VARIETATE AD UNUM, ET AB UNITATE AD VARIUM, FLUMINIS INSTAR FLUERENT ET REFLUERENT) ALIQUE MODO EXPLICARI POSSET; IGNEM EI DENSARI ET RARESCERE PLACUIT, ITA TAMEN UT RARESCENTIA ILLA VERSUS NATURAM IGNEAM, ACTIO ESSET NATURAE DIRECTA ET PROGRESSIVA; DENSATIO AUTEM VELUTI RETROGRADATIO NATURAE ET DESTITUTIO. UTRUMQUE FATO ET CERTIS PERIODIS (SECUNDUM SUMMAM) FIERI CENSEBAT; UT MUNDI ISTIUS, QUI VOLVITUR, FUTURA SIT QUANDOQUE CONFLAGRATIO, ET DEINDE INSTAURATIO, ATQUE INCENSIONIS ET GENERATIONIS SERIES PERPETUA ET SUCCESSIO. ORDINEM AUTEM (SI QUIS DILIGENTER VERSETUR IN TENUI EA QUAE DE HOC VIRO ATQUE EJUS DECRETIS AD NOS PERVENIT MEMORIA) DEVERSUM STATUIT INCENSIONIS ET EXTINCTIONIS. IN SCALA ENIM INCENSIONIS, NIHIL AB IIS QUAE VULGATA SUNT DISSENTIEBAT; UT PROGRESSUS RARESCENTIAE ET EXTENUATIONIS ESSET A TERRA AD AQUAM, AB AQUA AD AEREM, AB AERE AD IGNEM; AT NON IDEM DECURSUS; SED ORDINEM PLANE INVERTEBAT. IGNEM ENIM PER EXSTINCTIONEM TERRAM EDUCERE ASSEREBAT, TANQUAM FAECES QUASDAM ATQUE FULIGINES IGNIS; EAS DEINCEPS UDITATEM CONCIPERE ET COLLIGERE, UNDE AQUAE FIAT EFFLUVIUM, QUAE RURSUS AEREM EMITTAT ET EXSPIRET; UT AB IGNE AD TERRAM MUTATIO FIAT IN PRAECEPS, NON GRADATIM.
ATQUE HAEC, AUT IIS MELIORA, COGITABANT ILLI QUI UNUM RERUM PRINCIPIUM STATUERUNT, NATURAM SIMPLICITER INTUITI, NON CONTENTIOSE. ATQUE LAUDANDI SUNT, QUOD VESTEM UNICAM CUPIDINI TRIBUERINT, ID QUOD NUDITATI PROXIMUM EST; ATQUE HUJUSMODI VESTEM, QUAE EST (UT DIXIMUS) VELI CUJUSPIAM INSTAR, NON PROFECTO TELAE SPISSIORIS. VESTEM AUTEM CUPIDINIS APPELLAMUS FORMAM ALIQUAM MATERIAE PRIMAE ATTRIBUTAM, QUAE ASSERATAUR ESSE CUM FORMA ALICUJUS EX ENTIBUS SECUNDIS SUBSTANTIALITER HOMOGENEA. ISTA AUTEM QUAE DE AQUA, AERE, IGNE, AB ISTIS ASSERUNTUR, NON FIRMIS ADMODUM RATIONIBUS NIXA, REPREHENDERE NON FUERIT DIFFICILE: NEQUE CAUSA VIDETUR CUR DE SINGULIS DISSERAMUS, SED TANTUM IN GENERE. PRIMO ITAQUE VIDENTUR ANTIQUI ILLI IN INQUISITIONE PRINCIPIORUM RATIONEM NON ADMODUM ACUTAM INSTITUISSE; SED HOC SOLUMMODO EGISSE, UT EX CORPORIBUS APPARENTIBUS ET MANIFESTIS, QUOD MAXIME EXCELLERET QUAERERENT; ET QUOD TALE VIDEBATUR, PRINCIPIUM RERUM PONERENT; TANQUAM PER EXCELLENTIAM, NON VERE AUT REALITER. PUTABANT ENIM HUJUSMODI NATURAM DIGNAM, QUAE SOLA ESSE DICERETUR QUALIS APPARET: CAETERA VERO EANDEM IPSAM NATURAM ESSE EXISTIMABANT, LICET MINIME SECUNDUM APPARENTIAM; UT VEL PER TROPUM LOCUTI, VEL TANQUAM FASCINATI VIDEANTUR, CUM IMPRESSIO FORTIOR RELIQUA TRAXERIT. AT VERE CONTEMPLANTEM, AEQUUM SE PRAEBERE OPORTET AD OMNIA, ATQUE PRINCIPIA RERUM STATUERE, QUAE ETIAM CUM MINIMIS ET RARISSIMIS ET MAXIMA DESERTIS QUIBUSCUNQUE ENTIUM CONVENIANT, NON TANTUM CUM MAXIMIS ET PLURIMIS ET VIGENTIBUS. LICET ENIM NOS HOMINES ENTIA QUAE MAXIME OCCURRUNT MAXIME MIREMUR, TAMEN NATURAE SINUS AD OMNIA LAXATUR. QUOD SI PRINCIPIUM ILLUD SUUM TENEANT NON PER EXCELLENTIAM, SED SIMPLICITER; VIDENTUR UTIQUE IN DURIOREM TROPUM INCIDERE; CUM RES PLANE DEDUCATUR AD AEQUIVOCUM, NEQUE DE IGNE NATURALI AUT NATURALI AERE AUT AQUA QUOD ASSERUNT PRAEDICARI VIDEATUR, SED DE IGNE ALIQUO PHANTASTICO ET NOTIONALI (ET SIC DE CAETERIS), QUI NOMEN IGNIS RETINEAT, DEFINITIONEM ABNEGET. PORRO VIDENTUR ET ILLI IN EADEM INCOMMODA COMPELLI, QUAE ASSERTORES MATERIAE ABSTRACTAE SUBEUNT. UT ENIM ILLI MATERIAM POTENTIALEM ET PHANTASTICAM EX TOTO, ITA ET ISTI EX PARTE INTRODUCUNT. PONUNT ETIAM MATERIAM QUOAD ALIQUID (PRINCIPIUM ILLUD NEMPE SUUM) FORMATAM ET ACTUALEM; QUOAD RELIQUA TANTUM POTENTIALEM. NEQUE ALIQUID LUCRI FIERI PER ISTUD GENUS PRINCIPII UNICI VIDETUR, MAGIS QUAM PER ILLUD MATERIAE ABSTRACTAE; NISI QUOD HABETUR ALIQUID QUOD OBVERSETUR AD INTELLECTUM HUMANUM, IN QUO COGITATIO HUMANA MAGIS DEFIGATUR ET ACQUIESCAT, ET PER QUOD NOTIO PRINCIPII IPSIUS PAULO PLENIOR SIT, RELIQUORUM OMNIUM ABSTRUSIOR ET DURIOR. SED SCILICET ILLA AETATE PRAEDICAMENTA REGNUM NON ACCEPERANT, UT POTUISSET PRINCIPIUM ILLUD NATURAE ABSTRACTAE LATERE SUB FIDE ET TUTELA PRAEDICAMENTI SUBSTANTIAE. ITAQUE NEMO AUSUS EST CONFINGERE MATERIAM ALIQUAM PLANE PHANTASTICAM, SED PRINCIPIUM STATUERUNT SECUNDUM SENSUM; ALIQUOD ENS VERUM; MODUM AUTEM EJUS DISPENSANDI (LIBERIUS SE GERENTES) PHANTASTICUM. NIHIL ENIM INVENIUNT, IMO NEC COMMINISCUNTUR, QUO APPETITU AUT STIMULO, AUT QUA RATIONE, VIA, AUT DUCTU, ISTUD PRINCIPIUM SUUM A SE DEGENERET, ET RURSUS SE RECIPIAT. AT CUM TANTI APPAREANT PER UNIVERSUM CONTRARIORUM EXERCITUS, DENSI, RARI, CALIDI, FRIGIDI, LUCIDI, OPACI, ANIMATI, INANIMATI, ET ALIORUM PLURIMORUM QUAE SE INVICEM OPPUGNANT, PRIVANT, PERIMUNT; HAEC OMNIA AB UNO QUOPIAM REI MATERIATAE FONTE MANARE PUTARE, NEQUE TAMEN ULLUM EJUS REI MODUM OSTENDERE, SPECULATIONIS CUJUSDAM ATTONITAE VIDETUR, ET INQUISITIONEM DESERENTIS. NAM SI DE RE IPSA PER SENSUM CONSTARET, FERENDUM ESSET, LICET MODUS ESSET IN OBSCURO; RURSUS SI MODUS VI RATIONIS ERUTUS ESSET ALIQUIS BAILIS ET CREDIBILIS, DISCENDENDUM FORTASSE AB APPARENTIIS; SED MINIME POSTULANDUM UT IIS ASSENTIAMUS, QUORUM NEC ENTIA PER SENSUM MANIFESTA, NEQUE EXPLICATIONES PER RATIONEM PROBABILES. PRAETEREA, SI UNUM ESSET RERUM PRINCIPIUM, DEBUERAT EJUS CONSPICI IN OMNIBUS REBUS NOTA QUAEDAM, ET TANQUAM PARTES POTIORES, ET PRAEDOMINANTIA NONNULLA; NEQUE INVENIRI PRINCIPATUM ULLUM, QUOD PRINCIPIO EX DIAMETRO OPPONATUR. ETIAM IN MEDIO COLLOCARI DEBUERAT, UT OMNIBUS COMMODIUS SUI COPIAM FACERET, ET PER AMBITUM SE DIFFUNDERET. AT HORUM NIHIL ESSE IN ILLIS PLACITIS INVENITUR. NAM TERRA, QUAE A PRINCIPII HONORE SEPARATUR ET EXCLUDITUR, VIDETUR SUSCIPERE ET FOVERE NATURAS ILLIS TRIBUS PRINCIPIALIBUS OPPOSITAS, CUM AD MOBILITATEM ET LUCIDAM NATURAM IGNIS, OPPONAT NATURAM QUIETAM ET OPACAM; AD TENUITATEM ET MOLLITIEM AERIS, OPPONAT SIMILITER NATURAM DENSAM ET DURAM; ET AD HUMIDITATEM ET SEQUACITATEM AQUAE, NATURAM SICCAM, RIGIDAM, ET ASPERAM; ATQUE IPSA QUOQUE TERRA MEDIUM LOCUM OCCUPARIT, CAETERIS DETURBATIS. PORRO, SI UNICUM ESSET RERUM PRINCIPIUM, DEBUERAT ET ILLUD TUM AD RERUM GENERATIONEM, TUM AD EARUM DISSOLUTIONEM, AEQUAM PRAEBERE NATURAM. TAM ENIM EST PRINCIPII, UT RES IN ILLUD SOLVANTUR, QUAM UT RES EX ILLO GIGNANTUR. AT HOC NON FIT; SED EX IIS CORPORIBUS AER ET IGNIS AD MATERIAM GENERATIONIS PRAEBENDAM INEPTA VIDENTUR, AD EORUM RESOLUTIONEM EXCIPIENDAM PARATA. AT AQUA CONTRA AD GENERATIONEM BENIGNA ET ALMA; AD RESOLUTIONEM SIVE RESTITUTIONEM MAGIS ALIENA ET AVERSA; ID QUOD FACILE CERNERETUR, SI IMBRES PAULISPER CESSARENT. QUIN ET PUTREFACTIO IPSA NULLO MODO RES AD AQUAM PURAM ET CRUDAM REDIGIT. SED LONGE MAXIMUS ERROR, QUOD CONSTITUERUNT PRINCIPIUM CORRUPTIBILE ET MORTALE. ID ENIM FACIUNT, CUM PRINCIPIUM INTRODUCUNT TALE, QUOD NATURAM SUAM IN COMPOSITIS DESERAT ET DEPONAT. NAM QUODCUNQUE SUIS MUTATUM FINIBUS EXIT, CONTINUO HOC MORS EST ILLIUS, QUOD FUIT ANTE.
VERUM HAC RATIONE MAGIS NOBIS OPUS ERIT STATIM, CUM AD ILLAM TERTIAM
SECTAM, QUAE PLURA DECREVIT RERUM PRINCIPIA, SERMO IAM ORDINE DEVECTUS SIT;
QUAE CERTE SECTA PLUS ROBORIS HABERE VIDERI POSSIT, PLUS PRAEJUDICII CERTE
HABET. ITAQUE AD OPINIONES NON SECUNDUM GENUS ET IN COMMUNI, SED SINGULAS
ACCEDEMUS.
***F
FRIGIDI AUTEM, CONTRARII NEMPE PRINCIPII, ATQUE DISPENSATIONIS EJUS VIX MEMINIT; NISI FORTE QUAE DE DISPOSITIONE MATERIAE JAM SECUNDO LOCO DICENTUR, EA HUIC REI SATISFACERE POSSE PUTAVERIT;QUOD TAMEN FACERE NON DEBUIT, QUANDOQUIDEM FRIGUS NULLO MODO PRIVATIONEM CALORIS, SED OMNINO PRINCIPIUM ACTIVUM, CALORIS AEMULUM ET TANQUAM COMPETITOREM, VIDERI VOLUIT. QUAE AUTEM DE MATERIAE DISPOSITIONE DISSERUIT, EO PERTINENT UT OSTENDANT QUOMODO MATERIA A CALORE PATIATUR ET SUBIGATUR ET VERTATUR, MISSA FRIGORIS MENTIONE AUT CURA. DE FRIGORE AUTEM (NOS ENIM IN OMNIUM INVENTIS SUMMA CUM FIDE, ET TANQUAM FAVENTES, VERSAMUR) HUJUSMODI QUAEDAM DICERE POTUIT. SEDEM FRIGIDI IMMOTAM ET FIXAM AD STRUCTURAM CALORIS MOBILEM ET VERSATILEM OPTIME CONVENIRE; TANQUAM INCUDEM AD MALLEUM. NAM SI UTRUMQUE PRINCIPIUM VARIETATEM ET ALTERATIONEM HABUISSET, GENUISSENT PROCULDUBIO ENTIA HORARIA ET MOMENTANEA. ETIAM IMMENSAS REGIONES CALIDI (COELUM SCILICET), COMPACTA NATURA GLOBI TERRAE ET CIRCUMJACENTIUM NONNIHIL COMPENSARI; CUM NON SPATIA, SED COPIA MATERIAE IN SPATIIS SPECTETUR; FRIGIDI VERO NATURAM, VIRTUTES, ET RATIONES, MERITO AUT SILENTIO PRAETERIRI AUT BREVI SERMONE TRANSMITTI DEBERE, CUM NIL CERTI ET EXPLORATI DE EO HABERI POSSIT PER EXPERIENTIAM. HABEMUS ENIM IGNEM COMMUNEM, TANQUAM SOLIS VICARIUM, QUI CALORIS NATURAM MANIFESTET. AT FRIGIDI TALLURIS NULLA EST SUBSTITUTIO, QUAE IN MANU HOMINIS SIT ET ADHIBEATUR PRAESTO AD EXPERIMENTUM. ETENIM ILLOS HORRORES ET RIGORES FRIGIDI QUI EX GLOBO ET AMBITU TERRAE HIEMALIBUS TEMPORIBUS ET IN REGIONIBUS FRIGIDISSIMIS EXSPIRANT IN AEREM, TEPORES PLANE ET BALNEA ESSE, PRAE NATURA PRIMI FRIGIDI IN VISCERIBUS TERRAE INCLUSI; UT FRIGUS ILLUD CUJUS HOMINES SENSUM ET POTESTATEM HABEANT, SIMILE QUIDDAM SIT, AC SI CALOREM NULLUM ALIUM HABERENT, PRAETER EUM QUI A SOLE AESTIVIS DIEBUS ET IN CALIDIS REGIONIBUS EMANAT; QUI AD IGNES FORNACIS ARDENTIS COLLATUS, REFRIGERIUM QUODDAM CENSERI POSSIT. SED IN IIS QUAE SUBDITITIA SUNT MINUS MORANDUM. VIDENDUM IGITUR DEINCEPS, QUALIA SINT EA QUAE A TELESIO DICUNTUR CIRCA DISPOSITIONEM MATERIAE, IN QUAM CALOR AGAT; CUJUS EA EST VIS, UT ACTIONEM IPSAM CALORIS PROMOVEAT, IMPEDIAT, IMMUTET. EJUS RATIO QUADRUPLEX. PRIMA DIFFERENTIA SUMITUR EX CALORE PRAEINEXISTENTE AUT NON PRAEINEXISTENTE. SECUNDA, EX COPIA AUT PAUCITATE MATERIAE. TERTIA, EX GRADIBUS SUBACTIONIS. QUARTA, EX CLAUSURA VEL APERTURA CORPORIS SUBACTI. QUOD AD PRIMAM ATTINET, SUPPONIT TELESIUS IN OMNIBUS ENTIBUS QUAE NOBIS COGNITA SUNT SUBESSE ATQUE LATITARE CALOREM NONNULLUM, LICET AD TACTUM MINIME DEPREHENDATUR, QUI CALOR CUM NOVO AUT SUPERVENIENTE CALORE CONJUNGITUR; QUIN ET IPSE AB EODEM ADVENTITIO CALORE AD ACTIONES SUAS PERAGENDES ETIAM IN PROPRIO MODULO EXCITATUR ATQUE INCENDITUR. HUJUS REI ARGUMENTUM ESSE INSIGNE, QUOD NULLUM SCILICET SIT EX ENTIBUS, NON METALLUM, NON LAPIS, NON AQUA, NON AER, QUOD NON EX ATTACTU ATQUE ETIAM AB ADMOTIONE IGNIS AUT CORPORIS CALIDI CALESCAT. QUOD FACTUM IRI VERISIMILE NON EST, NISI CALOR PRAEINEXISTENS ET LATENS PRAEPARATIO QUAEDAM ESSET AD CALOREM NOVUM ET MANIFESTUM. ETIAM ILLUD MAGIS ET MINUS, NEMPE FACILITATEM AUT TARDITATEM IN CALORE CONCIPIENDO, QUOD IN ENTIBUS INVENITUR, SECUNDUM MODUM CALORIS PRAEINEXISTENTIS COMPETERE. AEREM ENIM PARVO CALORE TEPESCERE, ATQUE EO QUI IN CORPORE AQUAE NON PERCIPIATUR SED SENSUM FUGIAT. ETIAM AQUAM CITIUS TEPESCERE, QUAM LAPIDEM AUT METALLUM AUT VITRUM. NAM QUOD ALIQUOD EX ISTIS, METALLUM SCILICET AUT LAPIS, CITIUS TEPESCERE VIDEATUR QUAM AQUA, ID TANTUM IN SUPERFICIE FIERI, NON IN PROFUNDO; QUIA CORPORA CONSISTENTIA MINUS COMMUNICABILIA SUNT IN PARTIBUS SUIS, QUAM LIQUIDA. ITAQUE EXTIMA METALLI CITIUS CALEFIERI QUAM EXTIMA AQUAE, UNIVERSAM AUTEM MOLEM TARDIUS. SECUNDA DIFFERENTIA PONITUR IN COACERVATIONE ET EXPORRECTIONE MATERIAE. EA SI DENSA FUERIT, FIT UT CALORIS VIRES MAGIS UNIANTUR, ET PER UNIONEM MAGIS AUGEANTUR ET INTENDANTUR; CONTRA, SI LAXIOR FUERIT, UT MAGIS DISGREGENTUR, ET PER DISGREGATIONEM MAGIS MINUANTUR ET ENERVENTUR. ITAQUE FORTIOREM ESSE CALOREM METALLORUM IGNITORUM QUAM AQUAE FERVENTIS, ETIAM QUAM FLAMMAE IPSIUS, NISI QUOD FLAMMA PER TENUITATEM MAGIS SUBINTRET. NAM FLAMMAM CARBONUM SIVE LIGNORUM, NISI FLATU EXCITETUR, UT PER MOTUM FACILIUS IMPELLATUR ET PENETRET, NON ADMODUM FURERE; QUIN ET NONNULLAS FLAMMAS (QUALIS EST SPIRITUS VINI INFLAMMATI, PRAESERTIM IN EXIGUA QUANTITATE ET DISPERSA) ADEO LENIS CALORIS ESSE, UT AD MANUM FERE TOLERETUR. TERTIA DIFFERENTIA, QUAE SUMITUR EX SUBACTIONE MATERIAE, MULTIPLEX EST; GRADUS ENIM SUBACTIONIS MEMORANTUR AB EO QUASI SEPTEM, QUORUM PRIMUS EST LENTOR, QUI EST DISPOSITIO MATERIAE EXHIBENS CORPUS AD MAJOREM VIOLENTIAM NONNIHIL OBSEQUENS, ET COMPRESSIONIS ET PRAECIPUE EXTENSIONIS PATIENS, FLEXIBILE DENIQUE AUT DUCTILE. SECUNDUS, MOLLITIES, CUM MAJORE VIOLENTIA NIL OPUS EST, SED CORPUS ETIAM LEVI IMPULSIONE ATQUE AD TACTUM IPSUM SIVE MANUM CEDIT, ABSQUE EVIDENTI RENITENTIA. TERTIA, VISCOSITAS SIVE TENACITAS, QUAE EST PRINCIPIUM QUODDAM FLUORIS. VIDETUR ENIM CORPUS VISCOSUM AD CONTACTUM ET COMPLEXUM ALTERIUS CORPORIS INCIPERE FLUERE ET CONTINUARI, NEC SE IPSO FINIRI, LICET SPONTE ET EX SESE NON FLUAT; FLUIDUM ENIM SUI SEQUAX EST, VISCOSUM ALTERIUS MAGIS. QUARTA, IPSE FLUOR, CUM CORPUS SPIRITUS INTERIORIS PARTICEPS IN MOTU VERSATUR LIBENS, ET SEIPSUM SEQUITUR, ATQUE AEGRE DEFINITUR AUT CONSISTIT. QUINTA, VAPOR, CUM CORPUS ATTENUATUR IN INTACTILE, QUOD ETIAM MAJORE CUM AGILITATE ET MOBILITATE CEDIT, FLUIT, UNDULAT, TREPIDAT. SEXTA, HALITUS, QUI VAPOR EST QUIDAM MAGIS COCTUS ET MATURUS, ET AD IGNEAM NATURAM RECIPIENDAM SUBACTUS. SEPTIMA, AER IPSE; AEREM AUTEM CONTENDIT TELESIUS OMNINO CALORE NATIVO, NEQUE EO PARVO AUT IMPOTENTI, PRAEDITUM ESSE; QUOD ETIAM IN FRIGIDISSIMIS REGIONIBUS AER NUNQUAM CONGELATUR AUT CONCRESCIT. ETIAM ILLUD EVIDENTI INDICIO ESSE, AEREM IN NATURA PROPRIA CALIDUM ESSE, QUOD OMNIS AER CLAUSUS, ET AB UNIVERSITATE AERIS DIVULSUS, ET SIBI PERMISSUS, TEPOREM MANIFESTE COLLIGIT; UT IN LANA ET REBUS FIBROSIS. ETIAM IN LOCIS CLAUSIS ET ANGUSTIS, AEREM AD RESPIRATIONEM SENTIRI QUODAM MODO SUFFOCATIVUM, QUOD A CALIDO EST. ATQUE HAEC PROPTEREA FIERI, QUOD AER CLAUSUS SUA NATURA UTI INCIPIAT, CUM AER FORAS ET SUB DIO REFRIGERETUR A FRIGORE, QUOD GLOBUS TERRAE PERPETUO EMITTIT ET EFFLAT. QUIN ETIAM AEREM NOSTRUM COMMUNEM TENUI QUADAM COELSTIUM DOTE INSIGNIRI, CUM HABEAT NONNIHIL IN SE LUCIS; QUOD EX VISU ANIMALIUM, QUAE NOCTU ET IN LOCIS OBSCURIS CERNERE POSSUNT, OSTENDITUR. ATQUE TALIS EST TELESIO DISPOSITIONIS MATERIAE SERIES, IN MEDIIS VIDELICET; SIQUIDEM EXTREMA, VIDELICET EX ALTERA PARTE CORPORA DURA ET RIGIDA, EX ALTERA IGNIS IPSE TANQUAM TERMINI MEDIORUM NON RECENSENTUR. SED PRAETER HOSCE GRADUS SIMPLICES, MAGNAM AUCUPATUR DIVERSITATEM IN DISPOSITIONE MATERIAE EX CORPORE SIMILARI ET DISSIMILARI; CUM SCILICET PORTIONES MATERIAE IN UNO CORPORE COMPOSITAE ET COADUNATAE, VEL AD UNUM EX GRADIBUS SUPRA-DICTIS AEQUALITER REFERRI POSSUNT, VEL AD DICERSA IMPARITER. LONGE ENIM MAXIMAM INDE SEQUI IN OPERATIONE CALORIS DIFFERENTIAM. ITAQUE QUARTAM ILLAM DIFFERENTIAM NECESSARIO ADHIBERI EX NATURA AC ETIAM POSITURA CORPORIS IN QUOD CALOR AGAT, CLAUSA, AUT POROSA ET APERTA. QUANDO ENIM IN APERTA ET EXPOSITA OPERATUR CALOR, OPERATUR SERIATIM ET PER SINGULA, ATTENUANDO ET SIMUL EDUCENDO ET SEPARANDO. CUM VERO IN OCCLUSA ET COMPACTA, OPERATUR SECUNDUM TOTUM ET SECUNDUM MASSAM, NULLA FACTA JACTURA CALORIS, SED CALORE NOVO ET VETERE SE CONJUNGENTIBUS ET PLANE CONSPIRANTIBUS; UNDE FIT UT POTENTIORES ET MAGIS INTRINSECAS ET EXQUISITAS ALTERATIONES ET SUBACTIONES CONFICIAT. VERUM DE HOC PLURA MOX DICENTUR, CUM DE MODO SUBACTIONIS DISSEREMUS. SED INTERIM SATAGIT ET AESTUAT TELESIUS, ET MIRIS MODIS IMPLICATUR, UT EXPEDIAT MODUM DIVORTII ET SEPARATIONIS QUALITATUM SUARUM PRIMARUM CONNATURALIUM, CALORIS, LUCIS, TENUITATIS, ET MOBILITATIS, AC QUATERNIONIS OPPOSITAE, PROUT CORPORIBUS ACCIDUNT: CUM CORPORA ALIA INVENIANTUR CALIDA, AUT AD CALOREM OPTIME PRAEPARATA, SED EADEM INVENIANTUR QUOQUE DENSA, QUIETA, NIGRA; ALIA TENUIA, MOBILIA, LUCIDA SIVE ALBA, SED TAMEN FRIGIDA; ET SIMILITER DE CAETERIS; UNA QUAPIAM QUALITATE IN REBUS EXISTENTE, RELIQUIS NON COMPETENTIBUS; ALIA VERO DUABUS EX ISTIS NATURIS PARTICIPENT, DUABUS CONTRA PRIVENTUR, VARIA ADMODUM PERMUTATIONE ET CONSORTIO. QUA IN PARTE TELESIUS NON ADMODUM FELICITER PERFUNGITUR, SED MORE ADVERSARIORUM SUORUM SE GERIT; QUI CUM PRIUS OPINANUTR QUAM EXPERIUNTUR, UBI AD RES PARTICULARES VENTUM EST, INGENIO ET REBUS ABUTUNTUR, ATQUE TAM INGENIUM QUAM RES MISERE LACERANT ET ABUNDANT. CONCLUDIT AUTEM REM PER DESPERATIONEM ET VOTUM, ILLUD SIGNIFICANS, LICET ET CALORIS VIS ET COPIA, ET MATERIAE DISPOSITIO, CRASSO MODO ET SECUNDUM SUMMAS DISTINGUI ET TERMINARI POSSINT; TAMEN EXACTAS ET ACCURATAS EORUM RATIONES, ET DISTINCTOS ET TANQUAM MENSURATOS MODOS, EXTRA INQUISITIONIS HUMANAE ADITUS SEPOSITOS ESSE; ITA TAMEN, UT(QUO MODO INTER IMPOSSIBILIA) DIVERSITAS DISPOSITIONIS MATERIAE, MELIUS QUAM CALORIS VIRES ET GRADUS, OERSPICI POSSIT; ATQUE NIHILOMINUS IN HIS IPSIS (SI QUA FATA SINANT) HUMANAE ET SCIENTIAE ET POTENTIAE FASTIGIUM ET CULMEN ESSE. POSTQUAM AUTEM DESPERATIONEM PLANE PROFESSUS ESSET, TAMEN IN VOTA PRECESQUE NON CESSAT. ITA ENIM DIXIT: QUI PORRO CALOR VEL QUANTUS, HOC EST, QUOD CALORIS ROBUR ET QUAE EJUS COPIA, QUAM TERRAM ET QUAE ENTIA IN QUALIA INVERTAT, MINIME INQUIRENDUM VIDETUR, UT QUOD HOMINI NULLA (UT NOBIS VIDETUR) INNOTESCERE QUEAT RATIONE. QUI ENIM VEL CALORIS VIRES ET CALOREM IPSUM VELUTI IN GRADUS PARTIRI, VEL MATERIAE CUI INDITUS EST COPIAM QUANTITATEMQUE DISTINCTE PERCIPERE ET CERTIS DETERMINATISQUE CALORIS VIRIBUS COPIAEQUE CERTAM MATERIAE QUANTITATEM DISPOSITIONEMQUE CERTASQUE ACTIONES, AUT CONTRA, CERTAE MATERIAE QUANTITATI CERTISQUE ACTIONIBUS CERTAM DETERMINATAMQUE CALORIS COPIAM, ASSIGNARE LICEAT? UTINAM ID OTIO FRUENTES ET PERSPICACIORE PRAEDITI INGENIO, ET QUIBUS IN SUMMA TRANQUILLITATE RERUM NATURAM PERSCRUTARI LICUERIT, ASSEQUANTUR: UT HOMINES NON OMNIUM MODO SCIENTES, SED OMNIUM FERE POTENTES FIANT! HONESTIUS PAULO QUAM SOLENT EJUS ADVERSARII, QUI QUICQUID ARTES QUAS IPSI PEPERERUNT NON ASSEQUUNTUR, ID EX ARTE OMNINO IMPOSSIBILE STATUUNT, UT NULLA ARS DAMNARI POSSIT, CUM IPSA ET AGAT ET JUDICET. RESTAT TERTIUM QUOD ERAT, SUBACTIONIS VIDELICET MODUS. HOC TRIPLICI DOGMATE ABSOLVIT TELESIUS. PRIMUM EST, ID QUOD ANTEA A NOBIS OBITER EST NOTATUM, NULLAM PRORSUS SYMBOLIZATIONEM INTELLIGI (UT IN PERIPATETICORUM DOCTRINA), PER QUAM RES TANQUAM CONCORDIA QUADAM FOVEANTUR ET CONSPIRENT. OMNEM ENIM GENERATIONEM, ATQUE ADEO OMNEM EFFECTUM IN CORPORE NATURALI, VICTORIA ET PRAEDOMINANTIA, NON PACTO AUT FOEDERE TRANSIGI. ID QUOD NOVUM NON EST, CUM ETIAM ARISTOTELES IN DOCTRINA EMPEDOCLIS HOC IPSUM NOTAVERIT. QUOD SCILICET CUM EMPEDOCLES LITEM ET AMICITIAM, RERUM PRINCIPIA EFFICIENTIA STATUISSET, TAMEN IN EXPLICATIONIBUS SUIS CAUSARUM, INIMICITIA FERE UTATUR, ALTERIUS TANQUAM OBLITUS. SECUNDUM EST, CALOREM ACTIONE SUA PROPRIA PERPETUO VERTERE ENS IN HUMIDUM, ET QUOD CALORI SICITAS NULLO MODO COEAT, NEC FRIGORI HUMIDITAS. IDEM ENIM ESSE ATTENUARE ET HUMECTARE; ATQUE QUOD MAXIME TENUE, ID ETIAM MAXIME HUMIDUM ESE: CUM PER HUMIDUM INTELLIGATUR ID QUOD FACILLIME CEDIT, ABIT IN PARTES, ET RURSUS SE RESTITUIT, ATQUE AEGRE FINITUR AUT CONSISTIT. QUAE OMNIA MAGIS INSUNT FLAMMAE, QUAM AERI, QUI A PERIPATETICIS CONSTITUITUR MAXIME HUMIDUS. ITAQUE CALOREM, HUMIDUM PERPETUO ALLCIERE, DEPASCERE, EXTENDERE, INDERE, GENERARE; CONTRA, FRIGUS OMNIA AGERE IN SICCITATEM, CONCRETIONEM, DURITIEM; UBI VULT ARISTOTELEM ET HEBETEM IN OBSERVATIONE, ET SIBI DISCORDEM, ET ERGA EXPERIENTIAM IMPERIOSUM ET LIBIDINOSUM VIDERI, QUOD CALOREM CUM SICCITATE COPULET. NAM QUOD ALIQUANDO ENTIA DESICCET CALOR, ID PER ACCIDENS FIERI; NIMIRUM IN CORPORE DISSIMILARI ET EX PARTIBUS ALIIS MAGIS CRASSIS ALIIS MAGIS TENUIBUS COAGMENTATO, ELICIENDO ET (PER ATTENUATIONEM) EXITUM DANDO PARTI TENUIORI, DUM PARS CRASSIOR INDE COGATUR ET MAGIS SE CONSTRINGAT: QUAE TAMEN IPSA PARS CRASSIOR, SI ADVENERIT CALOR FEROCIOR, ET IPSA FLUIT; UT IN LATERIBUS MANIFESTUM EST. PRIMO ENIM CALOR NON ITA FERVENS, LUTUM COGIT IN LATERES, TENUIORE PARTE EVAPORATA; AT FORTIOR CALOR ETIAM ILLAM SUBSTANTIAM LATERITIAM SOLVIT IN VITRUM. ATQUE HAEC DUO DOGMATA VELUTI ERRORUM REDARGUTIONES CENSERI POSSUNT; TERTIUM PLANE AFFIRMAT, NEQUE ID SOLUM, SED ET PERSPICUE DISTINGUIT SUBACTIONIS MODUM. IS DUPLEX EST, VEL REJICIENDO, VEL VERTENDO; ATQUE ALTERUTER EX IIS MODIS PERDUCITUR IN ACTUM, SECUNDUM VIM CALORIS ET DISPOSITIONEM MATERIAE. CUJUS REI TAMEN DUO VIDENTUR TANQUAM CANONES. UNUS, QUOD CUM CALIDUM ET FRIGIDUM MAGNA MOLE ET TANQUAM JUSTO EXERCITU CONCURRUNT, SEQUITUR EJECTIO. NAM ENTIA, VELUTI ACIES, LOCO MOVENTUR ET IMPELLUNTUR. UBI VERO MINORE QUANTITATE RES GERITUR, TUM SEQUITUR VERSIO, NAM INTERIMUNTUR ENTIA ET NATURAM POTIUS QUAM LOCUM MUTANT. HUJUS REI INSIGNE ET NOBILE EXEMPLUM ESSE IN REGIONIBUS AERIS SUPERIORIBUS, QUAE LICET AD CALOREM COELESTEM MAGIS APPROPINQUENT, TAMEN FRIGIDIORES INVENIUNTUR QUAM CONFINIA TERRAE, IN ILLIS ENIM LOCIS, POSTQUAM PROPIUS AD SEDEM PRIMI VALIDI VENTUM EST, CALOR SE COLLIGENS UNIVERSAM FRIGORIS VIM QUAE ADSCENDERAT SIMUL EJICIT ET DETRUDIT, ET ADITU PROHIBET. QUINETIAM SIMILITER FIERI POSSE, UT SINT PER PROFUNDA TERRAE CALORES VEHEMENTIORES QUAM IN SUPERFICIE; POSTQUAM SCILICET AD SEDEM PRIMI FRIGIDI APPROPINQUATIO FACTA EST, QUOD SE EXCITANS, MAGNO IMPETU CALIDUM REJICIT, ET FUGIT, ET IN SE VERTIT. ALTER CANON EST, QUOD IN APERTO SEQUITUR EJECTIO; IN CALUSO VERSIO. HOC AUTEM INSIGNITER CONSPICI IN VASIBUS OCCLUSIS, UBI EMISSIO CORPORIS ATTENUATI (QUOD SPIRITUM FERE VOCAMUS) PROHIBITA ET RETRUSA PROFUNDAS ET INTRINSECAS IN CORPORIBUS ALTERATIONES ET FERMENTATIONES GENERAT. AT HOS IPSUM SIMILITER FIERI, CUM CORPUS OB PARTIUM COMPACTIONEM SIBI INSTAR VASIS OCCLUSI EST. ATQUE HAEC SUNT QUAE TELESIO, ET FORTASSE PARMENIDI, CIRCA RERUM PRINCIPIA VISA SUNT; NISI QUOD TELESIUS HYLEN ADDIDIT DE PROPRIO; PERIPATETICS SCILICET NOTIONIBUS DEPRAVATUS.
ATQUE SIMILIA VERI FUISSENT QUAE A TELESIO DICUNTUR, SI HOMO TOLLATUR
E NATURA, ET SIMUL ARTES MECHANICAE QUAE MATERIAM VEXANT, ATQUE FABRICA MUNDI
SIMPLICITER SPECTETUR. NAM PASTORALIS QUAEDAM VIDETUR ISTA PHILOSOPHIA, QUAE
MUNDUM CONTEMPLATUR PLACIDE, ET TANQUAM PER OTIUM. SIQUIDEM DE SYSTEMATE MUNDI
DISSERIT NON MALE, DE PRINCIPIIS IMPERITISSIME. QUIN ET IN IPSO QUIQUE
SYSTEMATE INGENS EST LAPSUS, QUOD TALE CONSTITUAT SYSTEMA QUOD VIDERI POSSIT
AETERNUM, NEC SUPPONAT CHAOS ET MUTATIONES SCHEMATISMI MAGNI. SIVE ENIM EA EST
TELESII PHILOSOPHIA, SIVE PERIPATETICORUM, SIVE QUAE ALIA, QUAE IN EUM MODUM
SYSTEMA INSTRUAT, LIBRET, MUNIAT, UT NON VIDEATUR FLUXISSE A CHAO, EA LEVIOR
PHILOSOPHIA VIDETUR, ATQUE OMNINO EX ANGUISTIIS PECTORIS HUMANI. NAM OMNINO
SECUNDUM SENSUM PHILOSOPHANTI MATERIAE AETERNITAS ASSERITUR; MUNDI (QUALEM
EUM INTUEMUR) NEGATUR; QUOD ET PRISCAE SAPIENTIAE, ET EI QUI AD IPSAM PROXIME
ACCEDIT, DEMOCRITO, VISUM EST. IDEM SACRAE LITERAE TESTANTUR. ILLUD PRAECIPUE
INTEREST; QUOD ILLAE ETIAM MATERIAM A DEO; HI EX SESE STATUUNT. TRIA ENIM
VIDENTUR ESSE DOGMATA QUAE SCIMUS EX FIDE CIRCA HANC REM. PRIMO, QUOD MATERIA
CREATA SIT EX NIHILO. SECUNDO, QUOD EDUCTIO SYSTEMATIS FUERIT PER VERBUM
OMNIPOTENTIAE, NEQUE QUOD MATERIA SE IPSA EDUXERIT E CHAO IN SCHEMATISMUM
ILLUM. TERTIO, QUOD SCHEMATISMUS ILLE (ANTE PRAEVARICATIONEM) FUERIT OPTIMUS
EX IIS QUAE MATERIA (QUALIS CREATA ERAT) SUSCIPERE POSSET. AT PHILOSOPHIAE
ILLAE AD NULLUM HORUM ADSCENDERE POTUERUNT. NAM ET CREATIONEM EX NIHILO
EXHORRENT, ET HUNE SCHEMATISMUM POST MULTAS AMBAGES ET MOLIMINA MATERIAE
EDUCTUM SENTIUNT; NEC DE OPTIMITATE LABORANT, CUM SCHEMATISMUS ASSERATUR
OCCIDUUS ET VARIABILIS. IN HIS ITAQUE FIDEI ATQUE EJUS FIRMAMENTIS STANDUM.
UTRUM VERO MATERIA ILLA CREATA, PER LONGOS SECULORUM CIRCUITUS, EX VI PRIMO
INDITA SE IN ILLUM OPTIMUM SCHEMATISMUM COLLIGERE ET VERTERE POTUISSET (QUOD
MISSIS AMBAGIBUS EX VERBI IMPERIO CONTINUO FECIT), NON INQUIRENDUM FORTASSE
EST. TAM ENIM EST MIRACULUM, ET EJUSDEM OMNIPOTENTIAE, REPRAESENTATIO TEMPORIS
QUAM EFFORMATIO ENTIS. VIDETUR AUTEM NATURA DIVINA UTRAQUE OMNIPOTENTIAE
EMANATIONE SE INSIGNIRE VOLUISSE: PRIMO, OPERANDO OMNIPOTENTER SUPER ENS
ET MATERIAM, CREANDO SCILICET ENS A NIHILO; SECUNDO, SUPER MOTUM ET TEMPUS,
ANTICIPANDO ORDINEM NATURAE, ET ACCELERANDO POCESSUM ENTIS. VERUM HAEC AD
PARABOLAM DE COELO PERTINENT, UBI QUAE NUNC BREVITER PERSTINGIMUS FUSIUS
DISSEREMUS. ITAQUE AD PRINCIPIA TELESII PERGENDUM. ATQUE UTINAM HOC SALTEM
SEMEL ET INTER OMNES CONVENIRET, NE AUT EX NON ENTIBUS ENTIA, AUT EX NON
PRINCIPIIS PRINCIPIA, CONSTITUI PLACERET, NEQUE MANIFESTA RECIPIATUR
CONTRADICTIO. PRINCIPIUM AUTEM ABSTRACTUM NON EST ENS; RURSUS ENS MORTAE NON
EST PRINCIPIUM; UT NECESSITAS PLANE INVINCIBILIS HOMINUM COGITATIONES (SI
SIBI CONSTARE VELINT) COMPELLAT AD ATOMUM, QUOD EST VERUM ENS, MATERIATUM,
FORMATUM, DIMENSUM, LOCATUM, HABENS ANTITYPIAM, APPETITUM, MOTUM, EMANATIONEM.
IDEM PER OMNIUM CORPORUM NATURALIUM INTERITUS MANET INCONCUSSUM ET AETERNUM.
NAM CUM TOT ET TAM VARIAE SINT CORPORUM MAJOREM CORRUPTIONES. OMNINO NECESSE
EST UT QUOD TANQUAM CENTRUM MANET IMMUTABILE ID AUT POTENTIALE QUIDDAM SIT, AUT
MINIMUM. AT POTENTIALE NON EST; NAM POTENTIALE PRIMUM, RELIQUORUM QUAE SUNT
POTENTIALIA SIMILE ESSE NON POTEST, QUAE ALIUD ACTU SUNT, ALIUD POTENTIA. SED
NECESSE EST UT PLANE ABSTRACTUM SIT, CUM OMNEM ACTUM ABNEGET, ET OMNEM
POTENTIAM CONTINEAT. ITAQUE RELINQUITUR, UT ILLUD IMMUTABILE SIT MINIMUM; NISI
FORTE QUIS ASSERAT OMNINO PRINCIPIA NULLA EXISTERE, SED REM ALTERAM ALTERI
PRO PRINCIPIIS ESSE, LEGEM ATQUE ORDINEM NUTATIONIS CONSTANTIA ESSE ET AETERNA,
ESSENTIAM IPSAM FLUXAM ET MUTABILEM. ATQUE SATIUS FORET HUJUSMODI QUIDDAM
DISERTE AFFIRMARE, QUAM STUDIO AETERNUM ALIQUOD PRINCIPIUM STATUENDI, IN DURIUS
INCOMMODUM INCIDERE, UT IDEM PRINCIPIUM PONATUR PHANTASTICUM. ILLA ENIM PRIOR
RATIO ALIQUEM EXITUM HABERE VIDETUR, UT RES MUTENTUR IN ORBEM; HAEC PRORSUS
NULLUM, QUAE NOTIONALIA ET MENTIS ADMINICULA HABET PRO ENTIBUS. ET TAMEN QUOD
HOC IPSUM NULLO MODO FIERI POSSIT, POSTEA DOCEBIMUS. TELESIO TAMEN HYLE
PLACUIT, QUAM EX JUNIORE AEVO POSTNATAM IN PARMENIDIS PHILOSOPHIAM TRANSTULIT.
AT CERTAMEN INSTITUIT TELESIUS AGENTIUM SUORUM PRINCIPIORUM MIRUM ET PLANE
INQUUM, ET COPIIS ET GENERE BELLANDI. NAM QUOD AD COPIAS ATTINET, TERRA EI EST
UNICA, AT COELI EXERCITUS INGENS; ETIAM TERRA PUNCTI FERE INSTAR, COELI VERO
SPATIA ET REGIONES IMMENSAE. NEQUE HUIC INCOMMODO ILLUD SUBVENIRE QUEAT, QUOD
TERRA ET CONNATURALIA EJUS EX MATERIA MAXIME COMPACTA ASSERANTUR, COELUM
CONTRA ET AETHEREA EX MATERIA MAXIME EXPLICATA. LICET ENIM PLURIMUM CERTE
INTERSIT, TAMEN HAEC RES NULLO MODO COPIAS VEL LONGO INTERVALLO AEQUABIT.
AT ROBUR DOGMATIS TELESII VERSATUR IN HOC VEL PRAECIPUE, SI TANQUAM AEQUALIS
PORTIO HYLES (SECUNDUM QUANTUM, NON SECUNDUM EXPORRECTIONEM) UTRIQUE PRINCIPIO
AGENTI ASSIGNETUR, UT RES DURARE POSSINT, ET SYSTEMA CONSTITUI ET STABILIRI.
QUICUNQUE ENIM CUM TELESIO SENTIET IN CAETERIS, ET EXSUPERANTIAM HYLES,
PRAESERTIM TAM AMPLO EXCESSU, IN UNO PRINCIPIO, AD ALTERUM RECIPIET, HAEREBIT
NEC SE OMNINO EXPLICABIT. ITAQUE IN DIALOGO PLUTARCHI DE FACIE IN ORBE LUNAE,
SANA MENTE PROPONITUR ILLA CONSIDERATIO, NON ESSE VERISIMILE, IN DISPERSIONE
MATERIAE NATURAM QUICQUID COMPACTI CORPORIS ERAT IN UNICUM TERRAE GLOBUM
CONCLUSISSE, TOT INTERIM VOLVENTIBUS GLOBIS ASTRORUM. HUIC VERO COGITATIONI
TAM IMMODERATE INDULSIT GILBERTUS, UT NON SOLUM TERRAM ET LUNAM SED COMPLURES
ALIOS GLOBOS SOLIDOS ET OPACOS PER EXPANSIONEM COELI INTER GLOBOS LUCENTES
SPARSOS ASSERERET. QUIN ET IPSI PERIPATETICI, POSTQUAM COELESTIA SUO STATU,
SUBLUNARIA AUTEM PER SUCCESSIONEM ET RENOVATIONEM AETERNA POSUISSENT, NON
CONFISI SUNT SE HOC DOGMA TUERI POSSE, NISI ELEMENTIS VELUTI AEQUAS MATERIAE
PORTIONES ASSIGNASSENT. HOC EST ENIM ILLUD, QUOD DE DECUPLA ILLA PORTIONE QUA
AMBIENS ELEMENTUM INTERIUS ELEMENTUM SUPERET CONSOMNIANT. NEQUE ISTA EO
ADDUCIMUS, QUOD NULLUM EX IIS NOBIS PLACEAT, SED UT OSTENDAMUS INOPINABILE
QUIDDAM ESSE, ATQUE COGITATIONEM PRORSUS MALE MENSURATAM, SI QUIS TERRAM
CONTRARIUM AGENS COELO PRINCIPIUM STATUAT: QUOD TELESIUS FECIT. ATQUE HOC
IPSUM DURIUS MULTO INVENITUR, SI QUIS PRAETER QUANTUM IPSUM, DISPAREM
VIRTUTEM ET ACTUM COELI ET TERRAE INTUEATUR. PERDITA ENIM OMNINO SIT
DIMICATIONIS CONDITIO, SI EX ALTERA PARTE TELORUM HOSTILIUM ICTUS PERFERANTUR,
EX ALTERA NON PERTINGANT, SED CITRA CADANT. AT LIQUET PLANE SOLIS VIRES IN
TERRAM MITTI; TERRAE AUTEM VIRES USQUE AD SOLEM PERVENIRE NEMO SPONDEAT.
ETENIM INTER OMNES VIRTUTES QUAS NATURA PARIT, ILLA LUCIS ET UMBRAE LONGISSIME
EMITTITUR, ET MAXIMO SPATIO SIVE ORBE CIRCUMFUNDITUR. UMBRA AUTEM TERRAE CITRA
SOLEM TERMINATUR, CUM LUX SOLIS, SI TERRA DIAPHANA ESSET, GLOBUM TERRAE
TRANSVERBERARE POSSIT. NOMINATUM CALIDUM, FRIGIDUM, (DE QUIBUS NUNC EST SERMO)
NUNQUAM DEPREHENDUNTUR TAM MAGNA SPATIA VINCERE IN VIRTUTE SUA PERFERENDA,
QUAM LUX ET UMBRA. ITAQUA SI UMBRA TERRAE NON PERTINGIT AD SOLEM, MULTO MINUS
FRIGIDUM TERRAE EO ADSPIRARE POSSE CONSENTANEUM EST. ID SI ITA SIT, NEMPE UT
SOL ET CALIDUM IN QUAEDAM CORPORA MEDIA AGANT, QUO CONTRARII PRINCIPII VIRTUS
NON ADSCENDAT, NEC ULLO MODO EORUM ACTUM IMPEDIAT; NECESSE EST UT ILLA (SOL,
INQUAM, ET CALIDUM) PROXIMA QUAEQUE OCCUPENT, ET DEIN REMOTIORA QUOQUE
CONJUNGANT, UT TANDEM FUTURA SIT HERACLITI CONFLAGRATIO, SOLARI ET COELESTI
NATURA GRADATIM VERSUS TERRAM ET CONFINIA EJUS DESCENDENTE ET MAGIS
APPROPINQUANTE, NEQUE ILLA ADMODUM CONVENIUNT, UT VIS ILLA NATURAM SUAM
IMPONENDI ET MULTIPLICANDI ET ALIA IN SE VERTENDI, QUAM TELESIUS PRINCIPIIS
ATTRIBUIT, NON OPERETUR IN SIMILIA AEQUE AUT MAGIS QUAM IN CONTRARIA; UT
COELUM JAM EXCANDESCERE DEBUERIT, ET STELLAE INTER SE COMMITTI. VERUM UT
PROPIUS ACCEDAMUS, QUATUOR OMNINO DEMONSTRATIONES PROPONENDAE VIDENTUR, QUAE
TELESII PHILOSOPHIAM DE PRINCIPIIS PLANE CONVELLERE ET DESTRUERE POSSINT,
ETIAM SINGULAE, MULTO MAGIS CONJUNCTAE. HARUM PRIMA EST, QUOD INVENIANTUR IN
REBUS NONNULLAE ACTIONES ET EFFECTUS, ESTIAM EX POTENTISSIMIS ET LATISSIME
DIFFUSIS, QUAE AD CALOREM ET FRIGUS NULLO MODO REFERRI POSSINT. PROXIMA, QUOD
INVENIANTUR NATURAE NONNULLAE QUARUM CALOR ET FRIGUS SINT EFFECTUS ET
CONSECUTIONES; NEQUE ID IPSUM PER EXCITATIONEM CALORIS PRAEINEXISTENTIS,
AUT ADMOTIONEM CALORIS ADVENIENTIS; SED PRORSUS PER QUAE CALOR ET FRIGUS IN
PRIMO ESSE IPSORUM INDANTUR ET GENERENTUR. ITAQUE PRINCIPII RATIO IN IIS EX
UTRAQUE PARTE DEFICIT, TUM QUIA ALIQUID NON EX IPSIS, TUM QUIA IPSA EX
ALIQUO. TERTIA, QUOD ETIAM EA QUAE A CALORE ET FRIGORE ORIGINEM DUCUNT (QUAE
CERTE SUNT QUAM PLURIMA) TAMEN PROCEDUNT AB ILLIS TANQUAM BA EFFICIENTE ET
ORGANO, NON TANQUAM A CAUSA PROPRIA ET INTIMA. POSTREMO, QUOD CONJUGATIO ILLA
QUATUOR CONNATURALIUM OMNINO PERMISCETUR ET CONFUNDITUR. QUARE DE HIS
SIGILLATIM DICEMUS. ATQUE ALICUI FORTASSE VIX OPERAE PRETIUM VIDERI POSSIT, NOS
IN PHILOSOPHIA TELESII ARGUENDA TAM DILIGENTER VERSARI, PHILOSOPHIA SCILICET
NON ADMODUM CELEBRI AUT RECEPTA. VERUM NOS HUJUSMODI FASTIDIA NIL MORAMUR. DE
TELESIO AUTEM BENE SENTIMUS, ATQUE EUM UT AMANTEM VERITATIS ET SCIENTIIS
UTILEM ET NONNULLORUM PLACITORUM EMENDATOREM ET NOVORUM HOMINUM PRIMUM
AGNOSCIMUS. NEQUE TAMEN NOBIS CUM EO RES EST TANQUAM TELESIO, SED TANQUAM
INSTAURATORE PHILOSOPHIAE PARMENIDIS, CUI MULTA DEBETUR REVERENTIA. SED ILLUD
IN PRIMIS IN CAUSA EST QUOD HAEC FUSIUS AGAMUS, QUOD IN EO QUI PRIMUS NOBIS
OCCURRIT COMPLURA DISSERIMUS, QUAE AD SEQUENTIUM SECTARUM (DE QUIBUS
POSTMODUM TRACTANDUM ERIT) REDARGUTIONEM TRANSFERRI POSSINT, NE SAEPIUS
EADUM DICERE SIT NECESSE. SUNT ENIM ERRORUM (LICET DIVERSORUM) FIBRAE MIRIS
MODIS INTER SE IMPLICATAE ET INTEXTAE, QUAE TAMEN SAEPENUMERO UNA REDARGUTIONE,
TANQUAM FALCE, DEMETI ET SUCCIDI POSSINT. VERUM, UT OCCOEPIMUS DICERE, VIDENDUM
QUALES INVENIANTUR IN REBUS VIRTUTES ET ACTIONES, QUAE AD CALIDUM ET FRIGIDUM
NULLO RERUM CONSENSU AUT INGENII VIOLENTIA TRAHI POSSINT. PRIM ITAQUE
SUMENDUM QUOD A TELESIO DATUR, MATERIAE SUMMAM AETERNUM CONSTARE, NEC AUGERI
AUT MINUI. HANC ILLE DOTEM, QUA MATERIA SE SERVAT ET SUSTINET, TRANSMITTIT UT
PASSIVAM, ET TANQUAM AD RATIONEM QUANTI POTIUS QUAM AD FORMAM ET ACTIONEM
PERTINENTEM, AC SI NIHIL OPUS ESSET EAM CALORI ET FRIGORI DEPUTARE, QUAE
AGENTIUM TANTUM FORMARUM ET VIRTUTUM FONTES PONUNTUR; MATERIAM ENIM NON
SIMPLICITER, SED OMNI AGENTE VIRTUTE DESTITUI ET EXUI. ATQUE HAEC ASSERUNTUR
MAGNO MENTIS ERRORE, ET PRORSUS MIRABILI, NISI QUOD CONSENSUS ATQUE OPINIO
PERVULGATA ET INVETERATA MIRACULUM TOLLIT. NIL ENIM SIMILE FERE INTER ERRORES
REPERITUR, QUAM UT QUIS VIRTUTEM ISTAM MATERIAE INDITAM (PER QUAM IPSA SE AB
INTERITU VINDICAT, ADEO UT MINIMA QUAEQUE MATERIAE PORTIO NEC UNIVERSA MUNDI
MOLE OBRUI NEC OMNIUM AGENTIUM VI ET IMPETU DESTRUI AUT ULLO MODO ANNIHILARI
ET IN ORDINEM REDIGI QUEAT, QUIN ET SPATII NONNIHIL OCCUPET, ET RENITENTIAM
SERVET CUM DIMENSIONE IMPENETRABILI, ET IPSA VICISSIM ALIQUID MOLIATUR,
NEC SE DESERAT) PRO AGENTE VIRTUTE NON HABEAT; CUM CONTRA SIT OMNIUM VIRTUTUM
LONGE POTENTISSIMA, ET PLANE INSUPERABILIS, ET VELUTI MERUM FATUM ET
NECESSITAS. HANC AUTEM VIRTUTEM NEC CONATUR TELESIUS AD CALIDUM ET FRIGIDUM
REFERRE. ATQUE HOC RECTE; NEQUE ENIM SCILICET AUT INCENDIUM AUT TORPOR ET
CONGELATIO HUIC REI ALIQUID ADDUNT VEL DETRAHUNT, NEC SUPER EUM ALIQUID
POSSUNT; CUM IPSA INTERIM ET IN SOLE, ET AD CENTRUM TERRAE, ET UBIQUE VIGEAT.
SED IN EO LAPSUS VIDETUR, QUOD MOLEM MATERIAE CERTAM ET DEFINITAM AGNOSCIT;
AD VIRTUTEM QUA SE NUMERIS SUIS TUEATUR CAECUTIT, EAMQUE (PROFUNDISSIMIS
PERIPATETICOURM TENEBRIS IMMERSUS) ACCESSORII LOCO DUCIT; CUM SIT MAXIME
PRINCIPALIS, CORPUS SUUM VIBRANS, ALIUD SUBMOVENS, SOLIDA ET ADAMANTINA IN
SEIPSO, ATQUE UNDE DECRETA ET POSSIBILIS ET IMPOSSIBILIS EMANANT AUTHORITATE
INVIOLABILI. SCHOLA ITIDEM VULGARIS CAM FACILI VERBORUM COMPLEXU PUERILITER
PRENSAT, SATISFACTUM HUIC COGITATIONI PUTANS, SI DUO CORPORA IN EODEM LOCO NON
POSSE ESSE PRO CANONE PONAT, VIRTUTEM AUTEM ISTAM ATQUE EJUS MODUM NUNQUAM
APERTIS OCULIS CONTEMPLATUR ET AD VIVUM DISSECAT; PARUM SCILICET GNARA, QUANTA
EX EA PENDEANT, ET QUALIS LUX INDE SCIENTIIS EXORIATUR. VERUM (QUOD NUNC
AGITUR) ISTA VIRTUS QUANTACUNQUE EXTRA TELESII PRINCIPIA CADIT. TRANSCUN
DUM JAM AD VIRTUTEM ILLAM QUAE AD PRIOREM HANC EST TANQUAM ANTISTROPHA, EAM
SCILICET QUAE NEXUM MATERIAE TUETUR. UT ENIM MATERIA MATERIA ORBUI NON VULT,
ITA NEC MATERIA A MATERIA DIVELLI. ATQUE NIHILOMINUS UTRUM HAEC NATURAE LEX
SIT AEQUE AC ILLA ALTERA PEREMPTORIA, MAGNAM HABET DUBITATIONEM. TELESIO ENIM,
QUEMADMODUM ET DEMOCRITO, VACUUM COACERVATUM ET SINE META DARI PLACUIT UT ENTIA
SINGULARIA CONTIGUUM SUUM DEPONANT, NONNUNQUAM ET DESERANT, AEGRE (UT AIUNT)
ET ILLIBENTER, SED MAJORE NEMPE ALIQUA VIOLENTIA DOMITA ET COACTA; IDQUE ILLE
NONNULLIS EXPERIMENTIS DEMONSTRARE CONTENDIT, EA POTISSIMUM ADDUEENS, QUAE
PASSIM CITANTUR AD ABNEGANDUM ET REFELLENDUM VACUUM, EAQUE TANQUAM EXTRABENS
ET AMPLIANS EO MODO, UT ENTIA VIDERI POSSINT IN LEVI ALIQUA NECESSITATE POSITA
CONTINGUUM ILLUD TENERE; SIN MAJOREM IN MODUM TORQUEANTUR, VACUUM ADMITTERE;
SICUTI IN CLEPSYDRIS AQUCIS, IN QUIBUS SI FORAMEN PER QUOD AQUA DESCENDERE
POSSIT MINUTIUS SIT, SPIRACULO EGEBUNT, UT AQUA DESCENDAT; SIN LATIUS, ETIAM
ABSQUE SPIRACULO, AQUA IN FORAMEN MAJORE MOLO INCUMBENS, ET VACUUM SUPRA
NIL MORATA, DEORSUM FERTUR. SIMILITER IN FOLLIBUS, IN QUIBUS SI EOS COMPRIMAS
ET OCCLUDAS UT NULLUS ILLABENTI AERI ADITUS PATEAT AC POSTEA ELEVES ET
EXPANDAS, SI PELLIS GRACILIS SIT ET DEBILIS, DIRUMPITUR PELLIS; SICRASSA ET
FRANGI INEPTA, NON ITEM; ET ALIA HUJUSMODI. VERUM EXPERIMENTA ISTA NEC EXACTE
PROBATA SUNT, NEC INQUISITIONI OMNINO SATISFACIUNT AUT QUAESTIONEM TERMINANT;
ATQUE LICET PER ILLA TELESIUS SE ADDERE REBUS ET INVENTIS PUTET ET QUOD AB
ALIIS CONFUSIUS OBSERVATUM EST SUBTILIUS DISTINGUERE NITATUR, TAMEN NULLO MODO
PAR REBUS EVADIT NEC EXITUM REI EVOLVIT, SED IN MEDIIS PRORSUS DEFICIT; QUOD
EX MORE EST ET IPSI ET PERIPATETICIS, QUI AD EXPERIMENTA CONTUENDA INSTAR
NOCTUARUM SUNT, NEQUE ID TAM OB FACULTATIS IMBECILLITATEM, SED OB CATARACTAS
OPINIONUM, ET CONTEMPLATIONIS PLENAE ET FIXAE IMPATIENTIAM. QUAESTIO VERO ISTA
(EX MAXIME ARDUIS) QUOUSQUE DETUR VACUUM, ET AD QUAE SPATIA FIERI POSSIT
SEMINUM VEL COITIO VEL DISTRACTIO, ET QUID SIT IN HOC GENERE PEREMPTORIUM
ET INVARIABILE, AD LOCUM UBI DE VACUO TRACTANDUM ERIT REJICINMS, NEQUE ENIM
MULTUM INTEREST AD ID QUOD NUNC AGITUR, UTRUM NATURA VACUUM PENITUS RESPUAT,
AN ENTIA (UT EMENDATIUS SE LOQUI PUTAT TELESIUS) MUTUO CONTACTU GAUDEANT. ILLUD
ENIM PLANUM FACIMUS, ISTAM SIVE VACUI FUGAM, SIVE CONTACTUS CUPIDINEM, NULLO
MODO A CALIDO ET FRIGIDO PENDERE, NEC A TELESIO IPSI ADSCRIBI, NEC EX RERUM
ULLA EVIDENTIA ILLIS ADSCRIBI POSSE; CUM MATERIA LOCO MOTA ALIAM PRORSUS
MATERIAM TRAHAT, SIVE ILLA SIT CALIDA SIVE FRIGIDA, SIVE LIQUIDA SIVE SICCA,
SIVE DURA SIVE MILLIS, SIVE AMICA SIVE INIMICA, ADEO UT CORPUS CALIDUM CORPUS
GELIDISSIMUM CITIUS ATTRAXERIT UT EI ADSIT, QUAM SE AB OMNI CORPORE DISJUNGI
ET DESERI PATIATUR. NAM VINCULUM MATERIAE FORTIUS EST QUAM DISSIDIUM CALIDI
ET FRIGIDI. ET SEQUACITAS MATERIAE NON CURAT DIVERSITATEM FORMARUM SPECIALIUM,
ITAQUE NULLO MODO HAEC VIRTUS NEXUS AB ILLIS PRINCIPIIS CALIDI ET FRIGIDI.
SEQUUNTUR VIRTUTES DUAE INVICEM OPPOSITAE, QUAE REGNUM HOC PRINCIPIORUM (UT
VIDERI POSSIT) AD CALIDUM ET FRIGIDUM DETULERUNT, SED JURE MALE ENUCLEATO;
EAS DICIMUS, PER QUAS ENTIA SE APERIUNT ET RAREFACIUNT, DILATANT ET EXPANDUNT,
ITA UT MAJUS SPATIUM OCCUPENT ET SE IN MAJOREM SPHAERAM CONJICIANT; AUT
RURSUS SE CLAUDUNT ET CONDENSANT, COARCTANT ET CONTRAHUNT, ITA UT SPATIIS
DECEDANT ET IN MINOREM SPHAERAM SE RECIPIANT. OSTENDENDUM ITAQUE EST, QUATENUS
ISTA VIRTUS A CALIDO ET FRIGIDO ORTUM HABEAT, ET QUAETENUS SEORSUM MORETUR,
NEC CUM ILLA RATIONES MISCEAT. ATQUE VERISSIMUM EST, QUOD AFFIRMAT TELESIUS,
RARUM ET DENSUM CALORIS ET FRIGORIS ESSE VELUTI OPIFICIA PROPRIA; LONGE ENIM
MAXIMAE SUNT ILLORUM PARTES AD HOC, UT CORPORA MAJUS ET MINUS SPATIUM
OCCUPENT; SED TAMEN CONFUSIUS ISTA ACCIPIUNTUR. VIDENTUR ENIM CORPORA
QUANDOQUE AB UNA SPATIATIONE NATURALI IN ALTERAM MIGRARE ET SE TRANSFERRE,
IDQUE LIBENTER ET TANQUAM VOLENTIA, ET FORMAM MUTANTIA; QUANDOQUE AUTEM
TANTUMMODO A NATURALI SPATIATIONE DEPULSA, ET MANENTE FORMA VETERI EN CONSUETAM
SPATIATIONEM REVERTI. ATQUE VIRTUS ILLA PROGRESSIVA IN NOVUM SPATIUM A CALIDO
ET FRIGIDO FERE REGITUR. AT VIRTUS ALTERA RESTITUTIVA NON ITEM, SIQUIDEM
EXPANDIT SE AQUA IN VAPOREM ET AEREM, OLEUM SIMILITER ET PINGUIA IN HALITUM
ET FLAMMAM, EX VI CALORIS; NEC (SI PERFECTE TRANSMIGRAVERINT) REVERTI SATAGUNT;
QUIN ET AER IPSE EX CALORE INTUMESCIT ET EXTENDITUR. QUOD SI MIGRATIO FUERIT
SEMIPLENA, POST CALORIS ABSCEASUM IN SE FACILE RECIDIT; UT ETIAM IN VIRTUTE
RESTITUTIVA PARTES FRIGORIS ET CALORIS SINT NONNULLAE. AT QUAE NON MEDIANTE
CALORE SED VIOLENTIA ALIQUA EXTENSA SUNT ET DISTRACTA, ETIAM ABSQUE ULLA
FRIGORIS ACCESSIONE AUT DIMINUTIONE CALORIS IN PRIORA SPATIA (CESSANTE
VIOLENTIA) CUPIDISSIME REVERTUNTUR; UT IN EXSCUTIONE OVI VITREI, ET FOLLIBUS
LEVATIS. ID VERO IN SOLIDIS ET CRASSIS LONGE EVIDENTIUS EST. NAM SI
DISTENDATUR PANNUS VEL CHORDA, REMOTA VI MAGNA VELOCITATE RESILIUNT; ATQUE
EADEM EST COMPRESSIONIS RATIO. NAM AER VIOLENTIA ALIQUA CONTRUSUS ET
INCARCERTATUS MULTO CONATU ERUMPIT; ATQUE ADEO OMNIS ILLE MOTUS MECHANICUS QUO
DURUM A DURO PERCUTITUR, QUI VULGO MOTUS VIOLENTI NIMINE APPELLATUR, PER QUEM
RES SOLIDAE MITTUNTUR ET VOLANT PER AEREM ET AQUAM, NIHIL ALIUD EST QUAM
NIXUS PARTIUM CORPORIS EMISSI AD SE EXPEDIENDUM A COMPRESSIONE; ET TAMEN
NUSQUAM HIC APPARENT VESTIGIA CALIDI ET FRIGIDI. NEQUE EST QUOD QUIS
ARGUTETUR EX DOCTRINA TELESII HOC MODO, UT DICTA; ESSE SINGULIS SPATIATIONIBUS
NATURALIBUS ASSIGNATAM PORTIONEM QUANDAM CALIDI ET FRIGIDI, EX CERTA QUADAM
ANALOGIA: ITAQUE FIERI POSSE UT TAMETIS NIHIL ADDATUR CALORIS ET FRIGORIS,
TAMEN SI SPATIA MATERIATI EXTENDANTUR AUT CONTRAHANTUR, RES EODEM RECIDAT,
QUIA PLUS ET MINUS IMPONITUR MATERIAE IN SPATIO, QUAM PRO RATIONE CALORIS
ET FRIGORIS. VERUM ISTA LICET NON ABSURDA DICTU, TAMEN SUNT EORUM QUI SEMPER
ALIQUID COMMINISCI SOLENT UT QUOD SEMEL VISUM EST TENEANT, NEC NATURAM ET RES
PERSEQUUNTUR. NAM SI ADDATUR CALOR ET FRIGUS HUJUSMODI CORPORIBUS EXTENSIS AUT
COMPRESSIS, IDQUE MAJORE MENSURA QUAM PRO RATIONE ET NATURA CORPORIS IPSIUS,
VELUTI SI PANNUS ILLE TENSUS CALEFIAT AD IGNEM, TAMEN NULLO NODO REM
COMPENSABIT, NEC IMPETUM RESTITUTIONIS EXSTINGUET. ITAQUE PLANUM JAM FECIMUS,
ISTAM VIRTUTEM SPATIATIONIS EX CALORE ET FRIGORE IN PARTE NOTABILI NON PENDERE,
CUM TAMEN SIT IPSA ILLA VIRTUS, QUAE PLURIMUM AUTHORITATIS HIS PRINCIPIIS
TRIBUERIT. SEQUUNTUR DUAE VIRTUTES QUAE OMNIBUS IN ORE SUNT, ATQUE LONGE ET
LATE PATENT, PER QUAS SCILICET CORPORA MASSAS SIVE CONGREGATIONES MAJORES RERUM
CONNATURALIUM PETUNT; IN QUARUM OBSERVATIONE, UT IN RELIQUIS, AUT NUGANTUR
HOMINES AUT PLANE ABERRANT. SCHOLA ENIM COMMUNIS SATIS HABET, SI MOTUM
NATURALEM A VIOLENTIA DISTINGUAT; ET GRAVIA DEORSUM, LEVIA SURSUM FERRI EX MOTU
NATURALI PRONUNTIET. VERUM PARUM PROFICIUNT AD PHILOSOPHIAM HUJUSMODI
SPECULATIONES. ISTA ENIM NATURA, ARS, VIOLENTIA, COMPENDIA VERBORUM SUNT ET
NUGAE. DEBUERUNT AUTEM HUNC MOTUM NON TANTUM AD NATURAM REFERRE, SED ETIAM
AFFECTUM ET APPETITUM PARTICULAREM ET PROPRIUM CORPORIS NATURALIS IN HOC
IPSO MOTU QUAERERE. SUNT ENIM ET ALLI MOTUS COMPLURES NATURALES EX PSSSIONIBUS
RERUM LONGE DIVERSIS. ITAQUE RES SECUNDUM DIFFERENTIAS PROPONENDA EST. QUIN
ET IPSI ILLI MOTUS QUOS VIOLENTOS APPELLANT MAGIS SECUNDUM NATURAM APPELLARI
POSSINT, QUAM ISTE QUEM VOCANT NATURALEM; SI SIT ILLUD MAGIS SECUNDUM NATURAM
QUOD EST FORTIUS, AUT ETIAM QUOD EST MAGIS EX RATIONE UNIVERSI. NAM MOTUS ISTE
ADSCENSUS ET DESCENSUS NON ADMODUM IMPERIOSUS EST, NEC ETIAM UNIVERSALIS, SED
TANQUAM PROVINCIALIS ET SECUNDUM REGIONES; QUIN ET ALIIS MOTIBUS OBSEQUENS
ET SUBJECTUS. QUOD VERO GRAVIA DEORSUM FERRI AIUNT, LEVIA SURSUM, IDEM EST AC
SI DECERENT, GRAVIA ESSE GRAVIA, LEVIA LEVIA. QUOD ENIM PRAEDICTUR, ID EX VI
IPSA TERMINI IN SUBJECTO ASSUMITUR. SI VERO PER GRAVE DENSUM, PER LEVE RARUM
INTELLIGUNT, PROMOVENT NONNIHIL; ITA TAMEN UT AD ADJUNCTUM ET CONCOMITANS,
POTIUS QUAM AD CAUSAM, REM DEDUCANT. QUI VERO GRAVIUM APPETITUM ITA EXPLICANT,
UT AD CENTRUM TERRAE ILLA FERRI CONTENDANT, LEVIA UT AD CIRCUMFERENTIAM ET
AMBITUM COELI, TANQUAM AD LOCA PROPRIA; ASSERUNT CERTE ALIQUID, ATQUE ETIAM
AD CAUSAM INNUUNT, SED OMNINO PERPERAM. LOCI ENIM NULLAE SUNT VIRES, NEQUE
CORPUS NISI A COPORE PATITUR, ATQUE OMNIS INCITATIO CORPORIS, QUAE VIDETUR
ESSE AD SE COLLOCANDUM, APPETIT ATQUE MOLITUR CONFIGURATIONEM VERSUS ALIUD
CORPUS, NON COLLOCATIONEM AUT SITUM SIMPLICEM.
***F
DOCTRINA DEMOCRITI DE ATOMIS AUT VERA EST, AUT AD DEMONSTRATIONEM
UTILITER ADHIBETUR. NON FACILE ENIM EST NATURAE SUBTILITATEM GENUINAM, ET
QUALIS IN REBUS IPSIS INVENITUR, AUT COGITATIONE COMPLECIT AUT VERBIS
EXPRIMERE, NISI SUPPONATUR ATOMUS. ACCIPITUR AUTEM DUOBUS SENSIBUS ATOMUS,
NON MULTUM INTER SE DIVERSIS. AUT ENIM ACCIPITUR PRO CORPORUM SECTIONIS SIVE
FRACTIONIS TERMINO ULTIMO SIVE PORTIONE MINIMA; AUT PRO CORPORE QUOD VACUO
CARET. QUOD AD PRIMUM ATTINET, HAEC DUO POSITA TUTO ET CERTO STATUI POSSUNT.
ALTERUM, INVENIRI IN REBUS DISPERTITIONEM ET COMMINUTIONEM LONGE EA QUAE SUB
ADSPECTUM CADIT SUBTILIOREM. ALTERUM, EAM TAMEN INFINITAM NON ESSE, NEC
PERPETUO DIVISIBILEM. SI QUIS ENIM DILIGENTER ATTENDAT, REPERIET RERUM
MINUTIAS IN CORPORIBUS CONTINUATIS, EAS QUAE IN CORPORIBUS FRACTIS ET
DISCONTINUATIS INVENIUNTUR SUBTILITATE LONGE VINCERE. VIDEMUS ENIM PARUM
CROCI IN AQUA INFUSUM ET AGITATUM, PUTA DOLIUM AQUAE ITA INFICERE, UT AB ALIA
AQUA PURA ETIAM VISU DISTINGUI POSSIT. QUAE CERTE DISPERTITIO CROCI PER AQUAM,
SUBTILITATEM EXQUISITISSIMI PULVERIS SUPERAT. QUOD MANIFESTUM FIET, SI
TANTUNDEM PULVERIS LIGNI BRASILII, VEL BALAUSTIORUM, VEL ALICUJUS REI
OPTIME COLORATAE (QUAE TAMEN CROCI LENTOREM AD SE IN LIQUORIBUS APERIENDUM
ET INCORPORANDUM NON HABEAT) IMMISCEAS. ITAQUE RIDICULUM ERAT, ATOMOS PRO
PARVIS ILLIS CORPUSCULIS QUAE SUB RADIIS SOLIS CONSPICIUNTUR ACCIPERE. EA
ENIM PULVERIS INSTAR SUNT; ATOMUM AUTEM, UT IPSE DEMOCRITUS AIEBAT, NEMO UNQUAM
VIDIT, AUT VIDERE POSSIT. SED ISTA RERUM DISPERTITIO IN ODORIBUS MULTO MAGIS
MIRABILEM SE OSTENDIT. ETENIM SI PARUM CROCI DOLIUM AQUAE COLORE, AT PARUM
ZIBETHI COENACULUM AMPLUM ODORE, IMBUERE ET INFICERE POTEST, ET SUBINDE
ALIUD, ET RURSUS ALIUD. NEQUE QUISQUAM SIBI FINGAT, ODORES, LUMINIS MORE AUT
ETIAM CALORIS ET FRIGORIS, ABSQUE COMMUNICATIONE SUBSTANTIAE DIFFUNDI; CUM
NOTARE POSSIT, ODORES ETIAM REBUS SOLIDIS, LIGNIS, METALLIS, ADHAERESCERE,
IDQUE AD TEMPUS NON EXIGUUM; POSSE ETIAM FRICTIONE, LAVATIONE, AB IISDEM
DISCUTI ET PURGARI. VERUM IN HISCE ET SIMILIBUS, QUOD PROCESSUS INFINITUS NON
SIT, NEMO SANUS CONTRADIXERIT; CUM INTRA SPATIA ET LIMITES, ET CORPORUM
QUANTITATES, HUJUSMODI DISPERTITIO SIVE DIFFUSIO COHIBEATUR: UT IN EXEMPLIS
ANTEDICTIS EVIDENTISSIMUM EST. QUOD AD SECUNDUM SENSUM ATOMI ATTINET, QUOD
VACUUM PRAESUPPONIT, ATOMUMQUE EX PRIVATIONE VACUI DEFINIT; BONA ET SERIA
DILIGENTIA HERONIS FUIT, QUAE VACUUM COACERVATUM NEGAVIT, VACUUM COMMISTUM
ASSERUIT. CUM ENIM PERPETUUM CORPORUM NEXUM CERNERET, NEQUE INVENIRI PRORSUS
AUT ASSIGNARI SPATIUM ALIQUOD QUOD CORPORE VACET; ET MULTO MAGIS, CUM CORPORA
GRAVIA ET PONDEROSA SURSUM FERRI, ET NATURAS SUAS QUOQUO MODO DEPONERE ET
VIOLARE POTIUS QUAM DIVULSIONEM ABSOLUTAM A CORPORE CONTIGUO PATIANTUR,
VIDERET; NATURAM A VACUO MAJORIS NOTAE, SIVE COACERVATO, ABHORRERE PRORSUS
STATUIT. CONTRA, CUM EANDEM CORPORIS MATERIAM CONTRAHI, ET COARCTARI, ET
RURSUS APERIRI ET DILATARI PERSPICERET, ET SPATIA INAEQUALIA, INTERDUM
MAJORA INTERDUM MINORA, OCCUPARE ET COMPLERE; NON VIDIT QUOMODO HUJUSMODI
INGRESSUS ET EGRESSUS CORPORUM IN LOCIS SUIS FIERI POSSIT, NISI PROPTER
VACUUM ADMISTUM, MINUS VIDELICET CORPORE COMPRESSO, PLUS RELAXATO. NECESSE
ENIM ESSE, CONTRACTIONEM ISTAM PER UNUM EX HIS TRIBUS MODIS FIERI; AUT EO
QUEM DIXIMUS, NEMPE QUOD VACUUM PRO RATIONE CONTRACTIONIS EXCLUDATUR; AUT
QUOD ALIUD ALIQUOD CORPUS PRIUS INTERMIXTUM EXPRIMATUR; AUT QUOD SIT QUAEDAM
NATURALIS (QUALIS QUALIS EA SIT) CORPORUM CONDENSATIO ET RAREFACTIO. ATQUE
QUOD AD CORPORIS TENUIORIS EXPRESSIONEM ATTINET, ISTA RATIO NULLUM EXITUM
HABERE VIDETUR. NAM VERUM EST, SPONGIAS, ET HUJUSMODI POROSA, EXPRESSO
AERE CONTRAHI. DE AERE IPSO AUTEM MANIFESUTM EST PER PLURIMA EXPERIMENTA,
EUM SPATIO NOTABILI CONTRAHI POSSE. NUM ERGO ET IPSIUS AERIS SUBTILITOREM
PARTEM EXPRIMI PUTANDUM EST? ET DEINCEPS HUJUSMODI PARTIS ALIAM, ET SIC IN
INFINITUM? NAM ADVERSISSIMUM TALI OPINIONI EST, QUOD QUO TENUIORA CORPORA
SINT, EO MAJOREM CONTRACTIONEM SUSTINEANT; CUM CONTRA FIERI OPOTERET, SI
CONTRACTIO PER EXPRESSIONEM PARTIS TENUIORIS FIERET. ATQUE DE ILLO ALTERO
MODO, CORPORA SCILICET EADEM, NEC ALIAS MUTATA, TAMEN MAGIS ET MINUS IN
RARITATE AUT DENSITATE RECIPERE, NON MULTUM LABORANDUM EST. POSITIVUM ENIM
QUIDDAM VIDETUR ESSE, ET RATIONE SURDA ET INEXPLICATA NITI, QUALIA SUNT FERE
ARISTOTELIS PRONUNTIATA. RESTAT ITAQUE TERTIUS ILLE MODUS, QUI VACUUM SUPPONIT.
QUOD SI ILLUD QUIS OBJICIAT: DURUM VIDERI, ET FERE INCREDIBILE, UT VACUUM
ADMISTUM SIT, CUM CORPUS UBIQUE REPERIATUR; IS SI EXEMPLA QUAE MODE ADDUXIMUS,
AQUAE CROCO, VEL AERIS ODORIBUS INFECTI, ANIMO SEDATIORE CONSIDERET, FACILE
PERSPICIET NULLAM PARTEM POSSE ASSIGNARI AQUAE UBI CROCUS NON SIT, ET TAMEN
MANIFESTUM ESSE EX COMPARATIONE CROCI ET AQUAE ANTEQUAM MISCERENTUR, CORPUS
AQUAE CORPUS CROCI MULTIS NUMERIS EXCEDERE. QUOD SI ID IN DIVERSIS CORPORIBUS
INVENITUR, MULTO MAGIS IN CORPORE ET VACUO HOC FIERI PUTANDUM EST. VERUM IN
EA PARTE, HERONIS, UTPOTE HOMINIS MECHANICI, CONTEMPLATIO, ILLA DEMOCRITI,
PHILOSOPHI CLARISSIMI, INFERIOR FUIT: QUOD HERO, QUIA HIC APUD NOS IN NOSTRO
ISTO ORBE VACUUM COACERVATUM NON REPERIT, IDEO ILLUD SIMPLICITER NEGAVIT. NIL
DE AEQUALITATE AC INAEQUALITATE ATOMORUM SIVE SEMINUM.
PYTHAGORAE INVENTA ET PLACITA TALIA EX MAJORE PARTE FUERE, QUAE AD ORDINEM
POTIUS QUENDAM RELIGIOSORUM FUNDANDUM, QUAM AD SCHOLAM IN PHILOSOPHIA
APERIENDAM, ACCOMMODATA ESSENT; QUOD ET EVENTUS COMPROBAVIT. EA ENIM DISCIPLINA
PLUS IN HAERESI MANICHAEORUM ET SUPERSTITIONE MAHUMETI QUAM APUD PHILOSOPHOS
VALUIT ET FLORUIT. OPINIO TAMEN EJUS, MUNDUM EX NUMERIS CONSTARE, EO SENSU
ACCIPI POTEST, UT AD NATURAE PRINCIPIA PENETRET. DUPLEX ENIM EST, ATQUE ADEO
ESSE POTEST, OPINIO DE ATOMIS SIVE RERUM SEMINIBUS: UNA DEMOCRITI, QUAE
ATOMIS INAEQUALITATEM ET FIGURAM, ET PER FIGURAM SITUM, ATTRIBUIT; ALTERA
FORTASSE PYTHAGORAE, QUAE EAS OMNINO PARES ET SIMILES ESSE ASSERUIT. QUI ENIM
AEQUALITATEM ATOMIS ASSIGNAT, IS OMNIA IN NUMERIS NECESSARIO PONIT; QUI AUTEM
RELIQUA ATTRIBUTA ADMITTIT, IS NATURAS PRIMITIVAS ATOMORUM SINGULARIUM PRAETER
NUMEROS SIVE RATIONES COITIONUM ADHIBET. ACTIVA AUTEM QUAESTIO QUAE HUIC
SPECULATIVAE RESPONDET EAMQUE DETERMINARE POTEST, EA EST QUAM ETIAM DEMOCRITUS
ADDUCIT; UTRUM OMNIA EX OMNIBUS FIERI POSSINT. QUOD CUM ILLE A RATIONE ALIENUM
PUTASSET, ATOMORUM DIVERSITATEM TENUIT. NOBIS VERO EA QUAESTIO NON BENE
INSTITUTA NEC QUAESTIONEM PRIOREM PREMERE VIDETUR, SI DE TRANSMUTATIONE
IMMEDIATA CORPORUM INTELLIGATUR. VERUM UTRUM ETIAM PER DEBITOS CIRCUITUS ET
MUTATIONES MEDIAS UNIVERSA NON TRANSEANT, EA DEMUM QUAESTIO LEGITIMA EST.
DUBIUM ENIM NON EST, SEMINA RERUM, LICET SINT PARIA, POSTQUAM SE IN CERTAS
TURMAS ET NODOS CONJECERINT, CORPORUM DISSIMILIUM NATURAM OMNINO INDUERE,
DONEC EAEDEM TURMAE AUT NODI DISSOLVANTUR; ADEO UT COMPOSITORUM NATURA ET
AFFECTUS TRANSMUTATIONI IMMEDIATAE NON MINORI IMPEDIMENTO AC OBICI, QUAM
SIMPLICIUM, ESSE POSSIT. VERUM DEMOCRITUS IN CORPORUM PRINCIPIIS INVESTIGANDIS
ACUTUS; IN MOTUUM AUTEM PRINCIPIIS EXAMINANDIS SIBI IMPAR ET IMPERITUS
DEPREHENDITUR; QUOD ETIAM COMMUNE VITIUM OMNIUM PHILOSOPHORUM FUIT. ATQUE
HUJUS DE QUA LOQUIMUR INQUISITIONIS DE PRIMA CONDITIONE SEMINUM SIVE ATOMORUM
UTILITAS, NESCIMUS AN NON SIT OMNINO MAXIMA; UT QUAE SIT ACTUS ET POTENTIAE
SUPREMA REGULA, ET SPEI ET OPERUM VERA MODERATRIX. ETIAM ALIA INQUISITIO
INDE FLUIT, CUJUS UTILITAS COMPLEXU MINOR, SED REBUS ET OPERIBUS PROPIOR EST.
EA EST DE SEPARATIONE ET ALTERATIONE; HOC EST, QUID PER SEPARATIONEM FIAT, ET
QUID ALIA RATIONE. FAMILIARIS ENIM EST ANIMO HUMANO ERROR, QUI ETIAM A
CHYMISTARUM PHILOSOPHIA MAGNUM ROBUR ET INCREMENTUM ACCEPIT; UT EA SEPARATIONI
DEPUTENTUR, QUAE ALIO SPECTENT. EXEMPLI GRATIA; CUM AQUA IN VAPOREM TRANSIT,
FACILE QUIS OPINETUR PARTEM AQUAE SUBTILIOREM EMITTI, CRASSIOREM SUBSISTERE;
UT IN LIGNO VIDERE EST, UBI PARS IN FLAMMA ET FUMO EVOLAT, PARS IN CINCERE
MANET. SIMILE QUIDDAM ET IN AQUA FIERI QUIS PUTET, LICET NON TAM MANIFESTO.
QUAMVIS ENIM TOTA AQUA QUANDOQUE EBULLIRE ET CONSUMI VIDEATUR, TAMEN FAECES
QUASDAM EJUS, TANQUAM CINCEREM, VASI ADHAERESCERE POSSE. VERUM ET ISTA RATIO
COGITATIONEM FALLIT. CERTISSIMUM ENIM EST, TOTUM CORPUS AQUAE IN AEREM POSSE
MUTARI, ET SI QUID VASI ADHAERESCAT, ID NON EX DELECTU ET SEPARATIONE PARTIS
CRASSIORIS, SED FORTE UT ALIQUA PARS (LICET PARI OMNINO CUM EA QUAE EVOLAT
SUBSTANTIA) SITU VAS TETIGERIT, EVENIRE; IDQUE EXEMPLO ARGENTI VIVI ELUCESCIT,
QUOD TOTUM FIT VOLATILE, ET RURSUS TOTUM ABSQUE DIMINUTIONE VEL TANTILLA
CONSISTIT. ETIAM IN OLEO LAMPADUM ET SEVO CANDELARUM, TOTUM A PINGUI FIT
VOLATILE, NEC ALIQUA FIT INCINERATIO; NAM FULIGO POST FLAMMAM, NON ANTE
FLAMMAM, GIGNITUR; ET FLAMMAE CADAVER, NON OLEI AUT SEVI SEDIMENTUM EST. ATQUE
HOC ADITUM QUENDAM AD DEMOCRITI OPINIONEM DE DIVERSITATE SEMINUM SIVE
ATOMORUM LABEFACTANDAM PRAEBET. ADITUM, INQUAM, IN NATURA; NAM IN OPINIONE
ADITUS ILLE EST MULTO MOLLIOR ET BLANDIOR, QUOD PHILOSOPHIA VULGARIS
MATERIAMS SUAM COMMENTITIAM AD OMNES FORMAS AEQUAM ET COMMUNEM FINGIT.
DE NEGLIGENTIA VETERUM IN INQUISITIONE DE MOTU ET MOVENTIBUS
RERUM PRINICIPIIS.
INQUISITIONEM DE NATURA IN MOTU CONTEMPLANDO ET EXAMINANDO MAXIME
COLLOCARE, EJUS EST QUI OPERA SPECTET. QUIETA AUTEM RERUM PRINCIPIA CONTEMPLARI
AUT COMMINISCI, EORUM EST QUI SERMONES SERERE ET DISPUTATIONES ALERE VELINT.
QUIETA AUTEM VOCO PRINCIPIA, QUAE DOCENT EX QUIBUS RES CONFLENTUR ET
CONSISTANT, NON AUTEM QUA VI ET VIA COALESCANT. NEQUE ENIM AD AGENDUM ET
POTESTATEM SIVE OPERATIONEM HUMANAM AMPLIFICANDAM SUFFICIT, AUT MAGNOPERE
ATTINET, NOSSE EX QUIBUS RES CONSTENT, SI MODOS ET VIAS MUTATIONUM ET
TRANSFORMATIONUM IGNORES. NAM SUMPTO EXEMPLO A MECHANICIS (A QUARUM PHANTASIA
CELEBRES ILLAE DE PRINCIPIIS RERUM INQUISITIONES FLUXISSE VIDENTUR), AN FORTE
QUI SIMPLICIA THERIACAM INGREDIENTIA NOVIT, IS PRO CERTO THERIACAM COMPONERE
POTEST? AUT QUI SACCHARI, VITRI, PANNI, MATERIALIA RECTE DESCRIPTA APUD SE
HABET, NUM PROPTEREA ARTEM QUAE AD EORUM PRAEPARATIONEM ET EFFECTIONEM
PERTINET TENERE VIDETUR? ATQUE IN HUJUSMODI TAMEN PRINCIPIIS MORTUIS
INVESTIGANDIS ET EXAMINANDIS HOMINUM SPECULATIONES PRAECIPUE OCCUPATAE SUNT;
AC SI QUIS CADAVERIS NATURAE ANATOMIAM INSPICERE, NON NATURAE VIVAE FACULTATES
ET VIRTUTES INQUIRERE, SIBI PROPONAT ET DESTINET. DE MOVENTIBUS AUTEM RERUM
PRINCIPIIS SERMO FERE IN TRANSITU HABETUR; UT OMNEM ADMIRATIONEM SUPERET, SI
INTUEAMUR QUAM NEGLIGENTER ET DISSOLUTE RES OMNIUM MAXIMA ET UTILISSIMA
INQUIRATUR ET TRACTETUR. ETENIM SI COGITATIONEM DE IIS QUAE DICUNTUR PAULISPER
SUSCIPIAMUS; NUM STIMULUS MATERIAE PER PRIVATIONEM? NUM EFFORMATIO MATERIAE
AD IDEAM? NUM AGGREGATIO PARTICULARUM SIMILIUM? NUM AGITATIO FORTUITA
ATOMORUM IN VACUO? NUM LIS ET AMICITIA? NUM COELI ET TERRAE IMPRESSIONES
RECIPROCAE? NUM ELEMENTORUM COMMERCIUM PER QUALITATES SYMBOLIZANTES? NUM
INFLUXUS COELSTIUM? NUM SYMPATHIAE ET ANTIPATHIAE RERUM? NUM OCCULTAE ET
SPECIFICAE VIRTUTES ET PROPRIETATES? NUM FATUM, FORTUNA, NECESSITAS? NUM,
INQUAM, HUJUSMODI GENERALIA, QUAE NIL ALIUD SUNT QUAM SPECTRA ET SIMULACHRA IN
SUPERFICIE RERUM, VELUTI IN AQUIS, NATANTIA ET LUDENTIA, HUMANUM GENUS BEABUNT
AUT OPES HUMANAS EFFICIENT AUCTIORES? ISTA ENIM PHANTASIAM IMPLENT, VEL
INFLANT POTIUS; SED NIL PRORSUS AD OPERUM EFFECTIONEM, CORPORUM MUTATIONEM,
AUT MOTUUM REGIMEN FACIUNT. ATQUE RURSUS, DE MOTU NATURALI ET VIOLENTO, DE
MOTU EX SEIPSO ET ALIUNDE, DE TERMINIS MOTUUM, ARGUTARI ET SUBTILITATES
CAPTARE; ET HAEC QUOQUE NIL ADMODUM DE CORPORE NATURAE STRINGUNT; SED POTIUS
IN CORTICE DESCRIBUNTUR. ITAQUE HIS MISSIS, VEL AD POPULARES SERMONES
DAMNATIS ET RELEGATIS, ILLI DEMUM RERUM APPETITUS ET INCLINATIONES
INVESTIGANDAE SUNT, A QUIBUS ISTA, QUAM VIDEMUS, TANTA EFFECTUM ET MUTATIONUM
VARIETAS IN OPERIBUS ET NATURAE ET ARTIS CONFLATUR ET EMERGIT. ATQUE
TENTANDUM UT NATURAE, VELUTI PROTEO, VINCULA INJICIAMUS. SUNT ENIM GENERA
MOTUUM RECTE INVENTA ET DISCRETA, VER PROTEI VINCULA. NAM PROUT MOTUUM, ID
EST, INCITATIONUM ET COHIBITIONUM, STIMULI ET NODI ADHIBENTUR, AD ILLUD
SEQUITUR MATERIAE IPSIUS CONVERSIO ET TRANSFORMATIO.
DE DIVISIONE VULGARI MOTUS, QUOD SIT INUTILIS, ET MINUS ACUTA.
DIVISIO MOTUS RECEPTA IN PHILOSOPHIA POPULARIS VIDETUR ET ABSQUE
FUNDAMENTO, UT QUAE REM PER EFFECTUS TANTUM DIVIDIT; ATQUE AD HOC, UT PER
CAUSAS SCIAMUS, NIHIL CONDUCIT. NAM GENERATIO, CORRUPTIO, AUGMENTATIO,
DIMINUTIO, ALTERATIO, LATIO AD LOCUM, NIL ALIUD QUAM OPERA ET EFFECTUS MOTUUM
SUNT; QUI CUM AD MANIFESTAM RERUM MUTATIONEM PERVENERUNT QUAE POPULARI NOTAE
SUBJACET, TUM DEMUM HISCE NOMINIBUS (PINGUI SATIS CONTEMPLATIONE)
INSIGNIUNTUR. NEQUE ENIM DUBITAMUS QUIN HOC SIBI VELINT: CUM CORPORA PER MOTUM
(CUJUSCUNQUE SIT GENERIS) EO USQUE PROCESSERINT UT FORMAM NOVAM TENEANT VEL
VETEREM PONANT (QUOD VELUTI PERIODUS QUAEDAM EST, ET JUSTI SPATII CONFECTIO),
ID MOTUM GENERATIONIS ET CORRUPTIONIS NOMINARI; SIN AUTEM, MANENTE FORMA,
QUANTITATEM TANTUMMODO ET DIMENSIONEM NOVAM ADIPISCANTUR, ID MOTUM
AUGMENTATIONIS ET DIMINUTIONIS DICI; SIN, MANENTE ETIAM MOLE ET CLAUSTRIS SIVE
CIRCUMSCRIPTIONE, TAMEN QUALITATE, ACTIONIBUS, ET PASSIONIBUS MUTENTUR,
ID MOTUM ALTERATIONIS APELLARI; SIN, MANENTE UTIQUE ET FORMA ET MOLE ET
QUANTITATE, LOCUM ET NIL ALIUD MUTENT, ID PER MOTUM LATIONIS SIGNIFICARI.
VERUM HAEC OMNIA, ACUTIUS ET DILIGENTIUS INSPICIENTI, MENSURA MOTUS SUNT, ET
PERIODI SIVE CURRICULA QUAEDAM MOTUUM, ET VELUTI PENSA; NON VERAE DIFFERENTIAE;
CUM QUID FACTUM SIT DESIGNENT, AT RATIONEM FACTI VIC INNUANT. ITAQUE HUJUSMODI
VOCABULA DOCENDI GRATIA SUNT NECESSARIA, ET DIALECTICIS RATIONIBUS ACCOMMODATA,
NATURALIS AUTEM SCIENTIAE EGENTISSIMA. OMNES ENIM ISTI MOTUS COMPOSITI SUNT, ET
DECOMPOSITI, ET MULTIPLICITER COMPOSITI; CUM PERITE CONTEMPLANTIBUS AD
SIMPLICIORA PENETRANDUM SIT. NAM PRINCIPIA, FONTES, CAUSAE, ET FORMAE
MOTUUM, ID EST OMNIGENAE MATERIAE APPETITUS ET PASSIONES, PHILOSOPHIAE
DEBENTUR; AC DEINCEPS MOTUUM IMPRESSIONES SIVE IMPULSIONES; FRAENA ET
RELUCTATIONES; VIAE ET OBSTRUCTIONES; ALTERNATIONES ET MIXTURAE; CIRCUITUS ET
CATENAE; DENIQUE UNIVERSUS MOTUUM PROCESSUS. NEQUE ENIM DISPUTATIONES ANIMOSAE,
AUT SERMONES PROBABILES, AUT CONTEMPLATIONES VAGAE, AUT DENIQUE PLACITA
SPECIOSA, MULTUM JUVANT. SED ID AGENDUM, UT MODIS DEBITIS, ET MINISTERIO
NATURAE CONVENIENTI, MOTUM QUEMCUNQUE IN MATERIA SUSCEPTIBILI EXCITARE,
COHIBERE, INTENDERE, REMITTERE, MULTIPLICARE, AC SOPIRE ET SISTERE POSSIMUS;
ATQUE INDE CORPORUM CONSERVATIONES, MUTATIONES, ET TRANSFORMATIONES PRAESTARE.
MAXIME AUTEM II MOTUS SUNT INQUIRENDI, QUI SIMPLICES, PRIMITIVI, ET
FUNDAMENTALES UUNT, EX QUIBUS RELIQUI CONFLANTUR. CERTISSIMUM ENIM EST, QUANTO
SIMPLICIORES MOTUS INVENIENTUR, TANTO MAGIS HUMANAM POTESTATEM AMPLIFICARI ET A
SPECIALIBUS ET PRAEPARATIS MATERIIS LIBERARI, ET IN NOVA OPERA INVALESCERE.
ET CERTE QUEMADMODUM VERBA SIVE VOCABULA OMNIUM LINGUARUM, IMMENSA VARIETATE,
E PAUCIS LITERIS SIMPLICIBUS COMPONUNTUR; PARI RATIONE UNIVERSAE RERUM ACTIONES
ET VIRTUTES A PAUCIS MOTUUM SIMPLICIUM NATURIS ET ORIGINIBUS CONSTITUUNTUR.
TURPE AUTEM FUERIT HOMINIBUS, PROPRIAE VOCIS TINTINNABULA TAM ACCURATE
EXPLORASSE, AD NATURAE AUTEM VOCEM TAM ILLITERATOS ESSE; ET MORE PRISCI
SECULI (ANTEQUAM LITERAE INVENTAE ESSENT) SONOS TANTUM COMPOSITOS ET VOCOS
DIGNOSCERE, ELEMENTA ET LITERAS NON DISTINGUERE.
DE QUANTO MATERIAE CERTO, ET QUOD MUTATIO FIAT ABSQUE
INTERITU.
OMNIA MUTARI, ET NIL VERE INTERIRE, AC SUMMAM MATERIAE PRORSUS EANDEM
MANERE, SATIS CONSTAT. ATQUE UT OMNIPOTENTIA DEI OPUS ERAT, UT ALIQUID
CREARETUR E NIHILO; ITA ET SIMILIS OMNIPOTENTIA REQUIRITUR, UT ALIQUID
REDIGATUR IN NIHILIUM. ID SIVE PER DESTITUTIONEM VIRTUTIS CONSERVATICIS SIVE
PER ACTUM DISSOLUTIONIS FIAT, NIHIL AD REM: TANTUM, NECESSE EST. UT DECRETUM
INTERCEDAT CREATORIS. HOC POSITO, NE COGITATIO ABSTRAHATUR AUT MATERIA ALIQUA
FICTITIA INTELLIGATUR, ETIAM ILLUD SIGNIFICAMUS; EAM A NOBIS INTRODUCI
MATERIAM, ATQUE EA NATURA INVESTITAM, UT VERE DICI POSSIT, HUIC CORPORI PLUS
MATERIAE ADESSE, ILLI AUTEM (LICET EANDEM MENSURAM EXPLEANT) MINUS. EXEMPLI
GRATIA, PLUMBO PLUS, AQUAE MINUS, AERI MULTO MINUS: NEQUE HOC SOLUM INDEFINITE
ET RATIONE INCERTA ET SURDA, SED PRAECISE; ADEO UT CALCULOS HAEC RES PATI
POSSIT, VELUTI PLUS DUPLO, TRIPLO, ET SIMILITER. ITAQUE SI QUIS DICAT AEREM
EX AQUA FIERI POSSE AUT RURSUS AQUAM EX AERE, AUDIAM; SI VERO DICAT SIMILEM
MENSURAM AQUAE IN SIMILEM MENSURAM AERIS VERTI POSSE, NON AUDIAM; IDEM ENIM
EST AC SI DIXISSET ALIQUID POSSE REDIGI IN NIHILUM. SIMILITER E CONVERSO, SI
DICAT DATAM MENSURAM AERIS (EXEMPLIGRATIA VESICAM CONTENTI CERTI AERIS
PLENAM) IN SIMILEM MENSURAM AQUAE VERTI POSSE, IDEM EST AC SI DICAT ALIQUID
FIERI POSSE EX NIHILO. EX HIS ITAQUE POSITIS, TRIA PRAECEPTA SIVE CONSILIA
AD USUM DERIVARE JAM VISUM EST; UT HOMINES PERITIUS, ET PROPTER PERITIAM
FELICIUS, CUM NATURA NEGOTIENTUR. PRIMUM HUJUSMODI EST, UT HOMINES FEQUENTER
NATURAM DE RATIONIBUS SUIS REDDENDIS INTERPELLENT; HOC EST, CUM CORPUS
NON PRIUS RATIONES ADMITTANT AUT LIQUIDENT, QUAM DEMONSTRATUM EIS FUERIT QUO
TANDEM CORPUS ILLUD MIGRAVERIT, ET AD QUAE RECEPTUM SIT. HOC, UT NUNC SUNT
RES, NEGLIGENTISSIME FIT, ET CONTEMPLATIO PLERUMQUE CUM ASPECTU DESINIT;
ADEO UT FLAMMAE, REI VULGATISSIMAE, RECEPTUM HOMINES NON NORINT; QUANDOQUIDEM
EAM IN CORPUS AERIS MUTARI FALSISSIMUM SIT. SECUNDUM HUJUSMODI, UT CUM HOMINES
CONSIDERENT NECESSITATEM NATURAE PRORSUS ADAMANTINAM QUAE MATERIAE INEST,
UT SE SUSTENTET NEC IN NIHILUM CEDAT AUT SOLVATUR, ILLI RURSUS NULLUM GENUS
VEXATIONIS ET AGITATIONIS MATERIAE PRAETERMITTANT, SI ULTIMAS EJUS OPERATIONES
ET OBSTINATIONES DETEGERE ATQUE EDUCERE VELINT. ATQUE HOC CONSILIUM NON ADMODUM
ARTIFICIOSUM CERTE VIDERI POSSIT; QUIS NEGAT? SED UTILE TAMEN QUIDDAM
VIDETUR, NEQUE NIHIL IN EO EST, VERUNTAMEN, SI PLACET, ETIAM NUNC PARUM
OBSERVATIONIS HUIC EI ADSPERGAMUS. ITAQUE SIC HABETO. MAXIMUM CERTE HOMINI
SIVE OPERANTI SIVE EXPERIENTI, IMPEDIMENTUM OCCURRIT, QUOD MATERIAE MASSAM
CERTAM ABSQUE DIMINUTIONE AUT ACCESSIONE SERVARE, ET PREMERE ET SIBIGERE VIX
LICET; SED SEPARATIONE FACTA ULTIMA VIS ELUDITUR. SEPARATIO AUTEMDUPLEX
INTERVENIT, AUT QUOD PARS MATERIAE EVOLET, UT IN DECOTIONE: AUT SALTEM QUOD
SECESSIO FIT, UT IN FLORE LACTIS. INTENTIO ITAQUE MUTATIONIS CORPORUM PROFUNDAE
ET INTIMAE NON ALIA EST, QUAM SI MATERIA OMNINO DEBITIS MODIS VEXETUR; SED
TAMEN ISTAE DUAE SEPARATIONES NIHILOMNIUS INTERIM PROHIBEANTUR. TUM ENIM
MATERIA VERE CONSTRINGITUR, UBI FUGAE OMNIS VIA INTERCIPITUR. TERTIUM DENIQUE
HUJUSMODI, UT HOMINES CUM CORPORUM ALTERATIONES IN EADEM MATERIAE MASSA,
NEQUE AUCTA NEQUE DIMINUTA, FIEREI VIDEANT, PRIMUM EO ERRORE PHANTASIAM
LIBERENT, QUI ALTE HAERET; ALTERATIONEM NEMPE TANTUMMODO PER SEPARATIONEM
FIERI; DEINDE UT SEDULO ET PERITE DISTINGUERE INCIPIANT DE ALTERATIONIBUS,
QUANDO AD SEPARATIONEM REFERRI DEBEANT; QUANDO AD DISORDINATIONEM TANTUM, ET
VARIAM POSITIONEM PARTIUM ABSQUE ALIA SEPARATIONE; QUANDO AD UTRAMQUE. NEQUE
ENIM (CREDO) CUM PYRUM IMMATURUM ET ACERBUM MANIBUS FORTIUS ATTRECTAMUS,
CONTUNDIMUS, ET SUBIGIMUS, UNDE ILLUD DULCEDINEM ACQUIRIT; AUT CUM SUCCINUM
VEL GEMMA IN PULVEREM SUBTILISSIMUM REDACTA COLOREM DEPONUNT; MATERIAE PARS
NOTABILIS DEPERDITUR; SED TANTUM PARTES CORPORIS IN NOVA POSITIONE
CONSTITUUNTUR. RESTAT UT ERROREM QUENDAM EX OPINIONIBUS HOMINUM EVELLAMUS,
CUJUS EA VIS EST, UT SI FIDES EI ADHIBEATUR, ALIQUA EX HIS QUAE DIXIMUS PRO
DESPERATIS HABERI POSSINT. VULGARIS ENIM OPINIO EST, RERUM SPIRITUS, CUM AD
INTENSIOREM QUENDAM GRADUM TENUITATIS PER CALOREM EVECTI SUNT, ETIAM IN VASIS
SOLIDISSIMIS (PUTA ARGENTI, VITRI), PER OCCULTOS EORUNDEM POROS ET MEATUS
EVOLARE; QUOD MINUS VERUM EST. NEQUE ENIM AER AUT SPIRITUS, LICET ACCEDENTE
CALORE RAREFACTUS, NON FLAMMA IPSA, TAM LIBENTER SE COMMINUIT, UT PER HUJUSMODI
POROS EXITUM SIBI QUAERERE AUT FACERE SUSTINEAT. VERUM UT NEC AQUA PER RIMAM
VALDE PARVAM, ITA NEC AER PER HUJUSMODI POROS EFFLUIT. NAM UT AER AQUA LONGE
TENUIOR, ITA ET TALES PORI RIMIS CONSPICUIS LONGE SUBTILIORES SUNT; NEQUE
OPUS HABERET SUB VASE OPERTO SUFFOCARI, SI HUJUSMODI PERSPIRATIONES ILLI ULLO
MODO PRAESTO ESSENT AUT COMPETERENT. EXEMPLUM AUTEM QUOD ADDUCUNT MISERUM EST,
VEL POTIUS MISERANDUM; UT SUNT PLERAEQUE CONTEMPLATIONES VULGARIS
PHILOSOPHIAE, CUM AD PARTICULARIA VENTUM EST. AIUNT ENIM, SI CHARTA INFLAMMATA
IN POCULUM MITTATUR, ET SUBITO OS POCULI SUPER VAS AQUAE CONVERTATUR, AQUAM
SURSUM TRAHI; PROPTEREA QUOD POSTQUAM FLAMMA, ET AER PER FLAMMAM RAREFACTUS,
QUAE SPATII ALIQUANTUM IMPLEVERANT, PER POROS VASIS EXHALAVERINT, RESTARE UT
CORPUS ALIQUOD SUCCEDAT. IDEM IN VENTOSIS FIERI, QUAE CARNES TRAHUNT. ATQUE
DE SUCCESSIONE AQUAE VEL CARNIS BENE SENTIUNT; DE CAUSE QUAE PRAECEDIT,
IMPERITISSIME. NEQUE ENIM EST ALIQUA CORPORIS EMISSIO QUAE SPATIUM PRAEBET,
SED SOLA CORPORIS CONTRACTIO. CORPUS ENIM IN QUOD FLAMMA RECIDIT, LONGE MINUS
SPATIUM COMPLET, QUAM FLAMMA ANTEQUAM EXSTINGUERETUR. HINC FIT ILLUD INANE,
QUOD SUCCESSIONEM DESIDERAT. ATQUE IN VENTOSIS HOC EVIDENTISSIMUM EST. NAM
CUM EAS FORTIUS TRAHERE VOLUNT, SPONGIA AQUAE FRIGIDAE INFUSA ILLAS TANGUNT,
UT PER FRIGUS AER INTERIOR CONDENSETUR, ET SE IN MINUS SPATIUM COLLIGAT.
ITAQUE DEMIMUS CERTE HOMINIBUS EAM SOLICITUDINEM, NE DE SPIRITUM TAM FACILI
EVOLATIONE LABORENT: CUM ET ILLI SPIRITUS, QUOS SAEPE DESIDERANT, ODORUM,
SAPORUM, SIMILIUM, NON SEMPER EXTRA SEPTA EVOLENT, SED INTRA CONFUNDATNUR, HOC
CERTISSIMUM EST.
DE QUIETE APPARENTE, ET CONSISTENTIA, ET FLUORE.
QUOD QUAEDAM QUIESCERE VIDEANTUR ET MOTU PRIVARI, ID SECUNDUM TOTUM
AUT INTEGRUM RECTE VIDETUR, SECUNDUM PARTES AUTEM HOMINUM OPINIONEM FALLIT.
QUIES ENIM SIMPLEX ET ABSOLUTA, ET IN PARTIBUS ET IN TOTO, NULLA EST; QUAE ESSE
PUTATUR, PER MOTUUM IMPEDIMENTA, COHIBITIONES, ET AEQUILIBRIA EFFICITUR.
EXEMPLI GRATIA, CUM IN VASIS IN FUNDO PERFORATIS, QUIBUS HORTOS IRRIGAMUS,
AQUA (SI OS VASIS OBTURETUR) EX FORAMINIBUS ILLIS NON EFFLUIT, ID PER MOTUM
RETRAHENTEM NON PER NATURAM QUIESCENTEM FIERI PERSPICUUM EST. AQUA ENIM TAM
CONTENDIT DESCENDERE, QUAM SI ACTU SUO POTIATUR; SED CUM IN SUMMITATE VASIS
NON SIT QUOD SUCCEDAT, AQUA IN IMO AB AQUA IN SUMMO RETRAHITUR ET VIM PATITUR.
SI QUIS ENIM ALTERUM INFIRMIOREM IN LUCTA TENEAT, UT SE MOVERE NON POSSIT,
ATQUE ILLE NITATUR TAMEN SEDULO, NON PROPTEREA MINOR EST MOTUS RENITENTIAE,
QUIA NON PRAEVALET, ET A MOTU FORTIORI LIGATUR. HOC AUTEM QUOD DICIMUS DE
FALSA QUIETE, ET IN REBUS INNUMERIS UTILE COGNITU EST, ET NON MINIMUM LUCIS
PRAEBET IN INQUISITIONE NATURAE SOLIDI ET LIQUIDI, SIVE CONSISTENTIAE ET
FLUORIS. SOLIDA ENIM VIDENTUR IN POSITIONE SUA MANERE ET QUIESCERE, LIQUIDA
AUTEM MOVERI ET CONFUNDI. NEQUE ENIM COLUMNA EX AQUA, AUT ALIA EFFIGIES EXSTRUI
POTEST, UT DE' LIGNO VEL LAPIDE. ITAQUE IN PROMPTU EST OPINARI, PARTES AQUAE
SUPERIORES CONTENDERE (MOTU, QUEM APPELLANT, NATURALI) UT DEFLUANT PARTES AUTEM
LIGNI NON ITEM. ATQUI HOC VERUM NON EST; CUM IDEM INSIT MOTUS PARTIBUS LIGNI
QUAE IN SUMMO COLLOCANTUR, UT DEORSUM FERANTUR, QUI AQUAE; IDQUE IN ACTUM
PERDUCERETUR, NISI LIGARETUR ET RETRAHERETUR ISTE MOTUS A MOTU POTIORE. IS
AUTEM EST CERTE APPETITUS CONTINUITATIS, SIVE SEPARATIONIS FUGA; QUAE ET IPSA
TAM AQUAE QUAM LIGNO COMPETIT, SED IN LIGNO EST MOTU GRAVITATIS FORTIOR, IN
AQUA DEBILIOR. NAM QUOD EX HUJUSMODI MOTU ETIAM QUAE LIQUIDA SUNT PARTICIPENT,
ID MANIFESTUM EST. VIDEMUS ENIM IN BULLIS AQUAE, AD SEPARATIONEM EVITANDAM,
AQUAM SE IN PELLICULAS CONJICERE, IN HEMISPHAERII FORMAM CONFICTAS. VIDEMUS
ETIAM IN STILLICIDIIS, AQUAM UT AQUAE CONTINUETUR, IN FILUM EXILE SE PRODUCERE
ET ATTENUARE, QUOAD SEQUENS AQUA SUPPETAT; SIN AUTEM DEFICIAT AQUAE AD
CONTINUATIONEM, TUM SE IN GUTTAS ROTUNDAS RECIPERE, QUARUM DIAMETER FILO
ILLO PRIORE SIT MULTO MAJOR. SIMILI MODO VIDEMUS, AQUAM COMMINUTIONEM MAGIS
EXQUISITAM AEGRE PATI, CUM EX FORAMINIBUS ET RIMIS (SI SUBTILIORES SINT)
NATURALI SUO PONDERE ABSQUE CONCUSSIONE NON EFFLUAT. QUARE CONSTAT APPETITUM
CONTINUITATIS ETIAM LIQUIDIS INESSE, SED DEBILEM. AT CONTRA IN REBUS SOLIDIS
VIGET, ET MOTUI NATURALI SIVE GRAVITATI PRAEDOMINATUR. SI QUIS ENIM EXISTIMET,
IN COLUMNA LIGNI VEL LAPIDIS SUPERIORES PARTES NON DIFFLUERE CUPERE, SED SE IN
EODEM PLANE STATU SUSTINERE; IS FACILE SE CORRIGET, SI CONSIDERET COLUMNAM,
SIVE SIMILIA, SI ALTITUDO EJUS AD LATITUDINEM BASIS NON SIT PROPORTIONATA,
SED MODUM EXCEDAT, STARE NON POSSE, SED DEVEXO PONDERE FERRI; ADEO UT
STRUCTURIS PRAELTIS NECESSE SIT UT AD PYRAMIDIS FORMAM INCLINENT, ET SINT
VERSUS SUMMITATEM ANGUSTIORES. QUALIS AUTEM SIT EA NATURA QUAE APPETITUM ISTUM
CONTINUITATIS INTENDAT AUT REMITTAT, NON FACILE INQUIRENTI OCCURRET. ILLUD
FORTASSE SUGGERETUR, PARTES SOLIDORUM ESSE MAGIS DENSAS ET COMPACTAS;
LIQUIDORUM MAGIS RARAS ET SOLUTAS; AUT LIQUIDIS SUBESSE SPIRITUM QUOD FLUORIS
SIT PRINCIPIUM, QUI IN SOLIDIS DESIT; ET HUJUSMODI. SED NEUTRUM HORUM
VERITATI CONSONUM EST. MANIFESTUM ENIM EST, NIVEM ET CERAM, QUAE SECARI ET
FINGI ET IMPRESSIONES RECIPERE POSSUNT, ARGENTO VIVO AUT PLUMBO LIQUEFACTO
LONGE ESSE RARIORA, UT IN RATIONE PONDERUM EVINCITUR. QUOD SI QUIS ADHUC
INSISTAT, FIERI POSSE UT NIX AUT CERA, LICET SIT (IN TOTO) ARGENTO VIVO
RARIOR, TAMEN HABERE POSSIT PARTES MAGIS CLAUSAS ET COMPACTAS; VERUM QUIA SIT
CORPUS SPONGIOSUM ET CAVA MULTA ET AEREM RECIPIAT, IDEO IN SUMMA EFFICI
LEVIOREM; UT IN PUMICE FIT, QUI CUM PRO RATIONE MOLIS SIT FORTASSE LIGNO
LEVIOR, TAMEN SI UTRUMQUE IN PULVEREM REDIGATUR, PULVEREM PUMICIS PULVERE
LIGNI FUTURUM GRAVIOREM, QUIA CAVITATES ILLAE NON AMPLIUS ADISNT; HAEC BENE
NOTATA ET OBJECTA SUNT. SED QUID AD NIVEM ET CERAM COLLIQUATAM DICENT, UBI
JAM CAVITATES EXPLETAE SUNT; VEL QUID AD GUMMI CORPORA, MASTICHEN, ET
SIMILIA, QUAE CAVITATES ISTAS MANIFESTAS NON HABENT, ET TAMEN SUNT PLURIBUS
LIQUORIBUS LEVIORA? QUOD AUTEM DE SPIRITU AFFERUNT, PER CUJUS VIM ET IMPETUM
RES FLUANT; ID CERTE PRIMO INTUITU PROBABILE EST, ET NOTIONIBUS COMMUNIBUS
FAMILIARE; REIPSA AUTEM DURIUS EST ET MAGIS ERRONEUM; CUM VERAE RATIONI
NON SOLUM NON INNITATUR, SED FERE OPPONATUR. SPIRITUS ENIM ILLE, QUEM
DICUNT, REVERA (QUOD MIRUM FORTASSE DICTU) CONSISTENTIAM INDUCIT, NON FLUOREM
QUOD ET OPTIME IN INSTANTIA NIVIS CERNITUR, QUAE CUM EX AQUA ET AERE COMPOSITUM
CORPUS SIT, CUMQUE ET AQUA AT AER SEORSIM FLUANT, IN MIXTURA TAMEN
CONSISTENTIAM ADIPISCITUR. QUOD SI QUIS OBJICIAT, ID EVENIRE POSSE EX
CONDENSATIONE AQUEAE PARTIS PER FRIGUS, ET NON AB INTERPOSITIONE; AERIS, IS
SE CORRIGET, SI ANIMADVERTAT ETIAM SPUMAM CORPUS SIMILE NIVI ESSE, QUOD TAMEN
A FRIGORE NULLO MODO CONDENSETUR. SIN ADHUC URGEAT, ET IN SPUMA PRAECEDERE
CONDENSATIONEM, NON A FRIGORE, SED TAMEN AB AGITATIONE AT PERCUSSIONE;
IS PUEROS CONSULAT, QUI EX LEVI AURA PER FISTULAM SIVE CALAMUM INSPIRATA, ET
AQUA (OB PARUM SAPONIS ADMIXTUM) PAULO TENACIORE, MIRAM ET TURRITAM BULLARUM
STRUCTURAM CONFICIUNT. RES AUTEM SIC SE HABET; CORPORA AD TACTUM CORPORIS
AMICI SIVE SIMILIS SE SOLVERE ET LAXARE; AD TACTUM AUTEM CORPORIS DISSENTIENTIS
SE STRINGERE ET SUSTINERE. ITAQUE APPOSITIONEM CORPORIS ALIENI ESSE
CONSISTENTIAE CAUSAM. SIC VIDEMUS OLEUM AQUAE ADMISTUM, UT FIT IN UNGUENTIS,
LIQUIDIDATEM, QUAE ET IN AQUA ET IN OLEO ANTEA VIGEBAT, QUADANTENUS EXUERE.
CONTRA VIDEMUS, PAPYRUM AQUA MADEFACTAM SE SOLVERE, ET CONSISTENTIAM (QUAE
OB AEREM ANTEA IN PORIS ADMISTUM VALIDA ERAT) DEPONERE; OLEO VERO MADEFACTAM,
MINUS, QUIA OLEUM PAPYRO MINUS CONSENTIAT. IDEM QUOQUE IN SACCHARO VIDEMUS,
ET SIMILIBUS, QUAE AD AQUAM VEL VINUM INTROMITTENDA SE LEXANT, NEQUE SOLUM CUM
LIQUORES ILLIS INCUMBUNT, SED EOSDEM QUOQUE SUGUNT ET SURSUM TRAHUNT.
DE CONSENSU CORPORUM, QUAE SENSU PRAEDITA SUNT, ET QUAE SENSU CARENT.
PASSIONES CORPORUM, QUAE SENSU DOTANTUR, ET QUAE SENSUS CARENT, MAGNUM
CONSENSUM HABENT; NISI QUOD IN CORPORE SENSIBILI ACCEDAT SPIRITUS. NAM
PUPILLA OCULI SPECULO SIVE AQUIS AEQUIPARATUR; ET SIMILI NATURA IMAGINES
LUCIS ET RERUM VISIBILIUM EXCIPIT ET REDDIT. ORGANUM AUTEM AUDITUS OBICI
INTRA LOCUM CAVERNOSUM CONFORME EST, A QUO VOX ET SONUS OPTIME RESULTAT.
ATTRACTIONES AUTEM RERUM INANIMATARUM, ET RURSUS HORRORES SIVE FUGAE (EAS
DICO, QUAE EX PROPRIETATE FIUNT) IN ANIMALIBUS, OLFACTUI ATQUE ODORIBUS GRATIS
ET ODIOSIS CONVENIUNT. TACTUS AUTEM RATIO ET GUSTUS, OMNEM, QUAE IN
CORPORIBUS INANIMATIS ACCIDERE POSSIT AUT VIOLENTIAM AUT CONTRA INSINUATIONEM
ALMAM ET AMICAM, AC UNIVERSAS EARUNDEM PASSIONUM FIGURAS, VELUTI VATES AUT
INTERPRES EXPRIMIT. NAM COMPRESSIONES, EXTENSIONES, EROSIONES, SEPARATIONES,
ET SIMILIA, IN CORPORIBUS MORTUIS IN PROCESSU LATENT, NEC NISI POST EFFECTUM
MANIFESTUM PERCIPIUNTUR. IN ANIMALIBUS AUTEM CUM SENSU DOLORIS SECUNDUM DIVERSA
GENERA AUT CHARACTERES VIOLENTIAE PERAGUNTUR, PERMEANTE PER OMNIA SPIRITU.
ATQUE AB HOC PRINCIPIO DEDUCITUR COGNITIO, NUM FORTE ALICUI ANIMANTIUM ADSIT
ALIUS QUISPIAM SENSUS, PRAETER EOS QUI NOTANTUR; ET QUOT ET QUALES SENSUS
IN UNIVERSO ANIMANTIUM GENERE ESSE POSSINT. EX PASSIONIBUS ENIM MATERIAE
RITE DISTINCTIS SEQUETUR NUMERUS SENSUUM, SI MODO ORGANA COMPETANT ET
ACCEDAT SPIRITUS.
DE MOTU VIOLENTO, QUOD SIT FUGA ET DISCURSATIO PARTIUM REI PROPTER
PRESSURAM, LICET MINIME VISIBILIS.
MOTUS VIOLENTUS (QUEM VOCANT) PER QUEM MISSILIA, UT LAPIDES, SAGITTAE, GLOBI
FERREI, ET SIMILIA PER AEREM VOLANT, FERE OMNIUM MOTUUM EST VULGATISSIMUS.
ATQUE IN HUJUS TAMEN OBSERVATIONE ET INQUISITIONE MIRAM ET SUPINAM NEGLIGENTIAM
HOMINUM NOTARE LICET. NEQUE PARVO DETRIMENTO IN MOTUS ISTIUS NATURA ET
POTESTATE INVESTIGANDA OFFENDITUR; CUM AD INFINITA SIT UTILIS, ET TORMENTIS,
MACHINIS, ET UNIVERSAE REI MECHANICAE, SIT INSTAR ANIMAE ET VITAE. PLURIMI
AUTEM SE PERFUNCTOS INQUISITIONE PUTANT, SI MOTUM ILLUM VIOLENTUM ESSE
PRONUNTIENT, ET A NATURALI DISTINGUANT. ATQUE IS SANE EST ARISTOTELIS ET
SCHOLAE EJUS NOS PROPRIUS ET DISCIPLINA, CURARE UT HABEANT HOMINES QUOD
PRONUNTIENT, NON QUOD SENTIANT; ET DOCERE QUOMODO ALIQUIS AFFIRMANDO AUT
NEGANDO SE EXPEDIRE, NON COGITANDO SE EXPLICARE ET SIBI SATISFACERE POSSIT.
ALII PAULO ATTENTIUS, ARREPTO ILLO POSITO DUO CORPORA IN UNO LOCO ESSE NON
POSSE, RESTARE AIUNT UT QUOD FORTIUS SIT IMPELLAT, DEBILIUS CEDAT; EAM
CESIONEM SIVE FUGAM, SI MINOR ADHIBEATUR VIS, NON ULTRA DURARE QUAM PRIMA
IMPULSIO CONTINUETUR; UT IN PROTRUSIONE; SI AUTEM MAJOR, ETIAM REMOTO
CORPORE IMPELLANTE AD TEMPUS VIGERE, DONEC SENSIM REMITTATUR; UT IN JACTU.
ATQUE HI RURSUS, ALIO EJUSDEM SCHOLAE MORE INVETERATO, PRIMORDIA REI CAPTANT,
DE PROCESSU ET EXITU NON SOLLICITI; TANQUAM PRIMA QUAEQUE CAETERA TRAHANT; QUO
FIT UT IMMATURA QUADAM IMPATIENTIA CONTEMPLATIONEM ABRUMPANT. NAM AD ID QUOD
CORPORA SUB ISTUM ICTUM CEDANT, ALIQUID AFFERUNT; SED POSTQUAM CORPUS
IMPELLENS JAM REMOTUM SIT, ADEO UT NECESSITAS ILLA CONFUSIONIS CORPORUM JAM
PLANE CESSAVERIT, CUR POSTEA MOTUS CONTINUETUR, NIHIL DICUNT, NEC SCIPIS
SATIS CAPIUNT. ALII AUTEM MAGIS DILIGENTES ET IN INQUISITIONE PERSEVERANTES,
CUM VIM AERIS IN VENTIS ET SIMILIBUS QUAE VEL ARBORES ET TURRES DEJICERE
POSSIT ANIMADVERTISSENT, OPINATI SUNT EAM VIM QUAE HUJUSMODI MISSILIA POST
PRIMAM IMPULSIONEM DEDUCAT ET COMITETUR AERI DEBERE ATTRIBUI, PONE CORPUS
QUOD MOVETUR COLLECTO ET INGRUENTI; CUJUS IMPETU CORPUS TANQUAM NAVIS IN
GURGITE AQUARUM VEHATUR. ATQUE HI CERTE REM NON DESERUNT, ATQUE CONTEMPLATIONEM
AD EXITUM PERDUCUNT; SED TAMEN A VERITATE ABERRANT. RES AUTEM VERE IN HUNC
MODUM SE HABET. PRAECIPUUS MOTUS PARTIBUS IPSIUS CORPORIS, QUOD VOLAT, INESSE
VIDETUR: QUI, CUM VISU OB NIMIAM SUBTILITATEM NON PERCIPIATUR, HOMINES NON
SATIS ATTENDENTES, SED LEVI OBSERVATIONE REM TRANSMITTENTES, LATET. ACCURATIUS
AUTEM SCRUTANTI MANIFESTE CONSTAT, CORPORA QUAE DURIORA SUNT PRESSIONIS
ESSE IMPATIENTISSIMA, ET EJUSDEM VELUTI SENSUM ACUTISSIMUM HABERE; ADEO UT
QUAM MINIMUM A NATURALI POSITIONE DEPULSA, MAGNA PERNICITATE NITANTUR UT
LIBERENTUR ET IN PRISTINUM STATUM RESTITUANTUR. QUOD UT FIAT, PARTES SINGULAE,
FACTO PRINCIPIO A PARTE PULSATA, SE INVICEM NON SECUS AC VIS EXTERNA
PROTRUDUNT AC URGENT, ET FIT CONTINUA ET INTENSISSIMA (LICET MINIME VISIBILIS)
PARTIUM TREPIDATIO ET COMMOTIO. ATQUE HOC VIDEMUS FIERI IN EXEMPLO VITRI,
SACCHARI, ET HUJUSMODI RERUM FRAGILIUM; QUAE SI MUCRONE AUT FERRO ACUTO
SECENTUR AUT DIVIDANTUR, PROTINUS IN ALIIS PARTIBUS, A TRACTU MUCRONIS REMOTIS,
QUASI IN INSTANTI DISRUMPUNTUR. QUOD EVIDENTER DEMONSTRAT COMMUNICATIONEM MOTUS
PRESSURAE IN PARTES SUCCEDENTES. QUI MOTUS CUM PER OMNIA MOLIATUR ET UBIQUE
TENTET, EA PARTE CONFRACTIONEM INDUCIT QUA EX PRAECEDENTE CORPORIS DISPOSITIONE
MINUS FORTIS ERAT COMPACTIO. NEQUE TAMEN IPSE MOTUS, QUANDO PER OMNIA TURBAT
ET PERCURRIT, SUB ASPECTUM VENIT, DONEC APERTA FIAT EFFRACTIO SIVE
CONTINUITATIS SOLUTIO. RURSUS VIDEMUS, SI FORTE FILUM FERREUM, AUT BACILLUM,
AUT DURIOR PARS CALAMI (VEL HUJUSMODI CORPORA, QUAE FLEXIBILIA QUIDEM SUNT,
NON ABSQUE ALIQUA RENITENTIA) INTER POLLICEM ET INDICEM PER EXTREMA SUA
CURVENTUR ET STRINGANTUR, EA STATIM PROSILIRE. CUJUS MOTUS CAUSA MANIFESTE
DEPREHENDITUR NON ESSE IN EXTREMIS CORPORIS PARTIBUS, QUAE DIGITIS STRINGUNTUR
SED IN MEDIO, QUOD VIM PATITUR; AD CUJUS RELEVATIONEM MOTUS ILLE SE EXPEDIT.
IN HOC AUTEM EXEMPLO PLANE LIQUET, CAUSAM ILLAM MOTUS QUAM ADDUCUNT DE
IMPULSIONE AERIS EXCLUDI. NEQUE ENIM ULLA FIT PERCUSSIO, QUAE AEREM IMMITTAT.
ATQUE HOC ETIAM LEVI ILLO EXPERIMENTO EVINCITUR, CUM PRUNI NUCLEUM RECENTEM
ET LUBRICUM PREMIMUS, DIGITOSQUE PAULATIM ADDUCIMUS, ATQUE HAC RATIONE
EMMITTIMUS. NAM ET IN HOC QUOQUE EXEMPLO COMPRESSIO ILLA VICE PERCUSSIONIS EST.
EVIDENTISSIMUS AUTEM HUJUSCE MOTUS EFFECTUS CERNITUR, IN PERPETUIS
CONVERSIONIBUS SIVE ROTATIONIBUS CORPORUM MISSILIUM DUM VOLANT. SIQUIDEM EA
PROCEDUNT UTIQUE, SED PROGRESSUM SUUM FACIUNT IN LINEIS SPIRALIBUS, HOC EST
PROCEDENDO ET ROTANDO. ATQUE CERTE IS MOTUS SPIRALIS, CUM TAM SIT RAPIDUS,
ET NIHILOMINUS TAM EXPEDITUS, ET REBUS QUODAMMODO FAMILIARIS, NOBIS
DUBITATIONEM MOVIT, NUM FORTE EX ALTIORE PRINCIPIO NON PENDERET. SED
EXISTIMAMUS NON ALIAM CAUSAM HUIC REI SUBESSE, QUAM EANDEM QUAM NUNC
TRACTAMUS. NAMQUE PRESSURA CORPORIS AFFATIM MOTUM IN PARTIBUS SIVE MINUTIIS
EJUS EXCITAT, UT SE QUACUNQUE VIA EXPEDIANT ET LIBERENT. ITAQUE CORPUS NON
SOLUM IN LINEA RECTA AGITUR ET PROVOLAT, SED UNDEQUAQUE EXPERITUR, ATQUE IDEO
SE ROTAT; UTROQUE ENIM MODO AD SE LAXANDUM NONNIHIL PROFICIT. ATQUE IN REBUS
SOLIDIS SUBTILE QUIDDAM ET ABDITUM; IN MOLLIBUS EVIDENS ET QUASI PALPABILE
EST. NAM ET CERA VEL PLUMBUM, ET HUJUSMODI MOLLIA, MALLEO PERCUSSA CEDUNT, NON
TANTUM IN DIRECTUM, SED IN LATERA UNDEQUAQUE: EODEM MODO ET CORPORA DURA
SIVE RENITENTIA FUGIUNT ET IN RECTA LINEA ET IN CIRCUITU. CESSIO ENIM
CORPORALIS IN MOLLIBUS, ET LOCALIS IN DURIS, RATIONE CONVENIUNT; ATQUE IN
CORPORIS MOLLIS EFFORMATIONE, CORPORIS DURI PASSIO, CUM FUGIT ET VOLAT, OPTIME
CONSPICITUR. INTERIM NEMO EXISTIMET NOS PRAETER MOTUM ISTUM (QUI CAPUT REI
EST) NON ETIAM ALIQUOS PARTES AERI DEVEHENTI TRIBUERE, QUI MOTUM PRINCIPALEM
ADJUVARE, IMPEDIRE, FLECTERE, REGERE POSSIT. NAM ET EJUS REI POTESTAS EST
NON PARVA. ATQUE HAEC MOTUS VIOLENTI SIVE MECHANICI (QUI ADHUC LATUIT)
EXPLICATIO, VELUTI FONS QUIDAM PRACTICAE EST.
FRANCISCUS BACON SIC COGITAVIT; SCIENTIAM IN CUJUS POSSESSIONE GENUS HUMANUM
ADHUC VERSATUR, AD CERTITUDINEM ET MAGNITUDINEM OPERUM NON ACCEDERE. MEDICOS
SIQUIDEM MORBOS COMPLURES INSANABILES PRONUNTIARE, ET IN RELIQUORUM CURA
SAEPIUS ERRARE ET DEFICERE: ALCHIMISTAS IN SPEI SUAE AMPLEXIBUS SENESCERE ET
IMMORI: MAGNORUM OPERA FLUXA, NEC FRUCTUOSA: MECHANICAS ARTES NON MULTUM LUCIS
A PHILOSOPHIA PETERE, SED EXPERIENTIAE TELAS, LENTAS SANE AC HUMILES, PAULATIM
CONTINUARE: CASUM, AUTHOREM RERUM PROCULDUBIO UTILEM; SED QUI PER LONGAS
AMBAGES ET CIRCUITUS DONARIA SUA IN HOMINES SPARGAT. ITAQUE VISUM EST EI,
INVENTA HOMINUM QUIBUS UTIMUR ADMODUM IMPERFECTA ET IMMATURA CENSERI: NOVA
VERO, HOC SCIENTIARUM STATU, NONNISI PER SAECULORUM SPATIA EXPECTARI; EAQUE
IPSA QUAE HACTENUS HUMANA EXHIBUIT INDUSTRIA, PHILOSOPHIAE HAUD ATTRIBUI.
COGITAVIT ET ILLUD; IN HIS RERUM HUMANARUM ANGUSTIIS, ID MAXIME ET AD
PRAESENS DEPLORATUM ET IN FUTURUM OMINOSUM ESSE; QUOD HOMINES, CONTRA BONUM
SUUM, CUPIUNT IGNORANTIAM IGNOMINIAE EXIMERE, ET SIBI PER INOPIAM ISTAM
SATISFIERI. MEDICUS ENIM PRAETER CAUTELAS PRACTICAE SUAE (IN QUIBUS AD
EXISTIMATIONEM ARTIS TUENDAM HAUD PARUM PRAESIDII EST), HANC GENERALEM VELUTI
TOTIUS ARTIS CAUTELAM ADVOCAT; QUOD ARTIS SUAE INFIRMITATEM IN NATURAE
CALUMNIAM VERTIT, ET QUOD ARS NON ATTINGIT, ID EX ARTE IMPOSSIBILE IN NATURA
SUPPONIT. NEQUE CERTE DAMNARI POTEST ARS, CUM IPSA JUDICET. ETIAM PHILOSOPHIA
EX QUA MEDICINA ISTA (QUAM IN MANIBUS HABEMUS) EXCISA EST, HABET ET ILLA ET IN
SINU NUTRIT QUAEDAM POSITA AUT PLACITA, IN QUAE SI SEVERIUS INQUIRATUR, HOC
OMNINO PERSUADERI VOLUNT, NIL ARDUUM AUT IN NATURA IMPERIOSUM AB ARTE VEL OPE
HUMANA EXPECTARI DEBERE. AB HOC FONTE ILLUD: CALOREM ASTRI SIVE SOLIS ET
CALOREM ASTRI SIVE SOLIS ET CALOREM IGNIS TOTO GENERE DIFFERRE: ET ILLUD,
COMPOSITIONEM OPUS HOMINIS, AT MISTIONEM OPUS SOLIUS NATURAE ESSE, ET SIMILIA:
QUAE SI DILIGENTIUS NOTENTUR, OMNINO PERTINENT AD HUMANAE POTESTATIS
CIRCUMSCRIPTIONEM MALITIOSAM, ET AD QUAESITAM ET ARTIFICIOSAM DESPERATIONEM,
QUAE NON SOLUM SPEI AUGURIA SED ETIAM EXPERIENDI ALEAS ABJICIAT, ET OMNIS
INDUSTRIAE STIMULOS ET NERVOS INCIDAT; DUM DE HOC TANTUM SOLICITI SUNT, UT ARS
PERFECTA CENSEATUR, ET GLORIAE VANISSIMAE ET PERDITISSIMAE DANT OPERAM,
SCILICET UT QUICQUID INVENTUM NON SIT, ID NEC INVENIRI POSSE CREDATUR.
ALCHIMISTA VERO, AD ARTIS SUAE SUBLEVATIONEM ERRORES PROPRIOS RECOS SUBSTITUIT;
SECUM ACCUSATORIE REPUTANDO, SE AUT ARTIS ET AUTHORUM VOCABULA NON SATIS
INTELLEXISSE, UNDE AD TRADITIONUM ET ORE TENUS ELOQUIORUM SUSURROS ANIMUM
APPLICAT; AUT IN PRACTICAE SCRUPULIS, PROPORTIONIBUS ET MOMENTIS ALIQUID
TITUBATUM ESSE, UNDE EXPERIMENTA FOELICIORIBUS (UT PUTAT) AUSPICIIS IN
INFINITUM REPETIT: AC INTERIM, CUM INTER EXPERIMENTORUM VERTIGINOSAS AMBAGES
IN INVENTA QUAEDAM AUT IPSA FACIE NOVA, AUT UTILITATE NON CONTEMNENDA IMPINGAT,
HUJUSMODI PIGNORIBUS ANIMUM PASCIT, EAQUE IN MAJUS OSTENTAT ET CELEBRAT,
RELIQUA SPE SUSTENTAT. MAGUS, CUM NONNULLA SUPRA NATURAM (PRO SUO NIMIRUM
CAPTU) PRORSUS EFFICI VIDEAT; POSTQUAM VIM SEMEL NATURAE FACTAM INTELLIGIT,
IMAGINATIONI ALAS ADDIT, REMQUE MAGIS ET MINUS RECIPERE VIX PUTAT; QUARE
MAXIMARUM RERUM SIBI ADEPTIONEM SPONDET; NON VIDENS ESSE SUBJECTA CERTI
CUJUSDAM ET FERE DEFINITI GENERIS, IN QUIBUS MAGIA ET SUPERSTITIO PER OMNES
NATIONES ET AETATES POTUERIT ET LUSERIT. MECHANICUS AUTEM, SI EI CONTIGERIT
JAM PRIDEM INVENTA SUBTILIUS POLIRE, VEL ORNARE ELEGANTIUS; AUT QUAE SEPARATIM
OBSERVAVERIT COMPONERE ET SIMUL REPRAESENTARE; AUT RES CUM USU RERUM COMMODIUS
ET FOELICIUS COPULARE; AUT OPUS MAJORE AUT ETIAM MINORE QUAM FIERI CONSUEVIT
MOLE ET VOLUMINE EXHIBERE; SE DEMUM INTER RERUM INVENTORES NUMERAT. ITAQUE
SATIS CONSTABAT EI, HOMINES RERUM INVENTIONEM UT CONATUM IRRITUM FASTIDIRE;
VEL CREDERE, EXTARE QUIDEM INVENTA NOBILIA, SED INTER PAUCOS SUMMO SILENTIO
ET RELIGIONE, QUADAM COHIBERI; VEL HUC DESCENDERE, UT MINORES ISTAS INDUSTRIAS
ET INVENTORUM ADDITAMENTA PRO NOVIS INVENTIS AESTIMENT; QUAE OMNIA EO REDEUNT,
UT ANIMOS HOMINUM A LEGITIMO ET CONSTANTI LABORE, ET A NOBILIBUS ET GENERE
COGITAVIT ET ILLUD; HOMINES CUM OPERUM VARIETATEM ET PULCHERRIMUM
APPARATUM, QUAE PER ARTES MECHANICAS AD CULTUM HUMANUM CONGESTA SIT, OCULIS
SUBJICIANT, EO INCLINARE, UT POTIUS AD OPULENTIAE HUMANAE ADMIRATIONEM QUAM AD
INOPIAE SENSUM ACCEDANT; MINIME VIDENTES, PRIMITIVAS HOMINIS OBSERVATIONES ET
NATURAE OPERATIONES QUAE ANIMAE AUT PRIMI MOTUS INSTAR AD OMNEM ILLAM
VARIETATEM SINT, NEC MULTAS NEC ALTE PETITAS ESSE; CAETERA AD PATIENTIAM
HOMINUM, ET SUBTILEM ET ORDINATUM MANUS VEL INSTRUMENTORUM MOTUM TANTUM
PERTINERE: ATQUE IN HAC PARTE OFFICINAM CUM BIBLIOTHECA MIRE CONGRUERE, QUAE ET
IPSA TANTAM LIBRORUM VARIETATEM OSTENTET, IN QUIBUS SI DILIGENTIUS
INTROSPICIAS, NIL ALIUD QUAM EJUSDEM REI INFINITAS REPETITIONES REPERIAS,
TRACTATU NOVAS, INVENTIONE PRAEOCCUPATAS. ITAQUE VISUM EST EI, OPINIONEM COPIAE
INTER CAUSAS INOPIAE PONI: ET TUM OPERA TUM DOCTRINAS AD INTUITUM NUMEROSA,
AD EXAMEN PAUCA ESSE.
COGITAVIT ET ILLUD; EAS QUAS HABEMUS DOCTRINAS EA AMBITIONE ET
AFFECTATIONE PROPONI, ATQUE IN CUM MODUM EFFORMATAS AC VELUTI PERSONATAS IN
CONSPECTUM VENIRE, AC SI SINGULAE ARTES OMNI EX PARTE PERFECTAE ESSENT ET AD
EXITUM PERDUCTAE. HUJUSMODI ENIM METHODIS ET IIS PARTITIONIBUS TRADI, QUAE
OMNIA PRORSUS QUAE IN ILLUD SUBJECTUM CADERE POSSUNT TRACTATU COMPLECTI ET
CONCLUDERE VIDEANTUR. ATQUE LICET MEMBRA ILLA MALE IMPLETA ET QUOD AD VIVIDUM
ALIQUEM RERUM SUCCUM ATTINET DESTITUTA SINT, TOTIUS TAMEN CUJUSDAM FORMAM ET
RATIONEM PRAE SE FERRE: EOQUE REM PERDUCI, UT PAUCA QUAEDAM, NEQUE ILLA EX
OPTIMO DELECTU RECEPTA AUTHORUM SCRIPTA, PRO INTEGRIS IPSIS ET PROPRIIS ARTIBUS
HABEANTUR. CUM TAMEN PRIMI ET ANTIQUISSIMI VERITATIS INQUISITORES, MELIORE
FIDE AC EVENTU, SCIENTIAM QUAM EX RERUM CONTEMPLATIONE DECERPERE ET IN USUM
CONDERE STATUEBANT, IN APHORISMOS FORTASSE SIVE BREVES EASDEMQUE SPARSAS
NEC METHODIS REVINCTAS SENTENTIAS, CONJICERE SOLERENT: QUAE CUM ET RERUM
INVENTARUM NUDA SIMULACHRA, ET RERUM NON INVENTARUM MANIFESTA SPATIA ET VACUA
INDICARENT, MINUS FALLEBANT; ATQUE HOMINUM INGENIA ET MEDITATIONES AD
JUDICANDUM ET AD INVENIENDUM SIMUL EXCITABANT. AT NUNC SCIENTIAS IIS MODIS
EXHIBERI QUAE FIDEM USURPENT, NON JUDICIUM SOLICITENT, ET AUTHORITATE TRISTI
LAETIS INVENTIONUM CONATIBUS INTERCEDANT: ADEO UT OMNIS SUCCESSIO ET DEVOLUTIO
DISCIPLINARUM PERSONAS MAGISTRI ET AUDITORIS COMPLECTATUR, NON INVENTORIS ET
EJUS QUI INVENTIS ADDAT: UNDE NECESSARIO EVENIRE, UT SCIENTIAE SUIS HAEREANT
VESTIGIIS, NEC LOCO OMNINO MOVEANTUR; QUOD ET PER MULTA JAM SAECULO USUVENIT;
EOUSQUE, UT NON SOLUM ASSERTIO MANEAT ASSERTIO; SED ETIAM QUAESTIO MANEAT
QUAESTIO, ET EODEM PLANE STATU ALATUR. QUARE VISUM EST EI, COLUMNAS NON ULTRA
PROGREDIENDI MAGNOPERE FIXAS ESSE; ET MIRUM MINIME ESSE ID HAUD OBTINERI, CUJUS
ADIPISCENDI HOMINES NEC SPE NEC DESIDERIO TENEANTUR.
COGITAVIT ET ILLUD; QUAE DE HOMINUM TUM DESPERATIONE TUM FASTU DICTA
SUNT, QUOD AD PLEROSQUE SCIENTIARUM SECTATORES ATTINET, NIMIS ALTE PETITA
ESSE. TURBAM ENIM LONGE MAXIMAM PRORSUS ALIUD AGERE: DOCTRINAM SIQUIDEM VEL
ANIMI ET DELECTATIONIS CAUSA PETERE, VEL AD USUM ET EMOLUMENTUM PROFESSORIUM,
VEL ETIAM AD ORNAMENTUM ET EXISTIMATIONIS SUAE ADMINICULUM: QUAE SI UT FINES
SCIENTIARUM PROPONANTUR, TANTUM ABEST UT HOMINES ID VELINT, UT IPSA
DOCTRINARUM MASSA AUGMENTUM SUMAT; UT EX EA QUAE PRAESTO EST MASSA, NIL
AMPLIUS QUAERANT QUAM QUANTUM AD USUM DESTINATUM VERTERE ET DECOQUERE POSSINT.
SI QUIS AUTEM IN TANTA MULTITUDINE SCIENTIAM AFFECTU INGENUO ET PROPTER SE
EXPETAT; INVENIETUR TAMEN RERUM POTIUS VARIETATEM QUAM VERITATEM AUCUPARI;
QUOD SI ET VERITATIS SIT INQUISITOR SEVERIOR, ILLA IPSA TAMEN VERITAS ERIT
HUJUSMODI, QUAE RES JAM IN LUCEM PRODITAS SUBTILIUS EXPLICET; NON QUAE NOVAM
LUCEM EXCITET. SIN ADHUC STUDIUM CUJUSPIAM IN TANTUM EXPANDATUR. UT ET NOVAM
LUCEM AMBIAT; EAM SCILICET LUCEM ADAMABIT, QUAE EX LONGINQUO CONTEMPLATIONES,
SPECIOSAS OSTENTET, NON QUAE EX PROPINQUO OPERA ET INVENTA NOBILIA DEMONSTRET.
QUARE VISUM EST EI, EODEM RURSUS REFERRI; SCILICET MIRUM NON UTIQUE ESSE
CURRICULUM NON CONFICI, CUM HOMINES AD HUJUSMODI MINORA DEFLECTANT: MULTO
MAGIS, CUM NEC IPSA META ADHUC ULLI QUOD SCIAT MORTALIUM POSITA SIT ET DEFIXA:
METAM AUTEM NON ALIAM ESSE. QUAM UT GENUS HUMANUM NOVIS OPERIBUS ET
POTESTATIBUS CONTINUO DOTETUR.
COGITAVIT ET ILLUD; INTER ISTA SCIENTIARUM DETRIMENTA, NATURALIS
PHILOSOPHIAE SORTEM PRAE OMNIBUS MINUS AEQUAM ESSE: UT QUAE A LABORIBUS HOMINUM
LEVITER OCCUPATA, FACILE DESERTA, NEC MAJOREM IN MODUM CULTA ET SUBACTA SIT.
POSTQUAM ENIM FIDES CHRISTIANA ADOLEVERIT ET RECEPTA SIT, LONGE MAXIMAM
INGENIORUM PARTEM AD THEOLOGIAM SE CONTULISSE, HOMINUMQUE EX HAC PARTE STUDIO
ET AMPLISSIMA PRAEMIA PROPOSITA ET OMNIS GENERIS ADJUMENTA COPIOSISSIME
SUBMINISTRATA ESSE: QUIN ET AEVO SUPERIORE POTISSIMAS PHILOSOPHORUM
COMMENTATIONES IN MORALI PHILOSOPHIA (QUAE ETHNICIS VICE THEOLOGIAE ERAT)
CONSUMPTAS ESSE: UTRISQUE AUTEM TEMPORIBUS SUMMA INGENIA HAUD INFREQUENTI
NUMERO AD RES CIVILES SE APPLICASSE, PRAESERTIM DURANTE MAGNITUDINE ROMANA,
QUAE OB IMPERII AMPLITUDINEM PLURIMORUM OPERIS INDIGEBAT. EAM IPSAM VERO
AETATEM QUA NATURALIS PHILOSOPHIA APUD GRAECOS MAXIME FLORERE VISA EST, FUISSE
PARTICULAM TEMPORIS MINIME DIUTURNAM: AC SUBINDE CONTRADICTIONIBUS AD NOVORUM
PLACITORUM AMBITIONE CORRUPTAM ET INUTILEM REDDITAM. AB ILLIS AUTEM USQUE
TEMPORIBUS, NEMINEM PRORSUS NOMINARI, QUI NATURALEM PHILOSOPHIAM EX PROFESSO
COLAT, NEC EJUS INQUISITIONI IMMORIATUR; ADEO UT VIRUM VACCUM ET INTEGRUM HAEC
SCIENTIA JAMDIU NON OCCUPAVERIT; NISI FORTE QUIS MONACHI ALICUJUS IN CELLULA
AUT NOBILIS IN VILLULA LUCUBRANTIS EXEMPLUM ADDUXERIT, QUOD ET RARISSIMUM
REPERIETUR. SED FACTAM DEINCEPS INSTAR TRANSITUS CUJUSDAM ET PONTISTERNII AD
ALIA, MAGNAMQUE ISTAM SCIENTIARUM MATREM IN ANCILLAM MUTATAM ESSE; QUAE
MEDICINAE AUT MATHEMATICIS OPERIBUS MINISTRET, AUT ADOLESCENTIUM IMMATURA
INGENIA LAVET ET IMBUAT VELUTI TINCTURA QUADAM PRIMA, UT ALIAM RURSUS
FOELICIUS ET COMMODIUS EXCIPIANT. ITAQUE VISUM EST EI NATURALEM PHILOSOPHIAM,
INCUMBENTIUM ET PAUCITATE, ET FESTINATIONE, ET TYROCINIO, DESTITUTAM JACERE.
NEC ITA MULTO POST VISUM EST EI, HOC AD UNIVERSUM DOCTRINARUM STATUM SUMMOPERE
PERTINERE. OMNES ENIM ARTES ET SCIENTIAS AB HAC STIRPE REVULSAS POLIRI
FORTASSIS, AUT IN USUM EFFINGI, SED NIL ADMODUM CRESCERE.
COGITAVIT ET ILLUD; QUAM MOLESTUM AC IN OMNI GENERE DIFFICILEM ADVERSARIUM
NACTA SIT PHILOSOPHIA NATURALIS, SUPERSTITIONEM NIMIRUM ET ZELUM RELIGIONIS
CAECUM ET IMMODERATUM. COMPERIT ENIM EX GRAECIS NONNULLOS, QUI PRIMUM CAUSAS
NATURALES FULMINIS ET TEMPESTATUM INSUETIS ADHUC HOMINUM AURIBUS PROPOSUERUNT,
IMPIETATIS EO NOMINE DAMNATOS; NEC MULTO MELIUS EXCEPTOS, SED IN IDEM JUDICIUM
ADDUCTOS, NON CAPITIS SANE SED FAMAE, COSMOGRAPHOS, QUI EX CERTISSIMIS
DEMONSTRATIONIBUS, QUIBUS NEMO HODIE SANUS CONTRADIXERIT, FORMAM TERRAE
ROTUNDAM TRIBUERUNT, ET EX CONSEQUENTI ANTIPODAS ASSERUERUNT, ACCUSANTIBUS
QUIBUSDAM EX ANTIQUIS PATRIBUS FIDEI CHRISTIANAE. QUIN ET DURIOREM (UT NUNC
SUNT RES) CONDITIONEM SERMONUM DE NATURA EFFECTAM EX TEMERITATE THEOLOGORUM
SCHOLASTICORUM ET EORUM CLIENTELIS, QUI CUM THEOLOGIAM (SATIS PRO POTESTATE)
IN ORDINEM REDEGERINT ET IN ARTIS FABRICAM EFFINXERINT, HOC INSUPER AUSI SUNT,
UT CONTENTIOSAM ET TUMULTUARIAM ARISTOTELIS PHILOSOPHIAM CORPORI RELIGIONIS
INSERUERINT. EODEM SPECTARE ETIAM, QUOD HOC SAECULO HAUD ALIAS OPINIONES MAGIS
SECUNDIS VENTIS FERRI REPERIES, QUAM EORUM QUI THEOLOGIAE ET PHILOSOPHIAE,
(ID EST) FIDEI ET SENSUS, CONJUGIUM VELUTI LEGITIMUM MULTA POMPA ET
SOLENNITATE CELEBRANT, ET GRATA RERUM VARIETATE ANIMOS HOMINUM PERMULCENTES,
INTERIM DIVINA ET HUMANA INAUSPICATO PERMISCENT. REVERA AUTEM SI QUIS
DILIGENTIUS ANIMUM ADVERTAT, NON MINUS PERICULI NATURALI, PHILOSOPHIAE EX
ISTIUSMODI FALLACI ET INIQUO FOEDERE, QUAM EX APERTIS INIMICITIIS IMMINERE.
TALI ENIM FOEDERE ET SOCIETATE, RECEPTA IN PHILOSOPHIA TANTUM COMPREHENDI:
AUCTA AUTEM, VEL ADDITA, VEL IN MELIUS MUTATA, ETIAM SEVERIUS ET PERTINACIUS
EXCLUDI. DENIQUE VERSUS INCREMENTA, ET NOVAS VELUTI ORAS ET REGIONES
PHILOSOPHIAE, OMNIA EX PARTE RELIGIONIS PRAVARUM SUSPICIONUM ET IMPOTENTIS
FASTIDII PLENA ESSE. ALIOS SIQUIDEM SIMPLICIUS SUBVERERI, NE FORTE ALTIOR
IN NATURA INQUISITIO ULTRA DATUM ET CONCESSUM SOBRIETATIS TERMINUM PENETRET;
TRADUCENTES NON RECTE EA QUAE DE DIVINIS MYSTERIIS DICUNTUR, QUORUM MULTA SUB
SIGILLO DIVINO CLAUSA MANENT, AD OCCULTA NATURAE, QUAE NULLO INTERDICTO
SEPARANTUR: ALIOS CALLIDIUS CONJICERE, SI MEDIA IGNORENTUR, SINGULA AD MANUM
ET VIRGULAM DIVINAM (QUOD RELIGIONIS UT PUTANT MAXIME INTERSIT) FACILIUS
REFERRI; QUOD NIL ALIUD EST, QUAM DEO PER MENDACIUM GRATIFICARI VELLE: ALIOS AB
EXEMPLO METUERE, NE MOTUS ET MUTATIONES PHILOSOPHIAE N RELIGIONEM INCURRANT
ET DESINANT: ALIOS DENIQUE SOLICITOS VIDERI, NE IN NATURAE INQUISITIONE
ALIQUID INVENIRI POSSIT QUOD RELIGIONEM LABEFACTET; QUAE DUO COGITATA
INCREDULITATEM QUANDAM SAPIUNT, ET SAPIENTIAM ANIMALEM: POSTERIUS AUTEM ABSQUE
IMPIETATE NE IN DUBITATIONEM AUT SUSPICIONEM VENIRE POTEST. QUARE SATIS
CONSTABAT EI, IN HUJUSMODI OPINIONIBUS MULTUM INFIRMITATIS, QUIN ET INVIDIAE
ET FERMENTI NON PARUM SUBESSE. NATURALEM ENIM PHILOSOPHIAM POST VERBUM DEI
CERTISSIMAM SUPERSTITIONIS MEDICINAM, EANDEM PROBATISSIMUM FIDEI ALIMENTUM
ESSE. ITAQUE MERITO RELIGIONI TANQUAM FIDISSIMAM ET ACCEPTISSIMAM ANCILLAM
ATRIBUI: CUM ALTERA VOLUNTATEM DEI, ALTERA POTESTATEM MANIFESTET: NEQUE ERRASSE
EUM QUI DIXERIT, ERRATIS NESCIENTES SCRIPTURAS ET POTESTATEM DEI; INFORMATIONEM
DE VOLUNTATE, ET MEDITATIONEM DE POTESTATE, NEXU INDIVIDUO COPULANTEM. QUAE
LICET VERISSIMA SINT, NIHILOMINUS ILLUD MANET; IN POTENTISSIMIS NATURALIS
PHILOSOPHIAE IMPEDIMENTIS, EA QUAE DE ZELO IMPERITO ET SUPERSTITIONE DICTA
SUNT, CITRA CONTROVERSIAM NUMERARI.
COGITAVIT ET ILLUD; IN MORIBUS ET INSTITUTIS ACADEMIARUM, COLLEGIORUM
ET SIMILIUM CONVENTUUM, QUAE AD DOCTORUM HOMINUM SEDES ET OPERAS MUTUAS
DESTINATA SUNT, OMNIA PROGRESSUI SCIENTIARUM IN ULTERIUS ADVERSA INVENIRI.
FREQUENTIAM ENIM MULTO MAXIMAM PROFESSORIAM PRIMO, AC SUBINDE MERITORIAM ESSE:
LECTIONES AUTEM ET EXERCITIA ITA DISPOSITA, UT ALIUD A CONSUETIS NE FACILE
CUIQUAM IN MENTEM VENIAT COGITARE. SIN AUTEM ALICUI INQUISITIONIS ET JUDICII
LIBERTATE UTI CONTIGERIT, IS SE IN MAGNA SOLITUDINE VERSARI STATIM SENTIET:
SIN ET HOC TOLERAVERIT, TAMEN IN CAPESSENDA FORTUNA INDUSTRIAM HANC ET
MAGNANIMITATEM SIBI NON LEVI IMPEDIMENTO FORE EXPERIETUR. STUDIA ENIM HOMINUM
IN EJUSMODI LOCIS IN QUORUNDAM AUTHORUM SCRIPTA VELUTI RELEGATA ESSE; A QUIBUS
SI QUIS DISSENTIAT, AUT CONTROVERSIAM MOVEAT, CONTINUO UT HOMO TURBIDUS ET
RERUM NOVARUM CUPIDUS CORRIPITUR; CUM TAMEN (SI QUIS RERUM VERUS AESTIMATOR
SIT) MAGNUM DISCRIMEN INTER RERUM CIVILIUM AC ARTIUM ADMINISTRATIONEM REPERIET:
NON ENIM IDEM PERICULUM A NOVA LUCE AC A NOVO MOTU INSTARE; VERUM IN REBUS
CIVILIBUS, MOTUM ETIAM IN MELIUS SUSPECTUM ESSE OB PERTURBATIONEM; CUM CIVILA
AUTHORITATE, CONSENSU, FAMA, OPINIONE, NON DEMONSTRATIONE ET VERITATE
CONSTENT: IN ARTIBUS AUTEM ET SCIENTIIS, TANQUAM IN METALLI FODINIS, OMNIA
NOVIS OPERIBUS ET ULTERIORIBUS PROGRESSIBUS STREPERE DEBERE. ATQUE RECTA
RATIONE REM SE ITA HABERE. IN VITA AUTEM, VISUM EST EI DOCTRINARUM POLITIAM
ET ADMINISTRATIONEM QUAE IN USU EST, SCIENTIARUM AUGMENTA ET PROPAGINEM
DURISSIME PREMERE ET COHIBERE.
COGITAVIT ET ILLUD; ETIAM IN OPINIONE HOMINUM ET SENSU COMMUNI, MULTA
UBIQUE OCCURRERE QUAE NOVAS SCIENTIARUM ACCESSIONES LIBERO ADITU PROHIBEANT:
MAXIMAM ENIM PARTEM HOMINUM, PRAESENTIBUS NON AEQUAM, IN ANTIQUITATEM
PROPENDERE; AC CREDERE SI NOBIS QUI NUNC VIVIMUS EA SORS OBVENISSET, UT QUAE
AB ANTIQUIS QUAESITA ET INVENTA SUNT PRIMI TENTAREMUS, NOS EORUM PENSA LONGO
INTERVALLO NON FUISSE AEQUATUROS. CREDERE SIMILITER, SI QUIS ETIAM NUNC,
INGENIO SUO CONFISUS, INQUISITIONEM DE INTEGRO SUSCIPERE AFFECTET, HUNC
HUJUSCE REI EVENTUM FORE; UT AUT IN EA IPSA INCIDAT QUAE AB ANTIQUITATE PROBATA
SUNT; AUT SANE IN ALIA, QUAE AB ANTIQUITATE JAMPRIDEM JUDICATA ET REJECTA,
IN OBLIVIONEM MERITO CESSERE. ALIOS, SPRETA OMNINO GENTE ET FACULTATE HUMANA
UTRIUSQUE TEMPORIS, SIVE ANTIQUI SIVE NOVI, IN OPINIONEM LABI CURIOSAM ET
SUPERSTITIOSAM; EXISTIMANTES SCIENTIARUM PRIMORDIA A SPIRITUS MANASSE, ET
AB EORUM DIGNATIONE ET CONSORTIO SIMILITER NOVA INVENTA AUTHORAMENTUM HABERE
POSSE. ALIOS OPINIONE MAGIS SOBRIA ET SEVERA, SED DIFFIDENTIA GRAVIORE, DE
AUCTIORE SCIENTIARUM STATU PLANE DESPERARE, NATURAE OBSCURITATEM, BREVITATEM
VITAE, SENSUUM FALLACIAS, JUDICII INFIRMITATEM, ET EXPERIMENTORUM DIFFICULTATES
ET IMMENSAS VARIETATES REPUTANDO; ITAQUE HUJUSMODI SPEI EXCESSUS, QUAE MAJORA
QUAM QUAE HABEMUS SPONDEANT, ESSE IMPOTENTIS ANIMI ET IMMATURI; ATQUE LAETA
SCILICET PRINCIPIA, MEDIA ARDUA, EXTREMA CONFUSA HABERE. NEC MINOREM
DESPERATIONEM PRAEMII QUAM FACTI ESSE. SCIENTIAS SIQUIDEM IN MAGNIS INGENIIS
PROCULDUBIO INNASCI ET AUGERI; PRETIA AUTEM ET AESTIMATIONES SCIENTIARUM,
PENES POPULUM AUT PRINCIPES VIROS, AUT ALIOS MEDIOCRITER DOCTOS ESSE: UNDE
FIERI UT EA TANTUM INVENTA VIGEANT, QUAE POPULARI JUDICIO ET SENSUI COMMUNI
ACCOMMODATA SUNT; UT IN DEMOCRITI OPINIONE DE ATOMIS USUVENIT, QUAE QUIA PAULO
REMOTIOR ERAT, LUSU EXCIPIEBATUR. ITAQUE ALTIORES CONTEMPLATIONES NATURAE, QUAS
FERE RELIGIONIS INSTAR DURAS SENSIBUS HOMINUM ACCEDERE NECESSE EST, ORIRI
ALIQUANDO POSSE; SED FERE NON MULTO POST (NISI EVIDENTI ET EXCELLENTI UTILITATE
DEMONSTRENTUR ET COMMENDENTUR, QUOD HUCUSQUE FACTUM NON EST) OPINIONEM
VULGARIUM VENTIS AGITARI ET EXTINGUI; ADEO UT TEMPUS TANQUAM FLUVIUS, LEVIA ET
INFLATA VEHERE, GRAVIA ET SOLIDA MERGERE CONSUEVERIT. VISUM EST EI ITAQUE,
IMPEDIMENTA MELIORIS SCIENTIARUM STATUS NON TANTUM EXTERNA ET ADVENTITIA, SED
ET INNATA ET EX IPSIS SENSIBUS HAUSTA ESSE.
COGITAVIT ET ILLUD; ETIAM VERBORUM NATURAM VAGAM ET MALE TERMINATAM
INTELLECTUI HOMINUM ILLUDERE, ET FERE VIM FACERE. VERBA ENIM CERTE TANQUAM
NUMISMATA ESSE, QUAE VULGI IMAGINEM ET PRINCIPATUM REPRAESENTENT: ILLA SIQUIDEM
SECUNDUM POPULARES NOTIONES ET RERUM ACCEPTIONES (QUAE MAXIMA EX PARTE
ERRONEAE SUNT ET CONFUSSIMAE) OMNIA COMPONERE ET DIVIDERE; UT ETIAM INFANTES
CUM LOQUI DISCANT, INFOELICEM ERRORUM CABALAM HAURIRE ET IMBIBERE COGANTUR:
AC LICET SAPIENTIORES ET DOCTIORES SE VARIIS ARTIBUS AB HAC SERVITUTE VINDICARE
CONENTUR; NOVA VOCABULA FINGENDO, QUOD DURUM, ET DEFINITIONES INTERPONENDO,
QUOD MOLESTUM EST; NULLIS TAMEN VIRIBUS JUGUM EXCUTERE POSSE, QUIN INFINITAE
ETIAM IN ACUTISSIMIS DISPUTATIONIBUS CONTROVERSIAE DE VERBIS MOVEANTUR, ET
QUOD MULTO DETERIUS EST, ISTAE IPSAE PRAVAE VERBORUM SIGNATURAE ETIAM IN
MENTEM RADIOS SUOS ET IMPRESSIONES REFLECTANT; NEC TANTUM IN SERMONE MOLESTAE,
SED ETIAM JUDICIO ET INTELLECTUI INFESTAE SUNT. ITAQUE VISUM EST EI, INTER
INTERNAS CAUSAS ERRORUM, HANC IPSAM UT GRAVEM SANE ET NON INNOXIAM PONERE.
COGITAVIT ET ILLUD; PRAETER COMMUNES SCIENTIARUM ET DOCTRINARUM
DIFFICULTATES, PHILOSOPHIAM NATURALEM, PRAESERTIM ACTIVAM ET OPERATIVAM, ETIAM
ALIA PROPRIA HABERE PRAEJUDICIA ET IMPEDIMENTA. NON PARVAM ENIM EXISTIMATIONIS
JACTURAM ET FIDEI FECISSE, PER QUOSDAM PROCURATORES SUOS LEVES ET VANOS; QUI
PARTIM EX CREDULITATE PARTIM EX IMPOSTURA, HUMANUM GENUS PROMISSIS ONERARUNT;
VITAE PROLONGATIONEM, SENECTUTIS RETARDATIONEM, DOLORUM LEVATIONEM, NATURALIUM
DEFECTUUM REPARATIONEM, SENSUUM DECEPTIONES, AFFECTUUM LIGATIONES ET
INCITATIONES, INTELLECTUALIUM FACULTATUM ILLUMINATIONES, EXALTATIONES,
SUBSTANTIARUM TRANSMUTATIONES, MOTUUM AD LIBITUM MULTIPLICATIONES, AERIS
IMPRESSIONES ET ALTERATIONES, RERUM FUTURARUM DIVINATIONES, REMOTARUM
REPRAESENTATIONES, OCCULTARUM REVELATIONES, ET ALIA COMPLURA POLLICITANDO:
VERUM DE ISTIS LARGITORIBUS, OPINARI, NON MULTUM ABERRATURUM QUI ISTIUSMODI
JUDICIUM FECERIT: TANTUM NIMIRUM INTERESSE INTER HORUM VANITATES ET VERAS
ARTES, IN PHILOSOPHIA, QUANTUM INTERSIT INTER RES GESTAS JUL. CAESARIS AUT
ALEXANDRI, ET RURSUS AMADISII EX GALLIA AUT ARTHURI EX BRITANNIA, IN HISTORIA
CONSTAT ENIM CLARISSIMOS ILLOS IMPERATORES MAJORA REVERA PRAESTITISSE QUAM
UMBRATILES ISTI HEROES FECISSE FINGANTUR; SED MODIS ET VIIS ACTIONUM MINIME
FABULOSIS ET PRODIGIOSIS. ITAQUE AEQUUM NON ESSE FIDEM VERAE MEMORIAE DEROGARE,
QUIA ILLA A FABULIS QUANDOQUE LAESA ET VIOLATA SIT: NAM IXIONEM A NUBE
CENTAUROS; NEC IDEO MINUS, JOVEM E VERA JUNONE HEBEN AT VULCANUM, VIRTUTES
SCILICET ADMIRANDAS ET DIVINAS NATURAE ET ARTIS GENUISSE. QUAE LICET VER
COMPERIANTUR, ET HOMINES ABSQUE RERUM DISCRIMINE INCREDULOS ESSE SUMMAE SIT
IMPERITIAE; VISUM TAMEN EST EI, VERITATIS ADITUM PER HUJUSMODI COMMENTA
INTERCLUSUM ATU CERTE ARCTATUM JAMPRIDEM ESSE; ET VANITATIS EXCESSUS ETIAM
NUNC OMNEN MAGNANIMITATEM DESTRUERE.
COGITAVIT ET ILLUD; REPERIRI IN ANIMO HUMANO INCLINATIONEM QUANDAM A
NATURA INSITAM, ET HOMINUM OPINIONE ET DISCIPLINA NONNULLA CORROBORATAM, QUAE
NATURALIS PHILOSOPHIAE, ACTIVAE NIMIRUM ET OPERATIVAE, PROGRESSUS REMORATA SIT
ET AVERTERIT. EAM ESSE OPINIONEM SIVE AESTIMATIONEM TUMIDAM ET DAMNOSAM;
MINUI NEMPE MAJESTATEM MENTIS HUMANAE, SI IN EXPERIMENTIS ET REBUS
PARTICULARIBUS, SENSUI SUBJECTIS ET IN MATERIA TERMINATIS, DIU AC MULTUM
VERSETUR: PRAESERTIM CUM HUJUSMODI RES AD INQUIRENDUM LABORIOSAE, AD
MEDITANDUM IGNOBILES, AD DICENDUM ASPERAE, AD PRACTICAM ILLIBERALES, NUMERO
INFINITAE, ET SUBTILITATE PUSILLAE, VIDERI SOLEANT, ET OB HUJUSMODI CONDITIONES
GLORIAE ARTIUM MINUS SINT ACCOMMODATAE. QUAM OPINIONEM SIVE ANIMI
DISPOSITIONEM, VIRES MAXIMAS SUMPSISSE EX ILLA ALTERA OPINIONE ELATA ET
COMMENTITIA, QUA VERITAS HUMANAE MENTIS VELUTI INDIGENA, NEC ALIUNDE
COMMIGRANS: ET SENSUS INTELLECTUM MAGIS EXCITARE QUAM INFORMARE ASSEREBATUR.
NEQUE TAMEN ERROREM HUNC, ET MENTIS (SI VERUM NOMEN QUAERATUR) ALIENTIONEM,
AB IIS ULLA EX PARTE CORRECTAM, QUI SENSUI DEBITAS, ID EST PRIMAS PARTES
TRIBUERUNT. QUIN ET HOS QUOQUE EXEMPLO ET FACTO SUO, RELICTA PRORSUS NATURALI
HISTORIA ET MUNDANA PERAMBULATIONE, OMNIA IN INGENII AGITATIONE POSUISSE, ET
INTER OPACISSIMA MENTIS IDOLA, SUB SPECIOSO CONTEMPLATIONIS NOMINE, PERPETUO
VOLUTASSE. QUARE VISUM EST EI, ISTUD RERUM PARTICULARIUM REPUDIUM ET DIVORTIUM
OMNIA IN FAMILIA HUMANA TURBASSE.
COGITAVIT ET ILLUD; NON TANTUM EX IIS QUAE OBSTANT CONJECTURAM
CAPIENDAM; FIERI ENIM POSSE UT HUMANI GENERIS FORTUNA ISTAS DIFFICULTATES ET
VINCULA PERFREGERIT ET SUPERAVERIT: ITAQUE ILLUD VIDENDUM AC PENITUS
INTROSPICIENDUM, QUALIS SIT EA PHILOSOPHIA QUAE RECEPTA SIT, AUT ALIA QUAEPIAM
EX ANTIQUIS, QUAE INSTAR TABULAE NAUFRAGII AD LITORA NOSTRA IMPULSA SIT. ATQUE
INVENIT, PHILOSOPHIAM NATURALEM, QUAM A GRAECIS ACCEPIMUS, PUERITIAM QUANDAM
SCIENTIAE CENSERI; ATQUE HABERE ID QUOD PROPRIUM PUERORUM EST, UT AD
GARRIENDUM PROMPTA, AD GENERANDUM INHABILIS ET IMMATURA SIT. HUJUS AUTEM
PHILOSOPHIAE JAM CONSENSU PRINCIPEM ARISTOTELEM, INTACTA FERE EC ILLIBATA
NATURA, IN COMMUNIBUS NOTIONIBUS, ATQUE EARUM INTER SE COMPARATIONE,
COLLISIONE, ET REDUCTIONE INUTILITER VERSATUM ESSE. NEQUE SANE QUICQUAM
SOLIDI AB EO SPERARI, QUI ETIAM MUNDUM E CATEGORIIS EFFECERIT: PARUM ENIM
INTERESSE, UTRUM QUIS MATERIAM FORMAM ET PRIVATIONEM, AN SUBSTANTIAM QUALITATEM
ET RELATIONEM, PRINCIPIA RERUM POSUERIT. VERUM ISTIS SERMONIBUS SUPERSEDERI
OPORTERE. NAM ET JUSTAM CONFUTATIONEM INSTITUERE (CUM NEQUE DE PRINCIPIIS,
NEC DE DEMONSTRARIONUM MODIS CONVENIAT) IMMEMORIS ESSE; ET RURSUS HOMINEM
TANTAM AUTHORITATEM ET FERE DICTATURAM IN PHILOSOPHIA ADEPTUM PER SATYRAM
PERSTRINGERE, LEVIUS PRO DIGNITATE SERMONIS INSTITUTI, ET TAMEN SUPERBUM
FORE. ILLUM SANE, DIALECTICIS RATIONIBUS, UTPOTE A SE (QUOD IPSE LICENTIUS
GLORIATUR) ORIUNDIS, NATURALEM PHILOSOPHIAM CORRUPISSE. VERUM UT ILLUM
MITTAMUS, PLATONEM VIRUM SINE DUBIO ALTIORIS INGENII FUISSE; UT QUI ET FORMARUM
COGNITIONEM AMBIRET, ET INDUCTIONE PER OMNIA (NON AD PRINCIPIA TANTUM)
UTERETUR: SED INUTILI UTROBIQUE RATIONE, CUM INDUCTIONES VAGAS, FORMAS
ABSTRACTAS, PRENSARET ET RECIPERET. ATQUE HUJUS PHILOSOPHI SI QUIS ATTENTIUS
ET SCRIPTA ET MORES CONSIDERET, EUM DE PHILOSOPHIA NATURALI NON ADMODUM
SOLICITUM FUISSE REPERIET, NISI QUATENUS AD PHILOSOPHI NOMEN ET CELEBRITATEM
TUENDAM, VEL AD MAJESTATEM QUANDAM MORALIBUS ET CIVILIBUS DOCTRINIS ADDENDAM
ET ASPERGENDAM SUFFICERET. EUNDEM NATURAM NON MINUS THEOLOGIA, QUAM
ARISTOTELEM DIALECTICA INFICERE: ET SI VERUM DICENDUM EST, TAM PROPE AD POETAE
QUAM ILLUM AD SOPHISTAE PARTES ACCEDERE. ATQUE HORUM PLACITA EX IPSIS FONTIBUS
HAURIRE LICERE, CUM OPERA EORUM EXTENT. RELIQUORUM VERO, PYTHAGORAE,
EMPEDOCLIS, HERACLITI, ANAXAGORAE, DEMOCRITI, PARMENIDIS, XENOPHANIS, ET
ALIORUM, DIVERSAM RATIONEM ESSE; QUOD ILLORUM OPINIONES PER INTERNUNTIOS
QUOSDAM ET FAMAS ET FRAGMENTA SOLUMMODO HABEMUS; ATQUE IDCIRCO MAJORE
INQUISITIONE, AC MAJORE ETIAM JUDICII INTEGRITATE (QUAE SORTIS INIQUITATEM
LEVET) OPUS ESSE. SE TAMEN CUM SUMMA DILIGENTIA ET CURA, OMNEM DE ILLIS
OPINIONIBUS AURAM CAPTASSE; ET QUIDQUID DE ILLIS, VEL DUM AB ARISTOTELE
CONFUTANTUR, VEL DUM A CICERONE CITANTUR; VEL IN PLUTARCHI FASCICULO, VEL IN
LAERTII VITIS, VEL IN LUCRETII POEMATE, VEL ALICUBI IN QUAVIS ALIA SPARSA
MEMORIA ET MENTIONE INVENIRI POSSIT, EVOLVISSE; ET CUM FIDE ET JUDICIO LIBRATO
EXAMINASSE. AC PRIMO SANE DUBIUM NON ESSE, QUIN SI OPINIONES EORUM IN PROPRIIS
EXTARENT OPERIBUS, MAJOREM FIRMITUDINEM HABITURAE FUISSENT; CUM THEORIARUM
VIRES IN APTA ET SE MUTUO SUSTINENTE PARTIUM HARMONIA, ET QUADAM IN ORBEM
DEMONSTRATIONE CONSISTANT, IDEOQUE PER PARTES TRADITAE INFIRMAE SINT: QUARE
NON CONTEMPTIM DE ILLIS JUDICIUM FECISSE. REPERISSE ETIAM INTER PLACITA TAM
VARIA, HAUD PAUCA IN OBSERVATIONE NATURAE ET CAUSARUM ASSIGNATIONE NON
INDILIGENTER NOTATA; ALIOS AUTEM IN ALIIS (UT FERE FIERI SOLET) FOELICIORES
FUISSE. TANTUMMODO PYTHAGORAE INVENTA ET PLACITA (LICET NUMERI EJUS QUIDDAM
PHYSICUM INNUANT) TALIA MAJORE EX PARTE FUISSE, QUAE AD ORDINEM POTIUS QUENDAM
RELIGIOSORUM FUNDANDUM, QUAM AD SCHOLAM IN PHILOSOPHAA APERIENDAM PERTINERENT;
QUOD ET EVENTUS COMPROBAVIT; NAM EANDEM DISCIPLINAM PLUS IN HAERESI
MANICHAEORUM, ET SUPERSTITIONE MAHUMETI, QUAM APUD PHILOSOPHOS VALUISSE.
RELIQUOS VERO, PHYSICOS CERTE FUISSE; ATQUE EX IIS NONNULLOS, QUI ARISTOTELE
LONGE ET ALTIUS ET ACUTIUS IN NATURAM PENETRAVERINT. ATQUE ILLUM SCILICET
OTTOMANORUM MORE IN FRATRIBUS TRUCIDANDIS OCCUPATUM FUISSE; QUOD ET EI EX
VOTO SUCCESSIT; VERUM ET DE ARISTOTELE, ET RELIQUIS ISTIS GRAECIS NON DISSIMILE
JUDICIUM FECIT; ESSE NIMIRUM HUJUSMODI PLACITA AC THEORIAS VELUTI DIVERSA
DIVERSARUM FABULARUM IN THEATRO ARGUMENTA, IN QUANDAM VERI SIMILITUDINEM,
ALIA ELEGANTIUS ALIA NEGLIGENTIUS AUT CRASSIUS CONFICTA; ATQUE HABERE QUOD
FABULARUM PROPRIUM EST, UT VERIS NARRATIONIBUS CONCINNIORA ET COMMODIORA
VIDEANTUR. NEQUE IN ISTIS TANTUM EXHIBITIS ET PUBLICATIS THEORIIS, HUMANI
INGENII PEREGRINATIONES ET ERRORES SE SISTERE AUT FINIRE POTUISSE. NISI ENIM
MORES HOMINUM ET AFFECTUS ET RERUM CIVILIUM INCLINATIONES HUJUSMODI
NOVITATIBUS (ETIAM IN CONTEMPLATIVIS) ADVERSAE ET INFENSAE EXTITISSENT; DUBIUM
MINIME ESSE, QUIN ET ALIAE MULTAE IN NATURALI PHILOSOPHIA SECTAE INTRODUCTAE
FUISSENT. QUEMADMODUM ENIM IN ASTRONOMICIS, ET IIS QUIBUS TERRAM ROTARI
PLACET, ET IIS QUI PER ECCENTRICOS ET EPICYCLOS MOTUS EXPEDIUNT, EORUM QUAE
IN COELIS SUB SENSU APPARENT PATROCINIA ET ADVOCATIONES AEQUAE ET ANCIPITES
SUNT; QUIN ET TABULARUM CALCULI UTRISQUE RESPONDENT; EODEM MODO ET MULTO ETIAM
FACILIUS ESSE IN NATURALI PHILOSOPHIA COMPLURES THEORIAS EXCOGITARE, LONGE
INTER SE AD INVICEM DIFFERENTES, SED TAMEN SINGULAS SIBI CONSTANTES, ET
INSTANTIARUM VULGARIUM (QUAE IN EJUSMODI QUAESTIONIBUS JUDICIA EXERCERE
SOLENT) SUFFRAGATIONE ABUTENTES, ATQUE IN DIVERSA TRAHENTES. NEQUE ENIM
DEFUISSE. QUI NOSTRA ET PATRUM AETATE NOVAS PHILOSOPHIAE NATURALIS FABRICAS
MEDITATI SUNT: NAM TELESIUM NOSTRA MEMORIA SCENAM CONSCENDISSE, ET NOVAM
FABULAM EGISSE, MAGIS ARGUMENTO PROBABILEM QUAM PLAUSU CELEBREM: ET
FRACASTORIUM, NON ITA PRIDEM, LICET NOVAM SECTAM NON ELEGERIT, TAMEN
LIBERTATE JUDICII ET INQUISITIONIS HONESTISSIME USUM ESSE. CARDANUM ETIAM NON
MINUS AUSUM; SED LEVIOREM. QUIN ET NUPER GILBERTUM NOSTRATEM, CUM NATURAM
MAGNETIS LABORISSISSIME ET MAGNA JUDICII FIRMITUDINE ET CONSTANTIA, NECNON
EXPERIMENTORUM MAGNO COMITATU ET FERE AGMINE PERSCRUTATUS ESSET, STATIM NOVAE
IN PHILOSOPHIA NATURALI SECTAE IMMINERE COEPISSE, NEC XENOPHANIS NOMEN IN
LUDIBRIUM VERSUM EXPAVISSE, IN CUJUS SENTENTIAM INCLINABAT. HOS ITAQUE, ET SI
QUI SUNT AUT ERUNT HORUM SIMILES, ANTIQUORUM TURBAE AGGREGANDOS; UNAM ENIM
EANDEMQUE OMNIUM RATIONEM HABERI. ESSE NIMIRUM HOMINES SECUNDUM PAUCA
PRONUNTIANTES, ET NATURAM LEVITER ATTINGENTES, NEC ITA SE ILLI IMMISCENTES UT
AUT CONTEMPLATIONUM VERITATEM AUT OPERUM UTILITATEM ASSEQUI POSSINT. CREDERE
ENIM EX TOT PHILOSOPHIIS PER TOT ANNORUM SPATIA LABORATIS ET CULTIS, ME UNUM
QUIDEM EXPERIMENTUM ADDUCI POSSE, QUOD AD HOMINUM STATUM LEVANDUM AUT
LOCUPLETANDUM SPECTET, ET HUJUSMODI SPECULATIONIBUS VERE ACCEPTUM REFERRI
POSSIT. QUIN CONTRA ARISTOTELIS DE QUATUOR ELEMENTIS COMMENTUM, CUI IPSE
POTIUS AUTHORITATEM QUAM PRINCIPIUM DEDIT (QUOD AVIDE A MEDICIS ACCEPTUM,
QUATUOR COMPLEXIONUM, QUATURO HUMORUM, ET QUATUOR PRIMARUM QUALITATUM
CONJUGATIONES POST SE TRAXIT) TANQUAM MALIGNUM ALIQUOD ET INFAUSTUM SIDUS,
INFINITAM ET MEDICINAE NECNON COMPLURIBUS MECHANICIS REBUS STERILITATEM
ATTULISSE; DUM HOMINES PER HUJUSMODI CONCINNITATES ET COMPENDIOSAS INEPTIAS
SIBI SATISFIERI PATIENTES, NIL AMPLIUS CURANT. QUAESTIONUM INTERIM ET
CONTROVERSIARUM TURBAS CIRCA HUJUSMODI PHILOSOPHIAS UNDIQUE SONARE ET VOLITARE;
ADEO UT FABULA ILLA DE SCYLLA IN EAS AD VIVUM COMPETERE VIDEATUR; QUAE VIRGINIS
OS ET VULTUM EXTULIT; AD UTERUM VERO MONSTRA LATRANTIA SUCCINGEBANTUR ET
ADHAEREBANT: ITA HABERE ET ISTAS DOCTRINAS QUAEDAM PRIMO ASPECTU SPECIOSA, SED
CUM AD PARTES GENERATIONIS VENTUM SIT, UT FRUCTUM EX SE EDANT, TUM NIL PRAETER
LITES ET INQUIETAS DISPUTATIONES INVENIRI, QUAE PARTUS VICEM OBTINEANT. ATQUE
ILLUD INTERIM NOTANDUM, QUAE DE PLACITORUM REJECTIONE DICTA SUNT, OPIONIBUS,
TANTUM, NON INGENIIS AUTHORUM AUT LABORIBUS DEROGARE. QUANTO ENIM QUIS
INGENIO ET STUDIO MAXIME VALEAT, EUNDEM, SIN NATURAE LUCEM ET HISTORIAM ET
RERUM PARTICULARIUM EVIDENTIAM DESERAT, TANTO MAGIS IN OBSCURIORES ET MAGIS
PERPLEXOS PHANTASIARUM ET IDOLORUM RECESSUS ET QUASI SPECUS SE DETRUDERE ET
INVOLVERE. NEQUE INSUPER, GENERALES PHILOSOPHIARUM THEORIAS ITA ARGUI, UT
PARTICULARES ET INFERIORUM CAUSARUM ASSIGNATIONES, QUAE IN HUJUSMODI
PHILOSOPHORUM OPERIBUS REDDI ET QUAERI SOLENT, PROBENTUR: VERUM ET HAS NIHILO
ILLIS MELIORES ESSE; NON TANTUM QUOD AB ILLIS PENDEANT, SED QUOD ET IPSAE
NULLAM INQUISITIONIS SEVERITATEM PRAE SE FERANT; AD PAULO NOTIORA ET FERE OBVIA
DEDUCENTES, IN QUIBUS MENS HUMANA LEVITER ACQUIESCAT ET SIBI COMPLACEAT; VERUM
AD INTERIORA NATURAE MINIME PENETRANTES; ATQUE HOC VITII (QUOD OMNIUM INSTAR
EST) SEMPER HABENTES; UT EXPERIMENTA ET EFFECTA JAM NOTA, COHAERENTIA QUADAM
ET VELUTI RETICULO CONNECTANT, AD EORUM QUAE NOTA SUNT JUSTAM MENSURAM FACTO:
SED NEUTIQUAM CAUSAM ALIQUAM AUT REGULAM DEMONSTRENT, QUAE NOVA NEC PRIUS
COGNITA EFFECTA AUT EXPERIMENTA DESIGNET. ATQUE POST HAS PHILOSOPHIARUM ORAS
PERAGRATAS, SE UNDIQUE CIRCUMSPICIENTEM ETIAM AD ANTIQUITATIS PENETRALIA
OCULOS CONJECISSE, VELUTI VERSUS TRACTAM QUENDAM NUBILOSUM ET OBSCURUM. ATQUE
SCIRE SE, SI MINUS SINCERA FIDE AGERE VELLET, NON DIFFICILE ESSE HOMINIBUS
PERSUADERE, APUD ANTIQUOS SAPIENTES, DIU ANTE GRAECORUM TEMPORA, SCIENTIAM DE
NATURA MAJORE VIRTUTE, SED MAJORE ETIAM FORTASSE SILENTIO FLORUISSE: ATQUE
IDEO SOLENNIUS FORE EA QUAE JAM AFFERUNTUR AD ILLA REFERRE; UT NOVI HOMINES
SOLENT, QUI NOBILITATEM ANTIQUAE ALICUJUS PROSAPIAE PER GENEALOGIARUM RUMORES
ET CONJECTURAS SIBI AFFINGUNT: SED SE, RERUM EVIDENTIA FRETUM, OMNIS
IMPOSTURAE CONDITIONEM RECUSASSE; ET QUALEMCUNQUE IPSE OPINIONEM DE ILLIS
SAECULIS HABEAT, TAMEN AD ID QUOD AGITUR NON PLUS INTERESSE PUTARE, UTRUM QUAE
JAM INVENIENTUR ANTIQUIS COGNITA ET PER RERUM VICISSITUDINES OCCIDENTIA ET
ORIENTIA SINT, QUAM HOMINIBUS CURAE ESSE DEBERE, UTRUM NOVUS ORBIS FUERIT
INSULA ILLA ATLANTIS ET VETERI MUNDO COGNITA, AN NUNC PRIMUM REPERTA. RERUM
ENIM INVENTIONEM A NATURAE LUCE PETENDAM, NON AB ANTIQUITATIS TENEBRIS
REPETENDAM ESSE. INTEREA VENIRE ALICUI IN MENTEM POSSE, DE CHIMISTARUM ARTE
SIVE PHILOSOPHIA TACERI: QUOD SE HONORIS CAUSA FECISSE; QUIA EAM CUM ILLIS
PHILOSOPHIIS QUAE PRORSUS OPERUM EFFOETAE SINT CONJUNGERE NOLUERIT; CUM IPSA
INVENTA UTILIA NON PAUCA EXHIBUERIT ET DONARIT. VERUM FABULAM ILLAM IN HANC
ARTEM NON MALE CONGRUERE, DE SENE QUI FILIIS AURUM IN VINEA DEFOSSUM (NEC
SATIS SCIRE QUO LOCO) LEGAVERIT; UNDE ILLOS AD VINEAM DILIGENTER FODIENDAM
VERSOS ESSE, ET AURUM QUIDEM NULLUM REPERTUM, SED VINDEMIAM EA CULTURA FACTAM
UBERIOREM. SIMILI MODO ET CHIMIAE FILIOS, DUM AURUM (SIVE VERE SIVE SECUS)
DEFOSSUM INVENIRE SATAGUNT, MOVENDO ET EXPERIENDO HAUD PARVO PROVENTUI
HOMINIBUS ET UTILITATI FUISSE. SED ILLORUM INVENTA NON ALIO MODO, NEC RATIONE
ALIQUA MELIORE, QUAM ARTIUM MECHANICARUM, PRINCIPIA ET INCREMENTA CEPISSE;
ID EST, PER EXPERIENTIAM MERAM. NAM PHILOSOPHIAM ET SPECULATIVAM EORUM REM
MINUS SANAM ESSE; ET ILLIS DE QUIBUS LOCUTI JAM SUMUS PHILOSOPHIARUM FABULIS
DURIOREM. UTCUNQUE ENIM PRINCIPIORUM TRIAS INVENTUM NON INUTILE FUERIT, SED
REBUS ALIQUA EX PARTE FINITIMUM; TAMEN MAXIMA EX PARTE, EOS PAUCIS
DISTILLATIONUM EXPERIMENTIS ASSUETOS, OMNIA IN PHILOSOPHIA AD SEPARATIONES
ET LIBERATIONES RETULISSE, VERARUM ALTERATIONUM OBLITOS.
PARTITIONEM DOCTRINAE HUMANAE EAM DELIGIMUS, QUAE TRIPLICI FACULTATI
INTELLECTUS RESPONDEAT. TRES ITAQUE EJUS PARTES A NOBIS CONSTITUUNTUR.
HISTORIA, POESIS, PHILOSOPHIA. HISTORIA AD MEMORIAM REFERTUR: POESIS AD
PHANTASIAM: PHILOSOPHIA AD RATIONEM. PER POESIN AUTEM NIHIL ALIUD INTELLIGIMUS
HOC LOCO, QUAM HISTORIAM FICTAM. HISTORIA PROPRIE INDIVIDUORUM EST; QUORUM
IMPRESSIONES SUNT MENTIS HUMANAE PRIMI ET ANTIQUISSIMI HOSPITES; SUNTQUE
INSTAR PRIMAE MATERIAE SCIENTIARUM. IN HIS INDIVIDUIS ATQUE IN HAC MATERIA,
MENS HUMANA ASSIDUO SE EXERCET, INTERDUM LUDIT. NAM SCIENTIA OMNIS, MENTIS
ET EXERCITATIO ET OPIFICIUM; POESIS EJUSDEM LUSUS CENSERI POSSIT. IN
PHILOSOPHIA MENS MANCIPATUR REBUS; IN POESI SOLVITUR A NEXU RERUM, ET
EXPATIATUR, ET FINGIT QUAE VULT. HAEC VERO SE ITA HABERE FACILE QUIS CERNAT,
QUI SIMPLICITER TANTUMMODO ET PINGUI QUADAM CONTEMPLATIONE INTELLECTUALIUM
ORIGINES PETAT. ETENIM INDIVIDUORUM IMAGINES EXCIPIUNTUR A SENSU, ET IN MEMORIA
FIGUNTUR. ABEUNT AUTEM IN MEMORIAM TANQAUM INTEGRAE, EODEM QUO OCCURRUNT MODO.
HAS RURSUS RETRAHIT ET RECOLIT MENS; ATQUE (QUOD OFFICIUM EJUS PROPRIUM EST)
PORTIONES EARUM COMPONIT ET DIVIDIT. HABENT ENIM INDIVIDUA SINGULA ALIQUID
INTER SE COMMUNE, ATQUE ALIUD RURSUS DIVERSUM ET MULTIPLEX. EA VERO COMPOSITIO
ATQUE DIVISIO VEL PRO ARBITRIO MENTIS FIT, VEL PROAC INVENITUR IN REBUS. QUOD
SI FIAT PRO ARBITRIO MENTIS, ATQUE TRANSFERUNTUR PORTIONES ILLAE AD PLACITUM
IN SIMILITUDINEM QUANDAM INDIVIDUI, PHANTASIAE OPUS EST, QUAE NULLA NATURAE
AUT MATERIAE LEGE ET NECESSITATE ASTRICTA, EA QUAE IN RERUM NATURA MINIME
CONVENIUNT CONJUNGERE, QUAE VERO NUNQUAM SEPARANTUR DISCERPERE POTEST; ITA
TAMEN UT INTRA PRIMAS ILLAS IPSAS INDIVIDUORUM PORTIONES COERCEATUR. NAM EORUM
QUAE NULLA EX PARTE SE SENSUI OBTULERUNT, NON EST PHANTASIA, NE SOMNIUM
PROFECTO. QUOD SI EAEDEM INDIVIDUORUM PORTIONES COMPONANTUR ET DIVIDANTUR PRO
IPSA RERUM EVIDENTIA ET PROUT VERE IN NATURA SE PRODUNT AUT SALTEM PRO CAPTU
CUJUSQUE SE PRODERE NOTANTUR, EAE PARTES RATIONIS SUNT: ATQUE UNIVERSA
HUJUSMODI DISPENSATIO RATIONI ATTRIBUITUR. EX QUO LIQUIDO CONSTAT, EX TRIBUS
HISCE FONTIBUS ESSE TRES ILLAS EMANATIONES HISTORIAE, POESIS, ET PHILOSOPHIAE;
NEQUE ALIAS AUT PLURES ESSE POSSE. NAM SUB PHILOSOPHIAE NOMINE COMPLECTIMUR
OMNES ARTES ET SCIENTIAS, ET QUICQUID DENIQUE A SINGULARUM RERUM OCCURSU PER
MENTEM IN GENERALES NOTIONES COLLECTUM ET DIGESTUM EST. NEQUE ALIA CENSEMUS
AD DOCTRINAM PARTITIONE, QUAM ILLA SUPERIORE, OPUS ESSE. INFORMATIONES ENIM
ORACULI ET SENSUS, ET RE PROCULDUBIO ET MODO INSINUANDI DIFFERUNT; SED TAMEN
SPIRITUS HUMANUS UNUS ATQUE IDEM EST: PERINDE AC SI DIVERSI LIQUORES, ATQUE PER
DIVISA INFUNDIBULA, TAMEN IN UNUM ATQUE IDEM VAS RECIPIANTUR. QUARE ET
THEOLOGIAM IPSAM AUT EX HISTORIA SACRA CONSTARE ASSERIMUS, AUT EX PRAECEPTIS
ET DOGMATIBUS DIVINIS, TANQUAM PERENNI QUADAM PHILOSOPHIA. EA VERO PARS QUAE
EXTRA HANC DIVISIONEM CADERE VIDETUR (QUAE EST PROPHETIA) ET IPSA HISTORIAE
SPECIES EST, CUM PRAEROGATIVA DIVINITATIS IN QUA TEMPORA CONJUNGUNTUR, UT
NARRATIO FACTUM PRAECEDERE POSSIT; MODUS AUTEM ENUNTIANDI ET VATICINIORUM PER
VISIONES ET DOGMATUM COELESTIUM PER PARABOLAS PARTICIPAT EX POESI.
HISTORIA AUT NATURALIS EST, AUT CIVILIS. IN NATURALI NATURAE RES GESTAE
ET FACINORA MEMORANTUR; IN CIVILII, HOMINUM. ELUCENT PROCULDUBIO DIVINA IN
UTRISQUE, SED MAGIS IN HUMANIS, UT ETIAM PROPRIAM IN HISTORIA SPECIEM
CONSTITUANT, QUAM SACRAM AUT ECCLESIASTICAM APPELLARE CONSUEVIMUS. ITAQUE EAM
CIVILII ATTRIBUIMUS; AT PRIMO DE NATURALI DICEMUS. NATURALIS HISTORIA RERUM
SINGULARIUM NON EST; NON QUOD PERPERAM A NOBIS POSITUM SIT HISTORIAM VERSARI
IN INDIVIDUIS, QUAE LOCO ET TEMPORE CIRCUMSCRIBUNTUR. NAM PROPRIE ITA SE RES
HABET. SED CUM PROMISCUA SIT RERUM NATURALIUM SIMILITUDO, ADEO UT SI UNUM
NORIS OMNIA NORIS, SUPERFLUUM QUIDDAM ESSET ET INFINITUM DE SINGULIS DICERE.
ITAQUE SICUBI ABSIT ILLA PROMISCUA SIMILITUDO, RECIPIT ETIAM HISTORIA
NATURALIS INDIVIDUA; EA SCILICET QUORUM NON EST NUMERUS, AUT NATIO QUAEDAM.
NAM ET SOLIS, EL LUNAE, ET TERRAE, ET SIMILIUM, QUAE UNICAE SUNT IN SPECIE SUA,
RECTISSIME CONSCRIBITUR HISTORIA; NEC MINUS EORUM QUAE INSIGNITER A SPECIE SUA
DEFLECTUNT, ET MONSTROSA SUNT; QUANDOQUIDEM IN ILLIS, DESCRIPTIO ET COGNITIO
IPSIUS SPECIEI NEC SUFFICIT NEC COMPETIT. ITAQUE HAEC DUO INDIVIDUORUM GENERA
HISTORIA NATURALIS NON REJICIT: UT PLURIMUM AUTEM (QUEMADMODUM DICTUM EST) IN
SPECIEBUS VERSATUR. AT PARTITIONEM HISTORIAE NATURALIS MOLIEMUR EX VI ET
CONDITIONE IPSIUS NATURAE, QUAE IN TRIPLICI STATU POSITA INVENITUR, ET TANQUAM
REGIMEN SUBIT TRINUM. AUT ENIM LIBERA EST NATURA AC SPONTE FUSA ATQUE CURSU
CONSUETO SE EXPLICANS, CUM SCILICET IPSA NATURA PER SE NITIUR, NULLATENUS
IMPEDITA AUT SUBACTA, UT IN COELIS, ANIMALIBUS, PLANTIS, ET UNIVERSO NATURAE
APPARATU; AUT RURSUS ILLA A PRAVITATIBUS ET INSOLENTIIS MATERIAE CONTUMACIS
ET REBELLIS ATQUE AB IMPEDIMENTORUM VIOLENTIA DE STATU SUO PLANE CONVELLITUR
ET DETRUDITUR, UT IN MONSTRIS ET HETEROCLITIS NATURAE; AUT DENIQUE AB ARTE
ET MINISTERIO HUMANO CONSTRINGITUR ET FINGITUR ET PLANE TRANSFERTUR ET TANQUAM
NOVATUR, UT IN ARTIFICIALIBUS. ETENIM IN ARTIFICALIBUS NATURA TANQUAM FACTA
VIDETUR, ET CONSPICITUR PRORSUS NOVA CORPORUM FACIES ET VELUTI RERUM
UNIVERSITAS ALTERA. ITAQUE TRACTAT HISTORIA NATURALIS AUT LIBERTATEM NATURAE,
AUT ERRORES, AUT VINCULA. QUOD SI CUIQUAM MOLESTUM SIT ARTES DICI NATURAE
VINCULA, CUM POTIUS LIBERATORES ET VINDICES CENSERI DEBEANT, QUOD NATURAM IN
NONNULLIS SUAE INTENTIONIS COMPOTEM FACIANT, IMPEDIMENTIS IN ORDINEM REDACTIS;
NOS VERO HUJUSMODI DELICIAS ET PULCHRA DICTU NIL MORAMUR; ID TANTUM VOLUMUS ET
INTELLIGIMUS, NATURAM PER ARTEM, TANQUAM PROTEUM, IN NECESSITATE PONI ID AGENDI
QUOD ABSQUE ARTE ACTUM NON FUISSET: SIVE ILLUD VIS VOCETUR ET VINCULA, SIVE
AUXILIUM ET PERFECTIO. PARTIEMUR ITAQUE HISTORIAM NATURALEM IN HISTORIAM
GENERATIONUM; HISTORIAM PRAETERGENERATIONUM; ET HISTORIAM ARTIUM, QUAM ETIAM
MECHANICAM ET EXPERIMENTALEM APPELLARE CONSUEVIMUS. LIBENTER AUTEM HISTORIAM
ARTIUM UT HISTORIAE NATURALIS SPECIEM CONSTITUIMUS; QUI INVETERAVIT PRORSUS
MOS DISSERENDI ET OPINIO, AC SI ALIUD QUIPPIAM ESSET ARS A NATURA, UT
ARTIFICIALIA A NATURALIBUS SEGREGARI DEBEANT, TANQUAM TOTO GENERE DISCREPANTIA:
UNDE ET ILLUD MALI, QUOD PLERIQUE HISTORIAE NATURALIS SCRIPTORES PERFUNCTOS
SE PUTANT, SI HISTORIAM ANIMALIUM AUT PLANTARUM AUT MINERALIUM CONFECERINT,
OMISSIS ARTIUM MECHANICARUM EXPERIMENTIS (QUAE LONGE MAXIMI AD PHILOSOPHIAM
MOMENTI SUTN); TUM ETIAM ILLABITUR ANIMIS HOMINUM SUBTILIUS ALIUD MALUM; NEMPE
UT ARS CENSEATUR SOLUMMODO UT ADDITAMENTUM QUODDAM NATURAE; CUJUS SCILICET EA
SIT VIS, UT NATURAM VEL INCHOTATAM PERFICERE VEL INCLINATAM EMENDARE POSSIT,
MINIME VERO RADICITUS TRANSMUTARE ATQUE IN IMIS CONCUTERE; QUOD PLURIMUM
REBUS HUMANIS DESPERATIONIS IN TULIT. AT CONTRA ILLUD PENTIUS ANIMIS HOMINUM
INSIDERE DEBUERAT, ARTIFICALIA A NATURALIBUS NON FORMA AUT ESSENTIA, SED
EFFECIENTE TANTUM, DIFFERRE; HOMINI VERE IN NATURAM PLANE NULLIUS REI
POTESTATEM ESSE, PRAETERQUAM MOTUS: UT CORPORA SCILICET NATURALIA
AUT AMOVEAT; RELIQUA NATURAM INTUS PER SE TRANSIGERE. ITAQUE UBI DATUR DEBITA
ADMOTIO CORPORUM NATURALIUM AUT REMOTIO, OMNIA POTEST ATQUE ARS; UBI NON DATUR,
NIHIL. RURSUS, AUTEM, MODO CORPORUM FIAT DEBITA ILLA ADMOTIO AUT REMOTIO IN
ORDINE AD ALIQUEM EFFECTUM, SIVE HOC PER HOMINEM ET ARTEM FIAT SIVE NATURALITER
ABSQUE HOMINE, PARUM REFERT; NEQUE HOC ILLO FORTIUS EST: VELUTI SI QUIS EX
ABSQUE HOMINE, PARUM REFER; NEQUE HOC ILLO FORTIUS EST: VELUIT SI QUIS EX
ASPERSIONE AQUAE SIMULACHRUM IRIDIS SUPER PARIETEM EXCITET, NON MINUS
OBSEQUENTE UTITUR NATURA, QUAM CUM IDEM FIT IN AERE EX NUBE ROSCIDA: CONTRA
VERO, CUM AURUM INVENITUR IN ARENULIS PURUM, AEQUE SIBI IPSE MINISTRAT NATURA,
AC SI AURUM PURUM PER FORNACEM ET MINISTERIUM HOMINIS EXCOQUERETUR. ALIQUANDO
AUTEM MINISTERIUM EX LEGE UNIVERSI ALIIS ANIMALIBUS DEPUTATUR: NEQUE ENIM MINUS
ARTIFICALE QUIDDAM EST MEL, QUOD FIT MEDIANTE INDUSTRIA APIS, QUAM SACCHARUM,
QUOD HOMINIS: ATQUE IN MANNA (QUOD SIMILIS EST GENERIS) NATURA SEIPSA CONTENTA
EST. ITAQUE CUM UNA ATQUE EADEM SIT NATURA, EJUS AUTEM VIS PER OMNIA VALEAT,
NEQUE UNQUAM ILLA A SEIPSA DESCISCAT, OMNINO TANQUAM EX AEQUO SUBORDINATA
TANTUM AD NATURAM PONI DEBENT HAEC TRIA, CURSUS NATURAE; EXSPATIATIO NATURAE;
ET ARS SIVE ADDITUS REBUS HOMO; IDEOQUE IN HISTORIA NATURALI EA OMNIA UNA ET
CONTINUA NARRATIONUM SERIE INVOLIV PAR EST: QUOD ETIAM PLINIUS MAGNA EX PARTE
FECIT; QUI HISTORIAM NATURALEM PRO DIGNITATE COMPLEXUS EST, SED COMPLEXAM
INDIGNISSIME TRACTAVIT. ATQUE HAEC SIT NATURALIS HISTORIAE PARTITIO PRIMA.
CAETERUM HISTORIA NATURALIS UT SUBJECTO TRIPLEX (QUEMADMODUM DIXIMUS),
ITA USU DUPLEX EST. ADHIBETUR ENIM AUT PROPTER COGNITIONEM RERUM IPSARUM QUAE
HISTORIAE MANDANTUR, AUT TANQUAM MATERIA PRIMA PHILOSOPHIAE. NOBILISSIMUS AUTEM
FINIS HISTORIAE NATURALIS IS EST; UT SIT INDUCTIONIS VERAE ET LEGITIMAE
SUPELLEX ATQUE SYLVA; ATQUE SATIS TRAHAT EX SENSU AD INSTRUENDUM INTELLECTUM.
ILLA ENIM ALTERA, QUAE AUT NARRATIONUM JUCUNDITUTE DELECTAT AUT EXPERIMENTORUM
USU JUVAT, ATQUE HUJUSMODI VOLUPTATIS AUT FRUCTUS GRATIA QUAESITA EST,
INFERIORIS PROFECTO NOTAE EST ET GENERE IPSO VILIOR, PRAE EA CUJUS EA EST VIS
ET QUALITAS, UT PROPRIA SIT PARASCEVE AD CONDENDAM PHILOSOHIAM. HAEC ENIM
DEMUM EA EST HISTORIA NATURALIS QUAE VERAE ET ACTIVAE PHILOSOPHIAE SOLIDA ET
AETERNA BASIS CONSTITUITUR, QUAEQUE LUMINI NATURAE PURO ET MINIME PHANTASTICO
PRIMAM ACCENSIONEM PRAEBET; CUJUS QUOQUE NEGLECTUS, ET GENIUS NON PLACATUS,
ACIES ILLAS LARVARUM AC VELUTI REGNA UMBRARUM QUAE IN PHILOSOPHIIS VOLITARE
CERNUNTUR, CUM MAXIMA ET CALAMITOSA OPERUM STERILITATE, NOBIS PESSIMO FATO
IMMISTI. AFFIRMAMUS AUTEM ET PLANE TESTAMUR, HISTORIAM NATURALEM, QUALIS IN
ORDINE ESSE DEBEAT AD ISTUM FINEM, NON HABERI, SED DESIDERERI, ATQUE INTER
OMISSA PONI OPORTERE. NEQUE VERO ACIEM MENTIS ALICUJUS PERSTRINGANT AUT MAGNA
ANTIQUORUM NOMINA AUT MAGNA NOVORUM VOLUMNINA, UT QUERELAM ISTAM NOSTRAM MINUS
JUSTAM COGITET. SATIS ENIM SCIMUS HABERI HISTORIAM NATURALEM, MOLE AMPLAM,
VARIETATE GRATAM, DILIGENTIA SAEPIUS CURIOSAM. ATTAMEN SI QUIS EX EA FABULAS,
ET ANTIQUITATEM, ATQUE AUTHORUM CITATIONES ET SUFFRAGATIONES, LITES ITEM
INANES ET CONTROVERSIAS, PHILOLOGIAM DENIQUE ET ORNAMENTA EXIMAT (QUAE AD
CONVIVALES SERMONES HOMINUMQUE DOCTORUM NOCTES POTIUS QUAM AD INSTITUENDAM
PHILOSOPHIAM SUNT ACCOMMODATA), PROFECTO AD NIHIL MAGNI RES RECIDAT. ITAQUE
THESAURUS QUIDAM POTIUS AD ELOQUENTIAM A NONNULLIS QUAM SOLIDA ET IDA RERUM
NARRATIO QUAERI ET PARARI VIDETUR PRAETEREA, NON MULTUM AD REM FACIAT MEMORARE
AUT NOSSE FLORUM IRIDIS AUT TULUPAE, AUT ETIAM CONCHARUM AUT CANUM AUT
ACCIPITRUM, EXIMAS VARIETATES. HAEC ENIM ET HUJUSMODI NIL ALIUD SUNT QUAM N
NATURAE LUSUS QUIDAM ET LASCIVIA, ET PROPE AD INDIVIDUORUM NATURAM ACCEDUNT.
ITAQUE HABENT COGNITIONEM IN REBUS IPSIS EXQUISITAM; INFORMATIONEM VERO AD
SCIENTIAS TENUEM ET FERE SUPERVACUAM. ATQUE HAEC SUNT TAMEN ILLA IN QUIBUS
NATURALIS HISTORIA VULGARIS SE JACTAT. CUM AUTEM DEGENERAVERIT HISTORIA
NATURALIS AD ALIENA, ET RURSUS LUXURIATA SIT IN SUPERFLUIS; TAMEN E CONTRA
MAGNAE UTIQUE ET SOLIDAE EJUSDEM PARTES AUT PRORSUS PRAETERMISSAE SUNT, AUT
NEGLIGENTER ET LEVITER TRACTATAE. UNIVERSA VERO INQUISITIONE SUA ET CONGERIE
NULLO MODO AD EUM QUEM DIXIMUS FINEM (CONDENDAE SCILICET PHILOSOPHIAE) APTA
ET QUALIFICATA REPERITUR. ID IN MEMBRIS IPSIUS IPTIME APPAREBIT, ATQUE EX
COMPARATIONE EJUS HISTORIAE CUJUS DESCRIPTIONES HOMINIBUS SUB OCULOS JAM
PROPONEMUS, AD EAM QUAE HABETUR.
QUANQUAM VERO E FIDE NOSTRA ESSE CENSEMUS, HUJUS IPSIUS HISTORIAE QUAM
DESIDERAMUS CONFECTIONEM NON ALIIS RELINQUERE, SED NOBIS IPSIS DESUMERE,
PROPTEREA QUOD QUO MAGIS HAEC RES OMNIUM INDUSTRIAE PATERE VIDEATUR, EO MAJOR
SUBEST METUS NE AB INSTITUTO NOSTRO ABERRENT; IDEOQUE EAM UT TERTIAM
INSTAURATIONIS NOSTRAE PARTEM DESIGNAVIMUS; TAMEN UT INSTITUTUM NOSTRUM DE
EXPLICATIONIBUS SIVE REPRAESENTATIONIBUS OMISSORUM PERPETUO SERVEMUS, ATQUE
ETIAM SI QUID NOBIS HUMANITUS ACCIDERIT, UT ALIQUID IN TUTO POSITUM SIT,
SENTENTIAM NOSTRAM ET CONSILIA DE HAC RE JAM HOC LOCO SUBJUNGERE VISUM EST.
HISTORIAE GENERATIONUM, SIVE NATURAE SOLUTAE, QUINQUE PARTES CONSTITUIMUS. EAE
SUNT HISTORIA AETHERIS. HISTORIA METEORORUM ET REGIONUM QUAS VOCANT AERIS.
ETENIM TRACTUM SUBLUNAREM AD SUPERFICIEM USQUE TERRAE ET CORPORA IN EO LOCATA,
HISTORIAE METEORORUM ATTRIBUIMUS. ETIAM COMETIS CUJUSCUNQUE GENERIS (UTCUNQUE
SE HABEAT REI VERITAS) TAMEN ORDINIS CAUSA LOCUM INTER METEORA ASSIGNAMUS.
TERTIO SUBIT HISTORIA TERRAE ET MARIS, QUAE CONJUNCTA GLOBUM CONSTITUUNT
UNICUM. ATQUE HUCUSQUE RERUM NATURA DISTRIBUITUR EX LOCIS ET LOCATIS: RELIQUAE
DUAE PARTES SUBSTANTIAS RERUM DISTINGUUNT, VEL MASSAS POTIUS. CONGREGANTUR
ENIM CORPORA CONNATURALIA AD MAJORES ET MINORES MASSAS: QUAE COLLEGIA RERUM
MAJORA ET MINORA APPELLARE CONSUEVIMUS, HABENTQUE IN POLITIA MUNDANA RATIONES
INTER SE TANQUAM TRIBUS ET FAMILIAE. ITAQUE QUARTO ORDINE PONITUR HISTORIA
ELEMENTORUM SIVE COLLEGIORUM MAJORUM; QUINTO ET ULTIMO HISTORIA SPECIERUM SIVE
COLLEGIORUM MINORUM. ELEMENTA ENIM EO SENSU ACCIPI VOLUMUS, UT INTELLIGANTUR
NON EXORIDA RERUM, SED TANTUM CORPORUM CONNATURALIUM MASSAE MAJORES. MAJORITAS
AUTEM ILLA ACCIDIT PROPTER TEXTURAM MATERIAE FACILEM, SIMPLICEM, OBVIAM ET
PARATAM; CUM SPECIES A NATURA PARCE SUPPEDITENTUR, PROPTER TEXTURAM
DISSIMILAREM, ATQUE IN PLURIMIS ORGANICAM. VIRTUTUM VERO ILLARUM, QUAE IN
NATURA CENSERI POSSINT TANQUAM CARDINALES ET CATHOLICAE, DENSI, RARI, LEVIS,
GRAVIS, CALIDI, FRIGIDI, CONSISTENTIS, FLUIDI, SIMILARIS, DISSIMILARIS,
SPECIFICATI, ORGANICI, ET SIMILIUM, UNA CUM MOTIBUS AD ILLA FACIENTIBUS, UTI
ANTITYPIAE, NEXUS, COITIONIS, EXPANSIONIS, ET RELIQUORUM (QUORUM HISTORIAM
OMNINO CONGERI ET CONFICI VOLUMUS, ETIAM PRIUSQUAM AD OPUS INTELLECTUS
DEVENIATUR) VIRTUTUM ET MOTUUM HISTORIAM, EJUSQUE CONFICIENDAE MODUM, TUM
TRACTABIMUS, POSTQUAM EXPLICATIONEM TRIPLICIS ILLIUS PARTITIONIS, GENERATIONUM,
PRAETERGENERATIONUM, ET ARTIUM ABSOLVERIMUS. NEQUE ENIM EAM SCILICET INTRA
TRIPLICEM ILLAM NOSTRAM PARTIONEM INCLUSIMUS, CUM NON PROPRIE SIT HISTORIA,
SED INTER HISTORIAM ET PHILOSOPHIAM VELUTI TERMINUS MEDIUS. JAM VERO DE
HISTORIA COELESTIUM, ET DEINCEPS DE RELIQUIS DICEMUS ATQUE PRAECIPIEMUS.
HISTORIAM COELESTIUM SIMPLICEM ESSE VOLUMUS, NEC DOGMATIBUS IMBUTAM; SED VELUTI
SUSPENSA VI ET DOCTINA THEORIARUM; QUAEQUE SOLUMMODO PHAENOMENA IPSA SINCERA
COMPLECTATUR ET SEPARATA, QUAE JAM DOGMATIBUS FERE CONCREVERUNT; DENIQUE QUAE
NARRATIONES PROPONAT EO PRORSUS MODO, AC SI NIHIL EX ARTIBUS ASTRONOMIAE ET
ASTROLOGIAE DECRETUM ESSET, SED EXPERIMENTA TANTUM ET OBSERVATIONES EXACTE
COLLECTA ET PERSPICUE DESCRIPTA FORENT. IN QUO GENERE HISTORIAE NIHIL ADHUC
INVENITUR, QUOD NOSTRO RESPONDEAT VOTO. HUJUSMODI QUIDDAM TANTUMMODO CURSIM ET
LICENTER ATTIGIT CAIUS PLINIUS: SED OPTIME FORET EA HISTORIA COELESTIUM, QUAE
EX PTOLEMAEO ET COPERNICO ET DOCTIORIBUS ASTRONOMIAE SCRIPTORIBUS EXPRIMI ET
ERUI POSSIT, SI ARTEM EXPERIMENTO PLANE SPOILES, ADJUNCTIS ETIAM RECENTIORUM
OBSERVATIONIBUS. QUOD SI CUI MIRUM VIDEATUR, NOS TANTO LABORE PARTA, AUCTA,
EMENDATA, RURSUS AD PRIMAM IMPERITIAM ET NUDARUM OBSERVATIONUM SIMPLICITATEM
RETRAHERE VELLE; NOS VERO NULLA CUM PRIORUM INVENTORUM JACTURA, TAMEN LONGE
MAJUS OPUS MOVEMUS; NEQUE ENIM CALCULOS AUT PRAEDICTIONES TANTUM MEDITAMUR, SED
PHILOSOPHIAM; EAM SCILICET, QUAE DE SUPERIORUM CORPORUM NON MOTU SOLUMMODO
EJUSQUE PERIODIS, SED SUBSTANTIA QUOQUE ET OMNIMODA QUALITATE, POTESTATE, ATQUE
INFLUXU, INTELLECTUM HUMANUM INFORMARE, SECUNDUM RATIONES NATURALES ATQUE
INDUBITATAS ABSQUE TRADITIONUM SUPERSTITIONE ET LEVITATE POSSIT; ATQUE RURSUS
IN MOTU IPSO INVENIRE ATQUE EXPLICARE, NON QUID PHAENOMENIS SIT CONSENTANEUM,
SED QUID IN NATURA PENITUS REPERTUM ATQUE ACTU ET REIPSA VERUM SIT. FACILE
AUTEM QUIS CERNAT, ET EOS QUIBUS TERRAM ROTARI PLACET, ET EOS CONTRA QUI
PRIMUM MOBILE ET VETEREM CONSTRUCTIONEM TENUERUNT, AEQUA FERE ET ANCIPITI
PHAENOMENORUM ADVOCATIONE NITI. QUIN ET ILLE NOVAE CONSTRUCTIONIS NOSTRA
AETATE AUTHOR, QUI SOLEM SECUNDI MOBILIS, QUEMADMODUM TERRAM PRIMI MOBILIS,
CENTRUM CONSTITUIT, UT PLANETAE IN PROPRIIS SUIS CONVERSIONIBUS CIRCA SOLEM
CHOREAS DUCERE VIDENTUR (QUOD EX ANTIQUIORIBUS NONNULLI DE VENERE ET MERCURIO
SUSPICATI SUNT), SI COGITATA AD EXITUM PERDUXISSET, BELLE PROFECTO REM
CONFICERE POTUISSE VIDETUR. NEQUE VERO NOBIS DUBIUM EST, QUIN ET ALIAE
HUJUSMODI CONSTRUCTIONES INGENIO ET AERI COGITATIONE ADINVENIRI POSSINT.
NEQUE ILLIS QUI ISTA PROPONUNT ADMODUM PLACET, HAEC QUAE ADDUCUNT PRORSUS VERA
ESSE, SED TANTUMMODO AD COMPUTATIONES ET TABULAS CONFICIENDAS COMMODE
SUPPOSITA. AT NOSTRA RATIO ALIO SPECTAT; NON ENIM CONCINNATIONES, QUAE VARIAE
ESSE POSSUNT, SED VERITATEM REI QUAERIMUS, QUAE SIMPLEX EST. AD HOC VERO
HISTORIA PHAENOMENORUM SINCERA VIAM APERIRET, INFECTA DOGMATE OBSTRUET. NEQUE
ILLUD TACEMUS, NOS IN HAC IPSA HISTORIA COELESTIUM AD NORMAM NOSTRAM FACTA ET
CONGESTA, SPEM PER SE PONERE VERITATIS CIRCA COELESTIA INVENIENDAE; SED MULTO
MAGIS IN OBSERVATIONE COMMUNIUM PASSIONUM ET DESIDERIORUM MATERIAE IN UTROQUE
GLOBO. ETENIM ISTA AETHEREORUM ET SUBLUNARIUM QUAE PUTANTUR DIVORTIA, COMMENTA
NOBIS VIDENTUR ET SUPERSTITIO CUM TEMERITATE; CUM CERTISSIMUM SIT COMPLURES
EFFECTUS, VELUTI EXPANSIONIS, CONTRACTIONIS, IMPRESSIONIS, CESSIONIS,
CONGREGATIONIS AD MASSAS, ATTRACTIONIS, ABACTIONIS, ASSIMILATIONIS, UNIONIS,
ET SIMILIUM, NON SOLUM HIC APUD NOS, SED ET IN FASTIGIIS COELI ET IN VISCERIBUS
TERRAE LOCUM HABERE. ATQUE NON ALII INTERPRETES MAGIS FIDI ADHIBERI AUT
CONSULI POSSUNT, UT INTELLECTUS HUMANUS ET AD PROFUNDA TERRAE, QUAE OMNINO NON
CERNUNTUR, ET AD ALTA COELI, QUAE PLERUNQUE FALLACITER CERNUNTUR, PENETRET.
ITAQUE OPTIME ANTIQUI, QUI PROTEUM ILLUM MULTIFORMEM, ETIAM VATEM TERMAXIMUM
FUISSE RETULERUNT; QUI FUTURA, PRAETERITA, ET OCCULTA PRAESENTIUM NOVISSET.
NAM QUI MATERIAE PASSIONES CATHOLICAS NOVIT, ATQUE PER HAEC NOVIT QUID ESSE
POSSIT, NON POTERIT NON NOSSE ETIAM QUID FUERIT, QUID SIT, ET QUID FUTURUM SIT,
SECUNDUM SUMMAS RERUM. ITAQUE PLURIMUM SPEI ET PRAESIDII AD CONTEMPLATIONEM
COELESTIUM IN PHYSICIS RATIONIBUS COLLOCAMUS: PER PHYSICAS RATIONES
INTELLIGENDO, NON EAS QUAE VULGO ESSE PUTANTUR, SED TANTUM DOCTRINAM CIRCA
ILLOS APPETITUS MATERIAE, QUOS NULLA REGIONUM AUT LOCORUM DIVERSITAS DISTRAHERE
AUT DISTERMINARE QUEAT. NEQUE PROPTEREA (UT AD PROPOSITUM REVERTAMUR) ULLI
DILIGENTIAE PARCI VOLUMUS, QUAE CIRCA PHAENOMENORUM IPSORUM COELESTIUM
NARRATIONES ET OBSERVATIONES POSSIT IMPENDI. NAM QUANTO UBERIOR SUPPETAT
APPARENTIARUM HUJUSMODI COPIA, TANTO OMNIA ERUNT ET MAGIS IN PROMPTU ET
FIRMIORA. DE QUO ANTEQUAM PLURA DICAMUS, EST PLANE QUOD GRATULEMUR ET
MECHANICORUM INDUSTRIAE, ET DOCTORUM QUORUNDAM HOMINUM CURAE ET ALACRITATI,
QUOD JAM NUPER PER INSTRUMENTORUM OPTICORUM VELUTI SCAPHAS ET NAVICULAS NOVA
TENTARI COEPERINT CUM COELESTIBUS PHAENOMENIS COMMERCIA. ATQUE HOC INCEPTUM ET
FINE ET AGGRESSU NOBILE QUODDAM ET HUMANO GENERE DIGNUM ESSE EXISTIMAMUS: EO
MAGIS QUOD HUJUSMODI HOMINES ET AUSU LAUDANDI SINT ET FIDE; QUOD INGENUE ET
PERSPICUE PROPOSUERUNT QUOMODO SINGULA ILLIS CONSTITERINT. SUPEREST TANTUM
CONSTANTIA CUM MAGNA JUDICII SEVERITATE, UT ET INSTRUMENTA MUTENT, ET TESTIUM
NUMERUM AUGEANT, ET SINGULA ET SAEPE EXPERIANTUR ET VARIE, DENIQUE UT ET SIBI
IPSI OBJICIANT ET ALIIS PATEFACIANT QUICQUID IN CONTRARIUM OBJICI POSSIT, ET
TENUISSIMUM QUEMQUE SCRUPULUM NON SPERNANT; NE FORTE ILLIS EVENIAT, QUOD
DEMOCRITO ET ANICULAE SUAE EVENIT CIRCA FICUS MELLITAS, UT VETULA ESSET
PHILOSOPHO PRUDENTIOR, ET MAGNAE ET ADMIRABILIS SPECULATIONIS CAUSAE SUBESSET
ERROR QUISPIAM TENUIS ET RIDICULUS. AT ISTA TANQUAM PRAEFATI IN GENERE,
ACCEDAMUS AD DESCRIPTIONEM HISTORIAE COELESTIUM MAGIS EXPLICATAM; UT
OSTENDAMUS QUAE ET QUALIA CIRCA COELESTIA QUAERI OPORTEAT. PRIMO IGITUR
QUAESTIONES NATURALES, AUT SALTEM EX IIS NONNULLAS EASQUE PRAECIPUAS
PROPONEMUS: IIS USUS HUMANOS QUALES VERISIMILE EST EX COELESTIUM CONTEMPLATIONE
EDUCI POSSE ADJICIEMUS; HAEC UTRAQUE TANQUAM HISTORIAE SCOPUM; UT QUIBUS
HISTORIAM COELESTIUM COMPONERE CURAE ERIT NORINT QUID AGATUR, EASQUE
QUAESTIONES UNA CUM OPERIBUS ILLIS ET AFFECTIS HABEANT IN ANIMO ET INTUEANTUR;
UNDE TALEM INSTITUANT ET PARENT HISTORIAM, QUALIS AD JUDICIA HUJUSMODI
QUAESTIONUM, ET PRAEBITIONEM HUJUSMODI FRUCTUS ET UTILITATUM ERGA GENUS
HUMANUM, SIT ACCOMMODATA. QUAESTIONES AUTEM INTELLIGIMUS EJUS GENERIS, QUAE
DE FACTO NATURAE QUAERANT, NON DE CAUSIS. HOC ENIM PERTINET PROPRIE AD
HISTORIAM. DEINDE DISTINCTE MONSTRABIMUS IN QUIBUS HISTORIA COELESTIUM
CONSISTAT, QUAEQUE EJUS SINT PARTES; QUAE RES SINT APPREHENDENDAE AUT
EXQUIRENDAE, QUAE EXPERIMENTA SINT COMPARANDA ET PROCURANDA, QUAE OBSERVATIONES
ADHIBENDAE ET PENSITANDAE, PROPONENTES TANQUAM TOPICA QUAEDAM INDUCTIVA, SIVE
ARTICULOS AD INTERROGANDUM DE COELESTIBUS. POSTREMO PRAECIPIEMUS NONNULLA
NON SOLUM DE EO QUOD QUAERI OPORTEAT, SED ET DE HOC, QUOMODO QUAESITA DEBEANT
PENSITARI, ETIAM EXHIBERI ATQUE IN LITERAS REFERRI, NE PRIMAE INQUISITIONIS
DILIGENTIA PEREAT IN SUCCESSIONE, AUT, QUOD PEJUS EST, INFIRMIS ET FALLACIBUS
INITIIS NITANTUR PROGRESSUS QUI SEQUENTUR. IN SUMMA, DICEMUS ET AD QUID QUAERI
DEBEAT CIRCA COELESTIA, ET QUID, ET QUOMODO.
EXISTIMABIMUR AUTEM PLERISQUE PROCULDUBIO RELIQUIAS QUAESTIONUM VETERUM, JAM
PRIDEM QUASI TUMULO CONDITAS ET SEPULTAS, RURSUS ERURER, ET FERE MANES
EARUM EVOCARE, IISQUE NOVAS INSUPER QUAESTIONES ADSPERGERE. SED CUM EA QUAE
ADHUC HABETUR CIRCA COELESTIA PHILOSOPHIA NIHIL HABEAT FIRMITUDINIS; CUMQUE
ILLUD NOBIS PERPETUO RATUM ET FIXUM SIT, OMNIA NOVO LEGITIMAE INDUCTIONIS
JUDICIO SISTERE; CUMQUE SI FORTE QUAESTIONES ALIQUAE A TERGO RELINQUANTUR,
TANTO MINUS OPERAE ET DILIGENTIAE CONSUMETUR IN HISTORIA, PROPTEREA QUOD
SUPERVACUUM FORTASSE VIDEBITUR EA INQUIRERE DE QUIBUS QUAESTIO NON FUERIT
MOTA; NECESSE HABEMUS QUAESTIONES, QUAS UBIQUE PORRIGIT RERUM NATURA, IN MANUS
ACCIPERE. QUIN QUO MINUS CERTI SUMUS DE QUAESTIONIBUS PER VIAM NOSTRAM
DETERMINANDIS, EO NOS MINUS DIFFICILES PRAEBEMUS IN IISDEM RECIPIEND'S.
EXITUM ENIM REI VIDEMUS. PRIMA IGITUR EA QUAESTIO EST, AN SIT SYSTEMA? HOC EST,
AN MUNDUS SIVE UNIVERSITAS RERUM SIT GLOBOSA SECUNDUM TOTUM, CUJUS SIT CENTRUM
ALIQUOD? AN POTIUS GLOBI PARTICULARES TERRAE ET ASTRORUM SPARGANTUR; ET SINGULI
SUIS HAEREANT RADICIBUS, ABSQUE SYSTEMATE ET MEDIO SIVE CENTRO COMMUNI? ATQUE
CERTE JACTAVIT SCHOLA DEMOCRITI ET EPICURI, AUTHORES SUOS MOENIA MUNDI
DIRUISSE. NEQUE TAMEN ID PRORSUS SECUTUM EST EX IIS, QUAE AB ILLIS DICTA SUNT.
NAM DEMOCRITUS CUM MATERIAM SIVE SEMINA COPIA INFINITA, ATTRIBUTIS ET POTESTATE
FINITA, EADEMQUE AGITATE, NEC AB AETERNO QUOVIS MODO LOCATA, POSUISSET, VI
IPSA ILLIUS OPINIONIS ADDUCTUS EST, UT MUNDOS MULTIFORMES, ORTUI ET INTERITUI
OBNOXIOS, ALIOS MELIUS ORDINATOS, ALIOS MALE HAERENTES, ETIAM TENTAMENTA
MUNDORUM ET INTERMUNDIA STATUERET. SED TAMEN UT HOC RECEPTUM FUISSET, NIHIL
OFFICIEBAT QUIN ILLA PARS MATERIAE QUAE DEPUTATA EST HUIC IPSI MUNDO, QUI
NOSTRO GENERI EST CONSPICUUS, OBTINUERIT FIGURAM GLOBOSAM. NECESSE ENIM FUIT
UT SINGULI EX ILLIS MUNDIS FIGURAM ALIQUAM ACCEPISSENT. ETSI ENIM IN INFINITO
MEDIUM ALIQUOD ESSE NEQUEAT, TAMEN IN PARTIBUS INFINITI ROTUNDA FIGURA
SUBSISTERE POTEST, NON MINUS IN MUNDO ALIQUO QUAM IN PILA. VERUM DEMOCRITUS
SECTOR MUNDI BONUS FUIT, IN INTEGRALIBUS AUTEM MUNDI ETIAM INFRA MEDIOCRES
PHILOSOPHOS. AT OPINIO ILLA DE QUA NUNC LOQUIMUR, QUAE DESTRUEBAT ET
CONFUNDEBAT SYSTEMA, FUIT HERACLIDIS PONTICI, ET ECPHANTI, ET NICETAE
SYRACUSANI, ET PRAECIPUE PHILOLAI, ATQUE ETIAM NOSTRA AETATE GILBERTI, ET
OMNIUM (PRAETER COPERNICUM) EORUM QUI TERRAM PLANETAM ET MOBILEM, ET TANQUAM
UNUM EX ASTRIS, CREDIDERUNT. ATQUE ILLA OPINIO HANC VIM HABET, UT PLANETAE
ET STELLAE SINGULAE, ATQUE ETIAM ALIAE INNUMERAE QUAE CONSPECTUM NOSTRUM OB
DISTANTIAM FUGIUNT, NECNON ALIAE QUAE NOBIS SUNT INVISIBILES PROPTER NATURAM
NON LUCENTEM SED OPACAM, SUOS QUAEQUE SORTITAE GLOBOS ET FORMAS PRIMARIAS, PER
EXPANSIONEM ISTAM QUAM SUSPICIMUS IMMENSAM, SIVE VACUI SIVE CORPORIS CUJUSDAM
TENUIS ET FERE ADIAPHORI, TANQUAM INSULAE IN PELAGO IMMENSO SPARGANTUR ET
PENDEANT, ATQUE SUPER CENTRUM NON COMMUNE ALIQUOD, SED QUAEQUE GLOBI SUI
PROPRII VOLENT; ALIAE SIMPLICITER, ALIAE CUM MOTU NONNULLO CENTRI PROGRESSIVO.
ATQUE ILLUD MAXIME DURUM EST IN HAC OPINIONE, QUOD TOLLUNT QUIETEM SIVE
IMMOBILE E NATURA. VIDETUR AUTEM, QUEMADMODUM SUNT IN UNIVERSO CORPORA QUAE
ROTANT, ID EST, MOTU FERUNTUR INFINITO ET PERPETUO, ITA ET EX OPPOSITO DEBERE
ESSE CORPUS ALIQUOD QUOD QUIESCAT: QUIBUS INTERPONITUR MEDIA NATURA EORUM QUAE
FERUNTUR RECTA, CUM MOTUS RECTUS PARTIBUS GLOBORUM CONVENIAT, ET REBUS
EXULANTIBUS EXTRA PATRIAS SUAS, QUAE AD GLOBOS CONNATURALITATIS SUAE MOVENT,
UT CUM IIS UNITAE IPSAE QUOQUE AUT ROTENT AUT QUIESCANT. VERUM HUIC QUAESTIONI
(NEMPE AN SIT SYSTEMA) FINEM DABUNT EA QUAE CIRCA MOTUM TERRAE, AN SCILICET
TERRA STET AUT ROTET? ATQUE CIRCA SUBSTANTIAM ASTRORUM, AN SIT SOLIDA AUT
FLAMMEA, ET CIRCA AETHERA SIVE SPATIA COELI INTERSTELLARIA, AN SINT CORPOREA
AUT VACUA, DECERNI POTERUNT. NAM SI TERRA STET, ET COELI MOTU DIURNO
CIRCUMVOLVANTUR, PROCULDUBIO EST SYSTEMA; QUOD SI TERRA ROTET, TAMEN NON
PRORSUS EVINCITUR NON ESSE SYSTEMA, PROPTEREA QUOD ALIUD POSSIT PONI CENTRUM
SYSTEMATIS, VIDELICET SOL, AUT ALIUD QUIPPIAM. RURSUS, SI UNICUS GLOBUS
TERRAE SIT DENSUS ET SOLIDUS, VIDETUR MATERIA UNIVERSI COIRE ET DENSARI AD
CENTRUM ILLUD: QUOD SI INVENIANTUR LUNA AUT ALII EX PLANETIS CONSTARE ETIAM
EX MATERIA DENSA ET SOLIDA, VIDENTUR EX EO COIRE DENSA NON AD CENTRUM ALIQUOD,
SED SPARSIM ET QUASI FORTUITO. POSTREMO, SI PONATUR VACUUM COACERVATUM
IN SPATIIS INTERSTELLARIBUS, VIDENTUR GLOBI SINGULI HABERE CIRCA SE EFFLUVIA
TENUIORA, ET DEINDE VACUUM. QUOD SI ET ILLA SPATIA CORPORE REPLENTUR, VIDETUR
ESSE UNIO DENSORUM IN MEDIO, ET REJECTIO TENUIORUM AD CIRCUMFERENTIAM.
PLURIMUM AUTEM CONFERT AD SCIENTIAS, NOSSE CONJUGATIONES QUAESTIONUM,
PROPTEREA QUOD IN ALIQUIBUS INVENITUR HISTORIA SIVE MATERIA INDUCTIVA AD EAS
DIRIMENDAS, IN ALIQUIBUS NON ITEM. DATO VERO SYSTEMATE, PROXIME ACCEDIT
QUAESTIO EA SECUNDA, QUOD SIT CENTRUM SYSTEMATIS? ENIMVERO SI ALIQUIS EX
GLOBIS LOCUM CENTRI OCCUPARE DEBEAT, OCCURRUNT GLOBI IMPRIMIS DUO, QUI NATURAM
MEDII SIVE CENTRI PRAEFERRE VIDENTUR, TERRA ET SOL. PRO TERRA SUFFRAGANTUR
ASPECTUS NOSTER ET INVETERATA OPINIO, ATQUE ILLUD OMNIUM MAXIME, QUOD CUM DENSA
COEANT IN ANGUSTUM, RARA IN LATUM DIFFUNDANTUR (AREA AUTEM OMNIS CIRCULI
CONTRAHATUR AD CENTRUM), VIDETUR SEQUI QUASI NECESSARIO, UT ANGUSTIAE CIRCA
MEDIUM MUNDI STATUANTUR, UT PROPRIUS LOCUS ET TANQUAM UNICUS AD CORPORA DENSA.
PRO SOLE AUTEM FACIT RATIO ILLA, QUOD CUJUS PARTES SUNT IN SYSTEMATE MAXIMAE
ET POTISSIMAE, EI IS LOCUS ASSIGNARI DEBEAT EX QUO IPSE IN UNIVERSUM SYSTEMA
MAXIME AGERE ET SE COMMUNICARE POSSIT. QUANDO VERO IS SIT SOL, QUI MUNDUM
VIVIFICARE PLURIMUM VIDEATUR, IMPERTIENDO CALOREM ET LUCEM; RITE OMNINO ATQUE
ORDINE VIDERI POSSIT COLLOCATUS IN MEDIO MUNDI. ACCEDIT ET ILLUD, QUOD SOL
MANIFESTE HABEAT ASSECTATORES VENEREM ET MERCURIUM, ETIAM EX SENTENTIA TYCHONIS
PLANETAS RELIQUOS; ADEO UT PLANE VIDEATUR SOL CENTRI NATURAM SUSTINERE POSSE,
ET VICES GERERE IN ALIQUIBUS; EO PROPIUS ABEST, UT UNIVERSI CENTRUM CONSTITUI
POSSIT; QUAE COPERNICI ASSERTIO FUIT. VERUNTAMEN IN SYSTEMATE COPERNICI MULTA
ET MAGNA INVENIUNTUR INCOMMODA; NAM ET QUOD TRIPLICI MOTU TERRAM ONERAVIT,
INCOMMODUM MAGNUM, ET QUOD SOLEM A COETU PLANETARUM DIVULSIT, CUM QUIBUS TOT
HABET PASSIONES COMMUNES, SIMILITER DURUM; ET QUOD TANTUM IMMOBILIS
INTRODUXIT IN NATURAM, PONENDO SOLEM ET STELLAS IMMOBILES, PRAESERTIM CORPORA
MAXIME OMNIUM LUCIDA ET RADIANTIA; ET QUOD LUNAM TERRAE TANQUAM IN EPICYCLO
ADHAERERE VOLUIT; ET ALIA NONNULLA QUAE ILLE SUMIT, EJUS SUNT VIRI QUI
QUIDVIS IN NATURA FINGERE, MODO CALCULI BENE CEDANT, NIHIL PUTET. QUOD SI DETUR
MOTUS TERRAE, MAGIS CONSENTANEUM VIDEATUR, UT TOLLATUR OMNINO SYSTEMA, ET
SPARGANTUR GLOBI, SECUNDUM EOS QUOS JAM NOMINAVIMUS, QUAM UT CONSTITUATUR
TALE SYSTEMA CUJUS SIT CENTRUM SOL. IDQUE CONSENSUS SECULORUM ET ANTIQUITATIS
POTIUS ARRIPUIT ET APPROBAVIT. NAM OPINIO DE MOTU TERRAE NOVA NON EST, SED AB
ANTIQUIS REPETITA, QUEMADMODUM DIXIMUS; AT ILLA DE SOLE UT SIT CENTRUM MUNDI
ET IMMOBILE, PRORSUS NOVA EST (EXCEPTO UNO VERSICULO MALE TRADUCTO), ET PRIMO A
COPERNICO INTRODUCTA. SEQUITUR TERTIA QUAESTIO DE PROFUNDITATE SYSTEMATIS; NON
UT ALIQUA EJUS MENSURA CAPIATUR PERFECTA, SED UT IN CERTO PONATUR, AN COLEUM
STELLATUM SIT INSTAR UNIUS REGIONIS, SIVE UT VULGO LOQUUNTUR, ORBIS? AN VERO
STELLAE FIXAE QUAS VOCANT, SINT ALIAE ALIIS SUBLIMORES IMMENSA QUADAM
PROFUNDITATE? NEQUE ENIM ULLO MODO FIERI POTEST, UT ILLAE SINT PARIS
ALTITUDINIS, SI HOC INTELLIGATUR EXACTE; STELLAE ENIM PROCULDUBIO NON SUNT
SITAE TANQUAM IN PLANO, QUAE HABEANT DIMENSIONEM QUANDAM TANTUM IN SUPERFICIE
INSTAR MACULARUM AUT BULLARUM, SED SUNT ILLAE GLOBI INTEGRI, MAGNI ATQUE
PROFUNDI. ITAQUE CUM TAM DISPARIS REPERIANTUR ESSE MAGNITUDINIS, OMNINO
NECESSE EST UT ALIAE PROMINEANT VEL SURSUM VERSUS VEL DEORSUM, NEC FIERI
POTEST UT AUT PER SUPERIORA AUT INFERIORA UNA CONJUNGANTUR SUPERFICIE. HOC
VERO SI FIAT IN PARTIBUS STELLARUM, TEMERARIUM PLANE ESSET ASSERERE, ETIAM IN
CORPORE INTEGRO, STELLAS NON ESSE ALIAS ALIIS ALTIORES; SED UT HOC VERUM SIT,
TAMEN ASSERI POTEST CRASSITIES QUAEDAM DEFINITA (LICET INSIGNIS) EJUS
REGIONIS QUAE VOCATUR SPHAERA SIVE COELUM STELLATUM, QUAE HUJUSMODI
PROMINENTIAS ET ALTITUDINIS GRADUS QUODAMMODO TERMINET: VIDEMUS ENIM EX
APOGAEIS ET PERIGAEIS PLANETARUM, SINGULIS EORUM COELIS COMPETERE CRASSITIEM
NOTABILEM, PER QUAE ASCENDANT ET DESCENDANT. AT QUAESTIO ISTA TANTUM EO
SPECTAT, UTRUM STELLAE ALIAE SINT SUPER ALIAS, TANQUAM PLANETA SUPER PLANETAM,
ET QUASI IN DIVERSIS ORBIBUS. ATQUE HAEC QUAESTIO ILLI ALTERI QUAESTIONI, DE
MOTU AUT STATU TERRAE, SIMILITER AFFINIS EST. NAM SI STELLAE MOVEANTUR MOTU
DIURNO CIRCA TERRAM, QUANDOQUIDEM EAE UNIVERSAE PARI INCITATIONE ET UNO
VELUTI SPIRITU AGANTUR, (CUMQUE IN PLANETIS PLANE CONSTET, PROUT VARIATUR IN
SUBLIMITATE ET HUMILITATE SITUS, ITA ETIAM VARIARI IN CELERITATE ET
TARDITATE MOTUS) PROBABILE EST STELLAS, VELOCITATE CURSUS PARES, ETIAM IN UNA
REGIONE AETHERIS LOCARI, CUJUS LICET CRASSITIES SIVE PROFUNDITAS PONATUR ESSE
MAGNA, TAMEN NON SIT TANTA UT FACIAT AD DISCRIMEN INCITATIONIS SIVE
CELERITATIS IN MOTU; SED UT PER EAM REGIONEM UNIVERSAM OMNIA PUTENTUR TANQUAM
VINCULO CONNATURALITATIS DEVINCTA PARITER ROTARE, VEL SALTEM CUM DISCREPANTIA
TALI, QUAE AD ASPECTUM NOSTRUM PROPTER DISTANTIAM DEFERRI NON POSSIT. QUOD SI
TERRA MOVEATUR, STELLAE VEL STARE POTERUNT, QUOD COPERNICO PLACUIT, AUT, QUOD
LONGE MAGIS VERISIMILE EST, ET A GILBERTO INTRODUCTUM, ILLAE POTERUNT SINGULAE
ROTARE SUPER CENTRUM SUUM IN LOCO SUO, ABSQUE ALIQUO MOTU CENTRI SUI,
QUEMADMODUM ET IPSA TERRA; SI MODO ILLUM MOTUM DIURNUM TERRAE AB ADSCITITIIS
ILLIS DUOBUS MOTIBUS, QUOS COPERNICUS SUPERADDIDIT, SEJUNGAS. UTRUM VIS AUTEM
HORUM SI FIAT, NIHIL PROHIBET, QUIN STELLAE ALIAE SUPRA ALIAS SINT DONEC
ASPECTUM NOSTRUM EFFUGIANT. QUARTA PROPONITUR QUAESTIO DE NEXU SIVE CONNEXIONE
SYSTEMATIS. ATQUE DE NATURA ET ESSENTIA CORPORIS VEL REI QUAE AETHER PURUS
CENSETUR, ET ASTRIS INTERJACET, POSTEA INQUIREMUS. NUNC TANTUM DE COHAERENTIA
SYSTEMATIS DICEMUS. EJUS REI RATIO EST TRIPLEX. AUT ENIM DATUR VACUUM, AUT
CONTIGUUM, AUT CONTINUUM; ITAQUE PRIMO QUAERITUR, AN SIT VACUUM COACERVATUM IN
SPATIIS INTERSTELLARIBUS? ID QUOD GILBERTUS DISERTE POSUIT, ATQUE ETIAM
ANTIQUORUM NONNULLI EX IIS QUI GLOBOS SPARGI SINE SYSTEMATE OPINATI SUNT
INNUERE VIDENTUR; PRAESERTIM II QUI ASTRORUM CORPORA COMPACTA ASSERUERE.
OPINIO TALIS EST: GLOBOS UNIVERSOS, TAM ASTRA QUAM TERRAM, EX MATERIA SOLIDA
ET DENSA CONSTARE: ILOS AUTEM IN PROXIMO CIRCUMDARI GENERE QUODAM CORPORUM,
QUAE SINT IPSI GLOBO ALIQUATENUS CONNATURALIA, SED TAMEN MAGIS IMPERFECTA,
LANGUIDA, ET ATTENUATA, QUAEQUE NIL ALIUD SINT QUAM GLOBORUM IPSORUM EFFLUVIA
ET EMANATIONES; QUALIA SUNT VAPORES ET HALITUS, ATQUE ADEO AER IPSE, SI
CONFERANTUR TERRAE: HAEC EFFLUVIA AD DISTANTIAM CIRCA UNUMQUEMQUE GLOBUM NON
MAGNAM PERTINGERE: RELIQUUM INTERVALLUM (QUOD LONGE AMPLISSIMUM EST) INANE
ESSE. CUI OPINIONI ILLUD FIDEM ASTRUERE POSSIT, QUOD EX TAM IMMENSA
DISTANTIA CORPORA ASTRORUM CONSPICIUNTUR. SI ENIM UNIVERSUM ILLUD SPATIUM
PLENUM ESSET, PRAESERTIM CORPORUM QUAE PROCULDUBIO RARITATE ET DENSITATE VALDE
INAEQUALIA SUNT, TANTA FORET RADIORUM REFRACTIO, UT AD VISUM NOSTRUM
PERTINGERE NON POSSINT; QUAM SI LONGE MAXIMA EJUS SPATII PARS VACUA SIT,
FACILIUS SANE PERFERRI CONSENTANEUM EST. ATQUE REVERA HAEC QUAESTIO MAGNA EX
PARTE PENDEBIT EX QUAESTIONE QUAM STATIM ADDUCEMUS DE SUBSTANTIA STELLARUM, AN
SIT DENSA, VEL TENUIS ET EXPLICATA? NAM SI SUBSTANTIA EARUM SIT SOLIDA,
VIDEBITUR UTIQUE NATURA CIRCA GLOBOS EORUMQUE CONFINIA TANTUMMODO FERE OCCUPATA
ESSE ET SOLICITA; SPATIA VERO INTERJACENTIA DESERERE ET TANQUAM PRAETERMITTERE.
ITAQUE NON ABSIMILE VERO FUERIT, GLOBOS CIRCA CENTRUM SPISSIORES, CIRCA
SUPERFICIEM LAXIORES, IN AMBIENTIBUS ET EFFLUVIIS QUASI DEFICIENTES, IN VACUO
TANDEM TERMINARI. CONTRA, SI NATURA ASTRORUM SIT TENUIS ET FLAMMEA, APPAREBIT
NATURAM TENUIS NON ESSE SOLUMMODO DENSI DECREMENTUM, SED PER SE POTENTEM ET
PRIMARIAM, NON MINUS QUAM NATURAM SOLIDI; EAMQUE ET IN STELLIS IPSIS ET IN
AETHERE ET IN AERE VIGERE, UT VACUO ILLO COACERVATO NON SIT OPUS. PENDEBIT
LLARIBUS EX QUAESTIONE ILLA,
QUAE PERTINET AD PRINCIPIA NATURAE, AN DETUR VACUUM?
***F
1. SPIRITUS OMNIUM QUAE IN CORPORE FIUNT FABRI SUNT ATQUE OPIFICES. ID ET
CONSENSU ET EX INFINITIS INSTANTIIS PATET.
2. SI QUIS POSSET EFFICERE, UT IN CORPORE SENILI RURSUS INDANTUR SPIRITUS
QUALES SUNT IN JUVENE, ROTAM HANC MAGNAM ROTAS RELIQUAS MINORES CIRCUMAGERE
ET NATURAE CURSUM RETROGRADUM FIERI POSSE CONSENTANEUM EST.
3. IN OMNI CONSUMPTIONE, SIVE PER IGNEM SIVE PER AETATEM, QUO PLUS SPIRITUS
REI SIVE CALOR DEPRAEDATUR HUMOREM, EO BREVIOR EST DURATIO REI. ID UBIQUE
OCCURRIT ET PATET.
4. SPIRITUS IN TALI TEMPERAMENTO ET GRADU ACTIVITATIS PONENDI SUNT, UT SUCCOS
CORPORIS (UT AIT ILLE) NON BIBANT ET SORBEANT, SED PITISSENT.
5. DUO SUNT GENERA FLAMMARUM; UNA ACRIS ET IMPOTENS, QUAE TENUIORA EVOLARE
FACIT, IN DURIORA PARUM POTEST; UT FLAMMA EX STRAMINE VEL RAMENTIS LIGNI:
ALTERA FORTIS ET CONSTANS, QUAE ETIAM INSURGIT IN DURA ET OBSTINATA; QUALIS
EST LIGNORUM GRANDIORUM ET SIMILIUM.
6. FLAMMAE ACRIORES, ET TAMEN MINUS ROBUSTAE, CORPORA DESICCANT, ET REDDUNT
EFFOETA ET EXUCTA; AT FORTIORES CORPORA INTENERANT ET LIQUANT.
7. ETIAM EX MEDICINIS DISSIPANTIBUS, NONNULLAE IN TUMORIBUS TENUIA TANTUM
EMITTUNT, IDEOQUE INDURANT: NONNULLAE POTENTER DISCUTIUNT, IDEOQUE EMMOLIUNT.
8. ETIAM IN PURGANTIBUS ET ABSTERGENTIBUS, QUAEDAM MAGIS FLUIDA RAPTIM
ASPORTANT; QUAEDAM MAGIS CONTUMACIA ET VISCOSA TRAHUNT.
9. SPIRITUS TALI CALORE INDUI ET ARMARI DEBENT, UT POTIUS AMENT DURA ET
OBSTINATA CONVELLERE ET SUBRUERE, QUAM TENUIA ET PRAEPARATA EMITTERE ET
ASPORTARE: EO ENIM MODO FIT CORPUS VIRIDE ET SOLIDUM.
10. SPIRITUS ITA SUBIGENDI ET COMPONENDI SUNT, UT FIANT SUBSTANTIA DENSI, NON
RARI; CALORE PERTINACES, NON ACRES; COPIA QUANTA SUFFICIT AD MUNIA VITAE, NON
REDUNDANTES AUT TURGIDI; MOTU SEDATI, NON SUBSULTORII ET INAEQUALES.
11. SUPER SPIRITUS PLURIMUM OPERARI ET POSSE VAPORES, EX SOMNO, ET EBRIETATE,
ET PASSIONIBUS MELANCHOLICIS ET LAETIFICANTIBUS, ET RECREATIONE SPIRITUUM PER
ODORES IN DELIQUIIS ET LANGUORIBUS, PATET.
12. SPIRITUS QUATUOR MODIS CONDENSANTUR; AUT FUGANDO; AUT REFRIGERANDO; AUT
DEMULCENDO; AUT SEDANDO. ATQUE PRIMUM DE CONDENSATIONE PER FUGAM VIDENDUM.
13. QUICQUID FUGAT UNDEQUAQUE, COGIT CORPUS IN CENTRUM SUUM, ATQUE IDEO
CONDENSAT.
14. AD CONDENSATIONEM SPIRITUUM PER FUGAM LONGE POTENTISSIMUM ET EFFICACISSIMUM
EST OPIUM; ET DEINDE OPIATA, ATQUE GENERALITER SOPORIFERA.
15. EFFICACIA OPII AD CONDENSATIONEM SPIRITUUM ADMODUM INSIGNIS EST; CUM TRIA
FORTASSE GRANA EJUS SPIRITUS PAULO POST ISA COAGULENT, UT NON REDEANT, SED
EXTINGUANTUR, ET REDDANTUR IMMOBILES.
16. OPIUM ET SIMILIA NON FUGANT SPIRITUS PROPTER FRIGUS SUUM (HABENT ENIM
PARTES MANIFESTO CALIDAS), SED E CONVERSO REFRIGERANT PROPTER FUGAM
SPIRITUUM.
17. FUGA SPIRITUUM EX OPIO ET OPIATIS OPTIME CERNITUR IN ILLIS EXTERIUS
APPLICATIS; QUIA SUBINDE SPIRITUS STATIM SE SUBDUCUNT, NEC AMPLIUS ACCEDERE
VOLUNT, SED MORTIFICATUR PARS, ET VERGIT AD GANGRAENAM.
18. OPIATA IN MAGNIS DOLORIBUS, VELUTI CALCULI, AUT IN ABSCISSIONE MEMBRORUM,
DOLORES MITIGANT; MAXIME PER FUGAM SPIRITUUM.
19. OPIATA SORTIUNTUR BONUM EFFECTUM EX MALA CAUSA; FUGA ENIM SPIRITUUM MALA;
CONDENSATIO AUTEM EORUM A FUGA, BONA.
20. GRAECI MULTUM POSUERUNT, ET AD SANITATEM, ET AD PROLONGATIONEM VITAE, IN
OPIATIS: ARABES VERO ADHUC MAGIS; IN TANTUM UT MEDICINAE SUAE GRANDIORES
(QUAS DEORUM MANUS VOCANT) PRO BASI SUA ET INGREDIENTE PRINCIPALI HABEANT
OPIUM; RELIQUIS ADMISTIS AD EJUS NOXIAS QUALITATES RETUNDENDAS ET CORRIGENDAS;
QUALES SUNT THERIACA, MITHRIDATIUM, ET CAETERA.
21. QUICQUID IN CURA MORBORUM PESTILENTIALIUM ET MALIGNORUM FOELICITER
EXHIBETUR, UT SPIRITUS SISTANTUR ET FRAENENTUR NE TURBENT ET TUMULTUENTUR, ID
OPTIME TRANSFERTUR AD PROLONGATIONEM VITAE; CUM IDEM FACIAT AD UTRUMQUE;
CONDENSATIO VIDELICET SPIRITUUM. ID AUTEM PRAESTANT ANTE OMNIA OPIATA.
22. TURCAE OPIUM EXPERIUNTUR, ETIAM IN BONA QUANTITATE, INNOXIUM ET
CONFORTATIVUM; ADEO UT ETIAM ANTE PRAELIA AD FORTITUDINEM ILLUD SUMANT; NOBIS
VERO, NISI IN PARVA QUANTITATE, ET CUM BONIS CORRECTIVIS, LETHALE EST.
23. OPIUM ET OPIATA MANIFESTO DEPREHENDUNTUR EXCITARE VENEREM; QUOD TESTATUR
VIM IPSARUM AD ROBORANDOS SPIRITUS.
24. AQUA STILLATITIA EX SYLVESTRI PAPAVERE AD CRAPULAM, FEBRES, ET VARIOS
MORBOS FOELICITER ADHIBETUR; QUAE PROCULDUBIO EST TEMPERATUM GENUS OPIATI:
NEQUE DE VARIETATE USUS EJUS MIRETUR QUISPIAM; ID ENIM OPIATIS FAMILIARE EST;
QUIA SPIRITUS ROBORATUS ET DENSATUS INSURGIT IN QUEMCUNQUE MORBUM.
25. TURCAE HABENT ETIAM IN USU HERBAE GENUS, QUAM VOCANT CAPHE, QUAM DESICCATAM
PULVERIZANT, ET IN AQUA CALIDA PROPINANT; QUAM DICUNT HAUD PARVUM PRAESTARE
ILLIS VIGOREM, ET IN ANIMIS ET IN INGENIIS: QUAE TAMEN, LARGIUS SUMPTA,
MENTEM MOVET ET TURBAT; UNDE MANIFESTUM EST EAM ESSE SIMILIS NATURAE CUM
OPIATIS.
26. CELEBRATUR IN UNIVERSO ORIENTE RADIX QUAEDAM VOCATA BETEL, QUAM INDI ET
RELIQUI IN ORE HABERE ET MANDERE CONSUEVERUNT; ATQUE EX EA MANSIONE MIRE
RECREANTUR, ET AD LABORES TOLERANDOS, ET AD LANGUORES DISCUTIENDOS, ET AD
COITUM FORTIFICANDUM; VIDETUR AUTEM ESSE EX NARCOTICIS, QUIA MAGNOPERE
DENIGRAT DENTES.
27. INCOEPIT NOSTRO SAECULO IN IMMENSUM CRESCERE USUS TOBACCO; ATQUE AFFICIT
HOMINES OCCULTA QUADAM DELECTATIONE, UT QUI ILLI SEMEL ASSUETI SINT, DIFFICILE
POSTEA ABSTINEANT; ET FACIT PROCULDUBIO AD CORPUS ALLEVANDUM, ET TOLLENDAS
LASSITUDINES; ATQUE VULGO VIRTUS EJUS REFERTUR EO, QUOD APERIAT MEATUS ET
ELICIAT HUMORES: ATTAMEN RECTIUS REFERRI POTEST AD CONDENSATIOEM SPIRITUUM,
CUM SIT HYOSCYAMI QUODDAM GENUS, ET CAPUT MANIFESTO TURBET, QUEMADMODUM OPIATA.
28. SUNT ALIQUANDO HUMORES GENERATI IN CORPORE, QUI ET IPSI SUNT TANQUAM
OPIATI; UT FIT IN ALIQUIBUS MELANCHOLIIS. QUIBUS SI QUIS CORRIPIATUR, ADMODUM
FIT LONGAEVUS.
29. OPIATA (QUAE ETIAM NARCOTICA VOCANTUR ET STUPEFACTIVA) SIMPLICIA, SUNT
OPIUM IPSUM, QUOD EST SUCCUS PAPAVERIS; PAPAVER UTRUNQUE, ET IN HERBA ET IN
SEMINE; HYOSCYAMUS; MANDRAGORA; CICUTA; TOBACCO; SOLANUM.
30. OPIATA COMPOSITA, SUNT THERIACA, MITHRIDATIUM, TRIFERAE, LADANUM PARACELSI,
DIACODIUM, DIASCORDIUM, PHILONIUM, PILULAE DE CYNOGLOSSA.
31. EX HIS QUAE DICTA SUNT, POSSENT DEDUCI QUAEDAM DESIGNATIONES, SIVE
CONSILIA, AD PROLONGATIONEM VITAE, SECUNDUM HANC INTENTIONE, SCILICET
CONDENSATIONIS SPIRITUUM PER OPIATA.
32. SIT ITAQUE QUOTANIS, A JUVENTUTE ADULTA, DIAETA QUAEDAM OPIATA.
USURPETUR SUB FINE MAII; QUIA SPIRITUS AESTATE MAXIME SOLVUNTUR ET
ATTENUANTUR, ET MINOR INSTAT METUS AB HUMORIBUS FRIGIDIS: SIT VERO OPIATUM
ALIQUOD MAGISTRALE, DEBILIUS QUAM EA QUAE IN USU SUNT, ET QUOAD MINOREM
QUANTITATEM OPII, ET QUOAD PARCIOREM MIXTURAM IMPENSE CALIDORUM: SUMATUR MANE
INTER SOMNOS: VICTUS SIT SIMPLICIOR ET PARCIOR, ABSQUE VINO, AUT AROMATIBUS,
AUT VAPOROSIS: SUMATUR AUTEM MEDICINA ALTERNIS TANTUM DIEBUS, ET CONTINUETUR
DIAETA AD QUATUORDECIM DIES. HAEC DESIGNATIO JUDICIO NOSTRO INTENTIONI HAUD
PERPERAM SATISFACIT.
33. POSSIT ETIAM ESSE ACCEPTIO OPIATORUM, NON TANTUM PER OS, SED ETIAM PER
FUMOS: SED TALIS ESSE DEBET, UT NON MOVEAT NIMIS FACULTATEM EXPULSIVAM, AUT
ELICIAT HUMORES; SED TANTUM BREVI MORA OPERETUR SUPER SPIRITUS INTRA CEREBRUM;
ITAQUE SUFFUMIGATIO MATUTINA, PER OS ET NARES EXCEPTA, CUM TOBACCO, ADMISTO
LIGNO ALOES ET FOLIIS SICIIS RORIS MARINI ET PARUM MYRRHAE, UTILIS FORET.
34. IN OPIATIS MAGNIS, QUALIA SUNT THERIACA, MITHRIDATIUM, ET CAETERA,
(PRAESERTIM IN JUVENTUTE) NON MALUM FORET POTIUS AQUAS IPSORUM STILLATITIAS
SUMERE, QUAM CORPORA IPSORUM; ETENIM VAPOR IN DISTILLANDO SURGIT, CALOR
MEDICAMENTI FERE SUBSIDET: AQUAE AUTEM STILLATITIAE PLERUNQUE IN VIRTUTIBUS
QUAE PER VAPORES FIUNT, BONAE; IN CAETERIS, ENERVES.
35. SUNT MEDICAMENTA, QUAE GRADUM HABENT QUENDAM DEBILEM ET OCCULTUM, ET
PROPTEREA TUTUM, AD VIRTUTEM OPIATAM. EA IMMITTUNT VAPOREM LENTUM ET COPIOSUM,
SED NON MALIGNUM, QUEMADMODUM OPIATA FACIUNT. ITAQUE SPIRITUS NON FUGANT, SED
CONGREGANT TAMEN, ET NONNIHIL INSPISSANT.
36. MEDICAMENTA IN ORDINE AD OPIATA SUNT ANTE OMNIA CROCUS, ATQUE EJUS FLORES;
DEINDE FOLIUM INDUM; AMBRA-GRISIA; CORIANDRI SEMEN PRAEPARATUM; AMOMUM ET
PSEUDAMOMUM; LIGNUM RHODIUM; AQUA FLORUM ARANTIORUM, ET MULTO MAGIS INFUSIO
FLORUM EORUNDEM RECENTIUM IN OLEO AMYGDALINO; NUX MUSCATA FORAMINATA ET IN
AQUA ROSACEA MACERATA.
37. UT OPIATA PARCE ADMODUM ET CERTIS TEMPORIBUS (UT DICTUM EST), ITA HAEC
SECUNDARIA FAMILIARITER, ET IN VICTU QUOTIDIANO, SUMI POSSUNT; ET MULTUM
CONFERENT AD PROLONGATIONEM VITAE. CERTE PHARMACOPOEUS QUIDAM CALECUTIAE, EX
USU AMBRAE, AD CENTUM SEXAGINTA ANNOS VIXISSE PERHIBETUR; ATQUE NOBILES IN
BARBARIA, EX EJUSDEM USU, LONGAEVI REPERIUNTUR, CUM PLEBS BREVIORIS SIT AEVI;
ET APUD MAJORES NOSTROS, QUI NOBIS FUERUNT VIVACIORES, CROCUS MAGNO IN USU
FUIT, IN PLACENTIS, JUSCULIS, &C. ATQUE DE PRIMO MODO CONDENSATIONIS SPIRITUUM,
PER OPIATA ET SUBORDINATA, HAEC INQUISITA SINT.
38. JAM VERO DE SECUNDO MODO CONDENSATIONIS SPIRITUUM, PER FRIGUS, INQUIREMUS
PROPRIUM ENIM OPUS FRIGORIS EST DENSATIO; ATQUE PERFICITUR ABSQUE MALIGNITATE
ALIQUA, AUT QUALITATE INIMICA: IDEOQUE TUTIOR EST OPERATIO, QUAM PER OPIATA;
LICET PAULO MINUS POTENS, SI PER VICES TANTUM, QUEMADMODUM OPIATA, USURPARETUR.
AT RURSUS, QUI FAMILIARITER ET IN VICTU QUOTIDIANO MODERATE ADHIBERI POTEST,
ETIAM LONGE POTENTIOR AD PROLONGATIONEM VITAE EST QUAM PER OPIATA.
39. REFRIGERATIO SPIRITUUM FIT TRIBUS MODIS; AUT PER RESPIRATIONEM; AUT PER
VAPORES; AUT PER ALIMENTA. PRIMA OPTIMA EST, SED FERE EXTRA NOSTRAM POTESTATEM;
SECUNDA ETIAM POTENS, ET TAMEN PRAESTO EST; TERTIA DEBILIS ET PER CIRCUITS.
40. AER LIMPIDUS ET PURUS, ET NIHIL HABENS FULIGINIS, ANTEQUAM RECIPIATUR IN
PULMONES, ET MINUS OBNOXIUS RADIIS SOLIS, SPIRITUS OPTIME DENSAT. TALIS
INVENITUR AUT IN JUGIS MONTIUM SICCIS AUT IN CAMPESTRIBUS PERPLATILIBUS ET
TAMEN IMBROSIS.
41. QUOAD REFRIGERATIONEM ET DENSATIONEM SPIRITUUM PER VAPORES, RADICEM HUJUS
OPERATIONIS PONIMUS IN NITRO, VELUTI CREATURA AD HOC PROPRIA ET ELECTA; HIS USI
ET PERSUASI INDICIIS.
42. NITRUM EST TANQUAM AROMA FRIGIDUM; IDQUE INDICAT SENSUS IPSE. MORDET ENIM
ET TENTAT LINGUAM ET PALATUM FRIGORE, UT AROMATA CALORE; ATQUE INTER EA QUAE
NOVIMUS, UNICUM EST ET SOLUM QUOD HOC PRAESTET.
43. FRIGIDA FERE OMNIA (QUAE SUNT PROPRIE FRIGIDA, NON PER ACCIDENS, UT OPIUM)
HABENT SPIRITUM EXILEM ET PAUCUM; CONTRA SPIRITUOSA SUNT OMNIA FERE CALIDA.
SOLUM INVENITUR NITRUM IN NATURA VEGETABILI, QUOD SPIRITU ABUNDET ET TAMEN
SIT FRIGIDUM. NAM CAPHURA, QUAE EST SPIRITUOSA ET TAMEN EDIT ACTIONES FRIGIDI,
REFRIGERAT PER ACCIDENS TANTUM; NEMPE TENUITATE SUA, ABSQUE ACRIMONIA,
JUVANDO PERSPIRATIONEM IN INFLAMMATIONIBUS.
44. IN CONGELATIONE ET CONGLACIATIONE LIQUORUM, QUAE NUPER COEPIT ESSE IN
USU, PER NIVEM ET GLACIEM AD EXTERIORA VASIS APPOSITAS, IMMISCETUR NITRUM,
ATQUE PROCULDUBIO EXCITAT ET ROBORAT CONGELATIONEM: VERUM EST, ETIAM USURPARI
AD HOC SALEM NIGRUM COMMUNEM, QUI POTIUS ACTIVITATEM INDIT FRIGORI NIVALI, QUAM
PER SE INFRIGIDAT; SED, UT ACCEPI, IN REGIONIBUS CALIDIORIBUS, UBI NIX NON
CADIT, FIT CONGLACIATIO A NITRO SOLO: SED HOC MIHI COMPERTUM NON EST.
45. PULVIS PYRIUS, QUI PRAECIPUE CONSTAT EX NITRO, PERHIBETUR EPOTUS CONDUCERE
AD FORTITUDINEM ET USURPARI A NAUTIS SAEPENUMERO ET MILITIBUS ANTE PRAELIA,
QUEMADMODUM A TURCIS OPIUM.
46. DATUR FOELICITER NITRUM IN CAUSONIBUS ET FEBRIBUS PESTILENTIALIBUS, AD
LENIENDOS ET FRAENANDOS ARDORES EARUM PERNICIOSOS.
47. MANIFESTISSIMUM EST NITRUM IN PULVERE PYRIO MAGNOPERE EXHORRERE FLAMMAM;
UNDE FIT ADMIRABILIS ILLA VENTOSITAS EX EXUFFLATIO.
48. NITRUM DEPREHENDITUR ESSE VELUTI SPIRITUS TERRAE: ETENIM CERTISSIMUM EST,
QUAMCUNQUE TERRAM, LICET PURAM NEQUE NITROSIS ADMIXTAM, ITA ACCUMULATAM ET
TECTAM UT IMMUNIS SIT A RADIIS SOLIS, NEQUE EMITTAT ALIQUOD VEGETABILE,
COLLIGERE ETIAM SATIS COPIOSE NITRUM; UNDE LIQUET SPIRITUM NITRI, NON TANTUM
SPIRITUI ANIMALIUM, VERUM ETIAM SPIRITUI VEGETABILIUM ESSE INFERIOREM.
49. ANIMALIA QUAE POTANT EX AQUA NITROSA MANIFESTO PINGUESCUNT; QUOD SIGNUM EST
FRIGIDI IN NITRO.
50. IMPINGUATIO SOLI MAXIME FIT A NITROSIS; OMNIS ENIM STERCORATIO EST
NITROSA: ATQUE HOC SIGNUM EST SPIRITUS IN NITRO.
51. EX HIS PATET SPIRITUS HUMANOS PER SPIRITUM NITRI POSSE INFRIGIDARI ET
DENSARI, ET FIERI MAGIS CRUDOS ET MINUS ACRES: QUEMADMODUM IGITUR VINA FORTIA
ET AROMATA ET SIMILIA SPIRITUS INCENDUNT, ET VITAM ABBREVIANT; ITA ET NITRUM
E CONVERSO ILLOS COMPONIT ET COMPRIMIT, ET FACIT AD LONGAEVITATEM.
52. USUS AUTEM NITRI POTEST ESSE IN CIBO INTER SALEM, AD DECIMAM PARTEM SALIS;
IN JUSCULIS MATUTINIS, AD GRANA A TRIBUS AD DECEM; ETIAM IN POTU; SED
QUALITERCUNQUE USURPATUM CUM MODO, AD LORGAEVITATEM SUMME PRODEST.
53. QUEMADMODUM OPIUM PRAECIPUAS PARTES TENET IN CONDENSATIONE SPIRITUUM PER
FUGAM, ATQUE HABET SIMUL SUA SUBORDINATA, MINUS POTENTIA, SED MAGIS TUTA, QUAE
ET MAJORI QUANTITATE ET FREQUENTIORI USU SUMI POSSUNT, DE QUIBUS SUPERIUS
DIXIMUS: ITA SIMILITER ET NITRUM, QUOD CONDENSAT SPIRITUS PER FRIGUS ET
QUANDAM (UT MODERNI LOQUUNTUR) FRESCURAM, HABET QUOQUE ET IPSUM SUA
SUBORDINATA.
54. SUBORDINATA AD NITRUM SUNT OMNIA QUAE EXHIBENT ODOREM NONNIHIL TERREUM;
QUALIS EST ODOR TERRAE PURAE ET BONAE, RECENTER EFFOSSAE ET VERSATAE. IN HIS
PRAECIPUA SUNT BORAGO, BUGLOSSA, HIPPO-BUGLOSSA, PIMPINELLA, FRAGARIA, ET
FRAGA IPSA, FRAMBESIA, FRUCTUS CUCUMERIS CRUDUS, POMA CRUDA FRAGRANTIA, FOLIA
ET GEMMAE VITIS, ETIAM VIOLA.
55. PROXIMA SUNT EA QUAE HABENT QUENDAM VIROREM ODORIS, SED PAULO MAGIS
VERGENTEM AD CALIDUM, NEQUE OMNINO EXPERTEM VIRTUTIS ILLIUS REFRIGERII:
QUALIA SUNT MELISSA, CITRUM VIRIDE, ARANTIUM VIRIDE, AQUA ROSACEA STILLATITIA,
PYRA ASSA FRAGRANTIA, ETIAM ROSA PALLIDA, RUBEA, ET MUSCATELLA.
56. ILLUD NOTANDUM EST, SUBORDINATA AD NITRUM PLERUNQUE PLUS AD INTENTIONEM
CONFERRE CRUDA, QUAM IGNEM PASSA; QUIA SPIRITUS ILLE REFRIGERII AB IGNE
DISSIPATUR; ITAQUE BENE SUMUNTUR INFUSA IN POTU, AUT CRUDA.
57. QUEMADMODUM CONDENSATIO SPIRITUS PER SUBORDINATA AD OPIUM FIT ALIQUATENUS
PER ODORES; SIMILITER ET ILLA, QUAE FIT PER SUBORDINATA AD NITRUM; ITAQUE ODOR
TERRAE RECENTIS ET PURAE SPIRITUS OPTIME COMPESCIT, SIVE ARATRUM SEQUENDO,
SIVE FODIENDO, SIVE HERBAS INUTILES EVELLENDO; ETIAM FOLIA, IN SYLVIS ET
SEPIBUS VERGENTE AUTUMNO DECIDENTIA, BONUM REFRIGERIUM PRAESTANT SPIRITIBUS;
ET MAXIME OMNIUM, FRAGARIA MORIENS. ETIAM ODOR VIOLAE, AUT FLORUM PARIETARIAE,
AUT FABARUM, AUT RUBI SUAVIS, ET MADRESELVE, EXCEPTUS DUM CRESCUNT, SIMILIS
EST NATURAE.
58. QUIN ET NOVIMUS VIRUM NOBILEM LONGAEVUM, QUI STATIM A SOMNO GLEBAM TERRAE
RECENTIS SUB NARES APPONI QUOTIDIE FECIT, UT EJUS ODOREM EXCIPERET.
59. DUBIUM NON EST, QUIN REFRIGERATIO ET ATTEMPERATIO SANGUINIS PER FRIGIDA,
QUALIA SUNT ENDIVIA, CICHOREA, HEPATICA, PORTULACA, &C. PER CONSEQUENS
INFRIGIDET QUOQUE SPIRITUS; SED HOC FIT PER CIRCUITUM; AT VAPORES OPERANTUR
IMMEDIATE.
ATQUE DE CONDENSATIONE SPIRITUUM PER FRIGUS JAM INQUISITUM EST. TERTIAM
DIXIMUS ESSE CONDENSATIONEM PER ID QUOD VOCAMUS DEMULCERE SPIRITUS; QUARTAM,
PER SEDATIONEM ALACRITATIS ET MOTUS NIMII IPSORUM.
60. DEMULCENT SPIRITUS QUAECUNQUE ILLIS SUNT GRATA ATQUE AMICA; NEQUE TAMEN
PROVOCANT EOS NIMIUM AD EXTERIUS; SED CONTRA FACIUNT UT SPIRITUS, QUASI SEIPSIS
CONTENTI, SE FRUANTUR, ET RECIPIANT SE IN CENTRUM SUUM.
61. DE HIS, SI REPETAS EA QUAE SUPERIUS POSITA SUNT TANQUAM SUBORDINATA ET
AD OPIUM ET AD NITRUM, NIHIL EST OPUS ALIA INQUISITIONE.
62. QUOD VERO AD SEDATIONEM IMPETUS SPIRITUUM ATTINET, DE EA MOX DICEMUS, CUM
DE MOTU IPSORUM INQUIREMUS: NUNC IGITUR POSTQUAM DE DENSATIONE SPIRITUUM
DIXERIMUS (QUAE PERTINET AD SUBSTANTIAM IPSORUM), VENIENDUM AD MODUM CALORIS
IN IPSIS.
63. CALOR SPIRITUUM, UT DIXIMUS, EJUS GENERIS ESSE DEBET, UT SIT ROBUSTUS,
NON AERIS; ET AMET OBSTINATA SUBRUERE, POTIUS QUAM ATTENUATA ASPORTARE.
64. CAVENDUM AB AROMATIBUS, VINO, ET POTU FORTI; UT USUS IPSORUM SIT VALDE
TEMPERATUS ET ABSTINENTIA INTERPOLATUS: ETIAM A SATUREIA, ORIGANO, PULEGIO,
ET OMNIBUS QUAE AD PALATUM AERIS SUNT, ET INCENSIVA. ILLA ENIM PRAESTANT
SPIRITIBUS CALOREM NON FABRILEM, SED PRAEDATORIUM.
65. ROBUSTUM PRAEBENT CALOREM PRAECIPUE ENULA, ALLIUM, CARDUUS BENEDICTUS,
NASTURTIUM ADOLESCENS, CHAMAEDRYS, ANGELICA, ZEDOARIA, VERBENA, VALERIANA,
MYRRHA, COSTUM, SAMBUCI FLORES, MYRRHIS. HORUM USUS CUM DELECTU ET JUDICIO,
ALIAS IN CONDIMENTIS, ALIAS IN MEDICAMENTIS, HUIC OPERATIONI SATISFACIET.
66. BENE ETIAM CEDIT, QUOD OPIATA MAGNA HUIC QUOQUE OPERATIONI EGREGIE
SERVIUNT; EO VIDELICET, QUOD EXHIBENT CALOREM TALEM PER COMPOSITIONEM, QUALIS
IN SIMPLICIBUS OPTATUR, SED VIX HABETUR: ETENIM RECIPIENDO CALIDA ILLA
INTENSISSIMA (QUALIA SUNT EUPHORBIUM, PYRETHRUM, STACHYS-AGRA, DRACONTIUM,
ANACARDI, CASTOREUM, ARISTOLOCHIUM, OPOPANAX, AMMONIACUM, GALBANUM, ET
SIMILIA; QUAE INTUS PER SE SUMI NON POSSUNT) AD RETUNDENDAM VIM NARCOTICAM
OPII, CONSTITUUNT DEMUM TALEM COMPLEXIONEM MEDICAMENTI, QUALEM JAM REQUIRIMUS;
QUOD OPTIME PERSPICITUR IN HOC, QUOD THERIACA ET MITHRIDATIUM, ET RELIQUA,
NON SUNT AERIA NEC MORDENT LINGUAM; SED TANTUM SUNT PAULULUM AMARA, ET ODORIS
POTENTIS, ET PRODUNT DEMUM CALIDITATEM SUAM IN STOMACHO ET OPERATIONIBUS
SEQUENTIBUS.
67. ETIAM AD CALOREM ROBUSTUM SPIRITUUM FACIT VENUS SAEPE EXCITATA, RARO
PERACTA; ATQUE NONNULLI EX AFFECTIBUS, DE QUIBUS POSTEA DICETUR. ATQUE DE
CALORE SPIRITUUM, ANALOGO AD PROLONGATIONEM VITAE, JAM INQUISITUM EST.
68. DE COPIA SPIRITUUM, UT NON SINT EXUBERANTES ET EBULLIENTES, SED POTIUS
PARCI ET INTRA MODUM, (CUM FLAMMA PARVA NON TANTUM PRAEDETUR, QUANTUM MAGNA)
BREVIS INQUISITIO EST.
69 VIDETUR AB EXPERIENTIA COMPROBARI, QUOD DIAETA TENUIS ET FERE PYTHAGORICA,
VEL EX REGULIS SEVERIORIBUS VITAE MONASTICAE, VEL EX INSTITUTIS EREMITARUM,
QUAE NECESSITATEM ET INOPIAM HABEBANT PRO REGULA, VITAM REDDAT LONGAEVAM.
70. HUC PERTINENT POTUS AQUAE, STRATUM DURUM, AER FRIGIDUS, VICTUS TENUIS
(SCILICET EX OLERIBUS, FRUCTIBUS, ATQUE CARNIBUS ET PISCIBUS CONDITIS ET
SALITIS, POTIUS QUAM RECENTIBUS ET CALIDIS), INDUSIUM CILICII, CREBRA JEJUNIA,
CREBRAE VIGILIAE, RARAE VOLUPTATES SENSUALES, ET HUJUSMODI: OMNIA ENIM ISTA
MINUUNT SPIRITUS, EOSQUE REDIGUNT AD QUANTITATEM EAM, QUAE TANTUMMODO VITAE
MUNIIS SUFFICIAT; UNDE MINOR FIT DEPRAEDATIO.
71. QUOD SI DIAETA FUERIT HUJUSMODI RIGORIBUS ET MORTIFICATIONIBUS PAULO
BENIGNIOR, SED TAMEN SEMPER AEQUALIS, ET SIBI CONSTANS, EANDEM OPEM PRAESTAT;
ETENIM ETIAM IN FLAMMIS VIDEMUS, FLAMMAM NONNIHIL MAJOREM (MODO FUERIT
CONSTANS ET TRANQUILLIA) MINUS ABSUMERE EX FOMITE SUO, QUAM FLAMMA MINOR
AGITATA, ET PER VICES INTENSIOR ET REMISSIOR: ID QUOD PLANE DEMONSTRAVIT
REGIMEN ET DIAETA CORNARI VENETI, QUI BIBIT ET EDIT TOT ANNOS AD JUSTUM
PONDUS; UNDE CENTESIMUM ANNUM VIRIBUS ET SENSIBUS VALIDUS SUPERAVIT.
72. ETIAM VIDENDUM EST, NE CORPUS QUOD PLENIUS NUTRITUR, NEQUE PER HUJUSMODI
(QUALES DIXIMUS) DIAETAS EMACIATUR, VENERIS USUM TEMPESTIVUM OMITTAT; NE
SPIRITUS NIMIS TURGEANT, ET CORPUS EMOLLIANT ET DESTRUANT. ITAQUE DE COPIA
SPIRITUS MODERATA, ET QUASI FRUGALI, JAM INQUISITUM EST.
73. SEQUITUR INQUISITIO DE FRAENATIONE MOTUS SPIRITUS; MOTUS ENIM MANIFESTO
EUM ATTENUAT ET INCENDIT. ILLA FRAENATIO FIT TRIBUS MODIS: PER SOMNUM; PER
EVITATIONEM LABORIS VEHEMENTIS AUT EXERCITII NIMII, DENIQUE OMNIS LASSITUDINIS;
ET PER COHIBITIONEM AFFECTUUM MOLESTORUM. AC PRIMO DE SOMNO.
74. FABULA HABET EPIMENIDEM IN ANTRO PLURES ANNOS DORMIVISSE, NEQUE ALIMENTO
EGUISSE, CUM SPIRITUS INTER DORMIENDUM MINUS DEPASCAT.
75. EXPERIENTIA DOCET ANIMALIA QUAEDAM (QUALIA SUNT SORICES ET VESPERTILIONES)
IN QUIBUSDAM LOCIS OCCLUSIS PER INTEGRAM HIEMEM DORMIRE; ADEO SOMNUS
DEPRAEDATIONEM VITALEM COMPESCIT; QUOD ETIAM FACERE PUTANTUR APES ET FUCI,
LICET QUANDOQUE A MELLE DESTITUTI: ITIDEM PAPILIONES ET MUSCAE.
76. SOMNUS POST PRANDIUM, ASCENDENTIBUS IN CAPUT VAPORIBUS NON INGRATIS (UTPOTE
76. SOMNUS POST PRANDIUM, ASCENDENTIBUS IN CAPUT VAPORIBUS NON INGRATIS
(UTPOTE PRIMIS RORIBUS CIBORUM), SPIRITIBUS PRODEST, SED AD ALIA OMNIA, QUAE
AD SANITATEM PERTINENT, GRAVIS EST ET NOXIUS; ATTAMEN IN EXTREMA SENECTUTE
EADEM EST RATIO CIBI ET SOMNI; QUIA FREQUENS ESSE DEBET ET REFECTIO ET
DORMITIO, SED BREVIS ET PUSILLA: QUINETIAM AD ULTIMAM METAM SENECTUTIS MERA
QUIES ET PERPETUUS QUASI DECUBITUS PRODEST, PRAESERTIM TEMPORIBUS HIEMALIBUS.
77. VERUM UT SOMNUS MODERATUS AD PROLONGATIONEM VITAE FACIT, ITA MULTO MAGIS,
SI SIT PLACIDUS ET NON TURBIDUS.
78. SOMNUM PLACIDUM CONCILIANT, VIOLA, LACTUCA (PRAESERTIM COCTA), SYRUPUS E
ROSIS SICCIS, CROCUS, MELISSA, POMA IN INTROITU LECTI, OFFA PANIS EX VINO
MALVATICO, PRAESERTIM INFUSA PRIUS ROSA MUSCATELLA: ITAQUE UTILE FORET
CONFICERE ALIQUAM PILULAM VEL ALIQUAM HAUSTUM PARVUM EX HUJUSMODI REBUS, EOQUE
UTI FAMILIARITER. ETIAM EA QUAE OS VENTRICULI BENE CLAUDUNT, UT SEMEN CORIANDRI
PRAEPARATUM, COTONEA, ET PYRA FRAGRANTIA ASSATA, SOMNUM INDUCUNT PLACIDUM;
ANTE OMNIA, JUVENILI AETATE, ET MAXIME IIS QUI HABENT VENTRICULUM SATIS FORTEM,
PRODEST HAUSTUS BONUS AQUAE PURAE, CRUDAE, IN INTROITU LECTI.
DE ECTASI VOLUNTARIA, SIVE PROCURATA, ATQUE DE COGITATIONIBUS DEFIXIS
ET PROFUNDIS (MODO SINT ABSQUE MOLESTIA) NIHIL HABEO COMPERTI; FACIUNT
PROCULDUBIO AD INTENTIONEM ET DENSANT SPIRITUS, ETIAM POTENTIUS QUAM SOMNUS;
CUM SENSUS AEQUE AUT MAGIS SOPIANT ET SUSPENDANT. DE ILLIS INQUIRATUR ULTERIUS.
ATQUE DE SOMNO HACTENUS.
79. QUATENUS AD MOTUM ET EXERCITIA; LASSITUDO NOCET, ATQUE MOTUS ET
EXERCITATIO QUAE EST NIMIS CELERIS ET VELOX, QUALES SUNT CURSUS, PILA,
GLADIATORIA, ET SIMILIA; ET RURSUS CUM IMPETUS EXTENDITUR AD ULTIMAS VIRES ET
NIXUS, QUALES SUNT SALTUS, LUCTA, ET SIMILIA. CERTUM ENIM EST, SPIRITUS IN
ANGUSTIIS POSITOS, VEL PER PERNICITATEM MOTUS VEL PER ULTIMOS NIXUS, FIERI
POSTEA MAGIS ACRES ET PRAEDATORIOS. EX ALTERA PARTE, EXERCITIA QUAE SATIS
FORTEM CIENT MOTUM, SED NON NIMIS CELEREM AUT AD ULTIMAS VIRES, (QUALES SUNT
SALTATIO, SAGITTATIO, EQUITATIO, LUSUS GLOBORUM, ET SIMILIA) NIHIL OFFICUNT,
SED PROSUNT POTIUS.
VENIENDUM JAM AD AFFECTUS ET PASSIONES ANIMI, ET VIDENDUM QUI EX IPSIS
AD LONGAEVITATEM SINT NOXII, QUI UTILES.
80. GAUDIA MAGNA ATTENUANT ET DIFFUNDUNT SPIRITUS, ET VITAM ABBREVIANT:
LAETITIA FAMILIARIS ROBORAT SPIRITUS, EVOCANDO EOS, NEC TAMEN EXSOLVENDO.
81. IMPRESSIONES GAUDIORUM SENSUALES, MALAE; RUMINATIONES GAUDIORUM IN
MEMORIA, AUT PREHENSIONES EORUM EX SPE VEL PHANTASIA, BONAE.
82. MAGIS CONFORTAT SPIRITUS GAUDIUM PRESSUM ET PARCE COMMUNICATUM, QUAM
GAUDIUM EFFUSUM ET PUBLICATUM.
83. MOEROR ET TRISTITIA, SI METU VACET ET NON NIMIUM ANGAT, VITAM POTIUS
PROLONGAT: SPIRITUS ENIM CONTRAHIT, ET EST CONDENSATIONIS GENUS.
84. METUS GRAVIORES VITAM ABBREVIANT: LICET ENIM ET MOEROR ET METUS SPIRITUM
UTERQUE ANGUSTIET, TAMEN IN MOERORE EST SIMPLEX CONTRACTIO, AT IN METU, PROPTER
CURAS DE REMEDIO ET SPES INTERMISTAS, FIT AESTUS ET VEXATIO SPIRITUUM.
85. IRA COMPRESSA EST ETIAM VEXATIONIS GENUS; ET SPIRITUM CORPORIS SUCCOS
CARPERE FACIT; AT SIBI PERMISSA ET FORAS PRODIENS JUVAT; TANQUAM MEDICAMENTA
ILLA, QUAE ROBUSTUM INDUCUNT CALOREM.
86. INVIDIA PESSIMA EST, ET CARPIT SPIRITUS, ATQUE ILLI RURSUS CORPUS; EO
MAGIS, QUOD FERE PERPETUA EST, NEC AGIT (UT DICITUR) FESTOS DIES.
87. MISERICORDIA EX MALO ALIENO, QUOD IN NOS IPSOS CADERE NON POSSE VIDETUR,
BONA; QUAE VERO SIMILITUDINE QUADAM POTEST REFLECTI IN MISERANTEM, MALA, QUIA
EXCITAT METUM.
88. PUDOR LEVIS MINIME OFFICIT, CUM SPIRITUS PAULULUM CONTRAHAT ET SUBINDE
EFFUNDAT; ADEO UT VERECUNDI DIU (UT PLURIMUM) VIVANT: AT PUDOR EX IGNOMINIA
MAGNA ET DIU AFFLIGENS, SPIRITUS CONTRAHIT, USQUE AD SUFFOCATIONEM, ET EST
PERNICIOSUS.
89. AMOR, SI NON FUERIT INFOELIX ET NIMIS SAUCIANS, EX GENERE GAUDII EST; ET
EASDEM SUBIT LEGES QUAS DE GAUDIO POSUIMUS.
90. SPES OMNIUM AFFECTUUM UTILISSIMA EST, ET AD PROLONGATIONEM VITAE PLURIMUM
FACIT; SI NON NIMIUM SAEPE INTERCIDAT, SED PHANTASIAM BONI PASCAT: ITAQUE QUI
FINEM ALIQUEM, TANQUAM METAM VITAE, FIGUNT ET PROPONUNT, ET PERPETUO ET SENSIM
IN VOTO SUO PROFICIUNT, VIVACES UT PLURIMUM SUNT; ADEO UT, CUM AD CULMEN SPEI
SUAE VENERINT, NEC HABEANT QUOD AMPLIUS SPERENT, FERE ANIMIS CONCIDANT, NEC
DIU SUPERSTITES SINT; UT SPES VIDEATUR TANQUAM GAUDIUM FOLIATUM, QUOD IN
IMMENSUM EXTENDITUR, SICUT AURUM.
91. ADMIRATIO, ET LEVIS CONTEMPLATIO, AD VITAM PROLONGANDAM MAXIME FACIUNT;
DETINENT ENIM SPIRITUS IN REBUS QUAE PLACENT, NEC EOS TURBARE AUT INQUIETE
ET MOROSE AGERE SINUNT; UNDE OMNES CONTEMPLATORES RERUM NATURALIUM, QUI TOT ET
TANTA HABEBANT QUAE MIRARENTUR (UT DEMOCRITUS, PLATO, PARMENIDES, APOLLONIUS),
LONGAEVI FUERUNT; ETIAM RHETORES, QUI RES DEGUSTABANT TANTUM ET POTIUS
ORATIONIS LUMEN QUAM RERUM OBSCURITATEM SECTABANTUR, FUERUNT ITIDEM LONGAEVI;
UT GORGIAS, PROTAGORAS, ISOCRATES, SENECA: ATQUE CERTE QUEMADMODUM SENES
PLERUNQUE GARRULI ET LOQUACES SUNT, ITA ET LOQUACES SAEPISSIME SENESCUNT:
INDICAT ENIM LEVEM CONTEMPLATIONEM, ET QUAE SPIRITUM NON MAGNOPERE STRINGAT
AUT VEXET: AT INQUISITIO SUBTILIS ET ACUTA ET AERIS VITAM ABBREVIAT; SPIRITUM
ENIM LASSAT ET CARPIT.
ATQUE DE MOTU SPIRITUUM PER ANIMI AFFECTUS HAEC INQUISITA SINT:
SUBJUNGEMUS AUTEM QUASDAM ALIAS OBSERVATIONES GENERALES CIRCA SPIRITUS, PRAETER
SUPERIORES, QUAE NON CADUNT IN DISTRIBUTIONEM PRAECEDENTEM.
92. PRAECIPUAE CURAE ESSE DEBET, UT SPIRITUS NON EXOLVANTUR SAEPIUS; SOLUTIONEM
ENIM PRAECEDIT EXTENUATIO, NEQUE SPIRITUS SEMEL EXTENUATUS ITA FACILE SE
RECIPIT ET DENSATUR: EXOLUTIO AUTEM FIT PER NIMIOS LABORES; NIMIS VEHEMENTES
AFFECTUS ANIMI; NIMIOS SUDORES; NIMIAS EVACUATIONES; BALNEA TEPIDA; ET
NTEMPERATUM AUT INTEMPESTIVUM USUM VENERIS; ETIAM NIMIAS CURAS ET
SOLICITUDINES, ET EXPECTATIONES ANXIAS; DENIQUE PER MORBOS MALIGNOS; ET DOLORES
ET CRUCIATUS CORPORIS GRAVES: QUAE OMNIA QUANTUM FIERI POTEST (UT ETIAM MEDICI
VULGARES MONENT) EVITANDA SUNT.
93. SPIRITUS ET CONSUETIS DELECTANTUR ET NOVIS. MIRUM AUTEM IN MODUM FACIT
AD CONSERVANDUM VIGOREM SPIRITUUM, UT NEC CONSUETIS UTAMUR AD SATIETATEM, NEC
NOVIS ANTE APPETITUM VIVIDUM ET STRENUUM. ITAQUE ET CONSUETUDINES ABRUMPENDAE
SUNT JUDICIO QUODAM ET CURA, ANTEQUAM PERVENIANT AD FASTIDIUM; ET APPETITUS
AD NOVA AD TEMPUS COHIBENDUS, DONEC FIAT FORTIOR ET ALACRIOR. ATQUE INSUPER
VITA, QUOAD FIERI POTEST, ITA INSTITUENDA, UT MULTAS ET VARIAS HABEAT
REDINTEGRATIONES, NEQUE PERPETUO IN IISDEM VERSANDO SPIRITUS TORPEANT: LICET
ENIM NON MALE DICTUM SIT A SENECA, STULTUS SEMPER INCIPIT VIVERE, TAMEN ILLA
STULTITIA, UT ET ALIAE QUAMPLURIMAE, LONGAEVITATI PRODEST.
94. CIRCA SPIRITUS OBSERVADUM EST (ETSI CONTRARIUM FIERI CONSUEVERIT), UT
QUANDO PERCIPIANT HOMINES SPIRITUS SUOS ESSE IN STATU BONO ET PLACIDO ET SANO
(ID QUOD EX TRANQUILLITATE ANIMI ET LAETITIA DATUR PERSPICI), EOS FOVEANT, NEC
MUTENT; SIN IN STATU INQUIETO ET MALIGNO (ID QUOD EX TRISTITIA, PIGRITIA,
ATQUE ALIA INDISPOSITIONE ANIMI APPAREBIT), EOS SUBINDE OBRUANT ET ALTERENT.
CONTINENTUR AUTEM SPIRITUS IN EODEM STATU PER COHIBITIONEM AFFECTUUM,
TEMPERAMENTUM DIAETAE, ABSTINENTIAM A VENERE, MODERATIONEM A LABORE, OTIUM
MEDIOCRE: ALTERANT AUTEM ET OBRUUNT SPIRITUS CONTRARIA ISTIS; SCILICET,
AFFECTUS VEHEMENTES, EPULAE PROFUSAE, VENUS IMMODERATE, LABORES ARDUI, STUDIA
INTENSA, ET NEGOTIA. ATQUI CONSUEVERUNT HOMINES, CUM LAETI SUNT ET SIBI MAXIME
PLACENT, TUM EPULAS, VENEREM, LABORES, CONTENTIONES, NEGOTIA, MAXIME SEQUI ET
AFFECTARE. QUOD SI QUIS LONGITUDINI VITAE CONSULERE VELIT, CONTRARIO MODO (QUOD
MIRUM DICTU) SE GERERE DEBET; SPIRITUS ENIM BONOS FOVERE ET CONTINUARE, MALE
DISPOSITOS EXHAURIRE ET MUTARE, OPORTET.
95. NON INEPTE AIT FICINUS, SENES DEBERE AD CONFORTATIONEM SPIRITUUM SUORUM,
ACTA PUERITIAE SUAE ET ADOLESCENTIAE SAEPE RECORDARI ET RUMINARE. CERTA
RECREATIO EST SENIBUS SINGULIS, TANQUAM PECULIARIS, RECORDATIO TALIS. ITAQUE
DULCE EST HOMINIBUS SOCIETATEM HABERE EORUM, QUI OLIM UNA EDUCATI FUERANT, ET
LOCA IPSA EDUCATIONIS SUAE INVISERE. VESPASIANUS AUTEM HUIC REI TANTUM
TRIBUEBAT, UT CUM ESSET IMPERATOR NULLO MODO ANIMUM INDUCERE POTUISSET, UT
AEDES PATERNAS, LICET HUMILES, MUTARET; NE ALIQUID DEPERIRET CONSUETUDINI
OCULORUM ET MEMORIAE PUERITIAE SUAE; QUINETIAM IN SCYPHO QUODAM AVIAE SUAE
LIGNEO, CUM LABRO ARGENTEO, DIEBUS, FESTIS POTABAT.
96. ILLUD ANTE OMNIA SPIRITIBUS GRATUM EST; UT FIAT PROGRESSUS CONTINUE IN
BENIGNIUS. ITAQUE EO MODO EST INSTITUENDA JUVENTUS ET AETAS VIRILIS, UT
SENECTUTI NOVA SOLATIA RELINQUANTUR; QUORUM PRAECIPUUM SIT OTIUM MODERATUM.
ITAQUE SIBI IPSI MANUS INFERUNT SENES HONORATI, QUI IN OTIUM NON SECEDUNT:
CUJUS REI INSIGNE REPERITUR EXEMPLUM IN CASSIODORO, QUI TANTA APUD REGES
ITALIAE GOTHOS AUCTORITATE POLLEBAT, UT INSTAR ANIMAE ESSET ERGA EORUM NEGOTIA;
POSTEA AUTEM FERE OCTOGENARIUS IN MONASTERIUM SE RECEPIT, UBI NON ANTE
CENTESIMUM DEMUM ANNUM VITAM CLAUSIT. AT HUIC REI DUAE CAUTIONES ADHIBENDAE
SUNT; UNA, UT NON EXPECTENT DONEC CORPUS OMNINO CONFECTUM SIT ET MORBIDUM;
ETENIM IN HUJUSMODI CORPORIBUS OMNIS MUTATIO, LICET IN BENIGNIUS, MORTEM
ACCELERAT; ALTERA, UT OTIO PLANE INERTI SE MINIME DEDANT, SED HABEANT ALIQUID
QUOD COGITATIONES ET ANIMUM IPSORUM PLACIDE DETINERE POSSIT; IN QUO GENERE,
PRAECIPUA OBLECTAMENTA SUNT LITERAE, DEINDE STUDIA AEDIFICANDI ET PLANTANDI.
97. POSTREMO, EADEM ACTIO, CONTENTIO, LABOR, LIBENTER SUSCEPTUS ET CUM BONA
VOLUNTATE, SPIRITUS RECREAT; CUM AVERSATIONE AUTEM ET INGRATIIS, SPIRITUS
CARPIT ET STERNIT: ITAQUE AD LONGAEVITATEM CONFERT, SI QUIS ARTE TALEM VITAM
INSTITUAT QUAE LIBERA SIT ET AD ARBITRIUM SUUM TRADUCATUR; AUT TALE OBSEQUIUM
ANIMO SUO CONCILIAVERIT, AU QUICQUID A FORTUNA IMPONATUR EUM POTIUS DUCAT QUAM
TRAHAT.
98. NEQUE ILLUD OMITTENDUM AD REGIMEN AFFECTUUM; UT PRAECIPUA CURA ADHIBEATUR
ORIS VENTRICULI, MAXIME NE SIT RELAXATUM NIMIS; QUIA PLUS DOMINATUR ILLA PARS
SUPER AFFECTUS, PRAESERTIM QUOTIDIANOS, QUAM AUT COR AUT CEREBRUM; EXCEPTIS
TANTUMMODO IIS QUAE FIUNT PER POTENTES VAPORES, UT IN EBRIETATE ET MELANCHOLIA.
99. DE OPERATIONE SUPER SPIRITUS, UT JUVENILES MANEANT ET REVIRESCANT, HAEC
INQUISITA SUNT: QUOD EO DILIGENTIUS PRAESTITIMUS, QUOD DE HIS OPERATIONIBUS,
POTIORI EX PARTE, MAGNUM EST APUD MEDICOS ET ALIOS AUCTORES SILENTIUM: MAXIME
AUTEM, QUIA OPERATIO SUPER SPIRITUS EORUMQUE RECRUDESCENTIAM AD PROLONGATIONEM
VITAE EST VIA MAXIME PROCLIVIS ET COMPENDIARIA: PROPTER DUPLEX SCILICET
COMPENDIUM; ALTERUM, QUOD SPIRITUS COMPENDIO OPERETUR SUPER CORPUS; ALTERUM,
QUOD VAPORES ET AFFECTUS COMPENDIO OPERENTUR SUPER SPIRITUS; ADEO UT HAEC
FINEM PETANT QUASI IN LINEA RECTA; CAETERA MAGIS PER CIRCUITUM.
***F
2. VESICA, AUT ALIA TENSILIA (UT FOLLES), INFLANTUR AERE INTEGRO, ATQUE
EXTENDUNTUR; ADEO UT INDURENTUR, ET ICTUM, JACTUM PATI POSSINT: ETIAM BULLA
AQUAE EST INSTAR VESICAE, NISI QUOD EST TAM FRAGILIS.
3. LIQUORES DE VASE IN VAS DE ALTO FUSI, AUT COCHLEARIBUS ET SPATULIS AUT
VENTIS FORTITER AGITATI, COMMITTUNTUR ET COMMISCENTUR CUM AERE; UNDE SE
ATTOLLUNT IN SPUMAM. ILLI PAULO POST RESIDUNT, ET MINOREM LOCUM OCCUPANT, AERE
(FRACTIS SPUMAE BULLULIS) EXEUNTE.
4. EXTRUUNT PUERI EX AQUA SAPONI ADMISTA (UNDE FIT PAULO TENACIOR) TURRES
BULLATAS; ADEO UT PARUM ADMODUM AQUAE (AERE INTROCEPTO) MAGNUM LOCUM OCCUPET.
5. AT NON INVENITUR QUOD FLAMMA, PER INFLATIONEM FOLLIUM AUT AGITATIONEM
ALIAM EXTERIOREM, CUM AERE MISCEATUR ET SPUMESCAT, IN EUM MODUM UT POSSIT
CONSTITUI CORPUS COMMISTUM EX FLAMMA ET AERE, INSTAR SPUMAE, QUAE COMMISTA EST
EX AERE ET LIQUORE.
6. AT CONTRA, CERTUM EST, PER MISTIONEM INTERIOREM IN CORPORE ANTEQUAM
INFLAMMETUR, FIERI POSSE CORPUS COMMISTUM EX AERE ET FLAMMA. NAM PULVIS PYRIUS
HABET PARTES NON INFLAMMABILES EX NITRO, ALIAS INFLAMMABILES PRAECIPUE EX
SULPHURE: UNDE ETIAM MAGIS ALBICAT ET PALLESCIT QUAM CAETERAE FLAMMAE (LICET
FLAMMA IPSA SULPHURIS VERGAT AD CAERULEUM): ADEO UT POSSIT ILLA FLAMMA RECTE
COMPARARI SPUMAE POTENTISSIMAE, EX FLAMMA ET AERE COAGMENTATAE, SIVE VENTO
CUIDAM IGNEO.
7. QUEMADMODUM AUTEM SPUMA EST CORPUS COMPOSITUM EX AERE ET LIQUORE; ITA
ETIAM PULVERES OMNES SUNT COMPOSITI EX AERE ET MINUTIIS CORPORIS PULVERIZATI;
UT NON ALITER DIFFERANT A SPUMIS, QUAM CONTIGUUM DIFFERT A CONTINUO: NAM MAGNA
MOLES IPSORUM CONSISTIT EX AERE, QUI PARTES CORPORIS SUBLEVAT; UT EX TABULA
SECUNDA ET TERTIA LIQUET.
8. FIUNT TUMORES IN VENTRE ANIMALIUM ET ALLS PARTIBUS, EX FLATU ET HUMORE
AQUEO INTORCEPTO ET ADMISSO; UT IN HYDROPE, TYMPANITE, ET SIMILIBUS.
9. EST GENUS COLUMBARUM, QUOD, CAPITE INTRA COLLUM RECEPTO, INFLATUR ET
TUMET.
10. RESPIRATIO PER PULMONES (FOLLIUM INSTAR) AEREM ATTRAHIT ET REDDIT;
DILATANTE SE PER VICES PULMONE, ET RESIDENTE.
11. FOEMELLAE PRAEGNATES TUMENT MAMMILLAS, LACTEO SCILICET HUMORE TURGENTES.
12. GLANS VIRGAE IN MASCULIS, CUM ARRIGITUR IN VENEREM, MULTUM DILATATUR MOLE.
13. INSPICE IN SPECULUM, ET NOTA LATITUDINEM UTRIUSQUE OCULI PUPILLAE; DEIN
CLAUDE ALTERUM OCULUM; ET VIDEBIS PUPILLAM OCULI APERTI MANIFESTE DILATATAM,
SPIRITIBUS QUI UTRIQUE OCULO INSERVIEBANT IN UNUM CONFLUENTIBUS.
14. RIMAE GLOBORUM LUSORIORUM, ET SIMILITER LIGNORUM ALIORUM, A SICCITATE
CONTRACTAE, PER IMMISSIONEM ET MORAM NONNULLAM IN AQUA, ET IMBIBITIONEM
IPSIUS AQUAE, IMPLENTUR ET CONSOLIDANTUR.
15. EST GENUS QUODDAM FUNGI QUI EXCRESCIT EX ARBORE, QUEM VOCANT AURICULAM
JUDAEI, QUI IMMISSUS IN AQUAM MAGNOPERE INTUMESCIT: QUOD NON FACIT SPONGIA AUT
LANA.
CONNEXIO.
ATQUE DE INTROCEPTIONIBUS CORPORIS ALIENI (QUAE SUNT PSEUDO-
RAREFACTIONES) HAEC INQUISITA SINT. TRANSEUNDUM AD DILATATIONES ET TUMORES
QUAE FIUNT IN CORPORIBUS EX SPIRITU INNATO (SIVE ILLI SUNT NATURALES, UT
LOQUUNTUR, SIVE PRAETERNATURALES) ABSQUE IGNE AUT CALORE MANIFESTO, EXTERNO:
LICET IN HIS QUOQUE SEQUATUR QUANDOQUE ACCESSIO SIVE INTROCEPTIO HUMORIS,
PRAETER IPSAM DILATATIONEM SIMPLICEM.
DILATATIONES PER SPIRITUM INNATUM SE EXPANDENTEM.
[HISTORIA]
1. MUSTUM, AUT CERVISIA NOVA, ET SIMILIA, IN DOLIIS REPOSITA, INTUMESCUNT ET
INSURGUNT ADMODUM; ADEO UT, NISI DETUR SPIRACULUM, DOLIA INFRINGANT; SIN DETUR,
SE ATTOLLANT, ET EXUNDENT CUM SPUMA, ET QUASI EBULLIANT.
2. LIQUORES SPIRITUOSI ARCTIUS CONCLUSI (UT IN UTRIBUS FORTITER OBTURATIS)
MAGNO IMPETU SAEPE ERUMPUNT, ET OPERCULA SUA QUANDOQUE EJICIUNT, TANQUAM E
TORMENTO.
3. AUDIVI MUSTUM NUPER CALCATUM ET QUASI FERVENS IN VITRO CRASSO ET FORTI
REPOSITUM (ORE VITRI BENE LUTATO ET CLAUSO, UT MUSTUM NEC ERUMPERE NEC
PERFRINGERE POSSET) NON REPERIENTE EXITUM SPIRITU, SE PER CONTINUAS
CIRCULATIONES ET VEXATIONES VETISSE PLANE IN TARTARUM; UT NIHIL RESTAET
IN VITRO, PRAETER AURAM ET FAECES: VERUM DE HOC MIHI PARU CONSTAT.
4. SEMINA PLANTARUM, UT PISORUM, FABARUM, ET EJUSMODI, TURGESCUNT NONNIHIL,
ANTEQUAM EMITTANT RADICEM AUT CAULEM.
5. ARBORES QUANDOQUE, SPIRITU ET SUCCO NATIVO TUMESCENTES, CORTICEM RUMPUNT,
ET EMITTUNT GUMMI ET LACRYMAS.
6. ETIAM GEMMAE COMPLURES VIDENTUR ESSE ERUPTIONES SUCCORUM PURIORUM EX
RUPIBUS; CUM TAM GUMMI QUAM GEMMAE RUPIUM DEPREHENDANTUR (EX SPLENDORE)
ESSE SUCCI PERCOLATI ET DEPURATI; ADEO UT ETIAM SAXA ET LAPIDES VIDEANTUR EX
SPIRITU INNATO TUMESCERE.
7. NEQUE DUBIUM EST, QUIN IN SPERMATE ANIMALIUM PRIMUS ACTUS AD VIVIFICANDUM
SIT QUAEDAM EXPANSIO MASSAE.
8. VITRIOLUM ERUMPENDO TANQUAM GERMINAT, ET FERE ARBORESCIT.
9. LAPIDES TEMPORE ET SENIO (PRAESERTIM IN LOCIS HUMIDIORIBUS) EMITTUNT
SALEM, QUI EST EX NATURA NITRI.
10. OMNIS GLEBA TERRAE TUMET NITRO: ITAQUE SI TERRA QUAEVIS SIT COOPERTA ET
ACCUMULATA, ITA UT SUCCUS EJUS NON EXHAURIATUR PER SOLEM ET AEREM, NEC SE
CONSUMAT IN EMITTENDO VEGETABILI, COLLIGIT NITRUM, UT INTERNUM TUMOREM. IDEO
IN ALIQUIBUS EUROPAE PARTIBUS STRUUNT MINERAS ARTIFICALES NITRI, ACCUMULATA
TERRA, IN DOMIBUS AD HOC PARATIS, PROHIBITO ADITU SOLIS.
11. SUDORES IN ANIMALIBUS, PER MOTUM DILATATIS SPIRITIBUS, ATQUE HUMORIBUS
VELUTI LIQUEFACTIS, PROVENIUNT.
12. PULSUS CORDIS ET ARTERIARUM IN ANIMALIBUS FIT PER IRREQUIETAM DILTATIONEM
SPIRITUUM, ET RECEPTUM IPSORUM, PER VICES.
13. QUIN ET MOTUS VOLUNTARIUS IN ANIMALIBUS, QUI EXPEDITUR (IN
PERFECTIORIBUS) PER NERVOS, VIDETUR RADICEM HABERE IN COMPRESSIONE PRIMUM,
DEINDE RELAXATIONE, SPIRITUUM.
14. IN OMNI CONTUSIONE MEMBRI ALICUJUS IN ANIMALIBUS SEQUITUR TUMOR, IDEM
EVENTI IN PLERISQUE DOLORIBUS.
15. ACULEI VESPARUM ET APUM MAJOREM INDUCUNT TUMOREM, QUAM PRO INFLICTU: ID
MULTO MAGIS FACIUNT PUNCTIONES SERPENTUM.
16. ETIAM URTICA, BRYONIA, ET ALIA NONNULLA, LEVANT CUTEM, ET VESICAS IN
ILLA CAUSANT.
17. HABETUR PRO EVIDENTI SIGNO VENENI (PRAESERTIM EJUS GENERIS QUOD OPERATUR
EX QUALITATE MALIGNA, NON PER EROSIONEM) SI FACIES AUT CORPUS INTUMESCAT.
18. IN VESICATIONIBUS COLLI AUT ALTERIUS ALICUJUS PARTIS, QUAE ADHIBENTUR
AD CURATIONES MORBORUM, ASSURGIT HUMOR AQUEUS, SIVE ICHOR, QUI POSTEA, CUTE
SCISSA AUT PUNCUTA, EFFLUIT.
19 OMNES PUSTULAE EX CAUSA INTERNA ET HUJUSMODI EFFLORESCENTIAE ET
APOSTEMATA, INDUCUNT TUMORES APPARENTES, ET SUBLEVANT CUTEM.
20. IRACUNDIA SUBITO EFFERVESCENS (IN NONNULLIS) INFLAT BUCCAS: SIMILITER
ET FASTUS.
21. RANAE ET BUFONES TUMET; ET COMPLURA ANIMALIA PER FEROCIAM ERIGUNT
CRISTAT, ET PILOS, ET PLUMAS: QUOD FIT EX CONTRACTIONE CUTIS PER TUMOREM
SPIRITUUM.
22. GALLI, QUOS INDICOS, ALII TURCICOS VOCANT, IRATI MAGNOPERE TUMENT, ET
PENNAS TANQUAM JUBAS ERIGUNT. AVES CUM DORMITANT, DILATATO SPIRITU PER
RECEPTUM CALORIS AD INTERIORA, NONNIHIL TUMENT.
23. IN OMNI CARIE ET PUTREDINE TUMESCERE INCIPIUNT SPIRITUS CORPORIS INNATI
CUMQUE AD EXITUM PROPERANT, SOLVUNT ET ALTERANT REI COMPAGEM; ET, SI COMPAGES
REI SIT PAULO TENACIOR ET VISCOSIOR, UT EXIER NON POSSINT, NOVAS MOLIUNTUR, UT
IN VERMIBUS E PUTREDINE NATIS; SED EXORDIUM ACTIONIS EST A DILATATIONE
SPIRITUUM.
24. NEQUE SPIRITUS IN PUTREDINE COHIBITUS TANTUM MOLITUR ANIMALCULA, VERUM
ET RUDIMENTA PLANTARUM: UT CONSPICITUR IN MUSCO, ET HIRSUTIE ARBORUM
NONNULLARUM. MEMINI ME EXPERUM ESSE, CASU QUODAM NON DE INDUSTRIA, QUOD CUM
AESTIVO TEMPORE MALUM CITRIUM, EX PARTE SECTUM, IN CONCLAVI RELIQUISSEM, POST
DUOS MENSES INVENI IN PARTE SECTA PUTREDINEM QUANDAM GERMINANTEM; ADEO UT IN
CAPILLIS QUIBUSDAM EXURGERET AD ALTITUDINEM POLLICIS, AD MINUS, ATQUE IN
SUMMITATE CAPILLORUM SINGULORUM ADSCIVISSET CAPUT QUODDAM, INSTAR CAPITIS
PUSILLI CLAVI; PLANE INCIPIENS IMITARI PLANTAM.
25. SIMILITER, RUBIGINES FIUNT IN METALLIS ET VITRO ET SIMILIBUS, EX
DILATATIONE SPIRITUS INNATI, QUI TUMESCIT, ET URGET PARTES CRASSIORES, EASQUE
ANTE SE AGIT, ET EXTRUDIT, UT EXEAT.
26. UTRUM TERRA IN SUPERFICIE TUMESCAT, PRASERTIM UBI GLEBAE SUNT SPONGIOSAE
ET CAVAE, INQUIRENDUM. CERTE INVENIUNTUR QUANDOQUE IN EJUSMODI GLEBIS ARBORES
INSTAR MALORUM NAVIUM, QUAE SUB TERRA, NONNULLOS PEDES IN ALTUM, JACENT
DEMERSAE ET SEPULTAE: UT VERISIMILE SIT ARBORES ILLAS PER TEMPESTATES FUISSE
OLIM DEJECTAS; POSTEA VERO ATTOLLENTE SE PAULATIM TERRA, COOPERTAS FUISSE.
ET SEPULTAS.
27. AT SUBITO ET MANIFESTE INTUMESCIT TERRA IN TERRAE MOTIBUS, UNDE
SAEPENUMERO ERUMPUNT SCATURIGINES AQUARUM, VORTICES, ET GLOBI FLAMMARUM, VENTI
VEHEMENTES ET PEREGRTINI, ATQUE EJICIUNTUR SAXA, CINERES.
28. NEQUE TAMEN TERRAE MOTUS OMNES PRORSUS SUBITO FIUNT; NAM EVENIT
NONNUMQUAM UT TERRA CONTREMUERIT PER PLURES DIES: ET NOSTRO TEMPORE APUD NOS IN
AGRO. HEREFORDIENSI FUIT TERRAE MOTUS, ADMODUM PUSILLUS ET LENTUS, SED RARUS;
IN QUO ALIQUA JUGERA TERRAE PER DIEM INTEGRUM PAULATIM SE MOVERUNT, ET IN
ALIUM LOCUM PAULO DECLIVIOREM, NEC MULTO DISTANTEM, SE TRANSTULERUNT, ET ITA
QNIEVERUNT.
29. UTRUM MOLES AQUARUM IN MARIBUS ALIQUANDO TUMESCANT, INQUIRENDUM. NAM IN
IPSIS FLUXIBUS MARIS, NECESSE EST UT ILLI FIANT VEL EX MOTU PROGRESSIVO, VEL EX
SUBLATIONE AQUARUM IN SURSUM PER VITUTEM ET CONSENSUM ALIQUEM MAGNETICUM, VEL
VEL DENIQUE PER TUMOREM SIVE RELAXATIONEM ALIQUAM IN IPSIS AQUIS. ATQUE
POSTREMUS ISTE MODUS (SI MODO TALIS ALIQUIS SIT INTER CAUSAS FLUXUS ALICUJUS)
PERTINET AD INQUISITIONEM PRAESENTEM.
30. AQUA IN FONTIBUS ET PUTESI NONNULLIS TUMESCIT ET RESIDIT; ADEO UT AESTUS
QUOSDAM VIDEATUR PATI.
31 ETIAM ERUMPUNT QUANDOQUE IN QUIBUSDAM LOCIS SCATURIGINES AQUARUM, ABSQUE
ALIQUO TERRAE MOTU, INTRA ALIQUOS ANNOS, EX CAUSIS INCERTIS. FITQUE ISTA
ERUPTIO PLERUNQUE IN MAGNIS SICCITATIBUS.
32. ETIAM NOTATUM EST, INTUMESCERE QUANDOQUE MARIA ABSQUE FLUXU AUT VENTO
ALIQUO EXTERIORE; IDQUE FERE TEMPESTATEM ALIQUAM MAGNAM PRAECEDERE.
NON FORET INDIGNUM EXPERIMENTO, UT PROBETUR UTRUM FIAT INTERDUM ALIQUA
RELAXATIO IN CORPORE AQUAE, ETIAM IN MINORE QUANTO. ATQUI SI EXPONATUR AQUA
SOLI VEL AERI, FIET POTIUS CONSUMPTIO: ITAQUE EXPERIMENTUM FACIENDUM IN VITRO
CLAUSO. ACCIPE ITAQUE VITRUM, QUOD HABEAT VENTREM AMPLUM, COLLUM VERO LONGUM ET
ANGUSTUM, ATQUE INFUNDATUR AQUA, DONEC VENTER ET PARS INFERIOR COLLI IMPLEAUTR.
FIAT AUTEM HOC PER TEMPESTATEM AERIS BOREALEM ET SICCAM; ATQUE ITA PERMITTATUR,
DONEC SUCCEDAT TEMPESTAS AUSTRALIS ET PLUVIOSA; ET VIDE, SI AQUA INSURGAT ALIQU
ALIQUALITER IN COLLO VITRI. ETIAM DE TUMORIBUS AQUAE IN PUTEIS FACIENDA EST
DILIGENTIOR INQUISITIO; UTRUM FIANT MAGIS NOCTU QAUM INTERDIU, ET QUALI
TEMPESTATE ANNI.
33. IN PINNIS FIDIUM LIGNEIS FIT, TEMPORE PLUVIOSO, UT ILLAE TUMESCENTES
DIFFICILIUS TORQUEANTUR. SIMILITER PYXIDES LIGNEAE DIFFICILIUS EXTRAHUNTUR
EX THECIS SUIS, ET OSTIA LIGNEA DIFFICILIUS APERIUNTUR.
34. CHORDAE FIDIUM EXTENTAE PAULO RIGIDIUS TEMPORIBUS PLUVIOSIS RUMPUNTUR.
35. HUMORES IN CORPORIBUS ANIMALIUM, TEMPESTATIBUS AUSTRALIBUS ET
PLUVIOSIS, DEPREHENDUNTUR LAXARI ET TUMESCERE, ET FLUERE, ET INCUMBERE MAGIS,
ET MEATUS OBSTRUERE.
36. RECEPTA EST OPINIO, HUMORES ET SUCCOS, NON IN ANIMALIBUS TANTUM SED ET IN
PLANTIS, SUB PLENILUNIIS MAGIS TURGESCERE, ET CAVA IMPLERE.
37. SALES IN LOCIS HUMIDIS SE SOLVUNT, APERIUNT, ET DILATANT: ID QUOD
FACIUNT (ALIQUA EX PARTE) SACCHARUM ET CONDITA; QUAE, NISI REPONANTUR IN
CAMERIS UBI ALIQUANDO ACCENDITUR IGNIS, SITUM COLLIGUNT.
38. ETIAM OMNIA QUAE PER IGNEM COCTA ET MAJOREM IN MODUM CONTRACTA SUNT,
TRACTU TEMPORIS NONNIHIL LAXANTUR.
39. DE TUMORIBUS ET RELAXATIONIBUS AERIS DILIGENITUS VIDENDUM; ET QUATENUS
IN HIS MILITENT (MAGNA EX PARTE) CAUSAE VENTORUM; CUM VAPORES NEC COLLIGUNTUR
COMMODE IN PLUVIAM, NEC DISSIPANTUR IN AEREM LIMPIDUM, SED INDUCUNT TUMORES IN
CORPORE AERIS.
CONNEXIO.
ATQUE DE DILATATIONIBUS CORPORUM PER SPIRITUM INNATUM, SIVE IN
MATURATIONIBUS, SIVE IN RUDIMENTIS GENERATIONUM, SIVE IN EXCITATIONE PER
MOTUM, SIVE IN IRRITATIONIBUS NATURALIBUS AUT PRAETERNATURALIBUS, SIVE IN
PUTREFACTIONIBUS, SIVE IN RELAXATIONIBUS, HAEC PAUCA EX CUMULO NATURAE
INQUISITA SUNTO. TRANSEUNDUM JAM AD APERTURAS ET DILATATIONES QUAE FIUNT PER
IGNEM ET CALOREM EXTERNUM ACTUALEM.
DILATATIONES ET APERTURAE CORPORUM, QUAE FIUNT PER
IGNEM ET CALOREM ACTUALEM, SIMPLICEM, EXTERNUM.
APERTURAE CORPORUM PER CALOREM SIVE IGNEM (DE QUIBUS JAM INQUIREMUS)
PROPRIE SPECTANT AD TITULOS DE CALIDO ET FRIGIDO, ET DE MOTU HYLES, ET DE
SEPARATIONIBUS ET ALTERATIONIBUS. ATTAMEN CARPENDUM ET PRAEGUSTANDUM EST
ALIQUID EX IPSIS IN PRAESENTI TITULO, CUM ABSQUE ALIQUA NOTITIA IPSORUM NON
POSSIT INQUIRI RECTE DE DENSO ET RARO.
HISTORIA
1 AER PER CALOREM DILATATUR SIMPLICITER. NEQUE ENIM SEPERATUR QUIPPIAM AUT
EMITTITUR, UT IN TANGIBILIBUS; SED SIMPLICITER FIT EXPANSIO.
2. IN VENTOSIS, VITRO ET AERE INTRA IPSUM CONTENTO CALEFACTIS ET VENTOSIS
CARNI APPLICATIS QUANDO PAULO POST AER, QUI PER CALOREM DILATATUS FUERIT,
REMITTENTE CALORE SE RECIPIAT PAULATIM ET CONTRAHAT, ATTRAHITUR PER MOTUM
NEXUS CARO. QUOD SI VENTOSAS FORTIUS ATTRAHERE CUPIAS, ACCIPE SPONGIAM FRIGIDA
MADEFACTAM, ET PONE EAM SUPER VENTREM VENTOSAE; UT, PER REFRIGERATIONEM AMPLIUS
CONTRACTO AERE, VENTOSA FROTIUS ATTRAHAT.
3. ACCIPE VITRUM, ET CALEFACIAS ILLUD: MITTE ILLUD POST IN AQUAM: ATTRAHET
AQUAM PRO MINIMO AD TERTIAS CONTENTI; UNDE LIQUET, AEREM A CALORE RAREFACTUM
FUISSE PARITER AD TERTIAS CONTENTI. SED HOC PARUM EST. NAM CUM VITRUM QUO USI
SUMUS TENUE ESSET, MAJOREM CALEFACTIONEM ABSQUE PERICULO RUPTURAE NON FACILE
PATIEBATUR. QUOD SI FUISSET PHIALA FERREA AUT AENEA, ET MAJOREM IN MODUM
CALEFACTA, ARBITROR AEREM POSSE DILATARI AD DUPLUM AUT TRIPLUM: QUOD
EXPERIMENTO DIGNISSIMUM EST; ETIAM AD QUOUSQUE; UT INDE MELIUS DE RARITATE
AERIS SUPEREN, ATQUE ADEO AETHERIS IPSIUS, JUDICIUM FACERE POSSIMUS.
4. IN VITRO QUOD APPELLAMUS CALENDARE (QUOD TEMPESTATUM, QUATENUS AD
CALOREM ET FRIGUS, TAM ACCURATE DEMONSTRET VARIETATES ET GRADUS),
EVIDENTISSIME PATET QUAM PARVA ACCESSIO CALORIS EXPANDAT AEREM NOTABILITER;
1DEO UT MANUS VITRO SUPERPOSITA, RADII ALIQUI SOLIS, IPSE ANHELITUS
ASTANTIUM OPERETUR: QUIN ET IPSIUS AERIS EXTERNI INCLINATIONES AD CALOREM ET
FRIGUS (TACTUI IPSI IMPERCEPTIBILES) AEREM NIHILOMINUS IN VITRO SENSIM ET
PERPETUO DILATENT ET CONTRAHANT.
5. HERO DESCRIBIT ALTARIS FABRICAM, EO ARTIFICIO, UT SUPERIMPOSITO
HOLOCAUSTO ET INCENSO, SUBITO AQUA DESCENDERET, QUAE IGNEM EXTINGUERET. ID NON
ALIAM POSCEBAT INDUSTRIAM, QUAM UT SUB ALTARE ESSET LOCUS CONCAVUS ET
CONCLUSUS, AERE REPLETUS; QUI AER AB IGNE CALEFACTUS ET PROPTEREA DILATATUS
NULLUM REPERIRET EXITUM, NISI IN CANALI AD PARIETEM ALTARIS ERECTO ET
CURVATO, ORE SUPER ALTARE INVERSO. IN CANALI ERECTO INFUSA ERAT AQUA (FACTO
ETIAM VENTRE IN CANALI, UT LARGIOR COPIA AQUAE RECIPERETUR); EA AQUA OBICE
IMPEDIEBATUR, NE DESCENDERET, FORAMINATO; QUI OBEX POSTQUAM ERAT VERSUS, DABAT
LOCUM AERI DILATATO, UT AQUAM EVEHERET ET EJICERET.
6. INVENTUM FUIT FRACASTORII AD EXCITANDOS APOPLECTICOS, UT PONERETUR
SARTAGO FERVENS CIRCA CAPUT AD NONNULLAM DISTANTIAM; UNDE SPIRITUS IN CELLIS
CERBERI SUFFOCATI ET CONGELATI, ET AB HUMORIBUS OBSESSI, DILATARENTUR,
EXCITARENTUR, ET VIVIFICARENTUR.
7. ETIAM PAPILIONES, QUAE HIEME JACENT EMORTUAE, ADMOTAE AD IGNEM AUT RADIOS
SOLIS, MOTUM ET VITAM RECIPIUNT. AEGROTI QUOQUE IN DELIQUIIS, TAM AQUIS
FORTIBUS ET CALIDIS INTRO SUMPTIS, QUAM CALORE EXTERIORE, ET FRICATIONIBUS,
ET MOTU EXCITANTUR.
8. APERTURA AQUAE TALIS EST. SUB PRIMO CALORE EMITTIT VAPOREM PAUCUM ET
RARUM: NEQUE INTRA CORPUS ALIA CONSPICITUR MUTATIO. CONTINUATO CALORE, CORPORE
INTEGRO NON INSURGIT, NEC ETIAM BULLIS MINUTIS IN MODUM SPUMAE; SED PER
BULLAS MAJORES ET RARIORES ASCENDIT, ET IN COPIOSUM VAPOREM SE SOLVIT. ILLE
VAPOR, SI NON IMPEDIATUR AUT REPERCUTIATUR, AERI SE IMMISCET; PRIMO
CONSPICUUS, DEIN INSENSIBILIS ET SE DEPERDENS.
9. APERTURA OLEI TALIS EST. A PRIMO CALORE ASCENDUNT GUTTULAE QUAEDAM
AUT GRANULA PER CORPUS OLEI SPARSA; IDQUE CUM CREPITATIONE QUADAM. INTERIM
NEC BULLAE IN SUPERFICIE LUDUNT (UT IN AQUA), NEC CORPUS INTEGRUM TUMET, NEC
QUICQUAM FERE HALITUS EVOLAT. AT POST MORAM NONNULLAM, TUM DEMUM CORPUS
INTEGRUM INSURGIT, ET DILATATUR EXPANSIONE NOTABILI, TANQUAM AD DUPLUM;
ET COPIOSSIMUS ET SPISSUS ADMODUM EVOLAT HALITUS. IS HALITUS, SI FLAMMAM
INTEREA NON CONCEPERIT, MISCET SE TANDEM CUM AERE, QUEMADMODUM ET VAPOR AQUAE.
MAJOREM AUTEM CALOREM DESIDERAT, AD HOC UT BULLIAT, OLEUM QUAM AQUA, ET TARDIUS
MULTO BULLIRE INCIPIT.
10. APERTURA SPIRITUS VINI EA EST, UT AQUAM POTIUS REFERAT QUAM OLEUM.
NAM EBULLIT, MAGNIS UTIQUE BULLIS, ABSQUE SPUMA AUT TOTIUS CORPORIS ELEVATIONE;
LONGE AUTEM MINORE CALORE, ET MULTO CELERIUS EXPANDITUR ET EVOLAT, QUAM AQUA.
UTRIUSQUE VERO NATURAE PARTICEPS (TAM AQUEAE SCILICET QUAM OLEOSAE), ET FACILE
SE IMMISCET AERI, ET CITO CONCIPIT FLAMMAM.
11. ACETUM ET AGRESTA ET VINUM IN HOC DIFFERUNT IN PROCESSU SUAE APERTURAE:
QUOD ACETUM INSURGAT IN MINORIBUS BULLIS, ET MAGIS CIRCA LATERA VASIS; AGRESTA
ET VINUM IN MAJORIBUS BULLIS, ET MAGIS IN MEDIO VASIS.
12. GENERALITER IN LIQUIDIS HOC FIT, UT PINGUIA, SICUT OLEUM, LAC, ADEPS, ET
HUJUSMODI, INSURGANT ET TUMEANT SIMUL TOTO CORPORE; SUCCI MATURI (ET MAGIS
ADHUC IMMATURI) BULLIS MAJORIBUS; SUCCI EFFOETI ET VAPIDI BULLIS MINORIBUS.
13. OMNIBUS LIQUORIBUS COMMUNE EST, ETIAM OLEO IPSI, UT ANTEQUAM BULLIANT,
PAUCAS ET RARAS SEMIBULLAS CIRCA LATERA VASIS JACIANT.
14. OMNIBUS LIQUORIBUS COMMUNE EST, UT IN PARVA QUANTITATE CITIUS APERIANTUR,
BULLIANT, ATQUE CONSUMANTUR, QUAM IN MAGNA.
EXPERIMENTUM DE APERTURIS LIQUORUM FACIENDUM EST IN VASIS VITREIS UT
MOTUS IN CORPORE LIQUORUM MELIUS CONSPICI POSSINT; ATQUE SUPER FOCULOS
CUM CALORE AEQUALI, UT DIFFERENTIA VERIUS EXCIPIATUR; ATQUE IGNE LENTO, QUIA
IGNIS VEHEMENS PRAECIPITAT ET CONFUNDIT ACTIONES.
15. SUNT VERO COMPLURA CORPORA, QUAE NON SUNT LIQUIDA, SED CONSISTENTIA
ET DETERMINATA; ATTAMEN PER CALOREM NANCISCUNTUR EAM APERTURAM, UT LIQUESCANT
SIVE DEVENIANT LIQUIDA, QUAMDIU CALOR EA VELLICET ET EXPANDAT; QUALIA SUNT
CERA, ADEPS, BUTYRUM, PIX, RESINA, GUMMI, SACCHARUM, MEL; ET PLURIMA EX
METALLIS, VELUTI PLUMBUM, AURUM, ARGENTUM, AES, CUPRUM. ITA TAMEN, UT AD
APERTURAM REQUIRANTUR NON SOLUM GRADUS CALORIS LONGE DIVERSI, SED ET
MODIFICATIONES IGNIS ET FLAMMAE DISSIMILES. NAM ALIA METALLA COLLIQUANTUR PER
IGNEM SIMPLICITER UT PLUMBUM; ALIA PER IGNEM MOTUM ET FOLLIBUS EXCITATUM,
UT AURUM ET ARGENTUM; ALIA NON SINE ADMISTIONE, UT CHALYBS; QUI NON NISI
ADMISTO SULPHURE AUT SIMILI QUOPIAM COLLIQUATUR.
16. AT ISTA OMNIA, SI CONTINUETUR IGNIS ET URGEAT, NON SOLUM SORTIUNTUR
APERTURAM COLLIQUATIONIS, SED PERTRANSEUNT, ET ADIPISCUNTUR SECUNDAM
APERTURAM (VOLATILIS SCILICET, SIVE PNEUMATICI, SIVE CONSUMPTIONIS); OMNIA,
INQUAM, PRAETER AURUM: NAM QUATENUS AD ARGENTUM VIVUM, CUM IN NATURA SUA SIT
LIQUIDUM, INCIPIT ILLUD AB APERTURA SECUNDA, ET FACILE VERTITUR IN VOLATILE.
DE AURO ADHUC DUBIUM EST, UTRUM POSSIT FIERI VOLATILE AUT PNEUMATICUM, (AUT
ETIAM POTABILE, UT LOQUUNTUR); HOC EST, NON DISSOLUBILE QUIDEM (ID ENIM FACILE
EST ET TRITUM PER AQUAS FORTES), SED DIGESTIBILE AUT ALTERABILE PER VENTRICULUM
HUMANUM. HUJUS AUTEM REI LEGITIMA VIDETUR PROBATIO, MINIME ILLA, UT VI IGNIS
ASCENDAT AUT TRUDATUR SURSUM, SED UT ITA ATTENUETUR ET SUBIGATUR, UT RESTITUI
IN METALLUM NON POSSIT.
17. INQUIRATUR ETIAM ULTERIUS DE VITRO ET VITRIFICATIS, UTRUM PER IGNEM
CONSUMANTUR ET VERTANTUR IN PNEUMATICUM. HABETUR ENIM VITRUM PRO CORPORE FIXO
ET EXUCCO; ET VITRIFICATIO PRO MORTE METALLORUM.
18. QUAE COLLIQUANTUR OMNIA, IN VIA ET PROCESSU SUO INCIPIUNT AB INFOMO ILLO
GRADU APERTURAE, QUI EST EMOLLITIO ET INTENERATIO, ANTEQUAM COLLIQUENTUR ET
FUNDANTUR; UT CERA, GUMMI, METALLA COLLIQUABILIA, VITRUM, ET SIMILIA.
19. AT FERRUM ET CHALYBS, POSTQUAM FUERINT PERFECTA ET REPURGATA (NISI
FUERIT ADMISTIO) QUATENUS AD IGNEM SIMPLICEM, PERSISTUNT, ET NON PROCEDUNT
ULTRA ILLUM GRADUM EMOLLITIONIS, UT REDDANTUR SCILICET MALLEABILIA ET
FLEXIBILIA, ET EXUANT FRAGILITATEM SUAM; MINIME AUTEM PERTINGUNT AD
COLLIQUATIONEM SIVE FUSIONEM.
20. VIDENTUR FERRUM ET VITRUM, CUM APERIUNTUR AD ILLAM MOLLITIEM DE QUA
DIXIMUS, DILATARI SANE IN SPIRITU SUO INCLUSO; UNDE FIT ILLA SUBACTIO PARTIUM
TANGIBILIUM, UT DURITIEM ET OBSTINATIONEM SUAM DEPONANT; NEQUE TAMEN CORPUS
IPSUM INTEGRUM LOCALITER DILATARI AUT INTUMESCERE CERNITUR. ATTAMEN ATTENTIUS
PAULO INQUIRENTI, DEPREHENDITUR PLANE IN IPSIS INVISIBILIS QUIDAM TUMOR ET
PARTIUM PULSATIO; LICET COHIBEATUR AB ARCTA COMPAGE SUA. NAM SI ACCIPIAS VITRUM
IGNITUM, ET MAJOREM IN MODUM CALEFACTUM, ET PONAS ILLUD SUPRA TABULAM LAPIDEAM
AUT SIMILE ALIQUOD CORPUS DURUM, (LICET ET IPSA TABULA ILLA SEU CORPUS BENE
CALEFACTUM FUERIT, UT FRIGORI CAUSA IMPUTARI NON POSSIT) RUMPETUR PRORSUS
VITRUM, DURITIE LAPIDIS SCILICET TUMOREM ILLUM OCCULTUM VITRI REPERCUTIENTE.
ITAQUE SOLENT IN HUJUSMODICASU, QUANDO VITRUM FERVENS SUMMOVETUR AB IGNE,
SUBSTERNERE IPSI PULVEREM ALIQUEM AUT ARENAM MOLLEM, QUAE SUAVITER CEDENS
TUMOREM IN PARTIBUS VITRI NON RETUNDAT.
21. ETIAM PILAE E BOMBARDIS EMISSAE, POSTQUAM NON SOLUM VEHI, SED ET GLISCERE
AUT LABI OMNINO DESIERINT, ADEO UT AD ASPECTUM SINT PRORSUS IMMOBILES, TAMEN
DIU POST, MAGNUM DEPREHENDUNTUR HABERE TUMULTUM ET PULSATIONEM IN MINIMIS;
ADEO UT, SI ALIQUID SUPERPONATUR, MAGNAM VIM PATIATUR: NEQUE ID TAM A CALORE
COMBURENTE, QUAM A PALPITATIONE PERCUSSIVA.
22. BACULA LIGNEA RECENTIA, SUB CINERIBUS CALIDIS DETENTA ET VERSATA, INDUUNT
MILLITUDINEM, UT MELIUS FLECTANTUR AD ARBITRIUM. EXPERIRE QUID FIAT IN BACULIS
ANTIQUIORIBUS ET IN CANNIS.
23. APERTURA COMBUSTIBILIUM EA EST, UT PER IGNEM PRIMO EMITTANT FUMUM, DEIN
CONCIPIANT FLAMMAM, POSTREMO DEPONANT CINEREM.
24. IN CORPORIBUS QUAE CONTINENT HUMOREM AQUEUM ET A FLAMMA ABHORRENTEM IN
COMPAGE CLAUSA ET COMPACTA (QUALIA SUNT FOLIA LAURI, ET ALIA NON POROSA, SALES
ET SIMILIA), EA EST APERTURA PER IGNEM, UT SPIRITUS IN IIS CONTENTUS (AEUEUS
ET CRUDUS), PER CALOREM DILATATUS, CUM SONITU EMITTATUR ANTEQUAM FLAMMA
CONCIPIATUR: SI VERO IN ALIQUO CORPORE (QUOD RARO FIT) INSIMUL FIANT ET
ERUPTIO FLATUS ET CONCEPTIO FLAMMAE, INGENS TUMULTUS EXCITATUR, ET POTENTISSIMA
DILATATIO; FLATU, TANQUAM INTERNIS FOLLIBUS, FLMMAM UNDIQUAQUE EXUFFLANTE ET
EXPANDENTE, UT IN PULVERE PYRIO.
25. PANIS IN FURNO NONNIHIL TUMESCIT, LICET FIAT MINORIS PONDERIS QUAM ANTE:
ETIAM IN SUMMO PANIS QUANDOQUE COLLIGITUR TANQUAM BULLA AUT VESICA CRUSTAE;
UT CAVUM QUIDDAM AERE IMPLETUM MANEAT INTER PELLICULAM ILLAM CRUSTAE (QUAE
EXSCINDI SOLET) ET MASSAM PANIS.
26. ETIAM CARNES ASSATAE NONNIHIL TUMENT, PRAESERTIM SI MANEAT EPIDERMIS, UT
IN PORCELLIS.
27. AT FRUCTUS ASSATI QUANDOQUE EXILIUNT, UT CASTANEAE; QUANDOQUE EFFRINGUNT
3ORTICEM, ET EMITTUNT PULPAM, UT POMA; QUOD SI AB IGNE MAGIS TORREFIANT,
ASCISCUTN CRUSTAM CARBONARIAM, UT CAVUM SIT QUIDDAM (UT IN PANE) INTER CRUSTAM
ET CARNEM FRUCTUS; QUOD ET FIT IN OVIS.
28. SI VERO CALOR SIT LENIS ET CAECUS, NEC DETUR SPIRACULUM FACILE AD
EMITTENDUM VAPOREM, UT FIT IN PYRIS SUB CINERE ASSATIS, ET MULTO MAGIS IN IIS
QUAE REPONUNTUR IN OLLIS, ATQUE DEINDE SUB CINERE SEPELIUNTUR, ATQUE SIMILITER
IN CARNIBUS SUFFOCATIS, VEL INTER CRUSTAS PANIS VEL PATINAS; TUM TUMOR ILLE ET
DILATATIO PER CALOREM REPELLITUR ET IN SE VERTITUR, ATQUE TANQUAM IN
DISTILLATIONE RESTITUITUR, ET REDDIT CORPORA MAGIS HUMECTATA, ET TANQUAM
MERSA IN SUCCIS SUIS.
29. AT IN ARIDIS, SI FLAMMA FUERIT SUFFOCATA NEC FACILEM REPERIAT EXITUM,
RAREFIUNT CORPORA, ET REDDUNTUR CAVA ET POROSA, UT IN CARBONIBUS E LIGNO, ET
PUMICIBUS QUAE EJICIUNTUR EX MONTIBUS FLAMMANTIBUS.
CONNEXIO.
TRANSEUNDUM JAM ESSET AD DILATATIONES ET APERTURAS CORPORUM QUAE FIUNT
PER CALOREM IN DISTILLATIONIBUS; IN QUIBUS MAGIS ACCURATE DATUR CERNERE
HUJUSMODI APERTURAS, QUAM IN COCTIONIBUS ET USTIONIBUS. VERUM CUM IN ILLIS
IMMORARI HAUD PARUM OPORTEAT, CUMQUE PROPRIE PERTINEAT INQUISITIO IPSARUM AD
TITULOS DE CALIDO ET FRIGIDO, ET DE MOTU HYLES, ET DE SEPARATIONIBUS,
EXIGUUM QUIDDAM EST QUOD PROPONI DEBET IN HOC TITULO.
DILATATIONES PER CALOREM EXTERNUM IN DISTILLATIONIBUS.
1. DUPLEX EST DILATATIO, SIVE APERTURA, SIVE ATTENUATIO CORPORUM IN
DISTILLATIONIBUS. ALTERA IN TRANSITU, CUM CORPUS VERTITUR IN VAPOREM AUT
FUMUM (QUI POSTEA RESTITUITUR); ALTERA IN CORPORE RESTITUTO, QUOD SEMPER
TENUIUS EST ET MAGIS SUBTILE ET EXPANSUM ET MINUS MATERIATUM, QUAM CORPUS
CRUDUM EX QUO DISTILLATUM EMANAVIT. AQUA ENIM ROSACEA (EXEMPLI GRATIA) EST
SUCCO ROSARUM TENUIUS ET MINUS PONDEROSUM.
2. DISTILLATIONES OMNES FIUNT EX AESTU QUODAM SIVE RECIPROCATIONE
RAREFACTIONIS PRIMO ET VERSIONIS IN PNEUMATICUM; DEIN CONDENSATIONIS ET
RESTITUITIONIS IN CROPUS TANGIBILE, REMITTENTE SE CALORE ET VAPORE REPERCUSSO.
3. IN DISTILLATIONIBUS ACTIONES DILATIONIS ET CONDENSATIONIS NON SUNT
SINCERAE; SED INVERVENIT ACTIO ILLA (QUAE MAXIMA EST INTENTIONALIS IN PRACTIA)
SEPARATIONIS PARTIUM HETEROGENEARUM; UT SUCCI VERI, PHLEGMATIS, AQUAE, OLEI,
PARTIS TENUIORIS, PARTIS CRASSIORIS.
4. IN DISTILLATIONIBUS OPTIME INQUIRITUR ET DECERNITUR DE GRADIBUS ET
DIVERSITATIBUS CALORUM; UT CARBONUM, FURNI CALEFACTI, BALNEI, CINERUM, ARENAE CA
CALIDAE, FIMI, SOLIS, IGNIS QUIESCENTIS, IGNIS FOLLIBUS EXCITATI, IGNIS
CONCLUSI ET REVERBERATI, CALORIS ASCENDENTIS, CALORIS DESCENDENTIS, ET
HUJUSMODI; QUAE OMNIA AD APERTURAS CORPORUM, ET PRAECIPUE AD COMPLICATAS
ACTIONES DILATANDI ET CONTRAHENDI (DE QUIBUS POSTEA DICEMUS) INSIGNITER
FACIUNT. NEQUE TAMEN ULLO MODO VIDENTUR CALORES ILLI IMITATORES CALORIS SOLIS
ET COELESTIUM; CUM NEC SATIS LENES SINT ET TEMPERATI, NEC SATIS LENTI ET
CONTINUATI, NEC SATIS REFRACTI ET MODIFICATI PER CORPORA MEDIA, NEC SATIS
INAEQUALITER ACCEDENTES ET RECEDENTES. DE QUIBUS OMNIBUS, SUB TITULO CALIDI
ET FRIGIDI, ET TITULIS ALIIS AD HOC PROPRIIS, DILIGENTER INQUIREMUS.
5. DISTILLATIONES ET DILATATIONES PER EAS FIUNT IN CLAUSO, UBI CONCLUDUNTUR
SIMUL CORPUS DISTILLANDUM, ET VAPORES QUI EX EO EMITTUNTUR, ET AER. NEQUE
TAMEN IN STILLATORIIS ET ALEMBICIS COMMUNIBUS DILIGENTER ARCETUR AER EXTERIOR;
QUIN PER ROSTRUM STILLATORII, PER QUOD LIQUOR EFFLUIT, ILLE SUBINTRARE
ALIQUATENUS POSSIT. AT IN RETORTIS, UBI MAJORE VEHEMENTIA CALORIS OPUS EST,
NON DATUR AERI EXTERIORI INGRESSUS; SED OS RECEPTACULI ORI VASIS (UBI CORPUS
IMPONITUR) PER LUTATIONES ITA CONTINUATUR, UT UNIVERSUS PROCESSUS RAREFACTIONIS
ET RESTITUTIONIS INTUS TRANSIGATUR. QUOD SI CORPUS SIT PLENUM SPIRITU VIGOROSO
(UT VITRIOLUM), OPUS EST RECEPTACULO VASO ET AMPLO, UT VAPORES LIBERIUS LUDANT,
NEC VAS INFRINGANT.
MONDATA. 1. UTCUNQUE TAMEN DISTILLATIONES TANQUAM INTRA CELLAM INDIQUAQUE
CLAUSAM TRANSIGANTUR; DATUR TAMEN SPATIUM, UT CORPORIS ALIAE PARTES SE
EXPANDERE IN VAPORES, ALIAE SUBSIDERE IN FAECIBUS, VAPORES RURSUS SE GLOMERARE
ET RESTITUERE, ATQUE (SI HETEROGENEI FUERINT) ALII AB ALIIS SE SEPARARE
POSSINT. QUOD SEQUITUR IGITUR, PRO MANDATO MAGNO HABENDUM; CUM AD NATURAM IN
IMIS CONCUTIENDAM ET AD NOVAS TRANSFORMATIONES ADITUM PRAEBERE POSSIT. VULCANUS
ENIM CHYMICORUM TT MEDICORUM (LICET MULTA UTILIA GENUERIT) TAMEN VIRTUTES
VERIORES CALORIS FORTASSIS MINUS COMPLEXUS EST, OB DIVORTIA ET SEPARATIONES
PARTIUM QUAE IN OPERATIONIBUS IPSORUM SEMPER INTERVENIUNT. ITAQUE SUMMA REI
QUAM MANDAMUS HUC SPECTAT; UT ILLA SEPARATIO ET RECIPROCATIO RAREFACTIONIS ET
CONDENSATIONIS OMNINO PROHIBEATUR, ATQUE OPUS CALORIS INTRA CORPUS IPSUM ATQUE
EJUS CLAUSTRA VERTATUR: HOC ENIM FORTASSE PROTEUM MATERIAE PER MANICAS
CONSTRICTUM TENEBIT, ET SE VRSIONES SUAS EXPERIRI ET EXPEDIRE COMPELLET. DE
HOC COMPLURA NOBIS IN MENTEM VENIUNT, ET ALIA REPERIRI POSSUNT. PROPONEMUS
EXEMPLUM UNUM AUT ALTERUM EX FACILLIMIS, AD HOC TANTUM, UT PERCIPI POSSIT QUID
VELIMUS.
2. ACCIPE VAS QUADRATUM FERRI, IN FIGURA CUBI, HABEATQUE LATERA BENE FORTIA
ET CRASSA. IMPONE CUBUM LIGNI AD MENSURAM VASIS AD AMUSSIM FACTUM, QUIQUE ILLUD
PRORSUS IMPLEAT. SUPERPONATUR OPERCULUM FERRI NON MINUS FORTE QUAM LATERA
VASIS; ET LUTETUR OPTIME, MORE CHYMICORUM, ITA UT SIT CLAUSISSIMUM, ET IGNEM
TOLERARE POSSIT. DEINDE PONATUR VAS INTRA PRUNAS, ATQUE ITA PERMITTATUR
AD HORAS ALIQUAS. POST AMOVEATUR OPERCULUM; ET VIDE QUID FACTUM SIT DE LIGNO.
NOBIS QUIDEM VIDETUR (CUM PROHIBITA PLANE FUERINT INFLAMMATIO ET FUMUS, QUO
MINUS PNEUMATICUM ET HUMIDUM LIGNI EMITTI POTUERINT) ALTERUM EX HIS EVENTURUM
VEL UT CORPUS LIGNI VERTATUR IN QUODDAM AMALAGMA; VEL UT SOLVATUR IN AEREM,
SIVE PNEUMATICUM PURUM, SIMUL CUM FAECIBUS (MAGIS CRASSIS QUAM SUNT CINERES)
IN FUNDO, ET INCRUSTATIONE NONNULA IN LATERIBUS VASIS.
3. IN SIMILI VASE FERREO FIAT EXPERIMENTUM DE AQUA PURA; QUA REPLEATUR AD
SUMMUM. SED ADHIBEATUR IGNIS LENIOR: MORA VERO IST AMPLIOR. QUINETIAM
AMOVEATUR AB IGNE CERTIS HORIS, ET REFRIGESCAT; DEIN ITERETUR OPERATIO
ALIQUOTIES. HOC EXPERIMENTUM DE AQUA PURA DELEGIMUS HANC OB CAUSAM; QUOD AQUA
CORPUS SIMPLICISSIMUM SIT, EXPERS COLORIS, ODORIS, SAPORIS, ET ALIARUM
QUALITATUM QUAMOBREM SI PER CALOREM TEMPERATUM ET LEME, ET ALTERNATIONEM
CALEFACTIONIS ET REFRIGERATIONIS, ET PROHIBITIONEM OMNIS EVAPORATIONIS,
SPIRITUS AQUAE NON EMISSUS, ET NIHILOMINUS PER HUJUSMODI CALOREM SOLLICITATUS
ET ATTENUATUS, SE VERTERIT IN PARTES AQUAE CRASSIORES, EASQUE ITA DIGERERE ET
IN MOVUM SCHEMATISMUM MUTARE POSSIT (MINUS SCILICET SIMPLICEM ET MAGIS
INAEQUALEM) EO USQUE, UT VEL COLOREM ALIUM NANCISCATUR, VEL ODOREM, VEL
SAPOREM, VEL OLEOSITATEM QUANDAM, VEL ALIAM ALTERATIONEM NOTABILEM (QUALIS
INVENITUR IN CORPORIBUS COMPOSITIS); PROCULDUBIO RES MAGNA CONFECTA FORET, ET
AD PLURIMA ADITUM PATEFACIENS.
4. CIRCA DISTILLATIONEM CLAUSAM (ITA ENIM EAM APPELLARE LICET, UBI NON DATUR
SPATIUM AD EVAPORATIONEM) QUIVIS MULTA ALIA POTERIT COMMINISCI. PRO CERTO ENIM
HABEMUS, CALOREM ANALOGUM, OPERANTEM IN CORPUS ABSQUE SEPARATIONE AUT
CONSUMPTIONE PARTIUM, MIRABILES METASCHEMATISMOS EFFINGERE ET PRODUCERE POSSE.
5. ATTAMEN ILLUD ADDI POSSIT, UT MANDATI HUJUS APPENDIX; UT EXCOGITETUR ETIAM
ALIQUIS MODUS (QUOD CERTE DIFFICILE NON EST) PER QUEM CALOR OPERETUR NON SOLUM
IN CLAUSO, SED IN TENSILI: ID QUOD FIT IN OMNI MATRICE NATURALI, SIVE
VEGETABILIUM, SIVE ANIMALIUM. HOC ENIM OPERATIONEM AD MULTA EXTENDIT, QUAE PER
CLAUSURAM SIMPLICEM EFFICI NON POSSUNT. NEQUE HOC PERTINET ED PYGMAEUM
PARACELSI, AUT HUJUSMODI PRODIGIOSAS INEPTIAS: SED AD SOLIDA ET SANA. EXEMPLI
GRATIA; NON EFFICIET UNQUAM DISTILLATIO CLAUSA, UT AQUA TOTA VERTATUR IN OLEUM;
QUIA OLEUM ET PINGUIA MAJUS OCCUPANT DIMENSUM QUAM AQUA. AT SI OPERATIO FIAT
IN TENSILI, HOC FORTASSE FIERI POSSIT: QUAE ESSET RES IMMENSAE UTILITATIS, CUM
OMNIS ALIMENTATIO MAXIME CONSISTAT IN PINGUI.
6. BONUM ESSET, ET AD MULTA UTILE, UT IN DISTILLATIONIBUS NATURA AD RATIONES
REDDENDAS QUANDOQUE COMPELLERETUR; ATQUE UT PONDERETUR IN CERTO QUANTUM PER
DISTILLATIONEM CONSUMPTUM FUERIT, ID EST, VERSUM IN PNEUMATICUM; ET QUID
MANERET, SIVE FIXUM, SIVE RESTITUTUM IN CORPORE. ID FIERI POTEST, SI ANTE
DISTILLATIONEM CORPUS DISTILLANDUM PONDERES, ET VASA IPSA INTRA QUAE
DISTILLATIO PERFICITUR. AT POST DISTILLATIONEM PONDERABIS LIQUOREM; PONDERABIS
ITEM FAECES; DENIQUE PONDERABIS ITERUM VASA. EX ISTIS ENIM TRIBUS
PONDERATIONIBUS COGNOSCES QUANTUM FUERIT RESTITUTUM, QUANTUM MANSERIT IN
FAECIBUS, QUANTUM ADHAESERIT VASIBUS; ATQUE A DECESSIONE PONDERIS IN ILLIS
TRIBUS, COMPARATI AD PONDUS CORPORIS INTEGRI, COGNOSCES QUANTUM VERSUM
FUERIT IN PNEUMATICUM.
CONNEXIO.
TRANSEUNDUM A DILATATIONIBUS ET RAREFACTIONIBUS QUAE FIUNT PER CALOREM
ACTUALEM, AD DILATATIONES ET RELAXATIONES QUAE FIUNT PER REMISSIONEM FRIGORIS
VEHEMENTIS ET INTENSI; QUAE IPSA REMISSIO CENSERI DEBET PRO CALORE COMPARATO.
REDARGUTIO PHILOSOPHIARUM.
ATQUE IN REDARGUTIONE IPSA PHILOSOPHIARUM QUAM PARAMUS, NESCIMUS FERE
QUO NOS VERTAMUS, CUM VIA QUAE ALIIS IN CONFUTATIONIBUS PATUIT NOBIS
INTERCLUSA SIT. NAM ET TOT ET TANTA SE OSTENDUNT ERRORUM AGMINA, UT EA NON
STRICTIM SED CONFERTIM EVERTERE ET SUMMOVERE NECESSE SIT; ET SI PROPIUS
ACCEDERE ET CUM SINGULIS MANUM CONSERERE VELIMUS, ID FRUSTRA FUERIT; SUBLATA
DISPUTATIONIS LEGE, CUM DE PRINCIPIIS NON CONSENTIAMUS; ET MULTO MAGIS, QUOD
IPSAS PROBATIONUM ET DEMONSTRATIONUM FORMAS ET POTESTATES REJICIAMUS. QUOD SI
(ID QUOD SOLUM RELINQUI VIDETUR) EA QUAE NOS ASSERIMUS A SENSU IPSO ET
EXPERIENTIA EDUCERE ET EXCITARE CONNITAMUR, RURSUS EODEM REVOLVIMUR; ET
OBLITI EORUM QUAE DE ANIMORUM PRAEPARATIONE DICTA SUNT, CONTRARIAM INGRESSI
VIAM INVENIAMUR; NAM IN RES IPSAS ABRUPTE ET DIRECTO INCIDAMUS, AD QUAS VIAM
QUANDAM APERIRI ET SUBSTERNI, PROPTER OBFIRMATAS ANIMORUM PRAEOCCUPATIONES ET
OBSESSIONES, NECESSE ESSE DECREVIMUS. SED TAMEN PROPTEREA IPSI NOS MINIME
DESEREMUS; SED ALIQUID COMMINISCI ET TENTARE QUOD PROPOSITO NOSTRO
CONSENTANEUM SIT CONABIMUR; TUM SIGNA QUAEDAM ADDUCENTES, EX QUIBUS DE
PHILOSOPHIIS JUDICIUM FIERI POSSIT; TUM INTERIM INTER IPSAS PHILOSOPHIAS,
PORTENTA ERRORUM NONNULLA, ET MERA ANIMORUM LUDIBRIA, AD EARUM AUTHORITATEM
LABEFACTANDAM NOTANTES. NEQUE TAMEN NOS FUGIT, FORTIUS HUJUSMODI ERRORUM AERA
FIGI, QUAM UT EIS PER SATYRAM DEROGETUR; PRAESERTIM CUM VIRIS DOCTIS NON SIT
NOVA AUT INCOGNITA EA CONFIDENTIAE ET JACTANTIAE SPECIES, QUAE OPINIONES
ABJICIT, NON FRANGIT. SED NEC NOS ALIQUID LEVIUS AUT INFERIUS QUAM PRO REI QUAE
AGITUR MAJESTATE AFFEREMUS, NEQUE EX HOC GENERE REDARGUTIONIS PRORSUS FIDEM
FACERE, SED TANTUM PATIENTIAM ET AEQUANIMITATEM, IDQUE IN INGENIIS TANTUM
ALTIORIBUS ET FIRMIORIBUS, CONCILIARE SPERAMUS. NEQUE ENIM QUISPIAM EX ISTO
ASSIDUO ET PERPETUO ERRORUM CONTUBERNIO ITA SE RECIPERE POTEST, ET AD NOSTRA
CUM TANTA BENEVOLENTIA ET ANIMI MAGNITUDINE ACCEDERE, UT NON CUPIAT HABERE
INTERIM QUAE DE VETERIBUS ET RECEPTIS COGITET ET OPINETUR. SANE IN TABELLIS NON
ALIA INSCRIPSERIS, NIS PRIORA DELEVERIS; IN MENTE AEGRE PRIORA DELEVERIS, NISI
ALIA INSCRIPSERIS.
ITAQUE HUIC DESIDERIO SUBVENIENDUM PUTAVIMUS, ATQUE HAEC PRORSUS EO
SPECTANT (UT QUOD RES EST APERTE ELOQUAMUR) UT VOLENTES DUCANT, NON UT
NOLENTES TRAHANT. OMNEM VIOLENTIAM (UT JAM AB INITIO PROFESSI SUMUS) ABESSE
VOLUMUS: ATQUE QUOD BROGIA FACETE DE CAROLI OCTAVI EXPEDITIONE IN ITALIAM
DIXIT, GALLOS VENISSE IN MANIBUS CRETAM TENENTES, QUA DIVERSORIA NOTARENT, NON
ARMA, QUIBUS PERRUMPERENT; SIMILEM QUOQUE INVENTORUM NOSTRORUM ET RATIONEM ET
SUCCESSUM ANIMO PRAECIPIMUS; NIMIRUM UT POTIUS ANIMOS HOMINUM CAPACES ET
IDONEOS SEPONERE ET SUBIRE POSSINT, QUAM CONTRA SENTIENTIBUS MOLESTA SINT.
VERUM IN HAC PARTE DE QUA JAM LOQUIMUR, QUAE AD REDARGUTIONEM PHILOSOPHIARUM
PERTINET, FELICITER SANE LEVATI SUMUS, CASU QUODAM OPPORTUNO ET MIRABILI. NAM
DUM HAEC TRACTAREM, INTERVENIT AMICUS MEUS QUIDAM EX GALLIA REDIENS, QUEM CUM
SALUTASSEM, ATQUE EGO ILLUM, ILLE ME, DE REBUS NOSTRIS FAMILIARITER
INTERROGASSEMUS: TU VERO, INQUIT, VACUIS TUIS AB OCCUPATIONIBUS CIVILIBUS
SPATIIS, AUT SALTEM REMITTENTIBUS NEGOTIIS, QUID AGIS? OPPORTUNE, INQUAM; NAM
NE NIHIL ME AGERE EXISTIMES, MEDITOR INSTAURATIONEM PHILOSOPHIAE, QUAE NIHIL
INANIS AUT ABSTRACTI HABEAT, QUAEQUE VITAE HUMANAE CONDITIONES IN MELIUS
PROVEHAT. HONESTUM PROFECTO OPUS, INQUIT: ET QUOS SOCIOS HABES? EGO CERTE,
INQUAM, IN SUMMA SOLITUDINE VERSOR. DURAE INQUIT, PARTES TUAE SUNT; ET STATIM
ADDIDIT; ATQUE TAMEN SCITO HAEC ALIIS CURAE ESSE. TUM EGO LAETATUS, ANIMAM,
INQUAM, REDDIDISTI. EGO ENIM HOC ANIMO PRAECEPERAM, FOETUM MEUM VELUTI IN
EREMO PERITURUM. VIS, INQUIT, UT TIBI NARREM QUAE MIHI IN GALLIA CIRCA
HUJUSMODI NEGOTIUM EVENERUNT? LIBENTISSIME, INQUAM, ATQUE INSUPER GRATIAM
HABEBO. TUM RETULIT SE PARISIIS VOCATUM, A QUODAM AMICO SUO, ATQUE INTRODUCTUM
IN CONSESSUM VIRORUM, QUALEM, INQUIT, VEL TU VIDERE VELLES; NIHIL IN VITA MIHI
ACCIDIT JUCUNDIUS. ERANT AUTEM CIRCITER QUINQUAGINTA VIRI NEQUE EX IIS QUISQUAM
ADOLESCENS, SED OMNES AETATE PROVECTIORES; QUIQUE VULTU IPSO DIGNITATEM CUM
PROBITATE SINGULI PRAE SE FERRENT. INTER QUOS AIEBAT SE COGNOVISSE NONNULLOS
HONORIBUS PERFUNCTOS, ATQUE ALIOS EX SENATU; ETIAM ANTISTITES SACRORUM
INSIGNES, ATQUE EX OMNI FERE ORDINE EMINENTIORE ALIQUOS. ERANT ETIAM QUIDAM, UT
AIEBAT, PEREGRINI EX DIVERSIS NATIONIBUS. ATQUE CUM PRIMO INTROIISSET INVENISSE
EOS FAMILIARITER INTER SE COLLOQUENTES; SEDEBANT TAMEN ORDINE SEDILIBUS
DISPOSITIS, AC VELUTI ADVENTUM ALICUJUS EXPECTANTES. NEQUE ITA MULTO POST
INGRESSUM AD EOS VIRUM QUENDAM, ASPECTUS (UT EI VIDEBATUR) ADMODUM PLACIDI ET
SERENI; NISI QUOD ORIS COMPOSITIO ERAT TANQUAM MISERANTIS; CUI CUM OMNES
ASSURREXISSENT: ILLE CIRCUMSPICIENS ET SUBRIDENS, NUNQUAM, INQUIT, EXISTIMAVI
POTUISSE FIERI, UT OTIUM OMNIUM VESTRUM, CUM SINGULOS RECOGNOSCO, IN UNUM
ATQUE IDEM TEMPUS COINCIDERIT; IDQUE QUOMODO EVENERIT, SATIS MIRARI NON POSSUM.
CUMQUE UNUS EX COETU RESPONDISSET, EUM IPSUM HOC OTIUM ILLIS FECISSE, CUM QUAE
AB IPSO EXSPECTARENT ILLI DUCERENT OMNI NEGOTIO POTIORA: ATQUE (UT VIDEO)
INQUIT, UNIVERSA ILLA JACTURA EJUS QUOD HIC CONSUMETUR TEMPORIS, QUO CERTE VOS
SEPARATI MULTIS MORTALIBUS PROFUISSETIS, AD MEAS RATIONES ACCEDET. QUOD SI ITA
EST, VIDENDUM PROFECTO NE VOS DIUTIUS MORER; SIMUL CONSEDIT, ABSQUE SUGGESTO
AUT CATHEDRA, SED EX AEQUO CUM CAETERIS; ATQUE HUJUSMODI QUAEDAM APUD EUM
CONSESSUM VERBA FECIT. NAM AIEBAT QUI HAEC NARRABAT, SE ILLA TUM EXCEPISSE
UT POTUIT; LICET CUM APUD SE UNA CUM ILLO AMICO SUO, QUI EUM INTRODUXERAT, EA
RECOGNOSCERET, FATERETUR EA LONGE INFERIORA IIS QUAE TUM DICTA ESSENT VISA
ESSE. EXEMPLUM AUTEM ORATIONIS, QUOD CIRCA SE HABEBAT, PROFEREBAT. ILLUD ITA
SCRIPTUM ERAT: VOS CERTE, FILII, HOMINES ESTIS: HOC EST, UT EGO EXISTIMO,
NON ANIMANTES ERECTI, SED DIVI MORTALES. DUES, MUNDI CONDITOR ET VESTRUM,
ANIMAS VOBIS DONAVIT MUNDI IPSIUS CAPACES; NEC TAMEN EO IPSO SATIANDAS. ITAQUE
FIDEM VESTRAM SIBI SEPOSUIT ET RETINUIT, MUNDUM SENSUI ATTRIBUIT; NEUTRA
AUTEM ORACULA CLARA ESSE VOLUIT, SED INVOLUTA; NEQUE QUERI POTESTIS SI VOS
EXERCEAT, QUANDOQUIDEM EXCELLENTIAM RERUM REPENDAT. ATQUE DE REBUS DIVINIS
OPTIMA DE VOBIS SPERO; CIRCA HUMANA AUTEM METUO VOBIS, NE DIUTURNUS ERROR VOS
USUCEPERIT. EXISTIMO ENIM HOC APUD VOS PENITUS CREDI, VOS STATU UTI
SCIENTIARUM FLORENTE ET BONO. EGO RURSUS MONEO VOS, NE EORUM QUAE HABETIS
AUT COPIAM AUT UTILITATEM, QUASI AD MAGNUM ALIQUOD FASTIGIUM EVECTI ET VOTORUM
COMPOTES AUT LABORIBUS PERFUNCTI ACCIPIATIS. IDQUE SIC CONSIDERATE; SI OMNEM
ILLAM SCRIPTORUM VARIETATEM QUA SCIENTIAE TUMENT ET LUXURIANTUR EXCUTIATIS, ET
DE EO QUOD AFFERUNT SCRIPTA ILLA INTERPELLETIS ET STRICTE ET PRESSE EXAMINETIS,
UBIQUE REPERIETIS EJUSDEM REI REPETITIONES INFINITAS; VERBIS, ORDINE, EXEMPLIS,
ATQUE ILLUSTRATIONE, DIVERSAS; RERUM SUMMA ET PONDERE AC VERA POTESTATE
PRAELIBATAS AC DEMUM FERE ITERATAS; UT IN POMPA PAUPERTAS SIT, ET IN REBUS
JEJUNIS FASTIDIUM. ATQUE SI VOBISCUM FAMILIARITER LOQUI ET JOCARI HAC DE RE
LICEAT, VIDETUR DOCTRINA VESTRA COENAE ILLIUS HOSPITIS CHALCIDENSIS SIMILLIMA,
QUI CUM INTERROGARETUR UNDE TAM VARIA VENATIO, RESPONDIT, ILLA OMNIA
CONDIMENTIS EX MANSUETO SUE ESSE FACTA, NEQUE ENIM NEGABITIS UNIVERSAM ISTAM
COPIAM NIL ALIUD ESSE QUAM PORTIONEM QUANDAM PHILOSOPHIAE GRAECORUM; EAMQUE
CERTE MINIME IN SALTU AUT SYLVIS NATURAE NUTRITAM; SED IN SCHOLIS ET CELLIS,
TANQUAM ANIMAL DOMESTICUM SAGINATUM. SI ENIM A GRAECIS IISQUE PAUCIS
ABSCEDATUR, QUID TANDEM, HABENT VEL ROMANI VEL ARABES VEL NOSTRI, QUOD NON AB
ARISTOTELIS, PLATONIS, HIPPOCRATIS, GALENI. EUCLIDIS, PTOLEMAEI INVENTIS
DERIVETUR, AUT IN EADEM RECIDAT? ITAQUE VIDETIS DIVITIAS VESTRAS ESSE PAUCORUM
CENSUS; ATQUE IN SEX FORTASSE HOMINUM CEREBELLIS SPES ET FORTUNAS OMNIUM
SITAS ESSE. NEQUE VERO IDCIRCO DEUS VOBIS ANIMAS RATIONALES INDIDIT, UT
AUTHORIS VESTRI PARTES (FIDEM SCILICET VESTRAM QUAE DEO ET DIVINIS DEBETUR)
HOMINIBUS DIFFERRETIS: NEQUE SENSUS INFORMATIONEM FIRMAM ET VALIDAM ATTRIBUIT,
UT PAUCORUM HOMINUM OPERA, SED UT IPSIUS DEI OPERA, COELUM ET TERRAM,
CONTEMPLAREMINI; LAUDES EJUS CELEBRANTES, ET HYMNUM CONDITORI VESTRO CANENTES,
IIS ETIAM VIRIS, SI PLACET (NIHIL ENIM OBSTAT), IN CHORUM RECEPTIS. QUINETIAM
ISTA IPSA DOCTRINA, USU VESTRA, ORIGINE GRAECA, QUAE TANTA POMPA INCEDIT,
QUOTA PARS FUIT ILLA SAPIENTIAE GRAECORUM? EA ENIM VARIA FUIT; VARIETAS AUTEM
UT VERITATI NON ACQUIESCIT, ITA NEC ERROREM FIGIT; SED AD VERITATEM EST INSTAR
IRIDIS AD SOLEM, QUAE OMNIUM IMAGINUM EST MAXIME INFIRMA ET QUASI DEPERDITA,
SED TAMEN IMAGO. VERUM ET HANC QUOQUE VARIETATEM NOBIS EXTINXIT (GRAECUS ET
IPSE) ARISTOTELES: CREDO, UT DISCIPULI RES GESTAS AEQUARET. ATQUE DISCIPULI
PRAECONIUM (SI RECTE MEMINI) TALE CELEBRATUR:
FELIX TERRARUM PRAEDO, NON UTILE MUNDO
EDITUS EXEMPLUM, TERRAS TOT POSSE SUB UNO
ESSE VIRO.
AN ET MAGISTER, FELIX DOCTRINAE PRAEDO? ACERBE ILLUD SED QUAE SEQUUNTUR OPTIME
NULLO ENIM MODO ILLE UTILIS REBUS HUMANIS, QUI TOT EGREGIA INGENIA, TOT
(INQUAM) LIBERA CAPITA IN SERVITUTEM REDEGERIT. ITAQUE, FILII, DE COPIA VESTRA
AUDISTIS QUAM ARCTA, QUAM AD PAUCOS REDACTA. DIVITIAE ENIM VESTRAE SUNT
PAUCORUM CENSUS. DE UTILITATE JAM ATTENDITE. AT QUEM TANDEM ADITUM AD MENTES
ET SENSUS VESTROS, NON DICAM IMPETRABIMUS (VOS ENIM BENEVOLI), SED STRUEMUS
AUT MACHINABIMUR, RES SIQUIDEM DIFFICILIS? QUO FOMITE, QUA ACCENSIONE LUMEN
VOBIS INNATUM EXCITABIMUS, IDQUE A PRAESTIGIIS LUMINIS ADVENTITII ET INFUSI
LIBERABIMUS? QUOMODO, INQUAM, NOS VOBIS DABIMUS, UT VOS VOBIS REDDAMUS?
INFINITA PRAEJUDICIA FACTA SUNT, OPINIONES HAUSTAE, RECEPTAE, SPARSAE. THEOLOGI
MULTA E PHILOSOPHIA ISTA SUA FECERUNT, ET SPECULATIVAM QUANDAM AB UTRAQUE
DOCTRINA COAGMENTATAM CONDIDERUNT. VIRI CIVILES, QUID AD EXISTIMATIONIS SUAE
FRUCTUM PERTINERE PUTANT UT DOCTI HABEANTUR, MULTA UBIQUE EX EADEM SCRIPTIS
SUIS ET ORATIONIBUS INSPERGUNT. ETIAM VOCES, FILII, ET VERBA EX DICTAMINE
EJUSDEM PHILOSOPHIAE, ET SECUNDUM EJUS PRAESCRIPTA ET PLACITA, APPOSITE
CONFICTA SUNT; ADEO UT SIMUL AC LOQUI DIDICERITIS (FELICEM DICAM AN INFELICEM)
HANC ERRORUM CABALAM HAURIRE ET IMBIBERE NECESSE FUERIT. NEQUE HAEC TANTUM
CONSENSU SINGULORUM FIRMATA, SED ET INSTITUTIS ACADEMIARUM, COLLEGIORUM,
ORDINUM, FERE RERUMPUBLICARUM, VELUTI SANCITA EST. HUIC ITAQUE JAM SUBITO
RENUNCIABITIS? IDNE SUMUS VOBIS AUTHORES? ATQUI EGO, FILII, HOC NON POSTULO,
NEQUE HUJUSMODI PHILOSOPHIAE VESTRAE FRUCTUS MOROR, AUT EOS VOBIS INTERDICO,
NEQUE IN SOLITUDINEM ALIQUAM VOS ABRIPIAM. UTIMINI PHILOSOPHIA QUAM HABETIS,
DISPUTATIONES VESTRAS EX EJUS UBERIBUS ALITE, SERMONES ORNATE, GRAVIORES APUD
VULGUS HOMINUM HOC IPSO NOMINE ESTOTE. NEQUE ENIM PHILOSOPHIA VERA AD HAEC
MULTUM UTILIS VOBIS ERIT: NON PRAESTO EST, NEC IN TRANSITU CAPITUR, NEC EX
PRAENOTIONIBUS INTELLECTUI BLANDITUR, NON AD VULGI CAPTUM (NISI PER UTILITATEM
ET OPERA) DESCENDIT. SERVATE ITAQUE ET ILLAM ALTERAM, ET PROUT COMMODUM
VOBIS ERIT ADHIBETE: ATQUE ALITER CUM NATURA, ALITER CUM POPULO NEGOTIAMINI.
NEMO ENIM EST QUI PLUS MULTO QUAM ALIUS QUIS INTELLIGIT, QUIN AD MINUS
INTELLIGENTEM TANQUAM PERSONATUS SIT, UT SE EXUAT, ALTERI DET. VERUM ILLUD VOS
FAMILIARITER PRO MORE NOSTRO MONEO, HABETE LAIDEM DUMMODO A LAIDE NON
HABEAMINI. JUDICIUM SUSTINETE; ALIIS VOS DATE, NON DEDITE; ET VOS MELIORIBUS
SERVATE. ATQUE VIDEMUR MINUS QUIDDAM VOBIS IMPONERE, QUOD HAEC QUAE IN MANIBUS
HABETIS USU VOBIS ET HONORE MANEBUNT; IDEOQUE AEQUIORE ANIMO PASSURI ESTIS,
EADEM DE VERITATE ET UTILITATE IN DUBIUM VOCARI. VERUM ETIAMSI VOS OPTIME
ANIMATI ESSETIS, UT QUAECUNQUE HACTENUS DIDICISTIS AUT CREDIDISTIS, SPRETIS
OPINIONIBUS AC ETIAM RATIONIBUS VESTRIS PRIVATIS, VEL HOC IPSO LOCO DEPOSITURI
SITIS, MODO DE VERITATE VOBIS CONSTARET; ATTAMEN HAC QUOQUE EX PARTE HAEREMUS;
NEQUE HABEMUS FERE QUO NOS VERTAMUS, UT FIDEM VOBIS REI TAM INOPINATAE ET
NOVAE FACIAMUS. CERTE DISPUTATIONIS LEX PENITUS SUBLATA EST, CUM DE PRINCIPIIS
NOBIS VOBISCUM NON CONVENIAT. ETIAM SPES EJUSDEM PRAECISA EST, QUIA DE
DEMONSTRATIONIBUS QUAE NUNC IN USU SUNT DUBITATIO INJECTA EST, ATQUE ACCUSATIO
SUSCEPTA. ATQUE HOC ANIMORUM STATU VERITAS IPSA VOBIS NON TUTO COMMITTITUR.
ITAQUE INTELLECTUS VESTER PRAEPARANDUS ANTEQUAM DOCENDUS, ANIMI SANANDI
ANTEQUAM EXERCENDI SUNT, AREA DENIQUE PURGANDA ANTEQUAM INAEDIFICANDA: ATQUE AD
HUNC FINEM HOC TEMPORE CONVENISTIS. QUA IGITUR INDUSTRIA AUT COMMODITATE HOC
NEGOTIUM DISCUTIEMUS AUT AGEMUS? NON DESPERANDUM. INEST PROFECTO, FILLI, ANIMAE
HUMANAE, UTCUNQUE OCCUPATAE ET OBSESSAE, ALIQUA PARS INTELLECTUS PURA ET
VERITATIS HOSPITA; ESTQUE AD EAM ALIQUA MOLLI CLIVO ORBITA DEDUCENS. AGITE,
FILII, VOS ET EGO VIROS DOCTOS, SI QUID IN HOC GENERE SUMUS, EXUAMUS; ET
FACIAMUS NOS TANQUAM ALIQUOS E PLEBE, ET OMISSIS REBUS IPSIS EX SIGNIS
QUIBUSDAM EXTERNIS CONJECTURAS CAPIAMUS. HAEC ENIM SALTEM NOBIS CUM HOMINIBUS
COMMUNIA SUNT. DOCTRINA VESTRA, UT DICTUM EST, FLUXIT A GRAECIS. QUALIS NATIO?
NIL MIHI REI CUM CONVITIO EST, FILII; ITAQUE QUAE DE EA DICTA SUNT AB ALIIS,
NEC REPETAM NEC IMITABOR. TANTUM DICO EAM NATIONEM FUISSE SEMPER INGENIO
PRAEPROPERAM, MORE PROFESSORIAM; QUAE DUO SAPIENTIAE ET VERITATI SUNT
INIMICISSIMA. NEC PRAETERIRE FAS EST VERBA SACERDOTIS AEGYPTII, PRAESERTIM AD
VIRUM E GRAECIA EXCELLENTEM PROLATA, AB AUTHORE ETIAM NOBILI E GRAECIA RELATA.
IS SACERDOS CERTE VERUS VATES FUIT, CUM DICERET, VOS GRAECI SEMPER PUERI. ANNON
BENE DIVINATUM EST? VERISSIME CERTE, GRAECOS PUEROS AETERNOS ESSE; IDQUE NON
TANTUM IN HISTORIA ET RERUM MEMORIA, SED MULTO MAGIS IN RERUM CONTEMPLATIONE.
QUIDINI ENIM SIT INSTAR PUERITIAE EA PHILOSOPHIA, QUAE GARRIRE ET CAUSARI
NOVERIT, GENERARE ET PROCREARE NON POSSIT? DISPUTATIONIBUS INEPTA OPERIBUS
INANIS? MEMENTOTE ERGO (UT AIT PROPHETA) RUPIS EX QUA EXCISI ESTIS, ET DE
NATIONE CUJUS AUTHORITATEM SEQUIMINI, QUOD GRAECA SIT, INTERUDM COGITATE.
SEQUITUR TEMPORIS NOTA, QUA PHILOSOPHIA ISTA VESTRA NATA EST ET PRODIIT. AETAS
ERAT, FILII, CUM ILLA CONDITA FUIT, FABULIS VICINA, HISTORIAE EGENA,
PEREGRINATIONIBUS ET NOTITIA ORBIS PARUM INFORMATA AUT ILLUSTRATA, QUAEQUE
NEC ANTIQUITATIS VENERATIONEM NEC TEMPORUM RECENTIUM COPIAM HABEBAT, SED
UTRAQUE DIGNITATE ET PRAEROGATIVE CAREBAT. ETENIM ANTIQUIS TEMPORIBUS CREDERE
LICET FUISSE DIVINOS VIROS, QUI ALTIORA QUAM PRO HOMINUM COMMUNI CONDITIONE
SAPERENT. NOSTRAM AUTEM AETATEM FATERI NECESSE EST, PRAE ILLA DE QUA LOQUIMUR,
(UT TACEAM INGENIORUM ET MEDITATIONUM FRUCTUS ET LABORES) ETIAM DUORUM FERE
MILLE ANNORUM EVENTIS ET EXPERIENTIA, ET DUARUM TERTIARUM ORBIS NOTITIA AUCTAM
ESSE. ITAQUE VIDETE QUAM ANGUSTE HABITAVERINT VEL POTIUS CONCLUSA FUERINT
ILLIUS AETATIS INGENIA, SI ERM VEL PER TEMPORA VEL PER REGIONES COMPUTETIS.
NEQUE ENIM MILLE ANNORUM HISTORIAM, QUAE DIGNA HISTORIAE NOMINE SIT, HABENT;
SED FABULAS ET SOMNIA. REGIONUM VERO TRACTUUMQUE MUNDI QUOTAM PARTEM NOVERANT?
CUM OMNES HYPERBOREOS SCYTHES, OMNES OCCIDENTALES CELTAS, INDISTINCTE
APPALLARENT; NIL IN AFRICA ULTRA CITIMAM AETHIOPIAE PARTEM, NIL IN ASIA ULTRA
GANGEM, MULTO MINUS NOVI ORBIS PROVINCIAS, NE PER AUDITUM SANE AUT FAMA
NOSSENT; IMO ET PLURIMA CLIMATA ET ZONAS, QUIBUS POPULI INFINITI SPIRANT ET
DEGUNT, TANQUAM INHABITABILES AB ILLIS PRONUNTIATAE SINT: QUINETIAM
PEREGRINATIONES DEMOCRITI, PLATONIS, PYTHAGORAE, NON LONGINQUAE PROFECTO, SED
POTIUS SUBURBANAE, UT MAGNUM ALIQUID CELEBRANTUR. ATQUE EXPERIENTIA, FILII,
UT AQUA, QUO LARGIOR EST EO MINUS CORRUMPITUR. NOSTRIS AUTEM TEMPORIBUS, (UT
SCITIS) OCEANUS SINUS LAXAVIT, ET NOVI ORBES PATUERE, ET VETERIS ORBIS EXTREMA
UNDIQUE INNOTESCUNT, IDQUE DISTINCTE EC PROPRIE, ITAQUE EX AETATIS ET TEMPORIS
NATURA, VELUTI EX NATIVITATE ET GENITURA PHILOSOPHIAE VESTRAE, NIL MAGNI DE EA
CHALDAEI PRAEDIXERINT. DE HOMINIBUS VIDEAMUS. QUA IN RE OPTIMO FATO HOC FIT
(NEQUE ID ARTIFICIO ALIQUO NOSTRO CAUTUM EST, SED IPSA RES HOC NON SOLUM
PATITUR, VERUM ETIAM POSTULAT), UT ET ILLIS HONOR SERVETUR, ET NOS MODESTIAM
NOSTRAM TUERI ET RETINERE POSSIMUS, ET TAMEN FIDEM LIBERARE. NOS ENIM, FILII,
NEC INVIDIAE NEC JACTANTIAE NOBIS CONSCII SUMUS, NEC DE INGENII PALMA NEC DE
PLACITORUM REGNO CONTENDIMUS; LONGE ALIA NOSTRA RATIO EST ET FINIS, HOCQUE MOX
APERIETUR. ITAQUE ANTIQUORUM INGENIIS, EXCELLENTIAE, FACULTATI, NIHIL
DETRAHIMUS; SED GENERI IPSI, VIAE, INSTITUTO, AUTHORITATI, PLACITIS, NECESSARIO
DEROGAMUS. IMMENSUM ENIM EST QUANTUM SCIENTIARUM PROGRESSUM DEPRIMANT; ATQUE
OPINIO COPIAE INTER MAXIMAS CAUSAS INOPIAE REPERITUR. ATQUE OPINIO COPIAE INTER
MAXIMAS CAUSAS INOPIAE REPERITUR ATQUE DUO SUNT VIRI, FILII, QUORUM PLACITA EX
LIBRIS EORUM PROPRIIS HAURIRE LICET. PLATO ET ARISTOTELES: UTINAM ILLUD ET
RELIQUORUM NONNULLIS CONTIGISSET. SED ARISTOTELES, OTHOMANNORUM MORE, REGNARE
SE NON POTUISSE EXISTIMAVIT, NISI FRATRES TRUCIDASSET. IDQUE EI, NON STATIM
SANE SED POSTEA, EX VOTO NIMIS FELICITER SUCCESSIT. DE HIS ITAQUE DUOBUS PAUCA
DICERE INSTITUIMUS. XENOPHONTEM AUTEM TERTIUM NON ADJUNGIMUS, SUAVEM SCRIPTROEM
ET VIRUM EXCELLENTEM. VERUM CUM ILLIS QUI PHILOSOPHIAM TANQUAM INGENII
PEREGRINATIONEM AMOENAM ET JUCUNDAM, NON TANQUAM PROVINCIAM LABORIOSAM ET
SOLICITAM, SUSCEPERUNT, NOBIS NON MULTUM REI EST. ITAQUE HOS DUOS VIROS,
PLATONEM ET ARISTOTELEM, SI QUIS INTER MAXIMA MORTALIUM INGENIA NON NUMERET,
AUT MINUS PERSPICIT AUT MINUS AEQUUS EST. INGENIA CERTE ILLORUM CAPACIA, ACUTA,
SUBLIMIA. SED TAMEN VIDENDUM PRIMO, CUJUS GENERIS PHILOSOPHANTIUM CENSERI
POSSINT. INVENIO ENIM TRIA GENERA APUD GRAECOS EORUM QUI PHILOSOPHIAE CULTORES
HABIT SINT. PRIMUM ERAT SOPHISTARUM. QUI PER PLURIMAS CIVITATES INSTITUTA
PROFECTIONE, ET PER SINGULAS MANSITANTES, ADOLESCENTES, RECEPTA MERCEDE,
SAPIENTIA IMBUERE PROFESSI SUNT; QUALES FUERE GORGIAS, PROTAGORAS, HIPPIAS,
QUOS PLATO UBIQUE EXAGITAT, ET FERE IN COMOEDIAE MOREM DERIDENDOS PROPINAT.
NEQUE ENIM HI RHETORES TANTUM ERANT, AUT ORATIONUM CONSCRIPTORES, SED
UNIVERSALEM RERUM NOTITIAM SIBI ARROGABANT. SECUNDUM ERAT EORUM QUI MAJORE
FASTU ET OPINIONE, LOCIS CERTIS ET SEDIBUS FIXIS, SCHOLAS APERIEBANT, ATQUE
PLACITA ET SECTAM CONDENTES AUT EXCIPIENTES, AUDILORES, SECTATORES, SUCCESSORES
INSUPER HABEBANT. EX QUO GENERE ERANT PLATO, ARISTOTELES, ZENO, EPICURUS. NAM
PYTHAGORAS ETIAM AUDITORES TRAXIT, ET SECTAM CONSTITUIT; SED TRADITIONUM POTIUS
QUAM DISPUTATIONUM PLENAM, ET SUPERSTITIONI QUAM PHILOSOPHIAE PROPIOREM.
TERTIUM AUTEM GENUS ERANT EORUM, QUI REMOTO STREPITU ET POMPA PROFESSORIA,
SERIO VERITATIS INQUISITIONI ET RERUM CONTEMPLATIONI DEDITI, ET (TANQUAM
ENDYMION) SOLITARII ET QUASI SOPITI, SIBI PHILOSOPHANTUR; AUT ADHIBITIS PAUCIS
(QUIBUS IDEM AMOR ERAT) IN COLLOQUIORUM SUAVITATEM, DESTINATA PERFICIEBANT;
NEQUE GALATEAE MORE, CUJUS LUSUS IN UNDIS, DISPUTATIONUM PROCELLIS SE
OBLECTABANT. ATQUE TALES FUERE EMPEDOCLES, HERACLITUS, DEMOCRITUS, ANAXAGORAS,
PARMENIDES. NEQUE ENIM REPERIETIS HOS SCHOLAS APERUISSE, SED TANDEM
SPECULATIONES ET INVENTA SUA IN SCRIPTA REDEGISSE, ET POSTERIS TRANSMISISSE.
NUNC AUTEM VIDETIS CERTE, FILII, QUAE RES AGATUR. EGO ENIM DUO PRIMA GENERA
(UTCUNQUE SE INVICEM ABNEGENT ET PROSCINDANT) TAMEN NATURA REI IPSIUS CONNEXA
ESSE STATUO. ITAQUE NON HAESITABO APUD VOS DICERE, ME LOCUM PLATONI ET
ARISTOTELI TRIBUERE INTER SOPHISTAS: SED TANQUAM ORDINIS EMENDATI ET REFORMATI.
EANDEM ENIM REM PRORSUS VIDEO. ABERAT FORTASSE LOCI MUTATIO ET CIRCUMCURSATIO,
ET MERCEDIS INDIGNITAS, ET INEPTA OSTENTATIO; ATQUE LUCET IN ILLIS CERTE
QUIDDAM SOLENNIUS ET NOBILIUS; SED ADERANT SCHOLA, AUDITOR, SECTA. ITAQUE GENUS
IPSUM PROFECTO CERNITIS. JAM VERO DE VIRIS IPSIS ALIQUID SEPARATIM DICAMUS;
INSTITUTUM SERVANTES, UT MISSIS REBUS EX SIGNIS CONJICIAMUS. ITAQUE AB
ARISTOTELE EXORSI, MEMORIAM VESTRAM, FILII, TESTAMUR, SI IN PHYSICIS EJUS ET
METAPHYSICIS NON SAEPIUS DIALECTICAE QUAM NATURAE VOCES AUDIATIS. QUID ENIM
SOLIDI AB EO SPERARI POSSIT, QUI MUNDUM TANQUAM E CATEGORIIS EFFECERIT? QUI
NEGOTIUM MATERIAE ET VACUI, ET RARITATIS ET DENSITATIS, PER DISTINCTIONEM
ACTUS ET POTENTIAE TRANSEGERIT? QUI ANIMAE GENUS NON MULTO MELIUS QUAM EX
VOCIBUS SECUNDAE INTENTIONIS TRIBUERIT? VERUM HAEC AD RES IPSAS PENETRANT.
ITAQUE AB HUJUSMODI SERMONE ABSISTENDUM. NAM CUM CONFUTATIONEM JUSTAM
INSTITUERE IMMEMORIS PLANE SIT, ITA ET OPINIONES TANTI HOMINIS PER SATYRAM
PERSTRINGERE SUPERBUM FORET. SIGNA AUTEM IN ILLO NON BONA, QUOD INGENIUM
INCITATUM ET SE PRORIPIENS, NEC ALIENAE COGITATIONIS NEC PROPRIAE FERE
PATIENS; QUOD QUAESTIONUM ARTIFEX, QUOD CONTRADICTIONIBUS CONTINUUS, QUOD
ANTIQUITATI INFESTUS ET INSULTANS, QUOD QUAESITA OBSCURITAS EST; ALIA PLURIMA
QUAE OMNIA MAGISTERIUM SAPIUNT, NON INQUISITIONEM VERITATIS. QUOD SI QUIS AD
HAEC: CENSURAM REM PROCLIVEM FORTASSE ESSE; ILLUD INTERIM CONSTARE, POST
ARISTOTELIS OPERA EDITA, PLERAQUE ANTIQUORUM VELUTI DESERTA EXOLEVISSE; APUD
TEMPORA AUTEM QUAE SEQUUTA SUNT, NIL MELIUS INVENTUM ESSE; MAGNUM ITAQUE VIRUM
ARISTOTELEM, QUI UTRUMQUE TEMPUS AD SE TRAXERIT; ATQUE VERISIMILE ESSE,
PHILOSOPHIAM IN EO IPSO TANQUAM SEDES FIXAS POSUISSE, UT NIHIL RESTET NISI UT
CONSERVETUR ET ORNETUR:- EGO, FILII, COGITATIONEM HANC ESSE EXISTIMO HOMINIS
VEL IMPERITI, VEL PARTIBUS INFECTI, VEL DESIDIS. EST ENIM (UT DICIT SCRIPTURA)
DESIDIA QUAEDAM, QUAE SIBI PRUDENS VIDETUR ET SEPTEMPLICI RATIONUM PONDERE
GRAVIOR. ATQUE PROCULDUBIO (SI VERUM OMNINO DICENDUM EST) ISTA DESIDIA HUJUS
OPINIONIS INVENIETUR PARS VEL MAXIMA; DUM HUMANAE NATURAE INGENITA SUPERBIA,
VITIIS PROPRIIS NON SOLUM IGNOSCENS VERUM ETIAM CULTUM QUENDAM PROPHANUM
ATTRIBUENS, LABORUM ET INQUIRENDI ET EXPERIENDI FUGAM PRO EA QUAE PRUDENTIAE
COMES SIT DIFFIDENTIA VENERETUR; NEQUE ITA MULTO POST, SOCORDIA SINGULORUM
JUDICIUM ET AUTHORITATEM UNIVERSORUM REPRAESENTET ET EFFINGAT. NOS VERO PRIMO
ILLUD INTERROGAMUS, AN OB ILLUD VIR MAGNUS ARISTOTELES, QUOD UTRUMQUE TEMPUS
TRAXERIT? CERTE MAGNUS: ITANE? AT NON MAJOR QUAM IMPOSTORUM MAXIMUS.
IMPOSTURAE ENIM, ATQUE ADEO PRINCIPIS IMPOSTURAE ANTICHRISTI, HAEC PRAEROGATIVA
SINGULARIS EST. VENI (INQUIT VERITAS IPSA) IN NOMINE PATRIS MEI, NEC RECIPITIS
ME: SI QUIS VENERIT NOMINE SUO, EUM RECIPIETIS. AUDISTISNE FILII? SENSU NON
PROPRIO CERTE, SED PIO ET VERO, QUI IN NOMINE PATERNITATIS AUT ANTIQUITATIS
VENERIT NON RECEPTUM IRI, QUI AUTEM PRIORA PROSTERNENDO, DESTRUENDO,
AUTHORITATEM SIBI USURPAVERIT ET IN NOMINE PROPRIO VENERIT, EUM HOMINES SEQUI.
ATQUE SI QUIS UNQUAM IN PHILOSOPHIA IN NOMINE PROPRIO VENIT, IS EST
ARISTOTELES, PER OMNIA SIBI AUTHOR, QUIQUE ANTIQUITATEM ITA DESPEXIT, UT
NEMINEM EX ANTIQUIS VEL NOMINARE FERE DIGNETUR, NISI AD CONFUTATIONEM ET
OPPROBRIUM. QUIN ET DISERTIS VERBIS DICERE NON ERUBESCIT (BENE OMINATUS CERTE
ETIAM IN MALEDICTO), VERISIMILE ESSE MAJORES NOSTROS EX TERRA ALIQUA AUT LIMO
PROCREATOS FUISSE, UT EX OPINIONIBUS ET INSTITUTIS EORUM STUPIDIS ET VERE
TERREIS CONJICERE LICET. NEQUE TAMEN ILLUD VERUM EST, ANTIQUORUM PHILOSOPHORUM
OPERA, POSTQUAM ARISTOTELES DE IIS EX AUTHORITATE PROPRIA TRIUMPHASSET, STATIM
EXTINCTA FUISSE. VIDEMUS ENIM QUALIS FUERIT OPINIO DE PRUDENTIA DEMOCRITI. POST
CAESARUM TEMPORA,
CUJUS PRUDENTIA MONSTRAT,
MAGNOS POSSE VIROS, ET MAGNA EXEMPLA DATUROS,
VERVECUM IN PATRIA, CRASSOQUE SUB AERE NASCI.
ATQUE SATIS CONSTAT, SUB TEMPORA EXCULTIORA IMPERII ROMANI PLURIMOS
ANTIQUORUM GRAECORUM LIBROS INCOLUMES MANSISSE. NEQUE ENIM TANTUM POTUISSET
ARISTOTELES (LICET VOLUNTAS EI NON DEFUERIT) UT EA DELERET, NISI ATTILA ET
GENSERICUS ET GOTHI EI IN HAC RE ADJUTORES FUISSENT. TUM ENIM POSTQUAM DOCTRINA
HUMANA NAUFRAGIUM PERPESSA ESSET, TABULA ISTA ARISTOTELICAE PHILOSOPHIAE,
TANQUAM MATERIAE ALICUJUS LEVIORIS ET MINUS SOLIDAE, SERVATA EST, ET EXTINCTIS
AEMULIS RECEPTA. AT QUOD DE CONSENSU HOMINES SIBI FINGUNT, ID ET INFIDUM ET
INFIRMUM EST. AN VOS, FILII TEMPORIS PARTUS HABETIS NUMERATOS ET DESCRIPTOS
IN FASTIS, EOS INQUAM QUI PERIERUNT, LATUERUNT, AUT ALIIS ORBIS PARTIBUS
INNOTUERUNT? AN ET ABORTUS QUI NUNQUAM IN LUCEM EDITI SUNT? ITAQUE DESINANT
HOMINES ANGUSTIAS SUAS MUNDO ET SAECULIS ATTRIBUERE ET IMPONERE. QUID SI DE
SUFFRAGIIS IPSIS LITEM MOVEAMUS, ET NEGEMUS VERUM ET LEGITIMUM CONSENSUM ESSE,
CUM HOMINES ADDICTI CREDUNT, NON PERSUASI JUDICANT? TRANSIERUNT, FILLI, AB
IGNORANTIA IN PRAEJUDICIUM: HAEC DEMUM EST ILLA COITIO POTIUS QUAM CONSENSUS.
POSTREMO, SI DE ISTO CONSENSU NON DIFFITEAMUR, SED EUM IPSUM UT SUSPECTUM
REJICIAMUS, AN NOS INTER MORBUM ISTUM ANIMORUM GRASSANTEM ET EPIDEMICUM
SANITATIS POENITEBIT? PESSIMUM CERTE, FILII, OMNIUM AUGURIUM EST DE CONSENSU
IN REBUS INTELLECTUALIBUS; EXCEPTIS DIVINIS, CUM VERITAS DESCENDIT COELITUS.
NIHIL ENIM MULTIS PLACET, NISI AUT IMAGINATIONEM FERIAT, UT SUPERSTITIO, AUT
NOTIONES VULGARES, UT DOCTRINA SOPHISTARUM: TANTUMQUE CONSENSUS ISTE A VERA ET
SOLIDA AUTHORITATE ABEST, UT ETIAM VIOLENTAM PRAESUMPTIONEM INDUCAT IN
CONTRARIUM. OPTIME ENIM GRAECUS ILLE, QUID PECCAVI? CUM COMPLAUDERENT. QUOD SI
IS ESSET VIR QUI PUTATUR ESSE ARISTOTELES, TAMEN NULLO MODO VOBIS AUTHOR SIM,
UT UNIUS HOMINIS COGITATA ET PLACITA INSTAR ORACULI RECIPIATIS. QUAE ENIM,
FILII, EST ISTA VOLUNTARIA SERVITUS? TANTONE AUDITORIBUS MONACHI ILLIUS ETHNICI
DETERIORES ESTIS, UT ILLI SUUM IPSE DIXIT POST SEPTENNIUM DEPONERENT, VOS ILLUD
POST ANNOS BIS MILLE RETINEATIS? ATQUE NEC ISTUM IPSUM PRAECLARUM AUTHOREM
HABUISSETIS, SI ANTIQUITATIS STUDIUM VALUISSET: ET TAMEN EADEM IN ILLUM LEGE
ET CONDITIONE UTI VEREMINI. QUIN, SI ME AUDIETIS, DICTATURAM ISTAM, NON MODO
HUIC HOMINI SED ET CUIVIS MORTALIUM QUI SUNT, QUI ERUNT, IN PERPETUUM
NEGABITIS; ATQUE HOMINES IN RECTE INVENTIS SEQUEMINI, UT VIDENTES LUCEM, NON
IN OMNIBUS PROMISCUE, UT CAECI DUCEM. NEQUE CERTE VOS VIRIUM POENITEAT, SI
EXPERIAMINI: NEQUE ENIM ARISTOTELE IN SINGULIS, LICET FORTE IN OMNIBUS,
INFERIORES ESTIS. ATQUE QUOD CAPUT REI EST, UNA CERTE RE ILLUM LONGE
SUPERATIS, EXEMPLIS VIDELICET ET EXPERIMENTIS ET MONITIS TEMPORIS. NAM UT ILLE
(QUOD NARRANT) LIBRUM CONFECERIT IN QUO DUCENTARUM QUINQUAGINTA QUINQUE
CIVITATUM LEGES ET INSTITUTA COLLEGERIT, TAMEN NON DUBITO QUIN UNIUS
REIPUBLICAE ROMANAE MORES ET EXEMPLA PLUS AD PRUDENTIAM ET MILITAREM ET
CIVILEM CONTULERINT QUAM OMNIA ILLA. SIMILIA ETIAM ET IN NATURALI PHILOSOPHIA
EVENERUNT. ITANE VERO ANIMATI ESTIS, UT NON TANTUM DOTES VESTRAS PROPRIAS, SED
ETIAM TEMPORIS DONA PROJICIATIS? ITAQUE VINDICATE VOS TANDEM, ET VOS REBUS
ADDITE, NEQUE ACCESSIO UNIUS HOMINIS ESTOTE. DE PLATONE VERO EA NOSTRA
SENTENTIA EST; ILLUM, LICET AD REMPUBLICAM NON ACCESSISSET SED A REBUS
CIVILIBUS ADMINISTRANDIS QUODAMMODO REFUGISSET PROPTER TEMPORUM PERTURBATIONES,
TAMEN NATURA ET INCLINATIONE OMNINO AD RES CIVILES PROPENSUM, VIRES EO
PRAECIPUE INTENDISSE; NEQUE DE PHILOSOPHIA NATURALI ADMODUM SOLICITUM FUISSE,
NISI QUATENUS AD PHILOSOPHI NOMEN ET CELEBRITATEM TUENDAM, ET AD MAJESTATEM
QUANDAM MORALIBUS ET CIVILIBUS DOCTRINIS ADDENDAM ET ASPERGENDAM SUFFICERET.
EX QUO FIT, UT QUAE DE NATURA SCRIPSIT NIL FIRMITUDINIS HABEANT. QUINETIAM
NATURAM THEOLOGIA, NON MINUS QUAM ARISTOTELES DIALECTICA, INFECIT ET CORRUPIT.
OPTIMA AUTEM IN EO SIGNA (SI CAETERA CONSENSISSENT), QUOD ET FORMARUM
COGNITIONEM AMBIRET, ET INDUCTIONE PER OMNIA, NON TANTUM AD PRINCIPIA SED
ETIAM AD MEDIAS PROPOSITIONES UTERETUR: LICET ET HAEC IPSA DUO VERE DIVINA,
ET OB QUAE NOMEN DIVINI NON DICO TULIT SED MERUIT, CORRUPERIT ET INUTILIA
REDDIDERIT, DUM ET FORMAS ABSTRACTAS PRENSARET, ET INDUCTIONIS MATERIAM TANTUM
EX REBUS OBVIIS ET VULGARIBUS DESUMERET: QUOD HUJUSMODI SCILICET EXEMPLA
(QUIA NOTIORA) DISPUTATIONIBUS POTIUS CONVENIRENT. ITAQUE CUM EI DILIGENS
NATURALIUM RERUM CONTEMPLATIO ET OBSERVATIO DEESSET, QUAE UNICA PHILOSOPHIAE
MATERIA EST, NIL MIRUM SI NEC INGENIUM ALTUM NEC MODUS INQUISITIONIS FELIX
MAGNOPERE PROFECERINT. VERUM NOS EX SIGNORUM CONSIDERATIONE NESCIO QUO MODO IN
RES IPSAS PROLABIMUR: NON ENIM FACILE SEPARARI POSSUNT, NEQUE EA INGRATA VOBIS
AUDITU FUISSE ARBITRAMUR. QUINETIAM FORTASSE ET ILLUD INSUPER SCIRE VULTIS,
QUID DE RELIQUIS ILLIS SENTIAMUS, QUI ALIENIS, NON PROPRIIS, SCRIPTIS
NOBIS NOTI SUNT; PYTHAGORA, EMPEDOCLE, HERACLITO, ANAXAGORA, DEMOCRITO,
PARMENIDE, ALIIS, ATQUE HAC DE RE, FILII, NIL RETICEBIMUS, SED ANIMI NOSTRI
SENSUM INTEGRUM ET SINCERUM VOBIS APERIEMUS. SCITOTE ITAQUE, NOS SUMMA CUM
DILIGENTIA ET CURA OMNES VEL TENUISSIMAS AURAS CIRCA HORUM VIRORUM OPINIONES
ET PLACITA CAPTASSE: UT QUICQUID DE ILLIS, VEL DUM AB ARISTOTELE CONFUTANTUR,
VEL DUM A PLATONE AT CICERONE CITANTUR, VEL IN PLUTARCHI FASCICULO, VEL IN
LAERTII VITIS, VEL IN LUCRETII POEMATE, VEL IN ALIQUIBUS FRAGMENTIS, VEL IN
QUAVIS ALIA SPARSA MEMORIA ET MENTIONE, INVENIRI POSSIT, EVOLVERIMUS; NEQUE
CURSIM AUT CONTEMPTIM, SED CUM FIDE ET DELIBERATIONE EXAMINAVERIMUS. ATQUE
DUBIUM PROFECTO NON EST, QUIN SI OPINIONES EORUM, QUAS NUNC PER INTERNUNTIOS
QUOSDAM MINIME FIDOS SOLUMMODO HABEMUS, IN PROPRIIS EXTARENT OPERIBUS, UT EAS
EX IPSIS FONTIBUS HAURIRE LICERET, MAJOREM FIRMITUDINEM HABITURAE FUISSENT; CUM
THEORIARUM VIRES IN APTA ET SE MUTUO SUSTINENTE PARTIUM HARMONIA, ET QUADAM IN
ORBEM DEMONSTRATIONE CONSISTANT, IDEOQUE PER PARTES TRADITAE INFIRMAE SINT.
NEQUE NEGAMUS NOS REPERIRE, INTER PLACITA TAM VARIA, HAUD PAUCA IN
CONTEMPLATIONE NATURAE ET CAUSARUM ASSIGNATIONE NON INDILIGENTER NOTATA.
ALIOS AUTEM IN ALIIS (UT FERE FIERI SOLET) CONSTAT FELICIORES FUISSE. QUOD SI
CUM ARISTOTELE CONFERANTUR, PLANE CENSEMUS FUISSE EX IIS NONNULLOS, QUI IN
MULTIS ARISTOTELE LONGE ET ACUTIUS ET ALTIUS IN NATURAM PENETRAVERINT; QUOD
FIERI NECESSE FUIT, CUM EXPERIENTIAE CULTORES MAGIS RELIGIOSI FUERINT,
PRAESERTIM DEMOCRITUS, QUI OB NATURAE PERITIAM ETIAM MAGUS HABITUS EST.
VERUNTAMEN NOBIS NECESSE EST, SI SIMPLICITER ET ABSQUE PERSONA VOBISCUM AGERE
STAT DECRETUM, NOMINA ISTA MAGNA BREVI ADMODUM SENTENTIA TRANSMITTERE: ESSE
NIMIRUM HUJUSMODI PHILOSOPHORUM PLACITA AC THEORIAS VELUTI DIVERSARUM
FABULARUM IM THEATRO ARGUMENTA, IN QUANDAM VERI SIMILITUDINEM, ALIA ELEGANTIUS,
ALIA NEGLIGENTIUS AUT CRASSIUS CONFICTA; ATQUE HABERE, QUOD FABULARUM PROPRIUM
EST, UT VERIS INTERDUM NARRATIONIBUS CONCINNIORA ET COMMODIORA VIDEANTUR, ET
QUALIA QUIS LIBENTIUS CREDERET. SANE CUM ISTI FAMAE ET OPINIONI, TANQUAM
SCENAE, MINUS SERVIRENT QUAM ARISTOTELES ET PLATO ET RELIQUI E SCHOLIS,
PURIORES FUERE AB OSTENTATIONE ET IMPOSTURA, ATQUE EO NOMINE SANIORES; CAETERA
SIMILES ERANT. UNA ENIM QUASI NAVIS PHILOSOPHIAE GRAECORUM VIDETUR, ATQUE
ERRORES DIVERSI, CAUSAE ERRANDI COMMUNES. QUINETIAM NOBIS MINIME DUBIUM EST, SI
PENES POPULUM ET CIVITATES LIBERAS RES MANSISSENT, FIERI NON POTUISSE UT HUMANI
INGENII PEREGRINATIONES POPULARIBUS AURIS VELIFICANTES, UTCUNQUE INTER TAM
NUMEROSA ET VARIA THEORIARUM COMMENTA SE SISTERE AUT CONTINERE POTUISSENT.
QUEMADMODUM ENIM IN ASTRONOMICIS, ET IIS QUIBUS TERRAM ROTARI PLACET ET IIS
QUI VETEREM CONSTRUCTIONEM TENUERUNT PHAENOMENORUM IN COELIS PATROCINIA AEQUA
SUNT; QUIN ET TABULARUM CALCULI UTRISQUE RESPONDENT: EODEM MODO AC MULTO ETIAM
FACILIUS EST IN NATURALI PHILOSOPHIA COMPLURES THEORIAS EXCOGITARE, INTER SE
MULTUM DIFFERENTES, SED TAMEN SINGULAS SIBI CONSTANTES, ET EXPERIENTIAM ET
PRAESERTIM INSTANTIAS VULGARES, QUAE IN QUAESTIONIBUS PHILOSOPHICIS (UT NUNC
FIT) JUDICIA EXERCERE SOLENT, IN DIVERSUM TRAHENTES, ET PRO TESTIBUS CITANTES.
NEQUE ENIM DEFUERUNT ETIAM NOSTRA AETATE, IN NOSTRIS INQUAM FRIGIDIS
PRAECORDIIS ATQUE TEMPORE QUO RES RELIGIONIS INGENIA CONSUMPSERUNT, QUI NOVAS
PHILOSOPHIAE NATURALIS FABRICAS MEDITATI SUNT. NAM TELESIUS EX CONSENTIA SCENAM
CONSCENDIT ET NOVAM FABULAM EGIT, ARGUMENTO PROFECTO MAGIS PROBABILEM QUAM
PLAUSU CELEBREM. ET GILBERTUS EX ANGLIA, CUM NATURAM MAGNETIS LABORIOSISSIME
ET MAGNA INQUISITIONIS FIRMITUDINE ET CONSTANTIA, NECNON EXPERIMENTORUM MAGNO
COMITATU ET FERE AGMINE, PERSCRUTATUS ESSET, STATIM IMMINEBAT ET IPSE NOVAE
PHILOSOPHIAE CONDENDAE; NEC XENOPHANIS NOMEN IN XENOMANEM PER LUDIBRIUM VERSUM
EXPAVIT, IN CUJUS SENTENTIAM INCLINEBAT. QUIN ET FRACASTORIUS, LICET SECTAM
NON CONDIDERIT, TAMEN LIBERTATE JUDICII HONESTE USUS EST. EADEM AUSUS EST
CARDANUS, SED LEVIOR. ATQUE EXISTIMO, FILII, VOS AD ISTAM QUAM EX NOBIS AUDITIS
TAM LATAM ET GENERALEM OPINIONUM ET AUTHORUM REJECTIONEM OBSTUPESCERE. LICET
ENIM DE NOBIS BENE EXISTIMETIS, TAMEN VERERI VIDEMINI UT INVIDIAM HUJUSCE REI
NOBISCUM UNA SUSTINERE POSSITIS. QUIN ET IPSI (CREDO) MIRAMINI ET ANIMI
PENDETIS, QUORSUM RES HAEC EVASURA SIT, ET QUAM TANDEM CONDITIONEM VOBIS
AFFERAMUS.
***F
***F
***F
DILATATIONES SIVE DISTRACTIONES A VIOLENTIA EXTERNA.
1. BACULA LIGNEA ET SIMILIA FLEXIONEM NONNULLAM PATIUNTUR, SED PER VIM; ILLA
AUTEM VIS DISTRAHIT PARTES EXTERIORES LIGNI IN LOCO UBI ARCUATUR, ET
COMPRIMIT PARTES INTERIORES: QUOD SI VIS ILLA PAULO POST REMITTATUR,
RESTITUIT SE BACULUM, ET RESILIT; SED SI DIUTIUS IN EA POSITURA DETINEATUR,
FIGITUR IN EA, NEC RESILIT AMPLIUS.
2. SIMILIS EST RATIO HOROLOGIORUM (EORUM SCILICET QUAE MOVENTUR PER
TORTURAM LAMINARUM) IN QUIBUS VIDERE EST CONTINUUM ET GRADUATUM NIXUM
LAMINARUM AD SE RESTITUENDUM.
3. PANNUS, ET SIMILIA FILACEA, EXTENDUNTUR MAJOREM IN MODUM, ET RESILIUNT
CITIUS DIMISSA; NON RESILIUNT LONGIUS DETENTA.
4. CARO QUAE SURGIT IN VENTOSIS, NON EST TUMOR, SED VIOLENTA EXTENSIO CARNIS
INTEGRALIS PER ATTRACTIONEM.
5. QUALEM RAREFACTIONEM TOLLERET AER (PRO MODO SCILICET VIOLENTIAE) TALI
EXPERIMENTO ELICERE POSSIS. ACCIPE OVUM VITREUM, IN QUO SIT FORAMEN MINUTUM:
EXUGE AEREM ANHELITU QUANTUM POTES; DEINDE AFFATIM OBTURA FORAMEN DIGITO,
ET MERGE OVUM IN AQUAM ITA OBTURATUM. POST TOLLE DIGITUM, ET VIDEBIS OVUM
ATTRAHERE AQUAM, TANTUM SCILICET QUANTUM EXUCTUM FUERIT AERIS; VETEREM, A QUA
FUERAT VI DISTRACTUS ET EXTENSUS. MEMINI AUTEM INTRASSE AQUAM, QUASI AD DECIMAM
PARTEM CONTENTI OVI. ETIAM MEMINI ME RELIQUISSE OVUM (POST EXUCTIONEM) CERA
OBTURATUM PER DIEM INTEGRUM, UT EXPERIRER, SI PER MORAM ILLAM (QUAE CERTE
NIMIS BREVIS ERAT AD EXPERIMENTUM JUSTUM) AER DILATATUS FIGI POSSET, NEC
CURARET DE RESTITUTIONE, UT FIT IN BACULIS ET PANNIS. SED CUM TOLLERETUR CERA,
AQUA INTRABAT UT PRIUS; ETIAM SI OVUM APPOSITUM FUISSET AD AUREM, AER NOVUS
INTRARAT CUM SIBILO.
6. AT QUALEM RAREFACTIONEM AQUA SUSTINEAT, POSSIT FORTE HOC MODO DEPREHENDI.
ACCIPE FOLLES: ATTRAHE AQUAM, QUANTUM IMPLEAT CAVUM FOLLIUM: NEQUE TAMEN ELEVA
FOLLES AD SUMMUM, SED QUASI AD DIMIDIUM. DEINDE OBSTRUE FOLLES, ET NIHILOMINUS
ELEVA EOS PAULATIM; ET VIDEBIS, QUATENUS ISTA AQUA RECEPTA SE DILATARI
PATIATUR. AUT ETIAM PER FISTULAM, AUT SYRINGAM, ATTRAHE NONNIHIL AQUAE; DEINDE
FORAMEN OBTURA, ET EMBOLUM ADHUC PAULATIM ATTRAHE.
COMMENTATIO.
SUSPICOR ETIAM FIERI DISTRACTIONEM SPIRITUS AQUAE IN CONGLACIATIONE;
SED SUBTILIS EST HUJUS REI RATIO. PRIMO, PRO CERTO PONI POSSIT, IN OMNI
EXCOCTIONE (PUTA LUTI, CUM FIUNT LATERES ET TEGULAE, CRUSTAE PANIS, ET
SIMILIUM) MULTUM EX PNEUMATICO CORPORIS EXHALARE ET EVOLARE (UT PAULO POST
MONSTRABIMUS), ATQUE INDE NECESSARIO SEQUI, UT PARTES CRASSIORES PER MOTUM
NEXUS MAGNA EX PARTE (NAM EST ET ALIUS MOTUS, DE QUO NUNC SERMO NON EST) SE
CONTRAHANT. NAM SUBLATO SPIRITU NEC ALIO CORPORE FACILE SUBINTRANTE, NE
DETUR VACUUM (UT LOQUUNTUR), IN LOCUM ILLUM QUEM OCCUPABANT SPIRITUS SUCCEDUNT
PARTES; UNDE FIT ILLA DURITIES ET CONTRACTIO. EADEM PRORSUS RATIONE, SED MODO
CONTRARIO, VIDETUR NECESSARIO SEQUI,UT SPIRITUS IN CONGLACIATIONE DISTRAHANTUR.
ETENIM PARTES CRASSIORES PER FRIGUS CONTRAHUNTUR; ITAQUE RELINQUITUR ALIQUOD
SPATIUM (INTRA CLAUSTRA CORPORIS) OCCUPANDUM; UNDE SEQUITUR SI ALIUD CORPUS
NON SUCCEDAT, UT SPIRITUS PRAEINEXISTENS PER MOTUM NEXUS DISTRAHATUR TANTUM,
QUANTUM PARTES CRASSIORES CONTRAHANTUR. SANE ID CONSPICITUR IN GLACIE, QUOD
CORPUS INTERIUS REDDATUR RIMOSUM, CRUSTULATUM, ET PARUM TUMESCAT: QUODQUE IPSA
GLACIES, NON OBSTANTE INSIGNI PARTIUM CONTRACTIONE, SIT (IN TOTO) LEVIOR QUAM
IPSA AQUA: IDQUE DILATATIONI PNEUMATICI MERITO ATTRIBUI POSSIT.
CONNEXIO.
TRANSEUNDUM AD DILATATIONES PER DEACERVATIONEM; QUANDO, SCILICET,
QUOD ERAT CUMULATUM ET ACERVATUM, FIT APPLANATUM. ISTAE AUTEM DILATATIONES PRO
PSEUDO-DILATATIONIBUS HABENDAE SUNT; DILATATIO ENIM FIT IN POSITURA PARTIUM,
NON IN SUBSTANTIA CORPORIS. SIQUIDEM CORPUS MANET IN EADEM DENSITATE
SUBSTANTIAE; SED FIGURAM NANCISCITUR AMPLIOREM IN SUPERFICIE, MINOREM IN
PROFUNDITATE.
[HISTORIA]
DILATATIONES PER DEACERVATIONEM.
1. AURUM PER MALLEATIONEM IN IMMENSUM DILATATUR, UT IN AURO FOLIATO; ITEM
PER DISTRACTIONEM, UT IN ARGENTEIS FILIS INAURATIS: INAURATIO ENIM FIT IN MASSA
ATNEQUAM DISTRAHATUR.
2. ARGENTUM ETIAM FIT FOLIATUM, LICET NON AD TAM EXQUISITAM TENUITATEM QUAM
AURUM. RELIQUA QUOQUE METALLA PER MALLEATIONEM DILATANTUR IN BRACTEOLAS ET
LAMELLAS TENUES.
3. CERA, ET HUJUSMODI, PREMUNTUR ET FINGUNTUR IN OBLINIMENTA TENUIA.
4. GUTTA ATRAMENTI IN CALAMO DILATATUR AD EXARATIONEM MULTARUM LITERARUM:
QUOD ET FIT PER PENICILLUM IN PIGMENTIS, ET VERNICE.
5. CROCUS IN PARVA QUANTITATE MAGNAM INFICIT QUANTITATEM AQUAE.
CONNEXIO.
ATQUE DE DILATATIONIBUS, ET RAREFACTIONIBUS, ET APERTURIS CORPORUM, HAEC
INQUISITA SUNTO. SUPEREST JAM UT DE CONTRARIIS ACTIONIBUS SIMILI DILIGENTIA
INQUIRAMUS; ID EST, DE CONTRACTIONIBUS, ET CONDENSATIONIBUS, ET CLAUSURIS
CORPORUM. QUAM PARTEM VISUM EST SEORSUM TRACTARE, EO MAGIS QUOD NON OMNES
ACTIONES EX HAC PARTE SINT RECIPROCAE; SED NONNULLAE EARUM PROPRIAE, ET PER SE
EXPLICANDAE. ETIAM, QUAMVIS CONTRARIA RATIONE CONSENTIANT, TAMEN IN
EXPERIMENTIS VALDE DIVERSIS INVESTIGANTUR ET SE CONSPICIENDA PRAEBENT.
ACTIONI DILATATIONIS PER INTROCEPTIONEM CORPORIS ALIENI, RECIPROCA
EST ACTIO CONTRACTIONIS PER EMISSIONEM AUT EXPRESSIONEM CORPORIS ALIENI:
ITAQUE DE EO PRIMO EST INQUIRENDUM.
[HISTORIA]
CONTRACTIONES PER EMISSIONEM AUT DEPOSITIONEM
CORPORIS INTROCEPTI.
1. CONSULE INSTANTIAS DE DILATATIONIBUS PER INTROCEPTIONEM, ET OPPONE ILLIS
EASDEM INSTANTIAS POSTQUAM DILATATIONES RESEDERINT: IN HIS INTELLIGIMUS, UBI
DATUR RESIDERE.
2. METALLA PURA ET PERFECTA, LICET VARIIS MODIS VEXENTUR ET ALTERENTUR, UT IN
SUBLIMATIONIBUS, PRAECIPITATIONIBUS, MALAGMATIBUS, DISSOLUTIONIBUS,
CALCINATIONIBUS, ET HUJUSMODI; TAMEN (NATURA METALLICA CUM ALIIS CORPORIBUS
NON BENE CONVENIENTE) PER IGNEM ET CONFLATIONEM PLERUNQUE RESTITUUNTUR, ET
VERTUNTUR IN CORPUS QUALE PRIUS. EST AUTEM CONDENSATIO ISTA MINUS VERA, QUIA
VIDETUR ESSE NIHIL ALIUD QUAM EMISSIO ET EXCLUSIO AERIS QUI SE MISCUERAT,
AUT AQUARUM IN QUIBUS DISSOLUTA ERANT, AD HOC, UT PARTES GENUINAE CORPORIS
METALLI RURSUS COIRE POSSINT. NEQUE TAMEN DUBIUM EST, QUIN CORPUS LONGE
MINUS SPATIUM OCCUPET QUAM PRIUS, SED MINIME VIDETUR DENSARI SUBSTANTIA. ATQUE
HAEC POTESTAS CLAVIUM, QUAE APERIT ET CLAUDIT, VIGET MAXIME IN METALLIS. ETIAM
METALLA IMPURA, ET MARCASITAE, ATQUE MINERAE METALLORUM, EODEM MODO (PER IGNEM
CONGREGATIS PARTIBUS HOMOGENEIS, ET EMISSA ET EXCLUSA SCORIA ET PURGAMENTIS)
DEPURANTUR. ETENIM OMNE METALLUM PURUM DENSIUS EST ET PONDEROSIUS IMPURO.
3. AD MAGIS ARCTAM AUTEM CONDENSATIONEM METALLORUM FACIT, SI METALLA SAEPIUS
FUSA, SAEPIUS IN AQUIS EXTINCTA SINT; UNDE MAGIS OBSTINATA FIUNT, ET
INDURESCUNT. UTRUM VERO PONDERE IPSO AUGEANTUR, PRO RATIONE DIMENSI, HACTENUS
NON CONSTAT. DE EO FIAT EXPERIMENTUM. ATQUE ISTA INDURATIO MAGIS ADHUC POTENTER
FIT PER CREBRAS SOLUTIONES ET RESTITUTIONES, QUAM PER FUSIONES ET
EXTINCTIONES. INQUIRENDUM ETIAM EST, IN QUALI GENERE AUT MIXTURA AQUARUM
INDURESCANT MAGIS.
4. REPERIUNTUR TAMEN MODI MORTIFICATIONUM METALLORUM, ID EST, PROHIBITIONUM
NE CUM SOLUTA ET APERTA FUERINT RESTITUANTUR. ID MAXIME CERNITUR IN ARGENTO
VIVO; QUOD, SI STRENUE TUNDATUR, ET INTER TUNDENDUM INJICIATUR PARUM
TEREBINTHINAE, AUT SALIVAE HOMINIS, AUT BUTYRI, MORTIFICATUR ARGENTUM VIVUM,
ET NANCISCITUR AVERSATIONEM ET FASTIDIUM AD SE RESTITUENDUM.
DILIGENTER INQUIRENDUM DE MORTIFICATIONIBUS, HOC EST, DE IMPEDIMENTIS
RESTITUTIONUM OMNIUM METALLORUM. MAGNA ENIM DEBET ESSE ANTIPATHIA EORUM QUAE
PROHIBENT NE EA COEANT. CUMQUE OMNIS RESTITUTIO IPSORUM SIT GENUS QUODDAM
CONDENSATIONIS, PERTINEBIT SCILICET COGNITIO PRIVATIONIS AD COGNITIONEM FORMAE.
HISTORIA
1. DILATATIONIBUS PER SPIRITUM INNATUM SE EXPANDENTEM NON OPPONITUR PROPRIE
ACTIO ALIQUA RECIPROCA: CUM CONTRACTIO RES ALIENA SIT A SPIRITU, QUI NON
CONTRACTIO RES ALIENA SIT A SPIRITU, QUI NON CONTRAHITUR, NISI CUM AUT
SUFFOCATUR, AUT PATITUR, AUT COLLIGIT SE (ARIETIS INSTAR) UT FORTIUS SE
DILATET. ATTAMEN COMMODE HOC LOCO SUBSTITUEMUS ACTIONEM ILLAM QUAE EST PROPRIA
PARTIUM CRASSIORUM, SED PER ACCIDENS IMPUTARI DEBET SPIRITUI INNATO; EA EST,
PER EVOLATIONEM SIVE EMISSIONEM SPIRITUS, CONTRAHUNTUR ET INDURANTUR
PARTES. SPIRITUS AUTEM EMITTITUR VEL EX AGITATIONE SUA PROPRIA, VEL
SOLLICITATUS AB AERE AMBINETE, VEL PROVOCATUS ET IRRITATUS AB IGNE SEU CALORE.
COMMENTATIO.
IDEM FACIUNT QUOAD ATTENUATIONEM ET EMISSIONEM SPIRITUS, ET ACTIONES
QUAE EX EA SEQUUNTUR, IGNIS SIVE CALOR, ET TEMPUS SIVE AETAS. VERUM AETAS PER
SE CURRICULUM EST SOLUMMODO AUT MENSURA MOTUS. IGITUR CUM DE AETATE LOQUIMUR,
INTELLIGIMUS DE VIRTUTE ET OPERATIONE COMPOSITA EX AGITATIONE SPIRITUS INNATI,
ET AERE AMBIENTE, ATQUE RADIIS COELESTIUM. SED ILLUD INTEREST, QUOD IGNIS ET
CALOR VEHEMENS DILATET CORPORA CONFERTIM, ET FORTITER, ET VISIBILITER; AETAS
AUTEM, INSTAR CALORIS LENISSIMI, PAULATIM, ET LENITER, ET OCCULTO: FUMI ENIM
ET VAPORES SCILICET SPISSI SUNT ET CONSPICUI, PERSPIRATIONES VERO NEUTIQUAM;
UT MANIFESTUM EST IN ODORIBUS. ATTAMEN MAGIS SUBTILIS ET EXQUISITA EST EA
CORPORUM ATTENUATIO ET RAREFACTIO QUAE FIT PER AETATEM, QUAM QUAE FIT PER
IGNEM. NAM IGNIS PRAECIPITANS ACTIONEM, PNEUMATICUM QUOD IN CORPORE EST RAPIDE
EVOLARE FACIT; HUMIDUM QUOQUE QUOD PRAEPARATUM EST IN PNEUMATICUM SUBINDE
VERTIT, ATQUE TALE FACTUM EMITTIT: UNDE PARTES TANGIBILES SEDULO SE INTERIM
ET GNAVITER CONSTIPANT, ET NON PARUM SPIRITUS (TANQUAM MANU INJECTA) MORANTUR
ET DETINENT. AT AETAS PNEUMATICUM JAM FACTUM AD EVOLATIONEM NON URGET SUBITO;
UNDE FIT UT ILLUD DIUTIUS MANENS IN CORPORE, QUICQUID IN TENUE DIGERI POSSIT
SENSIM ET SERIATIM PRAEPARET, PARUM EX PNEUMATICO JAM FACTO PLACIDE ET
SUCCESSIVE INTERIM EVOLANTE; ADEO UT ANTICIPET FERE AT TANQUAM FALLAT
CONSTIPATIONEM PARTIUM TANGIBILIUM. QUAMOBREM IN DISSOLUTIONE PER AETEM, SUB
FINEM NEGOTII, PARUM ADMODUM TANGIBILIS FIGITUR ET MANET. ETENIM PULVIS ILLE
PUTRIS, QUI PER LONGOS ANNORUM CIRCUITUS MANET, TANQUAM CONSUMPTIONIS
RELIQUIAE, (QUALIS IN SEPULCHRIS ET MONUMENTIS VETUSTIS NONNUNQUAM INVENITUR),
RES QUASI NIHILI EST, ET OMNI INCINERATIONE QUAE FIT PER IGNEM MINUTIOR, ET
MAGIS DESTITUTUS. NAM CINERES ETIAM SUCCUM HABENT, QUI POSSIT ELICI ET VERTI
IN SALES: HUJUSMODI PULVIS MINIME. VERUM, QUOD AD INQUISITIONEM PRAESENTEM
PERTINET, ET CUJUS CAUSA HAEC DICTA SUNT, CERTUM EST SPIRITUM, QUAMDIU
DETINETUR IN CORPORE, PARTES TANGIBILES COLLIQUARE, INTENERARE, CONFICERE,
SUBRUERE; VERUM AB EJUS EMISSIONE PARTES TANGIBILES CONTINUO SE CONTRAHERE
ET CONSTIPARE.
HISTORIA
CONTRACTIONES PER ANGUSTATIONEM PARTIUM
CRASSIORUM POST SPIRITUM EMISSUM.
1. IN SENECTUTE CUTES ANIMALIUM CORRUGANTUR, ET MEMBRA ARESCUNT.
2. PYRA ET POMA DIU SERVATA RUGAS COLLIGUNT; NUCES AUTEM ITA CONTRAHUNTUR,
UT NON IMPLEANT TESTAM.
3. CASEI VETERES IN CORTICE EXTERIORE EFFICUNTUR RUGOSI. LIGNA IN
TRABIBUS, POSTIBUS, ET PALIS, TRACTU TEMPORIS (PRAESERTIM SI PONANTUR VIRIDIA)
CONTRAHUNTUR IN ARCTUM, UT DISJUNGANTUR ET HIENT. SIMILE FIT IN GLOBIS
LUSORIIS.
4. TERRA IN MAGNIS SICCITATIBUS DIVELLITUR, ET IN SUPERFICIE SUA PLENA
RIMARUM EFFICITUR: ETIAM QUANDOQUE RIMAE TAM IN PROFUNDUM PENETRANT, UT AD
ERUPTIONEM AQUARUM CAUSAM PRAEBEANT.
MONITUM. NEMO NUGETUR, AIENS ISTAM CONTRACTIONEM IN DESICCATIONIBUS NIHIL
ALIUD ESSE, QUAM ABSUMPTIONEM HUMIDI. NAM SI ID TANTUM AGERETUR UT HUMIDUM
IN SPIRITUM VERSUM EVOLARET, DEBERENT CORPORA MANERE IN PRIORE EXPORRECTIONE
ET DIMENSO SUO, ET SOLUMMODO CAVA FIERI, UT PUMICES AUT SUBER; NON AUTEM
LOCALITER CONTRAHI ET MINUI DIMENSO SUO.
5. LUTUM PER FORNACES COGITUR IN LATERES ET TEGULAS: AT SI INSTET CALOR
VEHEMENS, UT IN MEDIO FORNACIS, VERTITUR ETIAM NONNULLA PARS LUTI ET
FUNDITUR IN VITRUM.
6. LIGNA, SI SUFFOCETUR FLAMMA, VERTUNTUR IN CARBONES; MATERIAM SCILICET
MAGIS SPONGIOSAM ET LEVEM QUAM LIGNA CRUDA.
7. METALLA PLERAQUE SEPULTA IN CRUCIBULIS INTER PRUNAS ARDENTES, ET MULTO
MAGIS PER FORNACES REVERBERATORIAS, VERTUNTUR IN MATERIAM FRIABILEM, ET
CALCINANTUR.
8. COMPLURA FOSSILIA ET METALLA, ET EX VEGETABILIBUS NONNULLA, VITRIFICANTUR
PER IGNES FORTES.
9. OMNIA QUAE ASSANTUR, SI IGNEM PLUS AEQUO TOLERENT, INCARBONANTUR, ET
RECIPIUNT SE IN ANGUSTIUS DIMENSUM.
10. PAPYRUS, MEMBRANA, LINTEA, PELLES, ET SIMILIA, PET IGNEM NON SOLUM
CORRUGANTUR IN PARTIBUS, SED ETIAM SE COMPLICANT ET CONVOLVUNT, ET TANQUAM
ROTULANTUR IN TOTO.
11. LINTEA, A FLAMMA PRIMO CONCEPTA, PAULO POST SUFFOCATA, VERTUNTUR IN
SUBSTANTIAS RARAS, QUAE VIX INFLAMMANTUR, SED FACILE IGNESCUNT: QUIBUS AD
UTIMUR AD FOMITES FLAMMARUM.
12. PINGUIA, UT CERA, BUTYRUM, LARDUM, OLEUM ET SIMILIA, PER IGNEM
DEVENIUNT FRIXA ET FAECULENTA, ET TANQUAM FULIGINOSA.
13. OVA CONTRAHUNTUR AB IGNE, ET QUATENUS AD ALBUMEN IPSORUM, COLOREM
MUTANT A CLARO IN CANDIDUM.
14. QUINETIAM SI OVUM TESTA EXUTUM INJICIATUR IN SPIRITUM VINI BONUM ET
FORTEM, ELIXATUR, ET FIT CANDIDUM; SIMILITER ET OFFA PANIS INJECTA IN IPSUM
DEVENIT QUASI TOSTA.
OBSERVATIONES.
1. QUAMDIU (UT PAULO ANTE INNUIMUS) SPIRITUS IN CORPORE DETINETUR, SI PER
IGNEM AUT CALOREM EXCITATUS ET DILATATUS FUERIT, TAMDIU AGITAT SE, MOLITUR
EXITUM, PARTES TANGIBILES EMOLLIT, INTENERAT, COLLIQUAT: ATQUE HOC EST
PROPRIUM OPUS SPIRITUS, QUI DIGERIT ET SUBIGIT PARTES. SED POSTQUAM SPIRITUS
SIBI EXITUM INVENERIT ET EMISSUS FUERIT, TUM PRAEVALET OPUS PARTIUM, QUAE A
SPIRITU VEXATAE CONSPIRANT, ET SE STRINGUNT; TAM EX DESIDERIO NEXUS ET MUTUI
CONTACTUS, QUAM EX ODIO MOTUS ET VEXATIONIS. ATQUE INDE SEQUITUR COARCTATIO,
INDURATIO, OBSTINATIO.
2. EST IN PROCESSU CONTRACTIONIS PARTIUM AB INGNE, FINIS ET ULTIMITAS: NAM
SI MINOR SIT COPIA MATERIAE PER VIOLENTAM DEPRAEDATIONEM IGNIS, QUAM UT
COHAERER POSSINT; TUM DEMUM SE DESERUNT, ET INCINERANTUR ET CALCINANTUR.
CONNEXIO.
ATQUE DE CONTRACTIONIBUS QUAE FIUNT AB EMISSIONE SPIRITUS E CORPORIBUS,
SIVE IS EMITTATUR PER AETATEM SIVE PER IGNEM SIVE PER CALOREM POTENTIALEM,
HAEC INQUISITA SUNTO. ACTIONI VERO DILATATIONIS PER CALOREM ACTUALEM EXTERNUM
RECIPROCA EST ACTIO CONTRACTIONIS PER FRIGUS ACTUALE EXTERNUM. ATQUE HAEC
CONDENSATIO EST OMNIUM MAXIME PROPRIA ET GENUINA; MAXIME POTENS ETIAM FORET,
NISI QUOD NON HABEMUS HIC APUD NOS IN SUPERFICIE TERRAE FRIGUS ALIQUOD
INTENSUM. FRIGUS AUTEM ET CALORIS REMISSIO (NAM UTRUNQUE HOC LOCO CONJUNGERE,
VISUM EST) ALIA SIMPLICITER, MANENTE NATURA SUA, CONDENSAT; ALIA RAREFACTA (SED
IMPERFECTE) RESTITUIT; ALIA PER CONDENSATIONEM PLANE VERTIT ET TRANSFORMAT DE
NATURA IN NATURAM. DE HIS OMNIBUS JAM PAUCA SUNT PROPONENDA.
CONTRACTIONES CORPORUM PER FRIGUS ACTUALE
EXTERNUM.
1. AER IN VITRO CALENDARI PERCIPIT GRADUS TAM FRIGIDI QUAM CALIDI. ATQUE
TEMPORIBUS NIVALIBUS SUPER CAPUT VITRI QUASI PILEUM EX NIVE POSUIMUS; QUI,
LICET AER IPSE ILLO TEMPORE FUISSET HIEMALIS ET ASPER, TAMEN FRIGUS IN TANTUM
AUXIT, UT AQUA PER PAUCOS GRADUS, AERE CONTRACTO, INSURGERET.
2. SUPERIUS POSUIMUS, AEREM IN VITRO AD TERTIAS PER CALOREM DILATATUM
FUISSE, ATQUE TANTUNDEM, REMITTENTE CALORE, SE CONTRAXISSE.
MANDATA. 1. EXPERIMENTO PLANE DIGNUM EST, UT PROBETUR UTRUM AER PER CALOREM
DILATATUS FIGI IN EADEM EXPORRECTIONE POSSIT, UT SE RESTITUERE ET CONTRAHERE
NON LABORET. ITAQUE ACCIPE VITRUM CALENDARE ROBUSTUM, IDEMQUE VEHEMENTER
CALFACITO; DEINDE OS BENE OBTURATO, NE AER SE CONTRAHERE POSSIT; ET PER ALIQUOT
DIES OBTURATUM DIMITTITO; DEINDE IN AQUAM ITA OBTURATUM MERGITO; ET POSTQUAM
IN AQUA FUERIT, APERITO, ET VIDETO QUANTUM AQUAE TRAHAT, ATQUE UTRUM SIT AD
EAM PROPORTIONEM QUAM ALIAS TRACTURUM FUISSET SI VITRUM STATIM IN AQUAM FUISSET
MISSUM.
2. ETIAM OBITER NOTA (ETSI AD TITULUM DE CALIDO ET FRIGIDO POTIUS PERTINEAT)
UTRUM AER, ITA FORTITER DILATATUS ET PER VIM DETENTUS, RETINEAT CALOREM SUUM
MULTO DIUTIUS QUAM SI OS VITRI APERTUM FUISSET.
HISTORIA
1. STELLAE TEMPORE HIEMALI, NOCTIBUS VALDE SERENIS ET GELIDIS, APPARENT
GRANDIORES QUAM NOCTIBUS AESTIVIS SERENIS: QUOD FIT PRAECIPUE EX UNIVERSALI
CONDENSATIONE AERIS, QUI TUM VERGIT MAGIS AD NATURAM AQUAE: NAM SUB AQUA OMNIA
APPARENT LONGE GRANDIORA.
2. RORES MATUTINI SUNT PORCULDUBIO VAPORES, QUI IN AEREM, PURUM NON ERANT
PLENE DISSIPATI ET VERSI, SED HAEREBANT IMPERFECTE MISTI, DONEC PER FRIGORA
NOCTIS, PRAESERTIM IN REGIONE MEDIA QUAM VOCANT AERIS, FUERINT REPERCUSSI, ET
IN AQUAM CONDENSATI.
3. CONDENSATIO PLUVIAE ET NIVIS ET GRANDINIS FIT SIMILITER PER FRIGUS MEDIAE
REGIONIS, QUOD VAPORES COAGULAT MAGIS (UT PLURIMUM) IN ALTO, QUAM RORES.
OCCURRUNT VERO DUBITATIONES DUAE, CIRCA QUAS DILIGENS FIERI DEBET INQUISITIO.
ALTERA, UTRUM GUTTAE IPSORUM CONGELENTUR ET CONDENSENTUR IN IPSO CASU; AN
FUERINT ILLAE PRIMO COLLECTAE ET CONGREGATAE IN MOLES MAJORES AQUARUM, IN AERE
(PROPTER DISTANTIAM A TERRA) PENSILES, QUAE POSTEA, PER VIOLENTIAM ALIQUAM
CONQUASSATAE, FRANGUNT SE ET COMMINUUNT IN GUTTAS; UT IN NONNULLIS CATARACTIS
INDIAE OCCIDENTALIS, QUAE TAM SUBITO ET CONFERTIM DESCENDUNT, UT VIDEANTUR
QUASI EX VASIBUS FUSAE ET DEJECTAE. ALTERA, UTRUM NON SOLUM VAPORES (QUI OLIM
FUERUNT HUMORES ET AQUAE, ET SOLUMMODO RESTITUUNTUR) SED ETIAM PARS MAGNA AERIS
PURI ET PERFECTI, PER FRIGUS (IN ILLIS REGIONIBUS VEHEMENS ET INTENSUM) NON
FUERIT COAGULATA, ET MUTATA PLANE, ET VERSA IN PLUVIAM, ET RELIQUA; DE QUO
PAULO POST INQUIREMUS.
4. IN DISTILLATIONIBUS, HUMORES PRIMO VERTUNTUR IN VAPORES; ILLI, PER
REMOTIONEM AB IGNE DESTITUTI, PER LATERA STILLATORII CONTRUSI, ET NONNUNQUAM
PER FRIGIDAM AB EXTRA INFUSAM ACCELERATI, RESTITUUNT SE IN AQUAS ET LIQUORES.
IMAGO PRORSUS FAMILIARIS RORUM ET PLUVIAE.
5. ARGENTUM VIVUM PRAECIPUE, NECNON METALLICA ALIA, CUM VOLATILIA FACTA
FUERINT, PROPERANT TAMEN AD SE RESTITUENDUM, ET OCCURSU ALICUJUS SOLIDI ET
MATERIATI MAGNOPERE GAUDENT. ITAQUE FACILE HAERENT, FACILE DECIDUNT; ADEO UT
QUANDOQUE SIT NECESSE VAPORES IPSORUM IGNE PERSEQUI, ET DE IGNE IN IGNEM
TRANSMITTERE, FACTIS TANQUAM SCALIS RECEPTACULORUM IGNIS, AD NONNULLAM
DISTANTIAM INTER SE, CIRCA VAS; NE VAPOR, POSTQUAM PER ASCENSIONEM PAULO FUERIT
REMOTIOR AB IGNE, CITIUS QUAM EXPEDIT SE RESTITUAT.
6. QUAE AB IGNE COLLIQUATA FUERINT, POST REMISSIONEM CALORIS DENSANTUR ET
CONSISTUNT UT PRIUS; UT METALLA, CERA, ADEPS, GUMMI, &C.
7. VELLUS LANEUM, SUPER TERRAM DIUTIUS JACENS, COLLIGIT PONDUS; QUOD FIERI
NON POSSET, NISI ALIQUID PNEUMATICUM DENSARETUR IN PONDEROSUM.
8. SOLEBANT ANTIQUITUS NAUTAE, VELLERIBUS LANAE, TANQUAM TAPETIBUS AUT
AULAEIS, VESTIRE LATERA NAVIUM NOCTU, ITA UT NON ATTINGERENT AQUAM; ATQUE INDE
MANE EXPRIMERE AQUAM DULCEM, AD USUM NAVIGANTIUM.
9 ETIAM EXPERTUS SUM DE INDUSTRIA, QUOD ALLIGANDO QUATUOR UNCIAS LANAE AD
FUNEM, QUI DEMITTEBATUR IN PUTEUM 28 ORGYARUM, ITA TAMEN UT AQUAM PER SEX
ORGYAS NON ATTINGERET, EX MORA UNIUS NOCTIS CREVISSET PONDUS LANAE AD QUINQUE
UNCIAS ET DRACHMAM UNAM; ET HAESISSENT PER EXTERIUS LANAE PLANE GUTTAE AQUAE,
UT EX IIS TANQUAM LAVARE AUT MADEFACERE MANUS QUIS POSSIT: IDQUE ITERUM ATQUE
ITERUM EXPERTUS SUM, VARIANTE QUANTITATE PONDERIS, SED SEMPER MULTUM AUCTA.
10. LAPIDES, UT MARMORA ET SILICES, ATQUE ETIAM TRABES LIGNEAE (PRAESERTIM
PICTAE ET OBLITAE OLEO), MANIFESTO MADEFIUNT SUB REGELATIONIBUS AUT
TEMPESTATIBUS AUSTRALIBUS; UT TANQUAM EXUDARE VIDEANTUR, ET GUTTAE INDE
DETERGI POSSINT.
11. IN GELU MADIDO (QUOD ANGLICE RYNES VOCANT) FIT IRRORATIO IN AEDIBUS
SUPER VITRA FENESTRARUM; IDQUE MAGIS INTERIUS VERSUS CUBICULUM, QUAM EXTERIUS
AD AEREM APERTUM.
12. ANHELITUS, QUI EST AER PRIMO ATTRACTUS AC DEINDE INTRA CAVUM PULMONUM
BREVI MORA PARUM HUMEFACTUS, SUPER SPECULA AUT CORPORA POLITA (QUALIA SUNT
GEMMAE, LAMINAE ENSIUM, ET SIMILIA) VERTITUR IN QUIDDAM ROSCIDUM, QUOD PAULO
POST INSTAR NUBECULAE DISSIPATUR.
13. LINTEA, ETIAM IN AEDIBUS (UNI IGNIS NON ACCENDITUR) COLLIGUNT
HUMIDITATEM, ITA UT FOCO APPROPINQUATA FUMENT.
14. PULVERES OMNES IN REPOSITORIIS CONCLUSI COLLIGUNT HUMIDITATEM, UT
HAEREANT ET QUASI GLEBEFIANT.
15. EXISTIMATUR ORIGO FONTIUM ET AQUARUM DULCIUM, QUAE EX TERRA SCATURIUNT,
FIERI EX AERE CONCLUSO IN CAVIS TERRAE (PRAESERTIM MONTIUM) COAGULATO ET
CONDENSATO.
16. NEBULAE SUNT CONDENSATIONES AERIS IMPERFECTAE, COMMISTAE EX LONGE MAJORE
PARTE AERIS ET PARUM AQUEI VAPORIS; ET FIUNT, HIEME QUIDEM, SUB MUTATIONE
TEMPESTATIS A GELU AD REGELATIONEM, AUT E CONTRA; AESTATE VERO ET VERE, EX
EXPANSIONE RORIS.
MANDATUM. 1. QUIA VERSIO AERIS IN AQUAM UTILISSIMA RES ESSET, IDCIRCO OMNES
INSTANTIAE QUAE AD HOC INNUUNT DILIGENTER PENSITANDAE: ATQUE INTER ALIA IN
CERTO PONENDUM, UTRUM EXUDATIONES MARMORUM, ET SIMILIUM, IN TEMPESTATIBUS
AUSTRALIBUS ET PLUVIOSIS SINT MERAE CONDENSATIONES AERIS A DURITIE ET LAEVORE
LAPIDUM REPERCUSSI, INSTAR ANHELITUS IN SPECULO; AN PARTICIPENT NONNIHIL EX
SUCCO ET PNEUMATICO INTRINSECO LAPIDIS.
2. PROBATIO FIERI POSSIT PER PANNUM LINEUM AUT LANAM SUPRA LAPIDEM POSITAM:
NAM SI TUNC QUOQUE EXUDAT LAPIS, PARTICIPAT EXUDATIO EX CAUSA INTERIORE.
COMMENTATIO.
QUOD IPSE AER VERTATUR IN AQUAM IN REGIONIBUS SUPERNIS, OMNINO NECESSARIO
CONCLUDITUR EX CONSERVATIONE RERUM. NAM CERTISSIMUM EST HUMORES MARIS ET TERRAE
VERTI IN AEREM PURUM, POSTQUAM VAPORUM NATURAM, TEMPORE ET CONSORTIO ET
RAREFACTIONE PLENARIA, PENITUS EXUERINT. ITAQUE SI NON ESSET RECIPROCATIO, UT
AER VICISSIM QUANDOQUE VERTERETUR IN AQUAM, QUEMADMODUM AQUA VERTITUR IN AEREM,
NON SUFFICERENT PLANE VAPORES, QUI REMANENT NOVELLI ET IMPERFECTE MISTI, AD
PLUVIAS ET IMBRES ET RE-INTEGRATIONES SPECIERUM; SED SECUTAE FORENT SICCITATES
INTOLERABILES, ET CONFLAGRATIO, ET VENTI IMPETUOSI, ET TUMORES AERIS, EX AERE
PERPETUO MULTIPLICATO.
17. IN CONGLACIATIONE AQUAE, MOLES CORPORIS INTEGRI NON DECRESCIT, SED
INTUMESCIT POTIUS. FIT TAMEN MANIFESTA DENSATIO IN PARTIBUS; ADEO UT
CONSPICIANTUR RIMAE ET DIVULSIONES INTRA CORPUS GLACIEI. ETIAM QUANDOQUE (SI
AER SUBINTRET) CERNUNTUR SENSIM CAPILLITIA ET FILA ET FLOSCULI. GLACIES AUTEM
INNATAT AQUAE; UT MANIFESTUM SIT, NON FIERI DENSATIONEM INTEGRALEM.
18. VINUM TARDIUS CONGELASCIT QUAM AQUA; SPIRITUS VINI NON OMNINO.
19. AQUAE FORTES ET ARGENTUM VIVUM (ARBITROR) NON GELASCUNT.
20. OLEUM ET ADEPS GELASCUNT ET DENSANTUR, SED NON AD INDURATIONEM.
21. GELU TERRAM FACIT CONCRESCERE, EAMQUE REDDIT SICCAM ET DURAM.
22. POETA AIT DE REGIONIBUS HYPERBOREIS:
23. ID QUOD FACIUNT TABULAE LIGNEAE, PRAESERTIM IN JUNCTURIS GLUTINATIS.
24. ETIAM CLAVI, PER CONTRACTIONEM FRIGORIS, DECIDUNT (UT REFERUNT) E
PARIETIBUS.
25. OSSA ANIMALIUM PER GELU DEVENIUNT MAGIS CRISPA; ADEO UT FRACTURA IPSORUM
PER HUJUSMODI TEMPORA ET FACILIUS FIAT, ET AEGRIUS CURETUR. DENIQUE OMNIA DURA
REDDUNTUR PER FRIGUS MAGIS FRAGILIA.
26. CONDENSANTUR MANIFESTO AQUAE AUT SUCCI IN LAPIDES SPLENDENTES SIVE
CRYSTALLINOS; UT VIDERE EST IN CAVERNIS SUBTERRANEIS INTRA RUPES; UBI
CERNUNTUR STILLAE MULTIFORMES (INSTAR STILLARUM CONGLACIATARUM) SED FIXAE
ET SAXEAE, PENSILES, QUAE IN IPSO DECASU (LENTO SCILICET ET TARDO) CONGELATAE
FUERUNT. UTRUM VERO MATERIA IPSARUM SIT PRORSUS AQUA, AN SUCCUS NATIVUS LAPIDIS
(SALTEM COMMISTUS) IN DUBIO EST; PRAESERTIM CUM GEMMAE ET CRYSTALLA IN RUPIBUS
APERTIS EXURGANT SAEPE ET EXCRESCANT (QUOD NON POTEST IMPUTARI AQUAE
ADHAERENTI) IN SURSUM, ET NON DECIDANT AUT PENDEANT.
27. LUTUM MANIFESTO CONDENSATUR IN LAPIDES; UT VIDERE EST IN ALIQUIBUS
LAPIDIBUS MAGNIS COMPOSITIS EX PARVIS-CALCULIS, QUI MATERIA LAPIDEA SATIS
POLITA, ET AEQUE DURA AC IPSI CALCULI, IN INTERSTITIIS CALCULORUM
CONGLUTINANTUR. SED VIDETUR HAEC CONDENSATIO FIERI NON SOLUM EX FRIGORE TERRAE,
SED PER ASSIMILATIONEM, DE QUA PAULO POST.
28. SUNT QUAEDAM AQUAE, QUAE LIGNUM, ETIAM PALEAS (UT AIUNT) ET HUJUSMODI,
CONDENSANT IN MATERIAM LAPIDEAM; ADEO UT PARS LIGNI ADHUC INTEGRI, QUAE FUERIT
SUB AQUA, SIT SAXEA; QUAE EMINEAT, MANEAT LIGNEA: QUOD ETIAM VIDI. DE EO
DILIGENTIUS INQUIRENDUM, CUM MULTUM LUCIS PRAEBERE POSSIT AD OPERATIVAM
CONDENSATIONIS.
MANDATUM. PROBABILE EST AQUAS METALLICAS, OB DENSITATEM QUAM CONTRAXERINT A
METALLIS, POSSE HABERE NATURAM INSAXANTEM. FIAT PROBATIO PER STIPULAM, FOLIA
CRASSIORA, LIGNUM, ET SIMILIA. SED ARBITROR DELIGENDAS ESSE AQUAS METALLICAS
QUAE FIUNT PER ABLUTIONEM AUT CREBRAM EXTINCTIONEM, POTIUS QUAM PER
DISSOLUTIONEM; NE FORTE AQUAE ILLAE FORTES ET CORROSIVAE IMPEDIANT
CONDENSATIONEM.
29. IN CHINA HABENT MINERAS PORCELLANAE ARTIFICIALES, DEFODIENDO (NONNULLAS
ORGYAS SUBTER TERRAM) MASSAM QUANDAM CAEMENTI AD HOC PRAEPARATI ET PROPRII;
QUAE POST QUADRAGINTA AUT CIRCITER ANNOS SEPULTA VERTITUR IN PORCELLANAM;
ITA UT TRANSMITTANT HOMINES HUJUSMODI MINERAS DE HAEREDE IN HAEREDEM.
30. ACCEPI REM FIDEI PROBATAE, DE OVO QUOD DIU JACUERAT IN FUNDO AQUAE,
QUAE CIRCUIBAT AEDES; QUOD INVENTUM VERSUM ERAT MANIFESTO IN LAPIDEM,
MANENTIBUS COLORIBUS ET DISTINCTIONIBUS VITELLI, ALBUMINIS, TESTAE; SED TESTA
ERAT FRACTA HIC ILLIC, ET SPLENDESCEBAT IN CRUSTULIS.
31. AUDIVI SAEPIUS DE VERSIONE ALBUMINIS OVI IN MATERIAM LAPIDEAM; SED NEC
VERITATEM REI NEC MODUM NOVI.
32. FLAMMA PROCULDUBIO, CUM EXTINGUITUR, VERTITUR IN ALIQUID; VIDELICET IN
POST-FUMUM; QUI ET IPSE VERTITUR IN FULIGINEM. DE FLAMMIS VERO SPIRITUS VINI,
ET HUJUSMODI AURARUM, DILIGENTIOR FACIENDA EST INQUISITIO, IN QUALE CORPUS
DENSENTUR, ET QUALIS SIT POST-AURA IPSARUM. NEQUE ENIM APPARET FULIGINOSUM
ALIQUOD, UT IN FLAMMIS EX OLEOSIS.
CONNEXIO.
ATQUE DE CONTRACTIONIBUS CORPORUM PER FRIGUS ACTUALE, SIVE HOC FIAT IN
AERE, SIVE IN AQUIS ET LIQUORIBUS, SIVE IN FLAMMA; AC RURSUS, SIVE ILLA SIT
CONTRACTIO SIMPLEX, SIVE RESTITUTIO, SIVE COAGULATIO ET VERSIO, HAEC INQUISITA
SINT. SEQUITUR ACTIO QUAE OPPONITUR DILATATIONI PER CALOREM POTENTIALEM,
SCILICET CONTRACTIO PER FRIGUS POTENTIALE.
[HISTORIA.]
CONTRACTIONES CORPORUM PER FRIGUS POTENTIALE.
1. QUEMADMODUM CONSULENDAE SUNT TABULAE MEDICINALES QUALITATUM SECUNDARUM
AD INQUISITIONEM DE CALORE POTENTIALI, SIMILITER CONSULENDAE SUNT AD
INQUISITIONEM DE FRIGORE POTENTIALI: IN QUIBUS EXCERPI DEBENT POTISSIMUM
ASTRICTIO, REPERCUSSIO, OPPILATIO, INSPISSATIO, STUPEFACTIO.
2. OPIUM, HYOSCYAMUS, CICUTA, SOLANUM, MANDRAGORA, ET HUJUSMODI NARCOTICA,
SPIRITUS ANIMALIUM MANIFESTO DENSANT, IN SE VERTUNT, SUFFOCANT, ET MOTU
PRIVANT. UTRUM VERO SUPER CORPORA MORTUA ALIQUID POSSINT, FIAT EXPERIMENTUM
MACERANDO CARNES IN SUCCIS IPSORUM (AD EXPERIMENTUM SI SUCCEDAT DENIGRATIO
ET GANGRAENA); VEL MACERANDO SEMINA ET NUCLEOS (AD EXPERIENDUM UTRUM
MORTIFICENT IPSA, UT NON CRESCANT); VEL LINENDO SUMMITATEM VITRI CALENDARIS
PER INTERIUS SUCCIS IPSORUM, (AD EXPERIENDUM UTRUM ALIQUALITER CONTRAHANT
AEREM).
3. APUD INDIAS OCCIDENTALES REPERIUNTUR, ETIAM PER DESERTA ARENOSA ET VALDE
ARIDA, CANNAE MAGNAE, QUAE SUPER SINGULAS JUNCTURAS, SIVE GENICULA, BONAM
COPIAM PRAEBENT AQUAE DULCIS, MAGNO COMMODO ITINERANTIUM.
4. REFERUNT ESSE IN QUADAM INSULA, AUT EX TERCERIS AUT EX CANARIIS, ARBOREM
QUAE PERPETUO STILLET; IMO QUAE NUBECULAM QUANDAM ROSCIDAM SEMPER HABEAT
IMPENDENTEM. DIGNA AUTEM RES COGNITU ESSET, UTRUM INVENIATUR IN VEGETABILI
ALIQUO POTENTIALE FRIGUS, QUOD DENSET AEREM IN AQUAM. ITAQUE DE HOC DILIGENTER
INQUIRATUR. SED MAGIS EXISTIMO, HAS ESSE CANNAS GENICULATAS, DE QUIBUS DIXIMUS.
5. INVENIUNTUR SUPER FOLIA NONNULLARUM ARBORUM (VELUTI QUERCUS) QUAE UNITA
SUNT, NEC HUMOREM SUGUNT AUT CONDUNT, PRAECIPUE MENSE MAII APUD NOS, RORES
DULCES, INSTAR MANNAE, ET QUASI MELLITI: UTRUM VERO SIT VIS ALIQUA IN FOLIIS
COAGULANS, AN TANTUM ILLA RORES COMMODE EXCIPIANT ET CUSTODIANT, NON CONSTAT.
6. VIX INVENITUR CORPUS, IN QUO EMINEAT TANTUM POTENTIALE FRIGUS QUANTUM IN
NITRO. NAM UT AROMATA, ET ALIA, (LICET AD TACTUM MINIME) TAMEN AD LINGUAM AUT
PALATUM HABENT CALOREM PERCEPTIBILEM; ITA ETIAM NITRUM AD LINGUAM VEL PALATUM
HABET FRIGUS PERCEPTIBILE, MAGIS QUAM SEMPERVIVUM, AUT ALIQUA HERBA EX
MAXIME FRIGIDIS. ITAQUE VIDETUR SUBJECTUM ACCOMMODUM AD EXPERIENDUM VIRTUTEM
POTENTIALIS FRIGIDI IN NITRO. POTERIT AUTEM ESSE MANDATUM TALE:
MANDATUM. ACCIPE MINUTAM VESICAM EX PELLICULA, QUANTUM FIERI POTEST, TENUI.
INFLA ET LIGA; ET MERGE EAM INTRA NITRUM PER ALIQUOS DIES, ET EXIME; ET NOTA,
SI VESICA ALIQUALITER FLACCESCAT: QUOD SI FACIT, SCIAS FRIGUS NITRI AEREM
CONTRAXISSE. FIAT IDEM EXPERIMENTUM MERGENDO VESICAM INTRA ARGENTUM VIVUM. SED
DEBET SUSPENDI VESICA PER FILUM, UT MERGI POSSIT, ET MINUS OPPRIMI.
7. ACCIPE UNGUENTUM ROSARUM, AUT HUJUSMODI; INFUNDE ACETI NONNIHIL: TANTUM
ABEST UT LIQUOR ACETI REDDAT UNGUENTUM MAGIS LIQUIDUM, UT CONTRA ILLUD REDDAT
MAGIS INDURATUM ET SOLIDUM.
CONNEXIO.
ACTIONI DILATATIONIS PER AMPLEXUM OPPONITUR [ACTIO] CONTRACTIONIS PER
FUGAM ET ANTIPERISTASIN. QUEMADMODUM ENIM CORPORA VERSUS GRATA ET AMICA SE
LAXANT UNDIQUAQUE, ATQUE EUNT IN OCCURSUM; ITA CUM INCIDUNT IN ODIOSA ET
INIMICA, FUGIUNT UNDIQUAQUE, ET SE CONTRUDUNT ET CONSTRINGUNT.
***F
***F